• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
12 Apr 2017

एमपीसी न्यूज - नारळाला आपण कल्पवृक्ष म्हणून संबोधतो. कारण त्याचे गुणच तसे आहेत. त्याचा कोणताही भाग फुकट जात नाही.  किनारपट्टीवरील लोकांच्या जेवणात देखील या नारळाचा मुबलक वापर असतो. मात्र प्रत्येक ठिकाणी नारळ वापरण्याची पद्धत वेगळी असते. फक्त भारतातच नाही जगभरात समुद्रकिनारपट्टीच्या आजूबाजूच्या लोकांच्या जेवणात नारळाचा समावेश असतो. आणि याच नारळाचा विविध प्रकारे वापर करुन तयार करण्यात आलेल्या शाकाहारी, मांसाहारी अशा विविध लज्जतदार पदार्थांनी सजला आहे, हॉटेल रागाचा टेन्डर कोकोनट फेस्टिव्हल.

 

फक्त नारळाचा वापर करुन तयार करण्यात आलेल्या पदार्थांचा हा भारतातील पहिलाच फेस्टिव्हल आहे. येथे नारळाचा वापर करुन तयार करण्यात आलेल्या थाय, बंगाली, मोगलाई आणि महाराष्ट्रीन स्वादाच्या विविध डिशेस आपल्याला चाखायला मिळणार आहेत. तसेच या सर्व डिशमध्ये फक्त नारळाच्या पाण्याचाच वापर केला आहे. कोठेही साधे पाणी वापरलेले नसून फक्त आणि फक्त नारियल पाण्याचा वापर करुन या डिशची लज्जत वाढवली आहे, असे हॉटेल रागाचे राहुल गावडे यांनी सांगितले. हा फेस्टिव्हल सुरु झाला असून तो ३० एप्रिलपर्यंत सुरु राहणार आहे. 

 

नेहमीप्रमाणे आपल्याला जेवणाची सुरुवात सूपने करायची असेल तर त्यासाठी खास मश्रूम, चिकन आणि कोळंबीचा वापर करुन तयार केलेले टेन्डर कोकोनट सूप आहे. तसेच शाकाहारी लोकांसाठी चिली लेमन कोकोनट सूप आहे. आणि मांसाहारी लोकांसाठी खास कच्चे नारियल का शोरबा ही मोगलाई पद्धतीची डिश आहे. शाकाहारी स्टार्टर्स मध्ये शहाळ्याच्या मलईच्या मुलायमपणाने सजलेली खास मखमाली पनीर ही डिश आहे. तसेच नारियल आणि काजू सुखा ही डिश आहे. मांसाहारी स्टार्टर्समध्ये चिकन लपेटा ही नावापासूनच वेगळेपणा सांगणारी नारळाच्या मलईत लपेटून असलेली लाजबाब डिश आहे. तसेच हरे नारियल का चिकन, नारियल तवा सुरमई, कोकोनट क्रॅब आणि दाब चाल चिंगरी ही खास बंगाली डिश आहे. यामध्ये कोळंबी, पापलेट आणि सुरमई बंगाली पद्धतीने नारळाच्या दुधात बनवलेली आपल्या समोर येते.

 

यानंतर शाकाहारी मुख्य जेवणात हरे नारियल की सब्जी, मलाई पनीर ही नावातच सगळं सांगून जाणारी हटके डिश आणि कोकोनट कोफ्ता मसाला आपण मागवू शकता. आणि मांसाहारी मुख्य जेवणात दाब तंगडी मसाला, तिखा मलाई मुर्गा आणि दाब चिंगरी आपल्यासाठी खास बनवण्यात आली आहे. मोईली म्हणजे बंगाली पद्धतीची मोहरीच्या वाटणाची ग्रेव्हीपासून बनवलेल्या डिश ही या टेन्डर कोकोनट फेस्टिव्हलची खासियत आहे असे आपण म्हणू शकतो. या ग्रेव्हीचा वापर करुन येथे पापलेट, सुरमई आणि कोळंबीची डिश तयार करण्यात आली आहे. तसेच नारळी खिमा हा खास मटनप्रेमींसाठीचा पदार्थ देखील येथे आहे. अर्थात तुम्ही म्हणाल की हे पदार्थ कशाच्या सोबत खायचे तर त्यासाठी खस्ता रोटी आणि नारळी पराठा आपली क्षुधा तृप्त करण्यासाठी आहेच. या सर्वांच्या सोबत कोकोनट पंच आणि कोकोनट ऑरेंज कॅपिरोस्का या पेयांचा देखील तुम्ही मध्ये मध्ये आस्वाद घेऊ शकता.

 

मात्र हे सगळं खाऊन झाल्यानंतर कुछ मीठा हो जाय असं वाटत असेल तर त्यासाठी नारळापासूनच तयार करण्यात आलेले गोड पदार्थदेखील येथे आहेतच. टॉब टिम ग्रॉब ही थाय डिश म्हणजे या सगळ्या पदार्थांवर चार चांद. खास थायलंडमधून मागवण्यात आलेले फणसाचे गरे, शिंगाडा आणि नारळाचे घट्ट दूध यापासून बनवण्यात आलेली ही डिश येथे येऊन खाऊन बघायलाच हवी अशी आहे. आणि फक्त एवढेच नाही तर आणखी एक सिक्रेट डिश तुमच्यासाठी येथे आहे, ती म्हणजे टेन्डर कोकोनट स्पेशल डेझर्ट. मँगो, बटरस्कॉच, व्हॅनिला या स्वादाची ही डिश म्हणजे नक्की काय हे अनुभवण्यासाठी तुम्हाला हॉटेल रागाला भेट द्यायलाच हवी, असे शेफ विशाल यादव यांनी आवर्जून सांगितले.

 

चला तर मग वाट कसली बघताय सुट्ट्या झाल्यामुळे बच्चे कंपनी मोकळीच आहे. त्यामुळे लवकरात लवकर हॉटेल रागामध्ये जाऊन टेन्डर कोकोनट फेस्टिव्हलचा आस्वाद घेऊया.

26 Feb 2017

एमपीसी न्यूज - एकाहून अधिक सरस पदार्थांचा आनंद पिंपरीतील सिट्रस हॉटेलमध्ये फूड फेस्टिव्हलच्या माध्यमांतून पिंपरीकरांनी लूटला. 14 ते 26 फेब्रुवारी पर्यंत हे फूड फेस्टिव्हल आयोजित करण्यात आले होते. खवय्यांचे शहर म्हणून पिंपरी-चिंचवडची ओळख निर्माण झाली आहे. अशा खाद्यप्रेमींसाठी भरविण्यात आलेलेल फूड फेस्टिव्हल एक पर्वणीच ठरली.


सलग 13 दिवसांपासून सुरु असलेल्या फूड फेस्टिव्हलमध्ये राजस्थानचे शेफ पुष्पंदर यांनी वैविध्यपूर्ण डिशेसची मेजवानी लोकांना दिली, या फूड फेस्टिव्हलमध्ये विविध प्रकारच्या पदार्थांचा समावेश होता. घरातील इतर पदार्थांमध्ये दाल पकवानला प्रथम पसंती आहे. याच सिंधी संस्कृतीलच एक मानाचे पान म्हणजे दाल पकवान टिपिकल सिंधी डिश आहे. तेलात तळलेले मैद्याचे कुरकुरीत पकवान, थोडीशी तिखटस नमकीन डाळ आणि तोंडी लावायला आंबट गोड हिरवी चटणी. सिंधी रोटी, सुखा पटोटा, सिंधी बेसन करी आदी सिंध पदार्थाबरोबर पाश्चिमात्य पदार्थांचाही समावेश यात करण्यात आला होता. त्यास खवैय्यांनी पसंती दिली.


हे सगळे झाले की डेझर्ट, आइस्क्रीम, शीरकुर्मा, मिर्च का हलवा, सायभाजी, सिंधी पदार्थ, चॉकलेट कुल्फी, गुलाबजामून विथ कुल्फी, कुल्फी विथ गाजर हलवा, केशर पिस्ता कुल्फीही मिळेल. यानंतर मसाला पानाचा आस्वाद घेतला.


सर्व पदार्थांची किंमत सर्वसामान्यांच्या आवाक्यातील असल्यामुळे लोकांचा भरघोस प्रतिसाद मिळाला. यासर्व खाद्य पदार्थांमध्ये ..यांना सर्वाधिक मागणी दिसून आली. सिंध पटोटा या सामोशाची चवच वेगळी. त्यात जिरं, शहाजिरं यांचं मिश्रण करून समोशाचा मसाला तयार केला जातो. त्यासाठीचा बटाटाही अगदी खास चवीचा. त्या दोघांच्या मिश्रणाने खास वनस्पती तुपात तळला गेलेला हा समोसा. त्यामुळे या सा-यांची एक न्यारी चव आपल्यासमोर येते. मैद्याचं कुरकुरीत आवरण व आत ही खास सिंधी चवीची बटाटयाची भाजी.


या फूड फेस्टिव्हलमध्ये सिंधी बेसन करी, सिंधी रोटी हे नाविन्य बघायला मिळाले. सिंधी बेसन करी
थोड्या पाण्यात चिंच भिजत घालावी. 1 लिटर पाणी उकळायला ठेवावे. त्यात चिंचेचा कोळ घालावा. भाज्यांचे तुकडे ह्या पाण्यात शिजवून घ्यावेत. 2 टेबलस्पून डाळीचे पीठ 1 ग्लास पाण्यात घालून सारखे करावे. एका पातेल्यात तेल तापत ठेवावे. नंतर त्यात मोहरी, जिरे व मेथी घालून फोडणी करावी. त्यावर उरलेले डाळीचे पीठ घालून लालसर होईपर्यंत परतावे. नंतर त्यात वरील भाज्यांचे गरम पाणी, हळद, वाटलेल्या मिरच्या, कढीलिंब, तिखट, मीठ, कोथिंबीर घालावी. उकळी आली की गार पाण्यात कालवलेले पीठ ओतावे. आमसुले व भाज्यांचे तुकडे घालावे. करी गरमच वाढावी.


सिंधी रोटीमध्ये कांदे, टोमॅटो, मिरच्या व कोथिंबीर बारीक चिरावी. पिठात मीठ, 2 मोठे चमचे तूप व चिरलेली भाजी घालून, थोडे पाणी वापरून मीठ घट्ट भिजवावे. अर्धा तास झाकून ठेवावे. याचे चार किंवा पाच गोळे करावे. जाडसर तळहाताएवढी रोटी लाटून तव्यावर तूप सोडून खरपूस भाजावी. डब्यात नेण्यास, प्रवासात किंवा न्याहारीस देण्यासाठी सोपा प्रकार आहे. बरोबर लोणचे व दही असावे.


सिंधी कोकीत  
एका भांड्यात कणीक घेऊन त्यात मीठ, अनारदाना पावडर, लाल तिखट, जीरे, हिरव्या मिरच्या, चिरलेली कोथींबीर, चिरलेली कांद्याची पात व तेल घालून सगळे एकत्र करा. लागेल तसे पाणी घालून कणीक भिजवून घ्या व 5-10 मिनिटे तिंबवून ठेवा. कणकेचे सारखे 7-8 गोळे करुन घ्या. सुक्या पिठात कणकेचा गोळा घोळवून हलक्या हाताने कोकी जाडसर लाटा. नॉन-स्टीक तवा तापवून कोकी एक मिनिटासाठी दोन्ही बाजूने हलकी भाजून घ्या. कोकी तव्यावरून उतरवून त्याचा पुन्हा गोळा करा.


गोळ्याला पुन्हा हलक्या हाताने लाटा व मंद आचेवर तव्यावर टाकून भाजा. वरुन थोडे तेल लावून एक बाजू चांगली खरपुस भाजा. उलटवून दुसरी बाजू ही तेल लावून भाजून घ्या. गरमा-गरम कोकी तुम्ही पुदिन्याची चटणी, टोमॅटो सॉस व पापडासोबत सर्व्ह करा.

Open Chat
1
Close chat
Hello! Thanks for visiting us. Please press Start button to chat with our support :)

Start