• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
20 Jun 2017

सवलत रद्द करण्याचा प्रस्ताव विधीसमितीने केला दफतरी दाखल

एमपीसी न्यूज - शहरातील निवासी मिळकतींना गेल्या 47 वर्षांपासून मिळकतकरात दिली जाणारी 40 टक्के सवलत कमी करण्याचा प्रस्ताव महापालिका प्रशासनाने विधी समिती समोर मंजुरीसाठी ठेवण्यात आला होता तो दफतरी दाखल केला आहे, 47 वर्षपासून मिळणारी सवलत तशीच सुरु राहणार आहे.

महापालिकेच्या हद्दीतील निवासी व मालक जागेचा वापर स्वत: राहण्यासाठी करीत असलेल्या मिळकतींना वाजवी भाड्यामध्ये 40 टक्के सवलत दिली जात आहे. त्याचबरोबर देखभाल दुरुस्तीसाठी 15 टक्यांची सवलत दिली जाते. प्रामुख्याने 1970 मध्ये महापालिकेच्या मुख्यसभेत यासंबधीचा ठराव मंजुर झाला होता, त्यास शासनाची मंजुरी मिळाल्यापासून आजपर्यंत ही सवलत मिळकतीच्या बिलात प्रशासनाकडून दिली जात आहे. मात्र या सवलतीबाबत केंद्राच्या लेखा परिक्षण विभागाकडून आक्षेप घेण्यात आला आहे.

प्रामुख्याने देखभाल दुरुस्तीसाठी महापालिका कायद्यान्वये 10 टक्के सवलत देण्याची तरतुद आहे, मात्र पालिका प्रशासनाकडून 15 टक्के सवलत दिली जात आहे. त्यामुळे पालिकेला कोट्यावधी रुपयांच्या उत्पन्नाची नुकसान होत असल्याचे लेखा परिक्षणात स्पष्ट करण्यात आले आहे. त्याचबरोबर वाजवी भाड्यामध्ये देण्यात येत असलेल्या 40 टक्के  सवलतीमुळे पालिकेचे आर्थिक नुकसान होत आहे. त्यामुळे ही सवलत रद्द केल्यास व देखभाल दुरुस्तीची सवलत 15 टक्यांऐवजी 10 टक्के इतकी केल्यास पालिकेच्या मिळकतकरात मोठी भर पडेल असे प्रशासनाकडून ठेवण्यात आलेल्या प्रस्ताव म्हटले होते. मात्र या प्रस्तावाला मान्यता मिळाली असता त्याचा थेट परिणाम 5 लाख मिळकतीत होणार असल्यामुळे हे प्रस्ताव कोणतीही चर्चा करता रद्द करण्याचा निर्णय विधी समितीने घेतला आहे. त्यामुळे पुणेकरांना काहीसा दिलासा मिळणार आहे.
20 Jun 2017

ह.भ.प, मंगला फुके यांनी माऊली पुरस्कार प्रदान

एमपीसी न्यूज - विचार, विवेक, वैराग्य आणि वैभव या चार गोष्टींचा संगम म्हणजे वारी. रथी महारथी होण्यापेक्षा सारथी होऊन तत्वज्ञान सांगता येते हे भगवान श्रीकृष्णाने दाखवून दिले. वारकरी संप्रदाय देखील सारथी होण्याचे काम करतो. त्यामुळे आजच्या युगात समाजाला योग्य दिशा दाखविणारा वारकरी संप्रदाय आपल्यासाठी सारथीचीच भूमिका निभावत आहे, असे प्रतिपादन माजी आमदार उल्हास पवार यांनी केले.

अनुबंध सेवा प्रतिष्ठान ट्रस्ट आणि अभिषेक साप्ते स्मृती फाऊंडेशनतर्फे शंकरराव साप्ते यांच्या स्मरणार्थ माऊली पुरस्कार सोहळ्याचे आयोजन करण्यात आले होते. ह. भ. प. मंगला फुके यांना माऊली पुरस्कार प्रदान करण्यात आला. यावेळी माजी उपमहापौर दीपक मानकर, अशोक कोकाटे, चंद्रकांत सणस, माजी नगरसेवक दत्ता सागरे, अशोक जाधव, दिपक साप्ते, पंडितराव रोकडे उपस्थित होते. सन्मानचिन्ह, शाल, श्रीफळ, पुष्पगुच्छ असे पुरस्कारचे स्वरुप होते.

दीपक मानकर म्हणाले,  वारीमधून आचार-विचारांची शिकवण मिळते. वारी करणे म्हणजे परमेश्वराची सेवा आहे. परमेश्वराची सेवा करताना ऊन, वारा, पाऊस, तहान, भूक लागत नाही. त्यामुळे वारीमध्ये एक वेगळ्या प्रकारचे वातावरण तयार झालेले असते. यामध्ये सामील झालेल्या वारक-यांमध्ये भगवंत स्वत: ऊर्जा निर्माण करून देतो.

अशोक जाधव म्हणाले, वारकरी संप्रदायामध्ये अखंडित वारी आणि मनोभावे विठ्ठलाची सेवा करणाºया वारकºयाचा सन्मान संस्थेतर्फे करण्यात येतो. ह.भ.प. मंगला फुके या अतिशय समर्थपणे ५०० लोकांची दिंडी चालवत आहे. अनेक वर्षे वारकरी संप्रदायाची परंपरा त्या पार पाडत आहेत, त्यामुळे त्यांचा सन्मान करण्यात आला आहे. दिपक काळे यांनी सूत्रसंचालन केले. अथर्व जाधव यांनी आभार मानले.
20 Jun 2017

दिंडीच्या माध्यमातून स्वछतेचा संदेश

एमपीसी : स्वछ भारत अभियान अंतर्गत राज्य शासनाच्या वतीने  स्वच्छता दिंडी आणि ग्रामसभा दिंडीची सुरवात करण्यात अली असून या दिंडीचा शुभारंभ राज्याचे  पाणी पुरवठा आणि स्वच्छता मंत्री बबनराव लोणीकर यांच्या हस्ते करण्यात आला.

संत ज्ञानेश्‍वर महाराज आणि संत तुकाराम महाराज यांच्या पालखी सोहळयात राज्याच्या कानाकोपयातून भाविक सहभागी झाला आहेत. या वारीच्या माध्यमातून जनगागृती करण्याच्या दृष्टिकोनातून राज्य सरकारने स्वच्छता दिंडी आणि ग्रामसभा दिंडीची सुरवात केली आहे. या दिंडीच्या माध्यमातून वारकर्यांना तसेच वारीच्या वाटेतील गावातील गावकर्यांना स्वचतेचा संदेश देण्यात येणार आहे. या दिंडीचा शुभारंभ बबनराव लोणकर यांच्या हस्ते करण्यात आला यावेळी विभागीय आयुक्त चंद्रकांत दळवी,खासदार अनिल शिरोळे,अतिरिक्त जिल्हाधिकारी रमेश काळे आणि वारकरी भाविक या प्रसंगी उपस्थित होते.

यानंतर आयोजित पत्रकार पत्रकार परिषदे मध्ये लोणीकर म्हणाले राज्य सरकारच्या माध्यमातून स्वच्छता आणि नागरिकांच्या आरोग्याच्या दृष्टीने शौचालय बांधण्यात येत आहे.महाराष्ट्र राज्य हे मार्च 2018 अखेर हगणदारी मुक्त होणार आहे. मात्र अजून काही घरामध्ये शौचालय बांधण्याबाबत नागरिकांमध्ये मानसिकता बदलण्याची गरज असल्याचे त्यांनी सांगितले. राज्यात मार्च 2018 अखेर 11 जिल्हे,150 तालुके आणि 16 हजार 706 ग्रामपंचायती हगणदारी मुक्त झालेल्या आहेत.तर 2018 मार्च अखेर 23 जिल्हे मुक्त होतील असा विश्वास त्यांनी व्यक्त केला.तसेच  इतक्या प्रयत्नानं नंतर ,अजून ही काही घरामध्ये शौचालय नाही.अशी खंत त्यांनी व्यक्त केली. त्याचबरोबर हे लक्षात घेता प्राशासना मार्फत  अजून मोठ्या प्रमाणात प्रबोधन करणार असल्याचे सांगितले.
20 Jun 2017


एमपीसी न्यूज- पुण्यातील दोन दिवसांचा  मुक्कामक आटपून पुंडलिक वरदा हरी विठ्ठल, श्री ज्ञानदेव तुकाराम' हा जयघोषत विठ्ठल भक्तांची वारी पंढरपूरच्या दिशेने निघाली आहे. गेले दोन दिवस अभंग आणि भजनांच्या गजराने संपूर्ण पुणे नगरी भक्तीरसात न्हाऊन निघाली होती.

संत तुकाराम महाराज आणि संत ज्ञानेश्वर महाराजांच्या पालख्यांनी काल पुण्यात मुक्काम केल्यानंतर आज या पालख्या पंढरीच्या दिशेने ६ वाजता मार्गस्थ झाली   तुकाराम महाराजांची पालखीच पुढील मुक्काम लोणी काळभोर श्री विठ्ठल मंदिर येथे तर ज्ञानेश्वरांची पालखी सासवड येथे मुक्काम करणार आहे.

काल ज्ञानेश्वर-तुकाराम महाराजांच्या पालख्यांनी पुण्यात मुक्काम केल्याने पुण्यात उत्साहाचे वातावरण होते. पुणेकरांनी पालख्यांचे दर्शन घेतले. काल पुण्यात पाऊस नसल्याने अनेक नागरिकांनी पालख्या पाहण्यासाठी गर्दी केली. ज्ञानोबा-तुकारामांच्या जयघोषाने काल पुणे अगदी वारीमय होऊन गेले होते.

राज्यातून अनेक वारकरी या पालखी सोहळ्यात सहभागी होतात. वारकऱ्यांच्या चेहऱ्यावर उत्साह, आनंद दिसत होता. 'ग्यानबा तुकाराम', 'जय हरी विठ्ठल' च्या जयघोषात असंख्य भाविक उत्साहाने वारीत सहभागी झाले आहेत. आषाढी वारीचा आनंद पुणेकरांनी अनुभवला.

20 Jun 2017

दोन्ही पालख्यांसोबत सुसज्ज रुग्णवाहिका, डॉक्टर्स आणि टँकरची विनामूल्य सुविधा

एमपीसी न्यूज - संतश्रेष्ठ ज्ञानेश्वर महाराज आणि जगद्गुरु तुकाराम महाराजांच्या पालखी सोहळ्यासोबत वारक-यांच्या सेवेकरीता चार सुसज्ज रुग्णवाहिका आणि तीन टँकर पुण्यातून रवाना झाले. जय गणेश रुग्णसेवा अभियानांतर्गत या उपक्रमाची सुरुवात झाली असून यंदा ट्रस्टच्या 125 व्या वर्षानिमित्त मोठया प्रमाणात डॉक्टर्स, औषधे व आरोग्यविषयक सेवा पालखी सोहळा समारोपापर्यंत विनामूल्य पुरविण्यात येणार आहे.

श्रीमंत दगडूशेठ हलवाई गणपती ट्रस्ट, सुवर्णयुग तरुण मंडळातर्फे गणपती मंदिरासमोर रुग्णवाहिकेचे पूजन करुन या उपक्रमाचा शुभारंभ झाला. यावेळी ट्रस्टचे उपाध्यक्ष डॉ.बाळासाहेब परांजपे, उपाध्यक्ष सुनील रासने, बाळासाहेब सातपुते, ज्ञानेश्वर रासने, विश्वास पलुसकर, विजय चव्हाण, बाळासाहेब रायकर यांसह पदाधिकारी उपस्थित होते. उपक्रमाचे यंदा 31 वे वर्ष आहे. रुग्णसेवेकरीता रुग्णवाहिकेसोबत डॉ.स्वाती टिकेकर, डॉ.सुरेश जैन, डॉ.बबन राऊत, डॉ.प्रविण भोई, डॉ.शांताराम पोतदार, डॉ.दिलीप सातव, डॉ.पीयुष पुरोहित यांची टिम पुण्यातून रवाना झाली आहे.

सुनील रासने म्हणाले, सासवड मार्गे जाणा-या संत ज्ञानेश्वर महाराजांच्या पालखीसोहळ्यासोबत आणि लोणीमार्गे जाणा-या संत तुकाराम महाराजांच्या पालखीसोहळ्यासोबत या रुग्णवाहिका व टँकर असणार आहेत. कित्येक किलोमीटरचा पायी प्रवास करणा-या वारक-यांच्या आरोग्याची काळजी घेत, आवश्यक आरोग्यविषयक सेवा त्वरीत मिळाव्यात, याकरीता या उपक्रमाचे आयोजन दरवर्षी केले जाते.
20 Jun 2017

2 कोटी 21 लाखांचा खर्च

एमपीसी न्यूज - पिंपरी-चिंचवड महापालिकेच्या माध्यमिक शाळांमधील विद्यार्थ्यांना महापालिकेतर्फे शालेय गणवेश देण्यात येणार आहे. एक गणवेश 1, 332 रुपयांचा असून गणवेशासाठी 2 कोटी 21 लाख रुपये खर्चाची तयारी महापालिकेने केली आहे.

महापालिका शिक्षण मंडळांतर्गत 136 प्राथमिक शाळा, तर माध्यमिक शिक्षण विभागांतर्गत 18 माध्यमिक शाळा आहेत. शिक्षण मंडळांतर्गत बालवाडी, प्राथमिक शाळा आणि पहिली ते सातवीच्या वर्गातील विद्यार्थी येतात. तर, माध्यमिक शाळांमध्ये आठवी ते दहावीचे विद्यार्थी येतात. या सर्व विद्यार्थ्यांना महापालिकेतर्फे शालेय गणवेशाचे वाटप करण्यात येते.

सन 2017- 18 या चालू शैक्षणिक वर्षामध्ये माध्यमिक शाळेतील विद्यार्थ्यांना महापालिकेतर्फे गणवेश देण्यात येणार आहे. महापालिकेच्या अठरा माध्यमिक विद्यालयांमध्ये आठवी ते दहावीच्या वर्गामध्ये 8302 विद्यार्थी शिकत आहेत. ही विद्यार्थी संख्या एप्रिल 2017 नुसार अंदाजित आहे. त्यांना देण्यात येणा-या प्रति विद्यार्थी दोन गणवेशासाठी ई - निविदा मागविण्यात आली होती.

त्यावर प्राप्त झालेल्या एकूण निविदापैकी वाकड येथील मेसर्स महालक्ष्मी ड्रेसेस अ‍ॅन्ड टेलरींग फर्मची निविदा सर्वात कमी दराची होती. या फर्मतर्फे प्रत्येक गणवेशासाठी 1332 रुपये याप्रमाणे दर आकारणी करण्यात आली आहे. त्यामुळे महापालिकेतर्फे 'महालक्ष्मी' फर्मशीच करारनामा करण्यात आला आहे. 8302 विद्यार्थ्यांना प्रत्येकी दोन गणवेश देण्यात येणार असून यावर 2 कोटी 21 लाख 6 हजार 174 रुपयांचा खर्च होणार आहे.

20 Jun 2017

दहा हजार झाडांसाठी 61 लाख रुपये खर्च

एमपीसी न्यूज - पिंपरी -चिंचवड महापालिका यंदाच्या पावसाळ्यात सुमारे दहा हजार नवीन झाडांची लागवड करणार आहे. या झाडांची देखभाल आणि संरक्षण राज्य वनविकास महामंडळातर्फे केले जाणार आहे.

पिंपरी-चिंचवड महापालिका हद्दीतील तळवडे - चिखली येथील गायरान, च-होली येथील वाघेश्वर मंदिर परिसर आणि पिंपरी येथील मिलिटरी डेअरी फार्म या ठिकाणी सुमारे दहा हजार नवीन झाडांची लागवड करण्यात येणार आहे. राज्य सरकारच्या नगरविकास विभागातर्फे सन 2015 च्या मान्सुनपासून नागरी भागात हरीत शहर योजना राबविण्यासाठी आवश्यक कार्यवाही व उपाययोजना करण्याबाबत कळविण्यात आले आहे. राज्य वनविकास महामंडळ ही शासन अंगीकृत संस्था आहे. त्यामुळे 'हरित शहर योजना' कार्यान्वित करण्यासाठी वृक्ष लागवड, त्यांचे संरक्षण आणि देखभाल करण्याचे काम या महामंडळाकडून करून घेण्यात येणार आहे. 

वृक्ष लागवडीनंतर या महामंडळाकडून तीन वर्षांच्या कालावधीमध्ये या वृक्षांचे देखभाल व संरक्षण करण्यात येणार आहे. त्यासाठी प्रति रोप 610 रुपये दर निश्चित करण्यात आला आहे. त्याप्रमाणे राज्य वनविकास महामंडळाला देण्यात येणा-या 61 लाख रुपये खर्चावर महापालिका स्थायी समिती सभेत शिक्कामोर्तब करण्यात येणार आहे.

20 Jun 2017

एमपीसी न्यूज - पिंपरी-चिंचवड महापालिकेच्या लेखा विभागाची सुरक्षा अखेर पालिका प्रशासानाने हटविली आहे. याबाबत सर्वप्रथम एमपीसी न्यूजने पालिकेचा लेखा विभाग 35 वर्षाच्या इतिहासात चक्क सुरक्षा रक्षकांच्या गराड्यात कामकाज करत असल्याचे वृत्त दिले होते. त्यानंतर सोमवारपासून लेखी विभागाची सुरक्षा हटविण्यात आली आहे.

महापालिका मुख्यालयाच्या तळमजल्यावर लेखा विभाग कार्यरत आहे. लेखा विभागाच्या प्रवेशद्वारासमोर गेल्या काही दिवसांपासून तीन ते चार सुरक्षा रक्षक तैनात ठेवले जात होते. नागरिकांना ओळख विचारुनच कार्यालयात सोडले जात होते. तर, ठेकेदारांना आतमध्ये सोडलेच जात नव्हते.

पालिकेच्या 35 वर्षाच्या इतिहासात प्रथमच एखादा विभागा सुरक्षा रक्षकाच्या बंदोबस्तात कामकाज करत, असल्याचे वृत्त एमपीसी न्यूजने दिले होते. त्यानंतर सोमवार (दि.19) पासून लेखा विभागाची सुरक्षा काढण्यात आली आहे.

19 Jun 2017


एमपीसी  न्यूज - पुणे महापालिकेच्या 24x7 पाणी पुरवठा योजनेसाठी २ हजार 264 कोंटीचे कर्जरोखे पुढील पाच वर्षात  उभारण्यात येणार आहेत. यातील पहिल्या टप्यातील 200 कोटीचे कर्जरोखे स्वरुपातील पैसे महापालिकेच्या तिजोरीत उद्या जमा होणार आहे. इतक्या मोठ्या प्रमाणात कर्ज रोखे उभरणारी पुणे महापालिका ही देशातील पहिली महापालिका ठरली आहे.  याबाबत केंद्रीय नगरविकास मंत्री वैंकय्या नायडू यांनी ट्विट करून महापालिकेचे अभिनंदन केले आहे. 22 जूनला नायडू यांच्या उपस्थितीत या कर्ज रोख्याची नोंदणी मुंबई शेअर बाजारात करण्यात येणार आहे.

पुणे महापालिकेच्या महत्वाकांक्षी 24 तास पाणी पुरवठा योजनेसाठी राज्य आणि केंद्र सरकारने निधी देण्यासाठी असमर्थता दर्शवल्यामुळे या प्रकल्पासाठी 2 हजार 264 कोटींचे कर्जरोखे उभारण्याचा प्रस्ताव महापालिकेने मंजूर केला असून कर्ज रोखे उभारण्याची प्रक्रिया करण्यात येत आहे. पुढील पाच वर्षात हे कर्ज रोखे उभारण्यात येणार आहे. पहिल्या टप्यातील 200 कोटीच्या कर्ज रोखे उभारण्याची प्रक्रिया महापालिकेने सुरू केली आहे.

महापालिकेला कर्ज रोखे तयार करण्यासाठी 21 कंपन्यांनी तयारी दर्शवली होती. त्यातील 2 कंपन्यांची निवड करण्यात आली असून प्रत्येकी 100 कोटी प्रमाणे उद्या महापालिकेच्या तिजोरीत 200 कोटी जमा होणार आहेत. यामुळे 24 तास पाणी पुरवठा योजनेला चालना मिळणार आहे. 22 जूनला मुख्यमंत्री देवेंद्र फडणवीस, केंद्रीय नगरसिकास मंत्री वैंकय्या नायडू, पालकमंत्री गिरीश बापट, महापौर मुक्त टिळक यांच्या उपस्थितीत या कर्ज रोख्याची मुंबई शेअर बाजारात नोंदणी करण्यात येणार आहे. 2007 नंतर अशा प्रकारे मोठ्या प्रमाणात कर्ज रोखे उभरणारी पुणे महापालिका ही पहिली महापालिका ठरली असून याबद्दल केंद्रीय मंत्री वैंकय्या नायडू यांनी अभिनंदन केले आहे. 

याबाबत अधिक माहिती देताना आयुक्त कुणाल कुमार म्हणाले की, पुणेकरांच्या दृष्टीने महत्त्वाकांक्षी असलेल्या 24 तास समान पाणीपुरवठ्यासाठी 2 हजार 264 कोटींचे कर्जरोखे उभारण्याचा निर्णय नुकताच पुणे महापालिकेने घेतला आहे. या निर्णयाला राज्य सरकारने हिरवा कंदील दाखविला आहे. महापालिकेच्या वतीने सोमवारी 200 कोटींचे कर्जरोखे मुंबई शेअर बाजारात आणण्यात आले. ऑनलाईन बोलीमध्ये या कर्जरोख्यांना गुंतवणूकदारांचा भरघोस प्रतिसाद मिळाला. प्रमुख बँका, विमा कंपन्या, पेन्शन फंड संस्था अशा 21 जणांनी या कर्जरोख्यांसाठी बोली लावत सहा पट ज्यादा गुंतवणुकीची तयारी दर्शविली. त्यापैकी 7.59 टक्के असा सर्वाधिक कमी व्याजदर आकारणार्‍या वित्तीय संस्थेने हे कर्जरोखे घेतल्याचे महापालिका आयुक्त कुणाल कुमार यांनी सांगितले.

महापालिकेच्या कर्जरोख्यांना गुंतवणूकदारांचा भरघोस प्रतिसाद मिळाला आहे. केंद्र व राज्य शासनाच्या प्रयत्नांमुळेच पुणेकरांना शुद्ध पाणी देण्यास मदत होणार आहे. यावेळी त्यांनी सर्व लोकप्रतिनिधी आणि वित्तीय विभागाच्या अधिकार्‍यांचे आभारही मानले.

19 Jun 2017


एमपीसी न्यूज - पिंपरी-चिंचवड महापालिकेचे महापौर नितीन काळजे यांची सरकारी मोटार आज (सोमवारी) बंद पडली. त्यामुळे महापौर साहेब पालिकेत येऊ शकले नाहीत. तसेच अनेक वेळा सांगूनही मोटार व्यवस्थित दुरुस्त केली जात नसल्याबाबत महापौर काळजे यांनी नाराजी व्यक्त केली.

महापौर नितीन काळजे यांना सरकारी मोटार देण्यात आली आहे. सोमवारी दिघी येथील रामचंद्र गायकवाड महाविद्यालयाच्या वर्धापन दिनाच्या कार्यक्रमाला महापौर मोटार घेऊन गेले होते. कार्यक्रम संपून येत असताना रस्त्यामध्ये अचानक महापौरांची मोटार बंद पडली. आपल्या मोटारीची वारंवार दुरुस्ती करण्यात आली आहे. मोटार सारखीच नादुरुस्त होत आहे. याबाबत संबंधित विभागाला अनेकवेळा सांगूनही मोटार व्यवस्थित दुरुस्त केली जात नाही, अशीही खंत त्यांनी व्यक्त केली. 

मोटार बंद पडल्यामुळे आपल्याला पालिका कार्यालयात येता आले नाही. शहरातील अनेक नागरिक कामासाठी आपल्याकडे कार्यलयात आले होते. पंरतु, मोटार नादुरुस्त झाल्याने आपण कार्यालयात येऊ शकलो नसल्याचे, महापौर काळजे यांनी प्रसिद्धीस दिलेल्या पत्रकात म्हटले आहे.

दरम्यान, च-होली भागात उंच रस्ता असल्यामुळे पालिकेची मोटार रस्त्यांना लागत असल्याची, तक्रार महापौर काळजे यांनी यापूर्वी केली होती. त्यामुळे महापौरांना नवी मोटार हवी असल्याची, चर्चा पालिका वर्तुळात सुरू आहे.

Page 8 of 183
Open Chat
1
Close chat
Hello! Thanks for visiting us. Please press Start button to chat with our support :)

Start