• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
19 Jun 2017


एमपीसी न्यूज - राष्ट्रपतीपदासाठी भाजप प्रणित एनडीएकडून रामनाथ कोविंद यांना उमेदवारी देण्यात आली आहे, अशी घोषणा भाजपाध्यक्ष अमित शहा यांनी आज (सोमवारी) केली. रामनाथ कोविंद सध्या बिहारचे राज्यपाल आहेत. 23 जूनला ते उमेदवारी अर्ज भरणार आहेत.

विद्यमान राष्ट्रपती प्रणव मुखर्जी यांची कारकिर्द 24 जुलै रोजी संपणार आहे. त्यामुळे नव्या राष्ट्रपतींनी 25 जुलै रोजी पदभार स्वीकारणे अपेक्षित आहे. राष्ट्रपतीपदासाठी 17 जुलै रोजी मतदान आणि 20 जुलै रोजी मतमोजणी होणार आहे. निवडणुकीचा कार्यक्रम जाहीर होताच एनडीए आणि यूपीएकडून उमेदवार कोण असतील यावर चर्चा सुरू होती.

शिवसेनेला नाव कळवले असून नाव कळवल्यानंतर शिवसेना भूमिका जाहीर करणार असल्याचे, शहा यांनी स्पष्ट केले. दलित समाजातून येणारे रामनाथ कोविंद यांनी मागासवर्गीयांसाठी नेहमीच संघर्ष केला असल्याचे शहा यांनी सांगितले. पंतप्रधान नरेंद्र मोदी यांनी सोनिया गांधी आणि मनमोहन सिंग यांच्याशी चर्चा केली आहे. सोनिया गांधी चर्चा करून अंतिम निर्णय कळवतील, असे शहा यांनी म्हटले आहे.

कोण आहेत रामनाथ कोविंद

>> 1 ऑक्टोबर 1945 ला उत्तरप्रदेश, कानपूरमधील छोट्या गावात दलित कुटुंबात जन्म

>> भाजपमधील विविध पदांवर काम. पेशाने वकील.

>> 1998 ते 2002 या काळात भाजप दलित मोर्चाचे अध्यक्षपद सांभाळले.

>> अखिल भारतीय कोळी समाजाचेही अध्यक्षपदही भूषविले आहे.

>> भाजपचे राष्ट्रीय प्रवक्ते म्हणूनही जबाबदारी सांभाळली.

>> 1994 ते 2000 आणि 2000 ते 2006 अशी 12 वर्ष राज्यसभेचे सदस्य

>> 8 ऑगस्ट 2015 रोजी राष्ट्रपतींनी बिहारचे राज्यपाल म्हणून त्यांची नियुक्ती केली होती.

19 Jun 2017

 

प्राधिकरण नागरी सुरक्षा कृती समितीची वारक-यांना मोलाची मदत

एमपीसी न्यूज- पालखीच्या गर्दीत शहर परिसरात वाट चुकलेल्या सुमारे 32 वारक-यांना वाट दाखवणे किंवा त्यांच्या दिंडीमध्ये त्यांना परत आणून सोडण्याचे काम प्राधिकरण कृती समितीतर्फे करण्यात आले. त्यांच्या उपक्रमामुळे वारक-यांनाही मोलाची मदत झाली.

वाट चुकलेल्या 32 वारकऱ्यांना प्राधिकरण नागरी सुरक्षा कृती समितीच्या कुलदीप डांगे, संजय प्रधान, बळीराम शेवते, विजय जगताप, शिवाजी अडसूळ, मयुरेश महाजन, नाना कुंबरे, प्रदीप पिलाने, मंगेश घाग, राम सर्वे, राजकुमार कांबीकर, संदीप सकपाळ, साक्षी कदम, मौसमी घाळी, विद्या शिंदे, दादा आढाव, रमेश शिंदे, तुकाराम दहे, रवी भावके, प्रशांत रणसिंग, शब्बीर जामदार, अमोल कानु, अमित डांगे, बाबासाहेब घाळी, अमृत महाजनी, प्रज्वल ख्याडगी, जयप्रकाश शिंदे, जयेंद्र मकवाना, अर्चना घाळी, शीतल धामापुरकर, प्रवीण इथापे पाटील, अभिजीत जोशी, विजय मुनोत, आशिष गांधी आणि समिती अध्यक्ष विजय पाटील यांनी त्यांच्या दिंडीत पुन्हा पोहोचविले.

प्राधिकरण नागरी सुरक्षा कृती समितीच्या 120 पोलीस मित्र स्वयंसेवकांनी देहू ते आकुर्डी जगद्गुरू संत तुकाराम महाराज पालखी सुरक्षा बंदोबस्त केला. तसेच वारकऱ्यांना मदत दिली. देहू मुख्य मंदिर-देऊळ वाडा- इनामदार वाडा - अनगडबाबा शहादर्गा दरम्यान होमगार्ड, पोलीस व स्वयंसेवक पोलीस मित्र यांच्या समवेत सुरक्षा साखळी करून मुख्य पालखीचे संरक्षण केले. त्याचप्रमाणे वैद्यकीय सेवा केंद्रापर्यंत वारकऱ्यांना पोहोचविणे. शौचालय व स्वच्छतेबाबत प्रबोधन, शुद्ध पेयजल देणे, नदीघाटाची माहिती देणे, दर्शनबारीची माहिती भाविकांना देणे अशा पद्धतीची कामे समिती पोलीस मित्र स्वयंसेवकांनी केली.

त्यांच्या या कामाचे पुणे ग्रामीण पोलीस अधीक्षक सुवेझ हक, पोलीस उपायुक्त गणेश शिंदे (परीमंडळ 3), अतिरिक्त पोलीस अधीक्षक संदीप पखाले, सहा. पोलीस आयुक्त (वाहतूक) राजेंद्र भामरे, देहूरोड उपविभागीय अधिकारी गणपत माडगुळकर यांनी विशेष कौतुक केले. तर या उपक्रमास वरिष्ठ पोलीस निरीक्षक विजयकुमार पळसुले, पोलीस निरीक्षक शंकर औताडे, दुर्योधन पवार, अरुण मोरे, पोलीस उपनिरीक्षक सविता भागवत यांनी स्वयंसेवकांना मार्गदर्शन केले.

19 Jun 2017
एमपीसी न्यूज - पिंपरी-चिंचवड महापालिकेच्या वतीने आषाढीवारीतील वारक-यांना देण्यात येणा-या ताडपत्री खरेदीत तब्बल साडेसहा लाख रुपयांचा घोटाळा झाल्याचा आरोप, विरोधकांनी केला आहे. दरम्यान, वारक-यांसोबत महापौर नितीन काळजे यांनी 18 एप्रिल रोजी भेटवस्तू देण्याबाबत बैठक घेतली होती. त्यानंतर 36 दिवस अधिकारी काय करत होते?, तसेच पदाधिका-यांनाही याचा विसर पडला होता. 26 मे रोजी ताडपत्री खरेदीची पहिली निविदा काढली. यामुळे ताडपत्री घोटाळा नेमका अधिका-यांना भोवणार की पदाधिका-यांना भोवणार याची जोरदार चर्चा सध्पा  पालिका वर्तुळात सुरु आहे.  
 
पिंपरी-चिंचवड महापालिकेच्या वतीने आषाढीवारीतील वारक-यांना दरवर्षी भेटवस्तू देण्यात येते. गेल्यावर्षी विठ्ठल-रुक्मिणीची मुर्ती देण्यात आली होती. त्यावेळी विरोधात असलेल्या आताच्या सत्ताधा-यांनी मुर्ती खरेदीत भ्रष्टाचार झाल्याचा 'कांगावा' करत तत्कालीन सताधा-यांवर आरोपांची राळ उठविली होती. सर्वसाधारण सभेत आणि बाहेर आंदोलन केले. तसेच भाजपने  हा भावनिक मुद्दा निवडणुकीत प्रचाराचा मुद्दा केला होता. त्याचा राष्ट्रवादीला निवडणुकीत फटका बसला. 
 
पिंपरी पालिकेत महापालिकेत सत्तांतर झाले आणि भाजपची सत्ता आली. वारक-यांना कोणती भेट वस्तू द्यायाची याबाबत चर्चा करण्यासाठी18 एप्रिल 2017 रोजी पालिकेत बैठक घेतली होती. यामध्ये वारक-यांना ताडपत्री देण्याचा निर्णय झाला. त्यानंतर 36 दिवस अधिका-यांनी वेळकाढूपणाची भुमिका घेतली. तसेच पदाधिका-यांनाही ताडपत्री खरेदीचा विसर पडला होता. 26 मे 2017 रोजी ताडपत्री खरेदीची निविदा ठेकेदाराला डोळ्यासमोर ठेऊन काढण्यात आली. त्यामुळे ताडपत्री खरेदीची निविदा प्रक्रिया पुर्ण झाली नाही. यामुळे थेट पद्धतीने ताडपत्री खरेदी करण्यात आली. त्यामुळे ताडपत्री घोटाळा प्रकरण अधिकारी कि पदाधिका-यांना भोवणार याची चर्चा सुरु आहे. 
 
यावर्षीच्या आषाढी वारीत दिंड्यांना सप्रेम भेट देण्यासाठी या साडेसहाशे ताडपत्री खरेदी करण्यात आल्या आहेत. मात्र, त्यात आर्थिक गैरव्यवहार झाल्याचा विरोधकांचा आरोप आहे. बाजारभावापेक्षा एक हजार रुपये अधिक प्रत्येक ताडपत्रीमागे देण्यात आल्याने साडेसहा लाख रुपयांचा हा घोटाळा झाल्याचे त्यांचे म्हणणे आहे. गेल्यावर्षी हे प्रकरण राष्ट्रवादीवर शेकले होते. यावेळी मात्र हे प्रकरण प्रशासनावर शेकण्याची शक्यता आहे. स्थायी समितीसमोर हा विषय मंजुरीसाठी न येता पालिका आयुक्तांच्या अधिकारात ही थेट खरेदी करण्यात आल्याने आयुक्त श्रावण हर्डीकर यांना विरोधकांनी लक्ष्य केले आहे. भांडारप्रमुख तथा सहाय्यक आयुक्त प्रवीण अष्टीकर यांच्यावर शेकण्याची शक्यता आहे. दरम्यान, सत्ताधारी भाजपचे पदाधिकारी प्रशासनाला पाठिशी घालत असल्याचे दिसून येत आहे. 
19 Jun 2017

पालिका व प्राधिकरणाच्या चुकीचा नागरिकांना त्रास कशासाठी?

नागरिक, प्राधिकरण आणि पालिकेमध्ये संघर्षाची ठिणगी

एमपीसी न्यूज - वाल्हेकरवाडी येथील उच्चक्षमता द्रुतगती मार्ग (एचसीएमटीआर) रस्त्यावरील अनधिकृत बांधकामे पाडण्यास 'घरे वाचवा संघर्ष समितीने' ठाम विरोध केला आहे. प्राधिकरण आणि पिंपरी पालिकेच्या चुकीचा सर्वसामान्य नागरिकांना त्रास कशासाठी? असा प्रश्न समितीने उपस्थित केला आहे. यामुळे पालिका, प्राधिकरण आणि नागरिकांमध्ये संघर्ष होण्याची चिन्हे निर्माण झाली आहेत.

महापालिका आणि प्राधिकरणाच्या मंजूर विकास आराखड्यानुसार 30 मीटर रुंद एचसीएमटीआरचा 65 टक्के जागेचा ताबा असून उर्वरीत जागा ताब्यात घेण्याबाबत पालिका व प्राधिकरणामार्फत कारवाई करण्यात येणार आहे. वाल्हेकरवाडी ते रहाटणीपर्यंतच्या प्राधिकरणाच्या नियोजन क्षेत्रातील एचसीएमटीआर रस्त्याच्या आरक्षित जागेवरील अनधिकृत बांधकामवर कारवाई करण्यात येणार आहे. या कारवाईला घरे वाचवा संघर्ष समितीने तीव्र विरोध केला आहे.

याबाबत संघर्ष समितीची नुकतीच एक बैठक देखील झाली आहे. या बैठकीला नगरसेवक नामदेव ढाके, सचिन चिंचवडे, सामाजिक कार्यकर्ते शेखर चिंचवडे, राजेंद्र चिंचवडे, रघुनाथ वाघ आदी उपस्थित होते. 

याबाबत बोलताना संघर्ष समितीचे समन्वयक आबा राजपुत आणि मोतीलाल पाटील म्हणाले की, आर्थिक दुर्बल घटकांतील लोकांना घरे देण्यासाठी ग्रामस्थांनी सन 1960 -70 साली प्राधिकरण आणि पालिकेला जागा दिली होती. या जागेवर आरक्षण टाकताना पिंपरी-चिंचवड नवनगर प्राधिकरण आणि पालिकेने कायद्याने ग्रामसभा बोलवून रहिवाश्यांचे मत जाणून घेणे गरजेचे होते. त्यानंतरच आरक्षण टाकणे गरजेचे होते. पंरतु, चुकीच्या पद्धतीने आरक्षण टाकण्यात आले आहे.

पालिका आणि प्राधिकरणाच्या या चुकीमुळे वाल्हेकरवाडी, चिंचवडेनगर, बिजलीनगर आणि बळवंतनगर येथील 850 पेक्षा जास्त घरे पाडली जाणार आहेत. घरे पाडण्यास चिंचवड ग्रामस्थ आणि रहिवाशांच्या तीव्र विरोध आहे. तसेच यासाठी संघर्ष करण्याची आमची तयारी आहे.

'एचसीएमटीआर' रस्त्यावरील आरक्षण राज्य सरकारच्या अखत्यारित येते. त्यामुळे यामध्ये बदल होऊ शकतात. प्राधिकरण आणि पालिकेने नागरिकांची मते जाणून घ्यावीत. चर्चेतून तोडगा काढावा, असेही ते म्हणाले.

19 Jun 2017

वर्षभरात पूर्ण करण्याचा निर्धार, पीएमआरडीएचे क्षेत्रफळ 7356.51चौरस कि.मी

एमपीसी न्यूज - गेली अनेक वर्षे रखडलेल्या पुणे महानगर प्रादेशिक विकास प्राधिकरण (पीएमआरडीए) च्या विकास आराखड्याच्या निर्माण प्रक्रियेला सुरुवात झाली असून आगामी वर्षभरात तो पूर्ण करणार असल्याची माहिती पालकमंत्री गिरीश बापट यांनी दिली. 

पीएमआरडीएचे एकूण क्षेत्रफळ 7356.51 चौरस कि.मी आहे. यामध्ये पुणे, पिंपरी-चिंचवड या दोन महानगरपालिका, लोणावळा, तळेगाव दाभाडे, आळंदी, राजगुरूनगर, चाकण, शिरूर आणि सासवड या सात नगरपरिषदा, पुणे शहर मावळ, मुळशी, हवेली हे संपुर्ण तालुके आणि खेड, शिरूर, पुरंदर, दौंड, वेल्हे, भोर याभागातील क्षेत्राचा यामध्ये समावेश आहे. 

पीएमआरडीएने जाहीर केलेल्या विकास आराखड्यामध्ये त्या त्या क्षेत्रातील सिमारेषा जाहीर केल्या जातील. त्यानंतर त्यासंबंधी नागरिकांच्या काही हरकती असतील तर त्यासाठी दोन महिन्यांचा कालावधी असेल. या कालावधी हरकती आल्या तर त्यासुध्दा दोन महिन्याच्या आत निकाली काढल्या जातील असे बापट यांनी सांगितले. पीएमआरडीएत समाविष्ट असलेले क्षेत्र दर्शवणारा नकाशा प्राधिकरण कार्यालयात कामकाजांच्या दिवशी कार्यालयीन वेळेत नागरिकांना पाहण्यासाठी ठेवण्यात आला आहे.

जमीन वापर नकाशासाठी उच्च तंत्रज्ञानाचा वापर

पीएमआरडीएच्या विकास योजना तयार करण्यासाठी जमीन वापर नकाशा (Existing Land Use Map) तयार करण्याच्या प्राथमिक तयारीला सुरुवात झाली असून 31 जुलैपर्यंत हा नकाशा पूर्ण होईल. यासाठी उच्च तंत्रज्ञानचा वापर करण्यात आला असून यामध्ये 10 से.मी.रिझोल्युशनपर्यंत अचुकता असलेले हवाई चित्रण करण्यात आले आहे. यासाठी प्राधिकरणाने उच्च तंत्रज्ञानाचा वापर केला असल्यामुळे वर्षभरात पीएमआरडीएच्या विकास आराखडा पूर्ण करण्याचा निर्धार केला आहे.

19 Jun 2017

एमपीसी न्यूज - पिंपरी-चिंचवड महापालिकेची सार्वत्रिक निवडणूक झाल्याने पूर्वीची वृक्ष प्राधिकरण समिती संपुष्टात आली आहे. त्यामुळे नव्याने समितीची स्थापना करण्यात येणार आहे. या समितीवर 13 नगरसेवकांना संधी मिळू शकते. समितीच्या सदस्यांच्या निवडणुकीला मंजूरी देण्यासाठी हा विषय 20 जूनच्या सर्वसाधारण सभेसमोर ठेवण्यात आला आहे.

पाच वर्षासाठी स्थापना करण्यात येणा-या या समितीचे महापालिका आयुक्त हे पदसिद्ध अध्यक्ष असणार आहेत. अतिरिक्त आयुक्त कार्याध्यक्ष तर मुख्य उद्यान अधिक्षक हे वृक्ष अधिकारी असणार आहेत. तर नगरसेवकांमधून 13 जणांची निवड होणार आहे. पक्षाच्या संख्याबळानूसार नगरसेवक निवडले जाणार आहेत.

फेब्रुवारी 2017 मध्ये पिंपरी-चिंचवड महापालिकेची सार्वत्रिक निवडणूक झाली. त्यामुळे पुर्वीची वृक्ष प्राधिकरण समिती संपुष्टात आली. महाराष्ट्र (नागरी श्रेत्र) झाडांचे संरक्षण व जतन अधिनियमानुसार वृक्ष प्राधिकरणाची स्थापना करणे आवश्यक आहे.

हा अधिनियम अंमलात आणल्यानंतर शक्य तितक्या लवकर महापालिकेत निवडून आलेल्या नगरसेवकांमधून कमीत कमी पाच व जास्तीत जास्त 15 सदस्यांचे मिळून बनवलेले वृक्ष प्राधिकरण समितीची स्थापना करणे गरजेचे आहे.

या समितीवर निवड झालेल्या एका नगरसेवकाची वृक्ष प्राधिकरण समितीच्या सभापतीपदी निवड केली जाणार आहे. वृक्ष अधिकारी आणि वृक्ष प्राधिकरण समितीच्या सदस्यांच्या निवडणुकीला मंजूरी देण्यासाठी हा विषय सर्वसाधारण सभेसमोर ठेवण्यात आला आहे.

19 Jun 2017

बोधचिन्ह स्पर्धेत देबाज्योती दास प्रथम

एमपीसी न्यूज - पिंपरी - चिंचवड स्मार्ट सिटीला आता 'बोधचिन्ह' मिळाले आहे. महापालिकेतर्फे घेण्यात आलेल्या बोधचिन्ह स्पर्धेत देबाज्योती दास यांनी प्रथम क्रमांक पटकाविला आहे. 

नवी मुंबई महापालिकेने स्मार्ट सिटी अभियानातून आपला सहभाग काढून घेतल्यामुळे तिस-या टप्प्यात पिंपरी - चिंचवड महापालिकेचा समावेश झाला आहे. त्यानुसार विशेष उद्देश वहन (स्पेशल पर्पज व्हेईकल अर्थात (एसपीव्ही) स्थापन करण्याची कार्यवाही सुरू झाली आहे. स्मार्ट सिटी योजनेत समावेश झालेल्या सर्व शहरांनी त्यांच्या एसपीव्हीसाठी वैशिष्ट्यपूर्ण बोधचिन्ह तयार करून अभियानाची वेगळी व आकर्षक ओळख करण्याचा प्रयत्न केला आहे. 

पिंपरी-चिंचवड स्मार्ट सिटी लिमिटेड कंपनीनेही बोधचिन्ह तयार करण्यासाठी पुढाकार घेतला. या कामी महापालिकेतर्फे 23 फेब्रुवारी ते 15 मार्च 2017 या कालावधीत बोधचिन्ह स्पर्धा घेण्यात आली. त्यामध्ये विद्यार्थी, चित्रकार, जाहिरात एजन्सी सहभागी झाल्या. बोधचिन्हात कोणताही फोटो, आयकॉन, सिंबॉल, इमेज याचा वापर न करता 4 बाय 4 चौरस इंचामध्ये ते सादर करावयाचे होते. जास्तीत-जास्त शंभर शब्दांद्वारे तयार करण्यात आलेला हा लोगो स्बुदन् वेबसाईटवरच सादर करावयाचा होता. 

या स्पर्धेला उत्स्फुर्त प्रतिसाद मिळाला. 108 प्रवेशिका सादर झाल्या. स्पर्धेचे परिक्षण तत्कालीन आयुक्त दिनेश वाघमारे यांच्या अध्यक्षतेखालील अधिका-यांच्या समितीने केले. त्यात मुख्य लेखापरिक्षक पद्मश्री तळदेकर, सहशहर अभियंता प्रविण तुपे, सहायक आयुक्त डॉ. महेशकुमार डोईफोडे आणि मुख्य माहिती व तंत्रज्ञान अधिकारी निळकंठ पोमण यांचा सदस्य म्हणून समावेश होता. 

या समितीने सर्व प्रवेशिकांचे परिक्षण करून तीन बोधचिन्ह निवडली आहेत. स्पर्धेतील विजेत्या प्रथम तीन क्रमांकाना अनुक्रमे पंचवीस हजार, वीस हजार आणि पंधरा हजार रुपयांचे रोख बक्षिसे देण्यात येणार आहेत. या स्पर्धेत देबाज्योती दास यांनी प्रथम क्रमांक, केतन कृष्णकांत तुळसुळकर यांनी द्वितीय तर अनिकेत सुवर्णा यांनी तृतीय क्रमांक मिळविला आहे.

19 Jun 2017

विरोधकांना ड्रेसकोड अमान्य; महापालिकेला खर्चात टाकणार नसल्याची भूमिका

हाच का भाजपचा 'पारदर्शक' कारभार; विरोधकांचा सवाल

एमपीसी न्यूज - पिंपरी-चिंचवड महापालिकेतील सत्तारुढ भाजपने आता सर्वच नगरसेवकांना गणवेश देण्याचा निर्णय घेतला आहे. परंतु, हा निर्णय किती नगरसेवकांना रुचतो हे पाहणे औत्सुक्याचे ठरेल. दरम्यान, विरोधकांनी या निर्णयावरुन सत्ताधारी भाजपवर कडाडून टीका केली आहे.

महाराष्ट्रात 26 महापालिका आहेत. यापैकी कुठल्याच महापालिकेत नगरसेवकांना ड्रेसकोड नाही. परंतु, पिंपरी महापालिकेने नगरसेवकांना ड्रेसकोड देण्याचा निर्णय घेतल्याने सर्वांच्याच भुवया उंचावल्या आहेत. बहुसदस्यीय प्रभाग पद्धतीतून निवडून आलेले बहुतांश नगरसेवक सदन कुटुंबातील आहेत. लखपती, करोडपती अशी त्यांची ख्याती आहे. दररोज किमती भरझरी उंची वस्त्रे परिधान करणा-या नगरसेवकांना ड्रेसकोड 'परवडेल' काय? असा प्रश्न उपस्थित केला जात आहे. या ड्रेसकोडची रंग संगती, पुरुष नगरसेवक, महिला नगरसेविकांसाठी कुठला निकष असणार आहे, हा पेच कायम आहे. 

महिला अधिका-यांनाही 'पोशाख' देण्याचा आणि क्लास वन अधिका-यांना ब्लेझर देऊन त्यावर 'नेमप्लेट' लावण्याचाही निर्णय स्थायी समितीने घेतला आहे. दरम्यान, असा निर्णय झाला नसल्याचा दावा स्थायी समितीच्या अध्यक्षा सीमा सावळे यांनी तीन दिवसांपूर्वी पत्रकारांशी बोलताना केला होता. त्यावेळी स्थायी समितीमध्ये ठराव क्रमांक 469 झाल्याचे त्यांना दाखविताच त्या 'अवाक' झाल्या होत्या.

याबाबत बोलताना विरोधी पक्षनेते योगेश बहल म्हणाले की, महापालिकेला आम्ही खर्चात टाकणार नाहीत. ड्रेसकोड आम्हाला मान्य नाही. पालिका काय शाळा, महाविद्यालय आहे काय?. अधिकारी, कर्मचारी गणवेश परिधान करत नाहीत. भाजपच्या नगरसेवकांनी गणवेश घालावा. त्यांच्या गणवेशाचे पैसे आम्ही देऊ. गणवेश घातल्याने माणसांची प्रवृत्ती बदलत नाही. भाजपने अगोदर आपली प्रवृत्ती बदलावी. लोकशाही मार्गाने कामकाज करावे. तीन ते चार नगरसेवकच महापालिका चालवत आहेत. त्यामुळे भाजपच्या नगरसेवकांना गणवेश घालून शाळेत पाठविणे गरजेचे असल्याचा, टोलाही बहल यांनी लगावला.

शिवसेनेचे शहरप्रमुख व पालिकेतील गटनेते राहुल कलाटे म्हणाले, शिवसेनेचा याला विरोध आहे. आम्ही गणवेश स्वीकारणार नाहीत. नगरसेवकांकडे काही कपडे नाहीत का? असा प्रश्न त्यांनी उपस्थित केला. तसेच दादागिरी करुन भाजप सर्वांना गणवेश परिधान करायला लावेल. करदात्या नागरिकांचा पैशांचा अपव्यय करण्याचा हा प्रकार आहे असेही ते म्हणाले. 

माजी महापौर व ज्येष्ठ नगरसेविका मंगला कदम म्हणाल्या, भाजपने त्यांच्या नगरसेवकांसाठी गणवेश घ्यावा. राष्ट्रवादीचे नगरसेवक गणवेश स्वीकारणार नाहीत. कोणी काही घालायचे हा ज्याचा त्याचा वैयक्तिक प्रश्न आहे. 

मनसेचे गटनेते सचिन चिखले म्हणाले, आम्ही काय परिधान करावे हे सांगण्याचा भाजपला कोणी अधिकार दिला. भाजपने त्यांचे निर्णय आमच्यावर लादू नयेत. विरोधकांचे मत जाणून न घेता पालिकेचा तब्बल 4 हजार 805 कोटी रुपयांचा अर्थसंकल्प चर्चेविना मंजूर केला जातो आणि नगरसेवकांसाठी 'ड्रेसकोड'चा निर्णय घेता, हे कशाचे धोतक आहे. हा निर्णय अत्यंत चुकीचा असून मनसेचा याला विरोध आहे. 

राष्ट्रवादीचे ज्येष्ठ नगरसेवक दत्ता साने म्हणाले, पिंपरी-चिंचवड महापालिका विकणे आहे? असा ठराव आणला तर चालेल का ? नगरसेवकांसाठी ड्रेसकोड घालणे हा कुठे नियम आहे का? सत्ताधारी भाजपने मस्करी सुरु केली आहे. त्यांना सभागृह चालविता येत नाही. 4 हजार 805 कोटी रुपयांचा अर्थसंकल्प चर्चेविना मंजूर केला जातो. भाजपच्या पदाधिका-यांना सभाशास्त्र माहित नसेल तर ड्रेसकोड लांबच राहिले आहे. भाजपच्या नगरसेवकांना कोण ओळखत नाही. त्यामुळे त्यांची ओळख निर्माण करण्यासाठी हा निर्णय घेतला आहे. भाजपने 'मी नगरसेवक' आहे असा लिहिलेला बेल्ट आपल्या नगरसेवकांच्या कपाळावर लावावा. ड्रेसकोड सारखे मस्करीचे विषय हाती घेऊन चर्चेत राहण्यापेक्षा लोकहिताची कामे करण्याचे आपल्या नगरसेवकांना शिकवावे, असा सल्लाही त्यांनी भाजपला दिला आहे. 

शिवसेनेच्या शहर संघटिका व माजी नगरसेविका सुलभा उबाळे म्हणाल्या, नगरसेवकांना 'ड्रेसकोड' करणे म्हणजे अतिशोयक्ती असून टक्केवारीसाठी हा एक मार्ग शोधला आहे. भाजपचा हाच का तो पारदर्शक कारभार? नगरसेवक काही पालिकेचे कर्मचारी नाहीत. भाजपने प्रतिष्ठेसाठी काहीही करु नये. जिथे शिस्त लावायची आहे, तिथे जरुर लावावी. पालिकेत येणा-या करदात्या नागरिकांनाही ड्रेसकोड करणार आहात का? असा प्रश्नही त्यांनी उपस्थित केला. तसेच कर्मचा-यांच्या गणवेशासाठी कोट्यावधी रुपये खर्च केले गेले असून कर्मचाऱ्यांना अगोदर गणवेश परिधान करायला लावावे असेही, उबाळे म्हणाल्या. 

काँग्रेसचे शहराध्यक्ष सचिन साठे म्हणाले, गणवेश बदलला म्हणजे प्रतिमा बदलत नाही. नगरसेवकांपेक्षा अनाथ, गरजुंना कपडे द्यावीत. गणवेशापेक्षा भाजपने आचारणात बदल करण्याचा, सल्लाही साठे यांनी दिला आहे.

सामाजिक कार्यकर्ते मारुती भापकर म्हणाले, भाजपने स्वच्छ, पारदर्शक आणि भ्रष्टाचारमुक्त कारभार करुन दाखवावा. शहरात मोठ-मोठे प्रकल्प राबवावेत. नगरसेवकांना 'ड्रेसकोड'ची काही गरज नाही.

18 Jun 2017

गुडलक चौकात गेल्या 3-4 वर्षांपासून नेहमीच घडतो हा प्रकार; चोपदारांची माहिती

एमपीसी न्यूज - विठुरायाच्या जयघोषात ज्ञानोबा-तुकोबांच्या पालख्यांच्या आगमनानंतर पालख्या क्रमाने मुक्कामी स्थळावर मार्गस्त होताना, शिस्तबद्ध जाणा-या ज्ञानोबांच्या पालखीला गुडलक चौकात मध्येच थांबवावे लागले. यामुळे मोठा गोंधळ निर्माण होऊन ज्ञानोबांच्या पालखीला मार्गस्थ होण्यासाठी अर्ध्यातासाचा ब्रेक लागला.


याबाबतची हकीकत अशी की, संगमपुल येथून फर्ग्युसन महाविद्यालय रस्त्यावर पालख्या क्रमाने मुक्कामी स्थळावर मार्गस्थ होतात. प्रथम संत तुकाराम, त्यानंतर संत गब्बर शेख, संताजी महाराज जागणारे आणि संत ज्ञानेश्वर पालखी असतात. मात्र, हिंदुत्ववादी संभाजी भिडे गुरुजी संघटना मोठ-मोठ्याने घोषणा देत मध्येच घुसते. त्यामुळे ज्ञानेश्वर पालखी प्रमुखांनी पालखी गुडलक चौकातच थांबवली. यामुळे एकच गोंधळ उडाला. पोलिसांनी तात्काळ येथे येऊन मध्यस्थी केली. दरम्यान, भिडे गुरुजी संघटनामधील काही व्यक्तींच्या हातामध्ये तलवारी व डोक्याला फेटे घातलेले असतात. तीन ते चार वर्षांपासून हा प्रकार सुरू असल्याचे भालदार चोपदार यांनी सांगितले.

संत ज्ञानेश्वर पालखी प्रमुखांकडून यापूर्वी पोलिसांना याबाबत सांगण्यात आले होते. तसेच, तुम्हाला हे बंद करता येत नसेल, तर आम्ही आमचा मार्ग बदलू असेही सांगण्यात आले होते. मात्र, पोलिसांकडून याबाबत काहीच निर्णय घेण्यात न आल्याने यंदाही गुडलक चौकात पालखी आल्यानंतर भिडे गुरुजी संघटनामध्ये घुसल्या. त्यामुळे ज्ञानेश्वर महाराजांच्या पालखी प्रमुखांनी पालखी जागेवरच थांबवत पुढे न जाण्याचा निर्णय घेतला.

त्यानंतर याठिकाणी मोठा गोंधळ उडाला. वरिष्ठ अधिकार्‍यांनी तात्काळ धाव घेऊन मध्यस्थी केली. त्यामुळे वातारवण शांत झाले. तसेच ज्ञानेश्वर पालखी प्रमुखांना यापुढे असे होऊ न देण्याची हमी परिमंडळ एकचे पोलीस उपायुक्त बसवराज तेली यांनी दिली. त्यानंतर पालखी येथून मार्गस्थ झाली. या गोंधळात तब्बल अर्धातास पालखी गुडलक चौकात थांबवण्यात आली.

18 Jun 2017

एमपीसी न्यूज - माउली...माउलीच्या जयघोषात पुण्यामध्ये लाखो वारक-यांसोबत आलेल्या संतश्रेष्ठ ज्ञानेश्वर माउली व जगद्गुरू तुकाराम महाराजांच्या पालखी रथावर श्रीमंत दगडूशेठ हलवाई गणपती मंदिरासमोर पुष्पवृष्टी करण्यात आली. यावेळी माउली...माउली, तुकोबा... तुकोबाच्या जयघोषासोबतच गणपती बाप्पा मोरयाच्या घोषणांनी परिसर दुमदुमून गेला. दोन्ही संस्थानच्या विश्वस्तांनी गणरायाचरणी नतमस्तक होत आरोग्यदायी, निर्मल आणि हरित महाराष्ट्रासाठी साकडे घातले.

श्रीमंत दगडूशेठ हलवाई गणपती मंदिरातर्फे तुकाराम महाराज व ज्ञानेश्वर महाराज पालखी सोहळयाचे स्वागत मोठया उत्साहात करण्यात आले. यावेळी दगडूशेठ गणपती ट्रस्टचे अध्यक्ष अशोक गोडसे, कोषाध्यक्ष महेश सूर्यवंशी, सुनील रासने यांसह वारकरी मंडळी मोठया संख्येने उपस्थित होती.

ट्रस्टचे अध्यक्ष अशोक गोडसे म्हणाले, वारीची शेकडो वर्षांची परंपरा आहे. दरवर्षी दगडूशेठ हलवाई गणपती मंदिरासमोर पालखीचे उत्साहात स्वागत केले जाते. यंदा ट्रस्टच्या 125 व्या वर्षानिमित्त वारी सोहळ्यातील राबविण्यात येणा-या उपक्रमांची सुरुवात झाली असून हरित वारी, स्वच्छता आणि वारक-यांकरिता अनेक उपक्रम राबविण्यात येणार आहेत. नुकतेच जय गणेश हरित वारी या 50 लक्ष वृक्षारोपण कार्यक्रमाला सुरुवात झाली आहे. वारक-यांनी यामध्ये सहभाग घेत वृक्षलागवड व संवर्धन करावे, असे आवाहनही त्यांनी केले.

Page 10 of 183
Open Chat
1
Close chat
Hello! Thanks for visiting us. Please press Start button to chat with our support :)

Start