• 1.JPG
  • PhotoGraphy-School-1.jpg
  • punenews.jpg
22 May 2017

एमपीसी न्यूज - लग्नाचे आमिष दाखवून अल्पवयीन मुलीशी वेळोवेळी शारीरिक संबंध ठेवल्याप्रकरणी दोन वेगवेगळ्या खटल्यामध्ये आरोपींना पोलीस कोठडीत ठेवण्याचे आदेश न्यायालयाने दिले आहेत.

पहिल्या प्रकरणात अतीक तैय्यब शेख (वय 20, रा. पवनानगर, अप्पर डेपो) याला कोंढवा पोलिसांनी अटक असून अल्पवयीन मुलीच्या वडिलांनी  फिर्याद दाखल केली. गेल्या चार महिन्यापासून आरोपीने पीडित मुलीवर अत्याचार केले आहेत. अल्पवयीन मुलीला लग्नाचे आमिष दाखवून आरोपीने वेळोवेळी तिच्यावर अत्याचार केले. तिला बाहेरगावी पळवून नेऊन तिच्याशी शारीरिक संबंध ठेवले. तसेच हे कुणालाही सांगू नको अशी धमकी दिल्याचे फिर्यादीत नमूद करण्यात आले आहे.

तर दुसऱ्या प्रकरणात सागर शिवाजी शिंदे (वय 23, रा. मु पो. गारडी, ता. पंढरपूर) याला हडपसर पोलिसांनी अटक केली आहे. हा प्रकार 1 मे रोजी फुरसुंगी येथे घडला होता. याविरुद्ध पीडित मुलीच्या वडिलांनी फिर्याद दिली आहे.

सदरचे गुन्हे हे गंभीर स्वरुपाचे आहेत. आरोपींची वैद्यकीय तपासणी करणे, आरोपीने मुलीला कोणकोणत्या ठिकाणी पळवून नेले याचा तपास करणे. तसेच यासंबंधी आरोपीकडे सखोल तपास करण्यासाठी आरोपीच्या पोलीस कोठडीची मागणी सरकारी वकीलांनी केली. न्यायालयाने ती ग्राह्य धरत त्याची रवानगी पोलीस कोठडीत केली.

22 May 2017

एमपीसी न्यूज - चिंचवडमधील महात्माफुलेनगर परिसरात पहाटे पाचच्या सुमारास घरात घुसून पाच ते सहा लोकांनी घरातील लोकांना मारहाण केली. यावेळी घरातील 27 हजार रुपयांचा ऐवज चोरीला गेला. याप्रकरणी रेखा सुर्यवंशी ( (वय 37 रा. महात्माफुलेनगर, चिंचवड) यांनी फिर्याद दिली असून सात जणांवर गुन्हा दाखल केला आहे.

याप्रकरणी धम्मपाल माणिक पालखे (वय 20 यशवंतनगर, पिंपरी), अर्जुन नागू गायकवाड (वय 25 रा. मोरेवस्ती, चिखली), गिड्या उर्फ विशाल नागू (वय 31 रा. मोरेवस्ती, चिखली) बुद्धभूषण माणिक पालखे (वय 22 रा. यशवंतनगर, पिंपरी) शुभम वाळके (वय 21रा. मोरेवस्ती चिखली) पवन विष्णु लष्करे (वय 18 रा. रामनगर, चिंचवड) विशाल विष्णु लष्करे (वय 20 रा. रामनगर, चिंचवड), अशी गुन्हा दाखल केलेल्यांची नावे आहे.

या सात जणांनी हत्यारासह फिर्यादी रेखा सूर्यवंशी यांच्या घरात घुसून त्यांना मारहाण केली. घरातील वस्तूंची तोडफोड केली व घरातील मोबाईल, सोने, रोख रक्कम दहा हजार, असा 27 हजार 500 रुपयांचा ऐवज चोरी केला. तसेच फिर्यादीचे नातेवाईक विशाल कांबळे, रेणुका खरे  यांच्याही घरात घुसत घरातील सामानाची तोडफोड केली. तर धम्मपाल पालखे याने जाताना धमकी दिली. सोबतच परिसरात आरडा-ओरड करत दहशत पसरवली. 

आरोपींपैकी विशाल कांबळे सराईत गुन्हेगार असून त्याच्यावरही सात ते आठ गुन्हे असल्याचे समोर आले आहे. मात्र, विशाल याचे लग्न असल्यामुळे तो कर्नाटकला गेला आहे. तसेच आरोपींनी कांबळे यांच्या नातेवाईकांच्या घरातच तोडफोड केली आहे. त्यामुळे आपापसातील भांडणातून हा प्रकार घडला असावा असा पोलिसांचा अंदाज आहे. याबाबत पोलिसांनी चार जणांना ताब्यात घेतले आहे.

22 May 2017

एमपीसी न्यूज - भोसरी येथे ट्रकच्या धडकेत एकाचा मृत्यू झाला. ही घटना काल (दि.21) रात्री सव्वानऊच्या सुमारास घडली.

ज्ञानेश्वर वाधु आंबेकर (वय. 50 रा. सुखवाणी बाग, आदीनाथनगर, भोसरी) यांचा उपचारादरम्यान मत्यू झाला. याबाबत पोलिसांनी दिलेल्या माहितीनुसार ज्ञानेश्वर आंबेकर हे त्यांच्या मुलगी मनाली सोबत दुचाकीवरून पेट्रोल भरून घरी जात असताना त्यांना पाठी मागून येणा-या भरधाव ट्रकने धडक दिली. यामध्ये मनाली व ज्ञानेश्वर हे जखमी झाले. त्यांना तातडीने वायसीएममध्ये हलविण्यात आले. मात्र, त्यांचा उपचारा दरन्याम मृत्यू झाला.

याबाबत ज्ञानेश्वर यांचे पुतणे सागर ज्ञानेश्वर यांनी भोसरी पोलीस ठाण्यात फिर्याद दिली असून अज्ञात वाहन चालकाविरुद्ध भोसरी पोलीस ठाण्यात गुन्हा दाखल केला आहे.

22 May 2017

एमपीसी न्यूज - आकुर्डी  रेल्वे स्थानक ते देहूरोड रेल्वे स्थानकाच्या दरम्यान एका अनोळखी इसमाचा मृतदेह सापडला. ही घटना आज (सोमवारी) सकाळी साडेसातच्या सुमारास उघडकीस आली.

रेल्वे पोलिसांनी दिलेल्या माहितीनुसार, मुंबईकडून पुण्याकडे येणा-या रुळावर चालत्या गाडीतून पडल्याने इसमाचा मृत्यू झाला. या इसमाचे वय अंदाजे 45 वर्ष असून, त्याच्या अंगावर निळ्या पांढ-या पट्ट्याचा शर्ट, राखाड्या रंगाची पॅन्ट, जानव्ह, कंबरेत करदोडा, पायात तपकिरी रंगाची चप्पल आहे. या अपघातात मयताचा चेहरा विद्रुप झाला आहे. त्यामुळे त्याची ओळख पोलिसांना अद्याप पटलेली नाही.

याबाबत चिंचवड रेल्वे पोलीस अधिक तपास करत आहेत.

22 May 2017

एमपीसी न्यूज – भोसरी येथील शांतीनगर वसाहतीत मजुराने राहत्या घरी दोरीच्या साहाय्याने गळफास घेऊन आत्महत्या केली. ही घटना रविवारी रात्री उशिरा उघडकीस आली.

 

राजू पांडू राठोड ( वय 30, रा. शांतीनगर वसाहत.क्र.1, भोसरी) असे आत्महत्या केलेल्याचे नाव आहे.

 

राठोड याने पत्नी बाहेर गेली असता दोरीच्या साहाय्याने गळाफास घेतला. दरम्यान, राठोड याने आत्महत्या का केली याचे कारण अदयाप कळू शकले नाही. भोसरी पोलीस अधिक तपास करीत आहेत.

22 May 2017

एमपीसी न्यूज – कासारवाडी रेल्वे स्थानकाजवळ एक्सप्रेसच्या धडकेत अज्ञाताचा मृत्यू झाला. ही घटना मध्यरात्री एकच्या सुमारास घडली.

 

याबाबत पिंपरी रेल्वे पोलिसांनी दिलेली माहितीनुसार, रात्री एकच्या सुमारास ग्वाल्हेर एक्सप्रेसची एकाला धडक बसली. यामध्ये डोक्याला मार लागल्याने त्याचा जागीच मृत्यू झाला. मृत व्यक्तीच्या अंगावर आकाशी रंगाचा त्यावर पांढ-या रंगाच्या पट्ट्या असणारा टी-शर्ट, काळ्या रंगाची ट्रॅक पॅन्ट, उजव्या हाताच्या मनगटावर ओम गोंदले आहे. 

22 May 2017

एमपीसी न्यूज – रहाटणी येथे लग्नाच्या व-हाडाला कुल्फीतून विषबाधा झाली. ही घडना रविवारी (दि. 21) रात्री साडे आठ वाजता घ़डली. यामध्ये 53 लोकांचा समावेश होता.

याबाबत पोलिसांनी दिलेल्या माहितीनुसार, रहाटणी येथील थोपटे लॉन्स येथे लग्नामध्ये कुल्फी खाल्ल्याने 53 जणांना विषबाधा झाली. यामध्ये 12 पुरुष,16 मुले,12 मुली तर 13 महिला होत्या. यापैकी 19लोक वायसीएममध्ये तर 34 जणांना औंध हॉस्पिटलमध्ये दाखल केले होते. त्यातील सर्वांची प्रकृती स्थिर असून त्यांना कोणताही धोका नाही. तसेच काहींना हॉस्पिटलमधून घरी पाठविण्यात आले आहे.

या प्रकरणी दोघांना चौकशीसाठी वाकड पोलिसांनी ताब्यात घेतले आहे. तर कुल्फीचा नमुना तपासणीसाठी प्रयोगशाळेत पाठविण्यात येणार असल्याचे वाकड पोलिसांनी सांगितले.    

21 May 2017

एमपीसी न्यूज - वाल्हेकरवाडी येथे तिघे दुचाकीवरून जात असताना त्यांची दुचाकी दुस-या दुचाकीला धडकडून अपघात झाला. यामध्ये दुचाकीवरील एकाचा रुग्णालात नेत असताना मृत्यू झाला. तर दोघे गंभीर जखमी झाले आहेत. ही घटना आज (रविवारी) सायंकाळी पावणेसातच्या सुमारास वाल्हेकारवाडी येथील पेट्रोलपंपाजवळ घडली.

श्रीमंत देवकाते (वय. 22 रा. चिंचवड), असे मयत झालेल्या तरुणाचे नाव असून तर प्रवीण कांबळे (वय 21 रा. आकुर्डी) व गोपाळ चनवादी (वय 23 रा. वाल्हेकरवाडी), अशी गंभीर जखमी झालेल्या तरुणांची नावे आहेत.

पोलिसांनी दिलेल्या माहितीनुसार,  मयत श्रीमंत देवकाते हा त्याच्या दोन मित्रांसमवेत दुचाकीवरून भरधाव वेगात जात होते. यावेळी पुढील दुचाकीला यांच्या दुचाकीची धडक बसली. यामध्ये तिघेही घसरून पडल्याने गंभीर जखमी झाले. श्रीमंत देवकाते याचा उपचारापूर्वीच मृत्यू झाला. तर प्रवीण व गोपाळ गंभीर जखमी झाले असून त्यांच्यावर निगडी येथील लोकमान्य रुग्णालयात अतिदक्षता विभागात उपचार सुरू आहेत.

याबाबत चिंचवड पोलीस अधिक तपास करत आहेत.

21 May 2017

आरोपीला दोन दिवसाची पोलीस कोठडी

एमपीसी न्यूज -  चिचंवड पोलिसांनी एका सराईत गुन्हेगारास आज (रविवारी) चोरीच्या मोटारसायकलसह अटक केले आहे. त्याला आज पोलिसांनी न्यायालयात हजर केले असता न्यायालयाने त्याला दोन दिवसाची पोलीस कोठडी सुनावली आहे.

शंकर मारूती कोतेकर (वय. 20 रा. वडगाव मावळ, पुणे), असे ओरापीचे नाव आहे.

चिंचवड पोलीस ठाण्याचे तपास पथक गस्त घालत असताना पथकास स्पाईन रोड वाल्हेकरवाडी भागात एक इसम नंबर प्लेट नसलेल्या एका काळया रंगाच्या बजाज पल्सर 220 मोटारसायकलसह असल्याचा आढळला. संशयावरून संबंधीत आरोपीला ताब्यात घेतले व चौकशी केली. यावेळी मोटारसायकलची चेसिंग व इंजिननंबरवरून तपास करता ही गाडी चोरीची असल्याचे समोर आले.

कोतेकर याच्यावर देहूरोड पोलीस ठाणे व चाकण पोलीस ठाण्यात जीवे मारण्याचा प्रयत्न, मारामारी असे गंभीर गुन्हे असल्याचे तपासात उघड झाले. तसेच तो या दोन्ही गुन्ह्यात नोव्हेंबर 2016 पासून फरार असल्याचेही समोर आले आहे. याबाबत चिंचवड पोलीस अधिक तपास करत आहेत.

21 May 2017

एमपीसी न्यूज -  निगडी येथील भक्ती-शक्ती चौकात पीएमपीएमएलच्या धडकेत आज (रविवारी) पहाटे चारच्या सुमारास एका पादचा-याचा जागीच मृत्यू झाला आहे.

निगडी येथील भक्ती-शक्ती चौकात पीएमपीएमएल बस यमुनानगरच्या बाजूने पीएमपीएमएल डेपोकडे जात होती. यावेळी भक्ती-शक्ती सर्कलला वळण घेत असताना पादचारी बस खाली आला व त्याचा जागीच मृत्यू झाला. निगडी पोलिसांनी बस चालाक ईश्वर प्रभाकर सोनटक्के (वय. 36 रा. गणेश हाऊसिंग सोसायटी, निगडी) याला अटक केले आहे.

मयत इसमाचे अंदाजे वय 45 वर्ष असून तो नेपाळ येथील असून त्याची ओळख अद्याप पटलेली नसून  निगडी पोलीस ठाण्यात आरोपी विरुद्ध गुन्हा दाखल करण्याचे काम सुरू आहे.

21 May 2017

चतु:श्रृंगी वाहतूक पोलिसांची फिल्मी कारवाई

एमपीसी न्यूज - औंध गाव येथे भरधाव धावणा-या स्क्वाडा गाडीने वाहतुकीचे नियम मोडले. यावेळी वाहतूक पोलिसांनी  त्या गाडीचा पाठलाग केला. यावेळी त्यांनी गाडीची तपासणी केली तर त्या गाडीत पोलिसांना चक्क साडेचौदा लाखांचा गांजा आढळून आला. ही एखाद्या चित्रपटाला साजेशी कारवाई चतुःश्रृंगी पोलिसांनी केली आहे. यामध्ये पोलिसांनी एकास अटक केली आहे.

राजेंद्र उत्तम रोकडे (वय 32 रा. नायगाव, सोरतापवाडी. सध्या रा. दोनवत, खालापूर, रायगड), असे अटक केलेल्या आरोपीचे नाव आहे.

पोलिसांनी दिलेल्या माहितीनुसार, रोकडे 8 हा एम.एच.04 डी.एन.1305 या क्रमांकाची सिल्व्हर रंगाची स्क्वाडा कार घेऊन जात असताना त्याने औंध गाव येथे सिग्नल तोडला. त्याची गाडी भरधाव धावत होती. यावेळी पोलिसांनी त्याचा पाठलाग करत रोकडे याला पकडले. यावेळी पोलिसांनी गाडीची तासणी केली असता गाडीमध्ये 182 किलो वजनाचा 14 लाख 56 हजार किमतीचा गांजा असल्याचे दिसले.

हा गांजा 93 खाकी पाकीटात भरलेला गांज्याचे दहा पोते पोलिसांनी जप्त केले. तसेच गांजा व कार मिळून 16 लाख 6 हजारांचा ऐवज जप्त केला आहे. याबाबत चतुःश्रृंगी पोलीस ठाण्यात गुन्हा दाखल करण्यात आला असून पोलीस अधिक तपास करत आहेत.

21 May 2017

एमपीसी न्यूज -  निगडी येथे 48 वर्षीय महिलेने राहत्या घरात ओढणीने गळफास घेवून आत्महत्या केली. ही घटना काल (दि.20) दुपारी बाराच्या सुमारास घडली.



राजींद्र कौर दिलबादसिंग पट्टी (वय.48 रा. साईनाथनगर, कृष्णा सोसायटी, निगडी) असे मयत महिलेचे नाव आहे. कौर यांनी काल दुपारी बाराच्या सुमारास बेडरूममध्ये छताच्या पंख्याला ओढणीने गळफास घेवून आत्महत्या केली. आत्महत्येचे कारण अद्याप कळाले नसून, निगडी पोलीस त्याचा तपास घेत आहेत.


निगडी परिसरातील ही गेल्या दोन दिवसातील ही दुसरी घटना आहे. यापुर्वीही रुपीनगर येथे शुक्रवारी  31 वर्षीय महिलेने घरात ओढणीने गळफास घेवून आत्महत्या केली होती. तर निगडी हद्दीतच एकाने गळफास घेण्याचा प्रयत्न केला होता. याबाबत पोलीस ठाण्यात गुन्हा दाखल झाला असून निगडी पोलीस अधिक तापस करत आहेत.

21 May 2017
भारतीय विद्यापीठ पोलिसांची कामगिरी 
 
एमपीसी न्यूज -  पगाराचे पूर्ण पैसे दिले नाही म्हणून हॉटेल मालकावर प्राणघातक हल्ला करुन पळून गेलेल्या कामगाराला अखेर हरिद्वार येथून जेरबंद करण्यात भारती विद्यापीठ पोलिसांना यश आले. 24 जून रोजी आरोपी हल्ला करुन पळून गेला होता. 
 
देवराज मुकदेव सिंग (वय 22 रा. हरियाणा) असे अटक करण्यात आलेल्याचे नाव आहे. 
 
सिंग हा कात्रज कोंढवा रोडवरील दत्तात्रय तांबे यांच्या शिवम हॉटेल येथे वेटर म्हणून कामाला होता. दरम्यान, तांबे यांनी पगाराचे पूर्ण पैस न दिल्याच्या रागातून 24 मार्च रोजी रात्री तांबे यांच्यावर बांबुने हल्ला करत दोन मोबाईल, एक चेक एटीएम आणि रोख 5 हजार घेऊन पोबारो केला होता. पोलिसांना मिळालेल्या माहितीनुसार सिंग हा गेल्या  एक महिन्यांपासून  वास्तव्यास असल्याचे मोबाईल लोकेशनवरुन समजले. या माहितीच्या आघारे भारती विद्यापीठ पोलिसांनी सापळा रचून सिंग याच्या मुसक्या आवळल्या. पुढील तपास पोलीस करीत आहेत.
20 May 2017

एमपीसी न्यूज - कोरेगाव पार्क साऊथ मेन रोडवरील संत गाडगे महाराज शाळेसमोर लावण्यात येणा-या प्रवाशी तीन चाकी रिक्षांची चाके चोरी जाण्याचे प्रमाण मागील काही दिवसांपासून वाढले आहे. याबाबत कोरेगाव पार्क पोलीस ठाण्यात तक्रार नोंदविण्यात आली आहे.

या भागात काम करून पोट भरणा-यांची संख्या काही प्रमाणात आहे. परंतु हा भाग उच्च्भ्रू लोकांचा राहणारा समजला जातो. तरी देखील या भागात रिक्षाची चाके चोरी जाण्याचे प्रमाण वाढले आहे. रात्रीच्या वेळेस चाके काढून केवळ चाके नेली जातात तर नट बोल्ट चाकाच्या जागेवरच टाकून दिले जातात. अशा प्रकारची तक्रार आज कोरेगाव पार्क पोलिसांमध्ये दाखल केली असल्याची माहिती इकबाल शेख यांनी दिली. या भागात पोलिसांच्या गस्तीत वाढ करण्याची मागणीही इकबाल यांनी केली आहे. 

चोरीच्या विविध घटना शहरात घडत असून नागरिकांनी सतर्कतेने राहायला हवे. घराच्या खिडक्यांपासून ते महागड्या गाड्यापर्यंत चोरीच्या घटना उघडकीस येत आहेत.

20 May 2017

पोलिसांची बनवाबनवी 'सीसीटीव्ही' फुटेजमध्ये कैद

निरीक्षक अरुण मोरे यांचे निलंबन करण्याची मागणी

एमपीसी न्यूज - हप्ता दिला नसल्यामुळे देहूरोड पोलिसांनी एका हॉटेलमध्ये बेकायदेशीररित्या दारु विक्री करत असल्याचे सांगत कारवाईच्या बहाण्याने कर्मचा-यांना मारहाण करून गल्ल्यातील पैसे लंपास केले. तसेच हॉटेल मालक पसार असल्याची नोंद पोलीस डायरीमध्ये केली. परंतु, पोलीस हॉटेल मालकासबोत 'मांडवली' करत असल्याचे ठाण्यातील 'सीसीटीव्ही' फुटेजमध्ये कैद झाले आहे. यातून देहूरोड पोलिसांचा खोटारडेपणा उघड झाला आहे. त्यामुळे निरीक्षक अरुण मोरे यांचे निलंबन करून त्यांच्यावर गुन्हा दाखल करण्याची मागणी माहिती अधिकार कार्यकर्ते श्रीजित रमेशन यांनी केली आहे.

हप्ता दिला नसल्यामुळे देहूरोड पोलिसांनी एका हॉटेलमध्ये बेकायदेशीररित्या दारू विक्री करत असल्याचे सांगून महिनाभरापूर्वी कारवाई केली होती. कर्मचा-यांना मारहाण करून गल्ल्यातील पैसे लंपास केले होते. हॉटेलमधील दारू जप्त केली आणि हॉटेल मालक फरार असल्याची स्टेशन डायरीत नोंद केली.

माहिती अधिकार कार्यकर्ते श्रीजित रमेशन यांनी ठाण्यातील 'सीसीटीव्ही' फुटेज देण्याची मागणी माहिती अधिकारात केली होती. परंतु, पोलिसांनी आपला खोटारडेपणा उघड होईल, या भीतीने फुटेज देण्यास नकार दिला होता. रमेशन यांनी मोठ्या शिताफीने ठाण्यातील 'सीसीटीव्ही' फुटेज मिळविले आहे. त्यामध्ये पोलीस हे हॉटेल मालकासोबत मिरवत असल्याचे स्पष्टपणे दिसून येत आहे. यातून देहूरोड पोलिसांची बनवाबनवी उघड झाली असून त्यांचा भ्रष्ट कारभार चव्हाट्यावर आला आहे. जप्त केलेला दारुचा बॉक्स पुन्हा हॉटेलमालकाला परत देत असताना पोलीस फुटेजमध्ये दिसत आहेत. कारवाईचा दिखाऊपणा करण्यासाठी दारुच्या काही बाटल्या जप्त करण्याचे ढोंग करत असल्याचेही पोलीस 'सीसीटीव्ही' फुटेजमध्ये स्पष्टपणे दिसत आहेत.

याबाबत श्रीजित रमेशन यांनी देहूरोड ठाण्याचे पोलीस निरीक्षक अरुण मोरे यांच्या चुकीच्या कामाची तक्रार पुणे जिल्हा ग्रामीण पोलीस अधिक्षक सुवेझ हक यांच्याकडे केली होती.  हक यांनी  मोरे यांची चौकशी सुरू असल्याचे सांगतिले होते. मात्र, एक महिन्याचा काळ लोटला तरी त्यांच्यावर अद्यापपर्यंत कोणत्याही प्रकारची कारवाई झाली नाही. याउलट हे प्रकरण शांत होईपर्यंत मोरे यांना रजेवर पाठविले असल्याचा, आरोप रमेशन यांनी केला आहे. त्याचबरोबर मोरे यांची वारंवार आपल्याकडे तक्रार करू नका, असे  रमेशन यांना पोलीस अधीक्षक हक यांनी सांगितले. त्यामुळे पोलीस अधीक्षक हक हे निरीक्षक अरुण मोरे यांना पाठिशी घालत असल्याचा आरोप, रमेशन यांनी केला आहे.

अरुण मोरे यांच्यावर कारवाई करण्यासाठी रमेशन हे मुंबई येथील आझाद मैदानात दोन दिवसांपासून उपोषणाला बसले होते. पंरतु, पोलीस ठाण्यातील 'सीसीटीव्ही' फुटेज हाती मिळताच त्यांनी उपोषण ताप्तुरते सोडले आहे. हे सीसीटीव्ही फुटेज राज्याचे मुख्यमंत्री व गृहमंत्री देवेंद्र फडणवीस यांच्याकडे देणार असल्याचे, रमेशन यांनी सांगितले. तसेच निरीक्षक अरुण मोरे यांचे निलंबन करून त्यांच्यावर रितसर गुन्हा दाखल करण्याची मागणीही आपण मुख्यमंत्र्यांकडे करणार असल्याचे, त्यांनी सांगितले.

मोरे यांचे जोपर्यंत निलंबन होत नाही आणि त्यांच्यावर गुन्हा दाखल होत नाही, तोपर्यंत आपण लढणार आहोत. याविरोधात जनआंदोलन उभारणार असल्याचा इशाराही, रमेशन यांनी दिला आहे.

20 May 2017

एमपीसी न्यूज - आंबेगाव तालुक्यातील भीमाशंकर जवळील राजापूर गावच्या जंगलात एका अज्ञात महिलेचा दगडाने ठेचून मारलेल्या अवस्थेत मृतदेह आढळला आहे. या धक्कादायक घटनेमुळे परिसरात एकच खळबळ उडाली आहे. दरम्यान, याप्रकरणी अज्ञात व्यक्तीविरोधात खुनाचा गुन्हा दाखल करण्यात आला आहे.

घोडेगाव पोलिसांनी दिलेल्या माहितीनुसार या महिलेला विवस्त्र करून दगडाने ठेचून निर्घृण खून करण्यात आला. त्यानंतर तिचा मृतदेह पेटवून जंगलात फेकण्यात आला आहे. अद्याप महिलेची ओळख पटलेली नाही. या प्रकारामुळे संबंध परिसरात एकच खळबळ उडाली आहे.

घोडेगाव पोलीस अधिक तपास करीत आहे.

20 May 2017

एमपीसी न्यूज - कोंढवा येथील कॉरियातन क्लबजवळून पोलिसांनी एकाला  तीन लाख रुपयांच्या गांज्यासह ताब्यात घेऊन गुन्हा दाखल केला आहे.

मोहसीन आयुब खान (वय 36, रा. 7/18, सागर कामठेनगर, कोंढवा), असे अटक करण्यात आलेल्या आरोपीचे नाव आहे.

पोलिसांनी दिलेल्या माहितीनुसार, सहाय्यक पोलीस निरीक्षक अजय वाघमारे यांना मिळालेल्या माहितीनुसार, कॉरियतन क्लब जवळ सापळा रचून आरोपी मोहसीन यास त्याच्या होंडा अॅक्टिव्हा मो/सा. वरून गांजाचे पोते घेऊन आल्याने ताब्यात घेतले. त्याच्या जवळून तीन लाख चार हजार 725 रुपये किमतीचा 20 किलो 315 ग्रॅम गांजा तसेच अॅक्टिवा गाडी, असा एकूण तीन लाख 43 हजार 425 रुपये किमतीचा मुद्देमाल जप्त केला आहे.

या प्रकरणी आरोपीवर हडपसर पोलीस ठाण्यात गुन्हा दाखल करण्यात आला असून अधिक तपास सुरू आहे.

20 May 2017

एमपीसी न्यूज - छत्रपती शिवाजी महाराज, छत्रपती संभाजी महाराज व माता जिजाऊ यांच्याबद्दल व्हॉट्सअप ग्रुपवर ऑडिओ क्लिपद्वारे अवमान केल्या प्रकरणी लातूरमधील एका माथेफिरूवर शिवाजीनगर पोलीस ठाण्यात अब्रूनुकसानीचा गुन्हा दाखल करण्यात आला आहे. याप्रकरणी अॅड. रमेश राठोड यांनी फिर्याद दिली आहे.

विठ्ठल रामकिसन तिडके (रा-कुनकी, ता-जळकोठ, जि-लातूर), असे गुन्हा दाखल केलेल्या आरोपीचे नाव आहे.

पोलिसांनी दिलेल्या माहितीनुसार, फिर्यादी राठोड यांचे मित्र विजयकुमार शिंदे (रा. कोल्हेवाडी, ता. हवेली, जि. पुणे) हे व्हॉस्टसअप वरील एका स्वाभिमानी मराठा ग्रुपचे सदस्य असून या ग्रुपवर आरोपी विठ्ठल तिडके याने छत्रपती शिवाजी महाराज, संभाजी महाराज आणि राजमाता जिजाऊ यांचा अवमान होईल अशी ऑडिओक्लिप टाकली. ही ऑडिओ क्लिप सोळंकी पाटील यांना त्यांच्या मोबाईलवर काल (दि. 19) मिळाली.

याप्रकरणी अॅड. रमेश राठोड यांनी शिवाजीनगर पोलीस ठाण्यात फिर्याद दिली. त्यानुसार आरोपी तिडके यांच्यावर गुन्हा दाखल करण्यात आला आहे. तसेच याप्रकरणी अॅड. राठोड यांनी शिवाजीनगर पोलीस स्टेशनचे वरिष्ठ पोलीस निरीक्षक मिलिंद गायकवाड यांच्याशी सविस्तर चर्चा करून त्या सदर माथेफिरूला लवकरात लवकर अटक करून त्यावर कडक कारवाई करावी, असे लेखी स्वरुपात तक्रार अर्जसुद्धा देण्यात आले आहे. 

यावेळी अॅड सचिन झाल्टे पाटिल, अॅड विजय शिंदे, अॅड अनिकेत भोसले, अॅड समीर शहाणे, अॅड सागर, अॅड उमेश ठाकरे, अॅड विष्णु धावारे, अॅड सचिन स्वामी, अॅड हेमंत कांबळे अॅड बांधव व इतर नागरिक उपस्थित होते..!

Page 1 of 33
Open Chat
1
Close chat
Hello! Thanks for visiting us. Please press Start button to chat with our support :)

Start