क्राईम न्यूज

क्राईम न्यूज (43)

21 Feb 2017

सूत्रांची माहिती; मात्र पोलिसांचा इन्कार

एमपीसी न्यूज - पुणे महापालिका निवडणुकीसाठी आज उत्साहात मतदान पार पडले. मतदानाच्या शेवटच्या टप्प्यात धनकवडीत भाजप-राष्ट्रवादीच्या कार्यकर्त्यांमध्ये तुंबळ हाणामारी झाल्याची माहिती विश्वसनीय सुत्रांकडून समजते. पोलिसांनी मात्र, या वृत्ताचा इन्कार केला आहे.


सूत्रांकडून मिळालेल्या माहितीनुसार, धनकवडीत भाजप आणि राष्ट्रवादीचे कार्यकर्ते आमने सामने येऊन त्यांच्यात तुंबळ हाणामारी झाली. तसेच भाजपच्या निलेश भीमताडे याला मारहाण करण्यात आली, असे वृत्त आहे.


मात्र, पोलिसांनी असे काहीही घडले नसल्याचे स्पष्ट केले आहे. सहकारनगर पोलिसांनी शेवटच्या टप्प्यात सर्व पोलीस दलाला एकत्र करून मतदान केंद्रावर पथ संचलन केले. व त्या ठिकाणी घोळका करून थांबलेल्यांना हाकलून दिले तर काही ठिकाणी थोडा लाठी चार्ज केला. मात्र या व्यतिरिक्त कोणत्याही प्रकारचा गोंधळ व मारामारी झालेली नाही, असे पोलिसांनी म्हटले आहे.

21 Feb 2017

एमपीसी न्यूज - काही किरकोळ घटना वगळता पुणे, पिंपरी-चिंचवडमध्ये पोलिसांच्या कडक बंदोबस्तामुळे महापालिका  निवडणुकांसाठी मतदान शांततेत पार पडले. नियंत्रण कक्षाकडे दिवसभरात पैसे वाटपाचे व इतर शंभरपेक्षा जास्त कॉल आले आहेत. त्यातील बहुतांश कॉल बोगस असल्याचे दिसून आले.


शहर पोलिसांकडून पुणे व पिंपरी-चिंचवड या दोन्ही महापालिकांसाठी दहा हजार पोलिसांचा बंदोबस्त तैनात करण्यात आला होता. पोलीस आयुक्त रश्मी शुक्ला व सहआयुक्त रामानंद हे बंदोबस्तावर नजर ठेवून होते. पोलीस आयुक्त व सहआयुक्तांनी मतदान केंद्राला भेटी देऊन पाहणी केली. तसेच, रामानंद हे कायदा-सुव्यवस्थेवर नजर ठेवून होते.


मतदान सुरू झाल्यानंतर काही ठिकाणी किरकोळ घटना घडल्या. जमावाला पांगविण्यासाठी काही ठिकाणी पोलिसांकडून लाठी हल्ला करण्यात आला. तसेच, विरोधी कार्यकर्ते समोरासमोर येणार नाहीत याची काळजी घेतली जात होती. काही ठिकाणी विरोधी कार्यकर्त्यांमध्ये किरकोळ बाचाबाची झाली, अशी माहिती पोलीस सहआयुक्त सुनील रामानंद यांनी दिली.

21 Feb 2017

एमपीसी न्यूज - शिवसेनेचे वडगाव शेरी येथील नगरसेवक व त्यांच्या कार्यकर्त्यांनी पोलिसांसोबत आचारसंहितेचे व्हिडिओ शुटिंग करणा-या एकाला मारहाण करत कॅमेरा फोडल्याची घटना घडली. ही घटना काल सोमवारी रात्री अकराच्या सुमारास गणेश नगर चौक येथे घडली. याप्रकरणी पोलिसांनी तिघांविरोधात चंदननगर पोलीस ठाण्यात गुन्हा दाखल केला आहे.


नगरसेवक सचिन भगत, (गणेश नगर वडगावशेरी), अक्षय इंदलकर, क्षीरसागर (पूर्ण नाव व पत्ता माहित नाही), अशा तिघांविरोधात गुन्हा दाखल करण्यात आला आहे. याप्रकरणी अजय गणेश गायकवाड (19, गणेश नगर वडगाव शेरी) यांनी फिर्याद दिली आहे.


पोलिसांनी दिलेल्या माहितीनुसार, महापालिका निवडणूक प्रचाराची मुदत रविवारी (दि.19) सायंकाळी साडेपाचनंतर संपली. त्यानुसार सर्वच पक्षांच्या प्रचाराची काल सांगता झाली. त्यानंतर छुप्या पद्धतीने प्रचार होऊ नये. यासाठी पोलीस यंत्रणा कार्यन्वित झाली होती. आज वडगाव शेरी भागात नगरसेवक सचिन भगत या शिवसेनेच्या उमेदवाराची प्रचार पत्रके भिंतीवर चिकटवल्याची तक्रार आली होती. त्यावेळी फिर्यादी अजय गायकवाड हे पोलिसांसोबत आचारसंहितेचे  त्यांच्या व्हिडिओ कॅमेर्‍यामध्ये चित्रण करत होते.


त्यानंतर ते वडगाव शेरी येथील गणेश नगर भागात गाडीवरून खाली उतरले तेव्हा सचिन भगत, क्षीरसागर व इंदलकर हे तिघे शिवसेना जिंदाबादच्या घोषणा देत त्यांच्याजवळ आले. सचिन भगत यांनी त्यांना शिवीगाळ करत हाताने मारहाण केली आणि तू शुटींग करायचे नाही. तुला माझ्या भागात राहायचे आहे की नाही, अशी धमकी दिली. त्यानंतर त्यांचा व्हिडिओ कॅमेरा जमिनीवर फेकून फोडून टाकला. तसेच कॅमेर्‍याची मशीन फोडून त्यातील सीडी काढून घेऊन गेले. आणि जाताना गायकवाड यांना जीवे मारण्याची धमकी दिली. त्यानंतर गायकवाड यांनी पोलिसात धाव घेत फिर्याद दिली आणि चंदननगर पोलिसांनी तिघांविरोधात गुन्हा दाखल केला आहे.

21 Feb 2017

एमपीसी न्यूज - लंडनहून गिफ्ट पाठवितो असे सांगून ऑनलाईन खात्यावर पैसे टाकायला लावून एका महिलेची चार लाखाची फसवणूक केली. हा प्रकार 17 ते 27 सप्टेंबर दरम्यान घडला.


याप्रकरणी मार्क केली, कस्टम लेडीड याच्यासह नऊ जणांविरोधात गुन्हा दाखल करण्यात आला आहे. याबाबत एका 34 वर्षीय महिलेने सांगवी पोलीस ठाण्यात फिर्याद दिली आहे.


पोलिसांनी दिलेल्या माहितीनुसार, फिर्यादी महिला आणि मार्क केली यांची फेसबुकवर ओळख झाली होती. मार्क याने फिर्यादी महिलेला लंडनहून गिफ्ट पाठविण्याचे आमिष दाखविले. त्यांचा विश्वास संपादन केला. गिफ्ट पाठविण्यासाठी वेळोवेळी विविध कारणे सांगून बँकामध्ये चार लाख रुपये भरण्यास सांगितले.


पैसे भरूनही गिफ्ट न आल्याने फिर्यादी महिलेने आरोपींशी संपर्क साधण्याचा प्रयत्न केला. आरोपी मात्र टाळाटाळ करत होते. आपली फसवणूक झाल्याचे लक्षात येताच त्यांनी पोलिसात धाव घेऊन फिर्याद दिली आहे. सांगवी ठाण्याचे पोलीस निरीक्षक (गुन्हे) ए.बी. जोंधळे तपास करत आहेत.

21 Feb 2017

एमपीसी न्यूज - मोठ्या आवाजात बोलू नका, असे सांगितल्याने दहा जणांच्या टोळक्याने तिघांना घरात घुसून लाकडी दांडके, लोखंडी रॉडने बेदम मारहाण केली. याप्रकरणी आठ जणांना अटक करण्यात आली आहे. ही घटना रविवारी (दि.19) रात्री साडेआठच्या सुमारास चिंचवड, उद्योगनगर येथे घडली.


मुन्ना रामेश्वर महतो (वय 24), उमेश कुमार सुखदेव (वय 38), राजनकुमार नरेश महतो (वय 21), विकासकुमार राम आशिष पासवान (वय 19), रणजितसिंह कुमार शंकर (वय 27), कमलेशकुमार गडाधर महतो (वय 22), सत्यनारायण जवाहर साह (वय 32, सर्व रा. उद्योगनगर, चिंचवड), अशी अटक केलेल्यांची नावे असून त्याचे साथीदार पप्पू कुमार कामेश्वर, राकेश (रा. काळेवाडी) आणि उमेश रॉय (रा. चिंचवड) यांच्याविरोधात गुन्हा दाखल करण्यात आला आहे. याप्रकरणी विजय यादव (वय 28, रा. उद्योगनर, चिंचवड) यांनी चिंचवड पोलीस ठाण्यात फिर्याद दिली आहे.


पोलिसांनी दिलेल्या माहितीनुसार, चिंचवड, उद्योगनगर येथील बांधकाम साईटवर आरोपी काम करत आहेत. रविवारी ते शेर शायरी करत होते. फिर्यादी विजय यादव याने आरोपींना मोठ्या आवाजात बोलू नका, असे सांगितले. त्याच्यावरून त्यांच्यात भांडणे झाली. आरोपींनी विजय याच्या घरात घुसून त्याला लाकडी पट्टीने, लोखंडी रॉडने बेदम मारहाण केली. त्यामध्ये यादव याचा डावा हात फॅक्चर झाला आहे. विजय यादव याचा साथीदार शिवकुमार यादव आणि जितेंद्र याला देखील आरोपींनी मारहाण केली आली आहे. चिंचवड ठाण्याचे सहाय्यक पोलीस निरीक्षक सतिश कांबळे तपास करत आहेत.

21 Feb 2017

एमपीसी न्यूज - प्रभाग क्रमांक 9 मधील राष्ट्रवादी काँग्रेसचे उमेदवार राहूल भोसले आणि भाजपचे उमेदवार राजेश पिल्ले यांच्या कार्यकर्त्यांमध्ये मारामारी झाली आहे. ही घटना आज (मंगळवारी) पाचच्या सुमारास नेहरुनगर येथील क्रांती चौकात घडली.


मिळालेल्या माहितीनुसार, राहूल भोसले आणि राजेश पिल्ले प्रभाग क्रमांक नऊ मधून निवडणूक लढवत आहेत. गुरुवारी सायंकाळी पाचच्या सुमारास पिल्ले आणि भोसले यांच्या कार्यकर्त्यांमध्ये तुफान मारामारी झाली. कार्यकर्त्यांनी तलवारी हातामध्ये घेऊन दहशत माजविण्याचा प्रयत्न केला.


पिंपरी पोलीस घटनास्थळी दाखल झाले आहेत. परिसरात तणावपुर्ण परस्थिती निर्माण झाली आहे.


दरम्यान, शहराच्या विविध भागात वादावादीच्या घटना घडल्या आहेत. पिंपरी कॅम्पात राष्ट्रवादी आणि भाजपच्या उमेदवारांमध्येही वादावादी झाली आहे.

21 Feb 2017

एमपीसी न्यूज - सकाळपासूनच उत्साहात सुरु असलेल्या मतदानाच्या प्रक्रियेला अनुचित प्रकारांनी गालबोट लागले. पिंपरीमध्ये  भाजप आणि राष्ट्रवादीचे कार्यकर्ते एकमेकांमध्ये भांडण झाल्यामुळे परिसारमध्ये तणावाचे वातावरण निर्माण झाले आहे.


पिंपरीगावात माध्यमिक विद्यालय मतदान केंद्रासमोर भाजपाचे उमेदवार धन्ना आसवाणी यांना राष्ट्रवादीचे उमेदवार डब्बू आसवाणी यांनी मारहाण केली. ही घटना आज दुपारी चारच्या सुमारास घडली. या घटनेची माहिती मिळताच पिंपरी पोलीस ठाण्याचे वरिष्ठ पोलीस निरीक्षक विवेक मुंगळीकर यांच्यासह पोलिस पथक घटनास्थळी दाखल झाले. पोलिसांनी दिलेल्या माहितीनुसार,भाजपाचे उमेदवार धन्ना आसवानी हे पिंपरी-गावातील केंद्रा बाहेर कार्यकर्त्यांसह उभे असताना मतदारांना फुस लावण्याच्या कारणावरून दोघांमध्ये वाद झाला. डब्बु आसवाणी यांनी धन्ना आसवानी यांना बेदम मारहाण केली. त्यावेळी तणाव निर्माण झाला होता. परंतु, पोलिसांनी घटनास्थळी येवून परिस्थिती नियंत्रणात आणली. अशी माहिती पोलिस निरीक्षक विवेक मुंगळीकर यांनी दिली.


   

 

 

 

 

21 Feb 2017

एमपीसी न्यूज - मतदारांच्या प्रचंड प्रतिसादात सकाळपासून चालू असलेल्या मतदान केंद्रांवर काही प्रमाणात अनुचित प्रकारांनाही सामोरे जावे लागले. या प्रकरणी गुन्हे दाखल करण्यात आले आहेत.


सुलभा उबाळे यांचे समर्थक गणेश इंगवले यांच्याकडे पैशांची बंडले सापडली असून त्यांना पैशांचे वाटप करताना यमुनानगर पोलिसांच्या कारवाईत पकडण्यात आले. मात्र यानंतर त्यांनी त्या पैशाचा हिशोब दिला आहे. याबाबत कोणताही गुन्हा दाखल करण्यात आला नाही.


तसेच मतदानादरम्यान अपक्ष उमेदवार प्रतिभा अरगडे आणि क्षेत्रिय अधिकारी इ. बी. पाटील यांच्यामध्येही किरकोळ कारणावरून बाचाबाची झाल्याचे समजले आहे. याबरोबरच भाजप कार्यकर्त्यांना मतदान यंत्राचा डेमो दाखवताना पकडले गेल्याची घटना घडली आहे. या प्रकरणी महर्षीनगर पोलीस चौकीत गुन्हा दाखल करण्यात आला आहे.  पुण्यातही माजी स्थायी समिती अध्यक्ष बाबुराव चांदेरे यांची एक गाडी फोडण्यात आली आहे. या प्रकरणी चतुःश्रृंगी पोलीस ठाण्यात गुन्हा दाखल करण्यात येत आहे.



यावेळी गणेश शिंदे पोलीस उपायुक्त यांनी सांगितले की, सगळीकडे शांततेत मतदान सुरु आहे. काही केंद्रांवर पैसे वाटपा संदर्भातील फोन येत आहे मात्र कुठेही गोंधळ न होता मतदान पार पडत आहे.

 

मतदारांना मतदान करताना उमेदवारांची माहिती असण्यासाठी सर्व मतदारांच्या माहितीचे फलक प्रत्येक मतदान केंद्रांवर लावण्यात आले आहेत. असे सगळे अनुचित प्रकार होत असताना देखिल पोलिसांच्या चोख बंदोबस्तामुळे शांततेत मतदान पार पडत आहे.


{fcomment}

20 Feb 2017
एमपीसी न्यूज - प्रभाग क्रमांक 17 मधील राष्ट्रवादीच्या उमेदवारांची प्रचारपत्रके हातामध्ये घेऊन मतदारांना पैसे वाटताना चिंचवड पोलिसांनी तिघांना पकडले. ही कारवाई आज (सोमवारी) दुपारी शिवनगरी, वाल्हेकरवाडी, चिंचवड येथे करण्यात आली. 

राहूल मदने, मयुर पवार (दोघे रा. साखरवाडी, ता. फलटण, जिल्हा सातारा) आणि संतोष पोफळे (रा. कस्पटे वस्ती, वाकड) यांच्यावर कलम 171 (ई), 188 नुसार गुन्हा दाखल करण्यात आला आहे.

चिंचवड ठाण्याचे वरिष्ठ पोलीस निरीक्षक विठ्ठल कुबडे यांनी याबाबत माहिती दिली.  राहूल, मयुर आणि संतोष हे तिघे वाल्हेकरवाडी येथील शिवनगरीमध्ये मतदारांना पैसे वाटत असल्याची माहिती पोलिसांना मिळाली. त्यानुसार चिंचवड पोलीस घटनास्थळी गेले. त्यांनी मोटारीचे पाहणी केली. मोटारीत प्रभाग क्रमांक 17 मधील राष्ट्रवादीचे उमेदवार भाऊसाहेब भोईर, राजेंद्र साळुंखे, आशा सुर्यवंशी आणि शोभा वाल्हेकर यांची प्रचारपत्रके दिसली. त्यामुळे पोलिसांचा संशय बळावला. 

पोलिसांनी मोटार पोलीस ठाण्यात आणली. मोटारीत 15 हजार रुपयांची रोकड सापडली. त्यामध्ये 100 रुपयांच्या सगळ्या नोटा होत्या. पोलिसांनी (एमएच 14 ई यु 8109) या क्रमाकांची आय- 20 मोटार आणि 15 हजार रुपयांची रोकड जप्त केली आहे. चिंचवड पोलीस तपास करत आहेत. 

  
दरम्यान, महापालिका निवडणुकीच्या मतदानाला काही तास राहिले आहेत. मतदारांना पैसे वाटून आमिष दाखविले जात आहे. गेल्या तीन ते चार दिवसात पैशांचे वाटप करताना काही जणांना पकडले आहे. पोलिसांनी मोठ्या प्रमाणात पैसे जप्त केले आहेत.
20 Feb 2017
एमपीसी न्यूज - काँग्रेसचे प्रभाग क्रमांक नऊचे उमेदवार किरण अर्जुन पवार (वय 31) यांना सोमवारी पहाटे अज्ञातांनी धारदार हत्यारांनी मारहाण केली. पहाटे तीनच्या सुमारास नेहरूनगर येथे ही घटना घडली. 


किरण पवार हे प्रभाग क्रमांक नऊमधून काँग्रेसच्या चिन्हांवर महापालिकेची निवडणूक लढवत आहेत. सोमवारी पहाटे तीनच्या सुमारास ते राहत्या घरी होते. त्यावेळी आलेल्या अज्ञात इसमांनी त्यांना धारदार हत्यारांनी मारहाण केली. 


याप्रकरणी किरण पवार यांनी पिंपरी पोलीस ठाण्यात फिर्याद दिली आहे. त्यानुसार अनोळखी इसमांविरोधात गुन्हा दाखल करण्यात आला आहे. पिंपरी पोलीस तपास करत आहेत.
Page 1 of 4