• 1.JPG
  • PhotoGraphy-School-1.jpg
  • punenews.jpg
21 May 2017

चतु:श्रृंगी वाहतूक पोलिसांची फिल्मी कारवाई

एमपीसी न्यूज - औंध गाव येथे भरधाव धावणा-या स्क्वाडा गाडीने वाहतुकीचे नियम मोडले. यावेळी वाहतूक पोलिसांनी  त्या गाडीचा पाठलाग केला. यावेळी त्यांनी गाडीची तपासणी केली तर त्या गाडीत पोलिसांना चक्क साडेचौदा लाखांचा गांजा आढळून आला. ही एखाद्या चित्रपटाला साजेशी कारवाई चतुःश्रृंगी पोलिसांनी केली आहे. यामध्ये पोलिसांनी एकास अटक केली आहे.

राजेंद्र उत्तम रोकडे (वय 32 रा. नायगाव, सोरतापवाडी. सध्या रा. दोनवत, खालापूर, रायगड), असे अटक केलेल्या आरोपीचे नाव आहे.

पोलिसांनी दिलेल्या माहितीनुसार, रोकडे 8 हा एम.एच.04 डी.एन.1305 या क्रमांकाची सिल्व्हर रंगाची स्क्वाडा कार घेऊन जात असताना त्याने औंध गाव येथे सिग्नल तोडला. त्याची गाडी भरधाव धावत होती. यावेळी पोलिसांनी त्याचा पाठलाग करत रोकडे याला पकडले. यावेळी पोलिसांनी गाडीची तासणी केली असता गाडीमध्ये 182 किलो वजनाचा 14 लाख 56 हजार किमतीचा गांजा असल्याचे दिसले.

हा गांजा 93 खाकी पाकीटात भरलेला गांज्याचे दहा पोते पोलिसांनी जप्त केले. तसेच गांजा व कार मिळून 16 लाख 6 हजारांचा ऐवज जप्त केला आहे. याबाबत चतुःश्रृंगी पोलीस ठाण्यात गुन्हा दाखल करण्यात आला असून पोलीस अधिक तपास करत आहेत.

21 May 2017

एमपीसी न्यूज -  निगडी येथे 48 वर्षीय महिलेने राहत्या घरात ओढणीने गळफास घेवून आत्महत्या केली. ही घटना काल (दि.20) दुपारी बाराच्या सुमारास घडली.



राजींद्र कौर दिलबादसिंग पट्टी (वय.48 रा. साईनाथनगर, कृष्णा सोसायटी, निगडी) असे मयत महिलेचे नाव आहे. कौर यांनी काल दुपारी बाराच्या सुमारास बेडरूममध्ये छताच्या पंख्याला ओढणीने गळफास घेवून आत्महत्या केली. आत्महत्येचे कारण अद्याप कळाले नसून, निगडी पोलीस त्याचा तपास घेत आहेत.


निगडी परिसरातील ही गेल्या दोन दिवसातील ही दुसरी घटना आहे. यापुर्वीही रुपीनगर येथे शुक्रवारी  31 वर्षीय महिलेने घरात ओढणीने गळफास घेवून आत्महत्या केली होती. तर निगडी हद्दीतच एकाने गळफास घेण्याचा प्रयत्न केला होता. याबाबत पोलीस ठाण्यात गुन्हा दाखल झाला असून निगडी पोलीस अधिक तापस करत आहेत.

21 May 2017
भारतीय विद्यापीठ पोलिसांची कामगिरी 
 
एमपीसी न्यूज -  पगाराचे पूर्ण पैसे दिले नाही म्हणून हॉटेल मालकावर प्राणघातक हल्ला करुन पळून गेलेल्या कामगाराला अखेर हरिद्वार येथून जेरबंद करण्यात भारती विद्यापीठ पोलिसांना यश आले. 24 जून रोजी आरोपी हल्ला करुन पळून गेला होता. 
 
देवराज मुकदेव सिंग (वय 22 रा. हरियाणा) असे अटक करण्यात आलेल्याचे नाव आहे. 
 
सिंग हा कात्रज कोंढवा रोडवरील दत्तात्रय तांबे यांच्या शिवम हॉटेल येथे वेटर म्हणून कामाला होता. दरम्यान, तांबे यांनी पगाराचे पूर्ण पैस न दिल्याच्या रागातून 24 मार्च रोजी रात्री तांबे यांच्यावर बांबुने हल्ला करत दोन मोबाईल, एक चेक एटीएम आणि रोख 5 हजार घेऊन पोबारो केला होता. पोलिसांना मिळालेल्या माहितीनुसार सिंग हा गेल्या  एक महिन्यांपासून  वास्तव्यास असल्याचे मोबाईल लोकेशनवरुन समजले. या माहितीच्या आघारे भारती विद्यापीठ पोलिसांनी सापळा रचून सिंग याच्या मुसक्या आवळल्या. पुढील तपास पोलीस करीत आहेत.
20 May 2017

एमपीसी न्यूज - कोरेगाव पार्क साऊथ मेन रोडवरील संत गाडगे महाराज शाळेसमोर लावण्यात येणा-या प्रवाशी तीन चाकी रिक्षांची चाके चोरी जाण्याचे प्रमाण मागील काही दिवसांपासून वाढले आहे. याबाबत कोरेगाव पार्क पोलीस ठाण्यात तक्रार नोंदविण्यात आली आहे.

या भागात काम करून पोट भरणा-यांची संख्या काही प्रमाणात आहे. परंतु हा भाग उच्च्भ्रू लोकांचा राहणारा समजला जातो. तरी देखील या भागात रिक्षाची चाके चोरी जाण्याचे प्रमाण वाढले आहे. रात्रीच्या वेळेस चाके काढून केवळ चाके नेली जातात तर नट बोल्ट चाकाच्या जागेवरच टाकून दिले जातात. अशा प्रकारची तक्रार आज कोरेगाव पार्क पोलिसांमध्ये दाखल केली असल्याची माहिती इकबाल शेख यांनी दिली. या भागात पोलिसांच्या गस्तीत वाढ करण्याची मागणीही इकबाल यांनी केली आहे. 

चोरीच्या विविध घटना शहरात घडत असून नागरिकांनी सतर्कतेने राहायला हवे. घराच्या खिडक्यांपासून ते महागड्या गाड्यापर्यंत चोरीच्या घटना उघडकीस येत आहेत.

20 May 2017

पोलिसांची बनवाबनवी 'सीसीटीव्ही' फुटेजमध्ये कैद

निरीक्षक अरुण मोरे यांचे निलंबन करण्याची मागणी

एमपीसी न्यूज - हप्ता दिला नसल्यामुळे देहूरोड पोलिसांनी एका हॉटेलमध्ये बेकायदेशीररित्या दारु विक्री करत असल्याचे सांगत कारवाईच्या बहाण्याने कर्मचा-यांना मारहाण करून गल्ल्यातील पैसे लंपास केले. तसेच हॉटेल मालक पसार असल्याची नोंद पोलीस डायरीमध्ये केली. परंतु, पोलीस हॉटेल मालकासबोत 'मांडवली' करत असल्याचे ठाण्यातील 'सीसीटीव्ही' फुटेजमध्ये कैद झाले आहे. यातून देहूरोड पोलिसांचा खोटारडेपणा उघड झाला आहे. त्यामुळे निरीक्षक अरुण मोरे यांचे निलंबन करून त्यांच्यावर गुन्हा दाखल करण्याची मागणी माहिती अधिकार कार्यकर्ते श्रीजित रमेशन यांनी केली आहे.

हप्ता दिला नसल्यामुळे देहूरोड पोलिसांनी एका हॉटेलमध्ये बेकायदेशीररित्या दारू विक्री करत असल्याचे सांगून महिनाभरापूर्वी कारवाई केली होती. कर्मचा-यांना मारहाण करून गल्ल्यातील पैसे लंपास केले होते. हॉटेलमधील दारू जप्त केली आणि हॉटेल मालक फरार असल्याची स्टेशन डायरीत नोंद केली.

माहिती अधिकार कार्यकर्ते श्रीजित रमेशन यांनी ठाण्यातील 'सीसीटीव्ही' फुटेज देण्याची मागणी माहिती अधिकारात केली होती. परंतु, पोलिसांनी आपला खोटारडेपणा उघड होईल, या भीतीने फुटेज देण्यास नकार दिला होता. रमेशन यांनी मोठ्या शिताफीने ठाण्यातील 'सीसीटीव्ही' फुटेज मिळविले आहे. त्यामध्ये पोलीस हे हॉटेल मालकासोबत मिरवत असल्याचे स्पष्टपणे दिसून येत आहे. यातून देहूरोड पोलिसांची बनवाबनवी उघड झाली असून त्यांचा भ्रष्ट कारभार चव्हाट्यावर आला आहे. जप्त केलेला दारुचा बॉक्स पुन्हा हॉटेलमालकाला परत देत असताना पोलीस फुटेजमध्ये दिसत आहेत. कारवाईचा दिखाऊपणा करण्यासाठी दारुच्या काही बाटल्या जप्त करण्याचे ढोंग करत असल्याचेही पोलीस 'सीसीटीव्ही' फुटेजमध्ये स्पष्टपणे दिसत आहेत.

याबाबत श्रीजित रमेशन यांनी देहूरोड ठाण्याचे पोलीस निरीक्षक अरुण मोरे यांच्या चुकीच्या कामाची तक्रार पुणे जिल्हा ग्रामीण पोलीस अधिक्षक सुवेझ हक यांच्याकडे केली होती.  हक यांनी  मोरे यांची चौकशी सुरू असल्याचे सांगतिले होते. मात्र, एक महिन्याचा काळ लोटला तरी त्यांच्यावर अद्यापपर्यंत कोणत्याही प्रकारची कारवाई झाली नाही. याउलट हे प्रकरण शांत होईपर्यंत मोरे यांना रजेवर पाठविले असल्याचा, आरोप रमेशन यांनी केला आहे. त्याचबरोबर मोरे यांची वारंवार आपल्याकडे तक्रार करू नका, असे  रमेशन यांना पोलीस अधीक्षक हक यांनी सांगितले. त्यामुळे पोलीस अधीक्षक हक हे निरीक्षक अरुण मोरे यांना पाठिशी घालत असल्याचा आरोप, रमेशन यांनी केला आहे.

अरुण मोरे यांच्यावर कारवाई करण्यासाठी रमेशन हे मुंबई येथील आझाद मैदानात दोन दिवसांपासून उपोषणाला बसले होते. पंरतु, पोलीस ठाण्यातील 'सीसीटीव्ही' फुटेज हाती मिळताच त्यांनी उपोषण ताप्तुरते सोडले आहे. हे सीसीटीव्ही फुटेज राज्याचे मुख्यमंत्री व गृहमंत्री देवेंद्र फडणवीस यांच्याकडे देणार असल्याचे, रमेशन यांनी सांगितले. तसेच निरीक्षक अरुण मोरे यांचे निलंबन करून त्यांच्यावर रितसर गुन्हा दाखल करण्याची मागणीही आपण मुख्यमंत्र्यांकडे करणार असल्याचे, त्यांनी सांगितले.

मोरे यांचे जोपर्यंत निलंबन होत नाही आणि त्यांच्यावर गुन्हा दाखल होत नाही, तोपर्यंत आपण लढणार आहोत. याविरोधात जनआंदोलन उभारणार असल्याचा इशाराही, रमेशन यांनी दिला आहे.

20 May 2017

एमपीसी न्यूज - आंबेगाव तालुक्यातील भीमाशंकर जवळील राजापूर गावच्या जंगलात एका अज्ञात महिलेचा दगडाने ठेचून मारलेल्या अवस्थेत मृतदेह आढळला आहे. या धक्कादायक घटनेमुळे परिसरात एकच खळबळ उडाली आहे. दरम्यान, याप्रकरणी अज्ञात व्यक्तीविरोधात खुनाचा गुन्हा दाखल करण्यात आला आहे.

घोडेगाव पोलिसांनी दिलेल्या माहितीनुसार या महिलेला विवस्त्र करून दगडाने ठेचून निर्घृण खून करण्यात आला. त्यानंतर तिचा मृतदेह पेटवून जंगलात फेकण्यात आला आहे. अद्याप महिलेची ओळख पटलेली नाही. या प्रकारामुळे संबंध परिसरात एकच खळबळ उडाली आहे.

घोडेगाव पोलीस अधिक तपास करीत आहे.

20 May 2017

एमपीसी न्यूज - कोंढवा येथील कॉरियातन क्लबजवळून पोलिसांनी एकाला  तीन लाख रुपयांच्या गांज्यासह ताब्यात घेऊन गुन्हा दाखल केला आहे.

मोहसीन आयुब खान (वय 36, रा. 7/18, सागर कामठेनगर, कोंढवा), असे अटक करण्यात आलेल्या आरोपीचे नाव आहे.

पोलिसांनी दिलेल्या माहितीनुसार, सहाय्यक पोलीस निरीक्षक अजय वाघमारे यांना मिळालेल्या माहितीनुसार, कॉरियतन क्लब जवळ सापळा रचून आरोपी मोहसीन यास त्याच्या होंडा अॅक्टिव्हा मो/सा. वरून गांजाचे पोते घेऊन आल्याने ताब्यात घेतले. त्याच्या जवळून तीन लाख चार हजार 725 रुपये किमतीचा 20 किलो 315 ग्रॅम गांजा तसेच अॅक्टिवा गाडी, असा एकूण तीन लाख 43 हजार 425 रुपये किमतीचा मुद्देमाल जप्त केला आहे.

या प्रकरणी आरोपीवर हडपसर पोलीस ठाण्यात गुन्हा दाखल करण्यात आला असून अधिक तपास सुरू आहे.

20 May 2017

एमपीसी न्यूज - छत्रपती शिवाजी महाराज, छत्रपती संभाजी महाराज व माता जिजाऊ यांच्याबद्दल व्हॉट्सअप ग्रुपवर ऑडिओ क्लिपद्वारे अवमान केल्या प्रकरणी लातूरमधील एका माथेफिरूवर शिवाजीनगर पोलीस ठाण्यात अब्रूनुकसानीचा गुन्हा दाखल करण्यात आला आहे. याप्रकरणी अॅड. रमेश राठोड यांनी फिर्याद दिली आहे.

विठ्ठल रामकिसन तिडके (रा-कुनकी, ता-जळकोठ, जि-लातूर), असे गुन्हा दाखल केलेल्या आरोपीचे नाव आहे.

पोलिसांनी दिलेल्या माहितीनुसार, फिर्यादी राठोड यांचे मित्र विजयकुमार शिंदे (रा. कोल्हेवाडी, ता. हवेली, जि. पुणे) हे व्हॉस्टसअप वरील एका स्वाभिमानी मराठा ग्रुपचे सदस्य असून या ग्रुपवर आरोपी विठ्ठल तिडके याने छत्रपती शिवाजी महाराज, संभाजी महाराज आणि राजमाता जिजाऊ यांचा अवमान होईल अशी ऑडिओक्लिप टाकली. ही ऑडिओ क्लिप सोळंकी पाटील यांना त्यांच्या मोबाईलवर काल (दि. 19) मिळाली.

याप्रकरणी अॅड. रमेश राठोड यांनी शिवाजीनगर पोलीस ठाण्यात फिर्याद दिली. त्यानुसार आरोपी तिडके यांच्यावर गुन्हा दाखल करण्यात आला आहे. तसेच याप्रकरणी अॅड. राठोड यांनी शिवाजीनगर पोलीस स्टेशनचे वरिष्ठ पोलीस निरीक्षक मिलिंद गायकवाड यांच्याशी सविस्तर चर्चा करून त्या सदर माथेफिरूला लवकरात लवकर अटक करून त्यावर कडक कारवाई करावी, असे लेखी स्वरुपात तक्रार अर्जसुद्धा देण्यात आले आहे. 

यावेळी अॅड सचिन झाल्टे पाटिल, अॅड विजय शिंदे, अॅड अनिकेत भोसले, अॅड समीर शहाणे, अॅड सागर, अॅड उमेश ठाकरे, अॅड विष्णु धावारे, अॅड सचिन स्वामी, अॅड हेमंत कांबळे अॅड बांधव व इतर नागरिक उपस्थित होते..!

20 May 2017

एमपीसी न्यूज - खंडोबा माळ येथे पाच तृतीयपंथीयांनी काल (शुक्रवारी) रात्री अकरा वाजता चांगलाच धुमाकूळ घातला. अंगावरील कपडे काढून केलेल्या रास्ता रोकोमुळे पादचारी व वाहनचालक चांगलेच धास्तावले.

 

जुना मुंबई पुणे रोडवर चिंचवड आकुर्डी येथील खंडोबा माळ येथे हा प्रकार तब्बल अर्धा तास सुरु होता. कपडे काढून पैसे मागत असल्याने कुणी बळजबरीने पैसे दिले तर काही लोक लांबूनच त्या दृश्याकडे पाठ फिरवत होते. पैसे मागून जे लोक पैसे देत नव्हते त्या लोकांना मोठ्या आवाजात शिव्या-शाप देत होते. बराच वेळ हा प्रकार सुरु होता. रात्री साडेअकरा वाजता लांबूनच बघणा-यांची गर्दी पांगली आणि शेवटी धिंगाणा थांबला.

20 May 2017
खंडणी विरोधी पथकाची कारवाई 
 
 
एमपीसी न्यूज -  जमीन नावावर करुन देण्यासाठी दांडेकर पुलाजवळील इमारतीमध्ये किडनॅप करुन ठेवलेल्यांची अख्र चार दिवसांनी सुखरुप सुटका करण्यात आली.  खंडणी विरोधी पथकाने ही कारवाई केली. या प्रकरणी  चौघांना ताब्यात घेण्यात आले असून दोघांचा शोध सुरू आहे. 
 
सिद्धेश भास्कर वाघमारे (वय 32 रा. पिसोळी) आणि सचिन विश्वनाथ सोनकांबळे (वय 31 रा. पिसोळी) अशी सुटका केलेल्यांची नावे आहेत. तर पुरसाद विठ्ठल डांगे (वय 29 रा. कर्वेनगर आणि अनंत गरथ यंच्यासह चौघांना  दत्तवाडी पोलिसांच्या ताब्यात देण्यात आले असून इतर आरोपींचा शोध सुरु आहे. 
 
 
किडनॅप करण्यात आलेल व्यक्तींच्या नावे मुठा नदी जवळ एक एकर तीन गुंठे जमीन आहे. ही जमीन आरोपींच्या नावे करुन घेणयासाठी वरील व्यक्तींना गेल्या चार दिवसांपासून दांडेकर पुलाजवळील एका इमारतीमध्ये डांबून ठेवण्यात आले होते. अखेर त्यांची सुखरुप सुटका करण्यात आली असून पोलिसांनी चौघांना ताब्यात घेतले असू इतर आरोपींचा शोध घेत आहेत.
19 May 2017

एमपीसी न्यूज - नागरिकांना आता आपल्या हरवलेल्या वस्तूंची तक्रार थेड ऑनलाईन करता येणार आहे. त्यासाठी पोलीस ठाणे गाठण्याची गरज पडणार नाही. कारण कोणत्याही कारणास्तव हरविलेल्या वस्तूंची तक्रार नोंदवण्यासाठी पुणे पोलिसांच्या वेबसाईटवर ‘लॉस्ट अँड फाउंड’ नावाचे ऑनलाईन पोर्टल सुरु केले आहे. विशेष म्हणजे डिजिटल सिग्नेचरद्वारे तक्रारीची प्रतही ऑनलाईन मिळणार आहे, अशी माहिती आर्थिक व सायबर गुन्हे शाखेचे पोलीस उपायुक्त सुधीर हिरेमठ, गुन्हे शाखेचे उपायुक्त पंकज डहाणे यांनी पत्रकार परिषदेत दिली.

यावेळी वरिष्ठ पोलीस निरीक्षक राधिका फडके उपस्थित होत्या.

नागरिकांना मोबाईल फोन, सिमकार्ड अथवा विविध कागदपत्रे हरवल्यानंतर याची तक्रार देण्यासाठी पोलीस ठाण्यात सतत चकरा मारून तासनतास वाट पहावी लागते. त्यामुळे अनेक वेळा नागरिक अशा वस्तूंची तक्रार देण्यासाठी टाळाटाळ करतात. शहरातील वेगवेगळ्या पोलीस ठाण्यात अशा प्रकारच्या साधारण 100 ते 120 तक्रारी दाखल होतात. नागरिकांची गैरसोय व अशा घटनांची संख्या पाहता याची ऑनलाईन तक्रार नोंदवण्याची सुविधा उपलब्ध करून देण्याचा निर्णय घेण्यात आला आहे. पुणे पोलिसांच्या आर्थिक आणि गुन्हे शाखेने पुणे पोलिसांच्या वेबसाईटवर ‘लॉस्ट अ‍ॅण्ड फाऊंड’ हे वेबपोर्टल सुरू केले आहे. मंगळवारपासून हे पोर्टल सुरू होणार आहे. नागरिक या ठिकाणी हरवलेल्या वस्तूंची तक्रार देऊ शकतात.

अशा प्रकारे द्या तक्रार...

पुणे पोलिसांच्या पुणे पोलीस डॉट को डॉट इन या वेबसाईटवर ‘लॉस्ट अॅण्ड फाऊंड’ अशी लिंक देण्यात आली आहे. त्यावर क्लिक केल्यानंतर मोबाईल क्रमांक टाकावा. त्यानंतर ओटीपी क्रमांक येईल. ओटीपी क्रमांक टाकल्यावर पेज उघडेल. त्यामध्ये हरवलेली वस्तू, कागदपत्रे, यांचा प्रकार स्वत:चे नाव, पत्ता, मोबाईल क्रमांक, आदीची माहिती भरावी लागेल. त्यानंतर ही माहिती संबंधित पोलीस ठाणे, गुन्हे शाखेला ऑनलाईन प्राप्त होईल. त्यानंतर उपायुक्तांची डिजिटल सिग्नेचर असलेली तक्रारीची प्रत नागरिकांना मिळेल.  

ती प्रत नागरिक हरवलेली वस्तू नवीन वस्तू घेण्यासाठी वापरू शकतील. तक्रार दिल्यानंतर वस्तू अथवा कागदपत्र सापडल्यास तक्रारदार याबाबतची माहिती फाऊंड या लिंकवर देऊ शकतात. तसेच, एखाद्या व्यक्तीला वस्तू सापडल्यास तो ऑनलाईन माहिती पोलिसांना देऊ शकतो. तसेच, तक्रारदाराची वस्तू परत मिळाल्यानंतर तक्रार रद्द करण्याची सुविधा असणार आहे, असे हिरेमठ यांनी सांगितले.

19 May 2017

एमपीसी न्यूज - चिंचवड येथे फटाके वाजवल्याच्या कारणावरून राष्ट्रवादी व भाजपच्या कार्यकर्त्यांमध्ये आज सायंकाळी साडेसातच्या सुमारास तुफान राडा झाला. राष्ट्रवादीचे नेते भाऊसाहेब भोईर यांची पिंपरी-चिंचवड महापालिकेच्या स्वीकृत नगरसेवकपदी निवड झाल्याबद्दल कार्यकर्त्यांनी भाजपचे नगरसेवक सचिन चिंचवडे यांच्या घरासमोर फटाके वाजवले. याचा राग येऊन दोन्ही गटात तुंबळ हाणामारी झाली.

पिंपरी-चिंचवड महापालिकेच्या स्वीकृत नगरसेवकपदासाठी आज निवड करण्यात आली. यामध्ये राष्ट्रवादीकडून भाऊसाहेब भोईर यांची वर्णी लागल्याने महापालिकेच्या स्वीकृत नगरसेवकपदी त्यांची निवड झाली. महापालिका निवडणूक 2017 मध्ये भोईर हे सचिन चिंचवडे यांच्या विरुद्ध उभे राहिले होते. चिंचवडे यांनी त्यांचा पराभव केला होता. मात्र, स्वीकृत नगरसेवकपदी भोईर यांची निवड झाल्याने कार्यकर्त्यांनी आनंदोत्सव साजरा केला.

या दरम्यान भोईर यांच्या समर्थकांनी चिंचवडे यांच्या घरासमोर फटाके वाजवले. याचा राग येऊन भाजपचे कार्यकर्ते व चिंचवडे समर्थक आपआपसात भिडले. त्यांच्यात तुफान हाणामारी झाली.

या प्रकरणी चिंचवड पोलीस ठाण्यात रात्री उशिरापर्यंत गुन्हा दाखल करण्याचे काम सुरू होते.

19 May 2017

एमपीसी न्यूज - पुणे पोलिसांच्या सायबर गुन्हे शाखेने एका उच्चशिक्षित तरुणाला आयटी इंजिनिअरच्या खासगी कागदपत्रांमध्ये फेरफार करत वेगवेगळ्या बँकांचे क्रेडीट काढल्याप्रकरणी अटक केली. याप्रकरणी ब्रिजेश नंदन यांनी सांगवी पोलीस ठाण्यात फिर्याद दिली होती.

स्मिथ इम्यान्यूएल साळवे (वय 29, डेस्टिनी अपार्टमेंट, स्वराज गार्डन हॉटेलशेजारी, पिंपळे गुरव), असे अटक करण्यात आलेल्या तरुणाचे नाव आहे.

पोलिसांनी दिलेल्या माहितीनुसार, फिर्यादी ब्रिजेश नंदन हे वोडाफोन कंपनीमध्ये आय.टी. इंजिनियर आहेत. त्यांना चार एप्रिलला इन्डसइन्ड बँकेकडून तुमची क्रेडिट कार्डची प्रोसेस पूर्ण झाली आहे, अशा आशयाचा बँकेचा इमेल आला. मात्र त्यांनी अशा प्रकारे कोणत्याही क्रेडीट कार्डसाठी अर्ज केलेला नव्हता. त्यामुळे त्यांनी त्याकडे दुर्लक्ष केले. त्यानंतर क्रेडीटकार्डसाठी लागणारी कागदपत्रे तुमच्या पत्त्यावरून बँकेच्या कर्मचार्‍याने प्राप्त केली आहेत. ही कागदपत्रे तुम्ही दिल्याबाबत कन्फर्मेशन द्या, असा मेल प्राप्त झाला. त्यानंतर त्यांनी ही कागदपत्रे दिली नसल्याचे बँकेच्या मेलवर कळविले आणि क्रेडिट कार्डची रिक्वेस्ट रद्द करण्याचे सांगितले.

त्यानंतर त्यांच्या मोबाईलवर 1 मे रोजी एमडीएम- कोटक यांच्याकडून क्रेडीट कार्डसाठी आपला अर्ज मिळाला असून 15 दिवसात यावर प्रोसेस केली जाईल, असा संदेश आला. त्यानंतर अमेरिकन एक्सप्रेस बँकेकडूनही अशाच प्रकारचा संदेशा आला. अखेर सतत येणा-या या संदेशांमुळे ब्रिजेश यांनी कोटक बँकेत जाऊन चौकशी केले. त्यावेळी त्यांच्या नावाने क्रेडीटकार्डसाठी अर्ज केलेला असून त्यामध्ये त्यांच्या नावाची कागदपत्रे वापरली असून त्यात फोटो दुसर्‍याच कोणाचा तरी वापरलेला आहे, असे लक्षात आले. त्यानंतर त्यांना एसबीआय, एचडीएफसी या बँकांमधूनही क्रेडीट कार्डसाठी अर्ज केले असल्याचे संदेश आल्याने त्यांच्या नावाने कुणीतरी दुसरीच व्यक्ती कागदपत्रांचा गैरवापर करून अर्ज करत असल्याचे त्यांच्या लक्षात आल्यावर त्यांनी  सांगवी पोलीस ठाण्यात फिर्याद दिली. त्यानुसार गुन्हा दाखल करण्यात आला होता. 

या गुन्ह्याचा समांतर तपास सायबर गुन्हे  शाखा करत असताना अटक करण्यात आलेल्या साळवे याने कोटक महिंद्रा बँकेच्या क्रेडीट कार्डसाठी केलेल्या अर्जात दुय्यम मोबाईल क्रमांक दिला होता. तो त्याचा होता. त्यावरून पोलिसांनी सीमकार्डचा वापर करणार्‍या साळवेला अटक केली. त्यानंतर त्याने अशा प्रकारे अर्ज करून फसवणूक केल्याचे कबूल केले.

19 May 2017

एमपीसी न्यूज -  पिंपरी-चिंचवड लघुउद्योग संघटनेचे अध्यक्ष संदीप बेलसरे यांच्या नेतृत्वाखाली पिंपरी-चिंचवड लघु उद्योग संघटनेच्या शिष्ट मंडळाने नुकतेच  पुणे पोलीस सहआयुक्त रवींद्र कदम यांना औद्योगिक परिसरातील वाढत्या चो-यांसंदर्भात निवेदन दिले.

पिंपरी-चिंचवड लघुउद्योजक संघटनेचे अध्यक्ष संदीप बेलसरे यांच्या अध्यक्षतेखाली हे निवेदन देण्यात आले.  यावेळी सचिव  जयंत कड, स्वीकृत संचालक प्रमोद राणे, लघुउद्योग भारतीचे महाराष्ट्र प्रांत अध्यक्ष रवींद्र सोनवणे,  महाराष्ट्र  प्रांत  कोषाध्यक्ष महेंद्र देवी, लघुउद्योग भारतीचे पिंपरी-चिंचवड शहर अध्यक्ष विजय लाटकर, प्रसाद जाधव आदी उपस्थित होते.

 
वाढत्या चो-यांसंदर्भात निवेदन देऊन सविस्तर बैठक घेण्याची व चो-या रोखण्यासाठी करण्यात येणारी उपाययोजना  करण्याची मागणी केली.  दिलेल्या निवेदनात त्यांनी म्हटले आहे. पिंपरी-चिंचवड औद्योगिक परिसरातील तलवडे, कुदळवाडी, एमआयडीसी,शांती नगर ,सेक्टर.नंबर. 7  व 10, PCNTDA या परिसरात चो-यांचे प्रमाण वाढले असून चोरटे गटागटाने येऊन  सुरक्षा रक्षकाला  प्राणघातक हत्याराचा धाक दाखवून चोरी करतात. सुरक्षारक्षक निशस्त्र असल्यामुळे प्रतिकार करू शकत नाहीत.

एमआयडीसी भोसरी पोलीस ठाण्यात वारंवार तक्रार करूनही  पोलीस चोर व मुद्देमाल अद्याप पकडू शकले नाहीत. पोलीस उद्योजकालाच सीसीटीव्ही कॅमेरा बसवा, वॉचमन ठेवा असा सल्ला देतात. सर्वच उद्योजकांना सीसीटीव्ही कॅमेरा बसविणे वा वॉचमन ठेवणे परवडत नाही. तसेच स्वयंघोषित माथाडी कामगार संघटना त्यांचे कामगार कामावर ठेवा व प्रोटेक्शन मनी देण्यासाठी उद्योजकांना त्रास देत असतात. कंपनीमध्ये चोरी व इतर त्रास होण्याच्या भीतीने उद्योजक तक्रार करण्यास पुढे येत नाहीत.

सध्याच्या  औद्योगिक  मंदीच्या काळात आर्थिक डबघाईला आलेले उद्योग या चोरीच्या प्रकरणामुळे अधिक संकटात सापडले असून त्यामुळे उद्योगामध्ये घबराट पसरली आहे. उद्योग बंद करण्याच्या मनस्थितीत उद्योजक आले आहेत. पगाराच्या दिवसात कामगारांना संध्याकाळी वाटमारी करून लुटले जाते. मारहाणही केली जाते. चोरीचा माल विकत घेणा-या बेकायदेशीर भंगार दुकानदारावर कारवाई करावी. औदयोगिक परिसरातील पोलिसाची रात्रीची गस्त सध्या बंद असून ती तातडीने सुरू करावी.

सन 2013 मध्ये चिंचवड लघुउद्योग संघटनेने प्रायोगिक तत्वावर गस्ती पथक योजना राबवली होती. त्यावेळी चोरीचे प्रमाण कमी झाले होते. पण आर्थिक कारणामुळे ही योजना बंद करावी लागली. त्यावेळी पोलीस दलास गस्तीसाठी वाहने व सशत्र मनुष्य बळ पुरविण्यासाठी तत्कालीन गृहमंत्री दिवंगत आर.आर.पाटील यांच्याकडे संघटनेने पाठपुरावा केला होता. तत्कालीन पोलीस आयुक्त, पुणे गुलाबराव पोळ यांनी सुरक्षारक्षकांना  शस्त्र परवाना देण्याचे आश्वासन दिले होते.  त्याबाबत कार्यवाही झालेली नाही.

तसेच या चोरीचे प्रकार संघटितपणे केले जात असून त्या गुन्हेगारावर मोक्का कायदा अंतर्गत कारवाई करावी. पोलीस उपायुक्त, सहाय्यक पोलीस आयुक्त, व पिंपरी-चिंचवड औदोगिक परिसरात येणा-या सर्व पोलीस स्टेशनला या गुन्हेगारावर कठोर कारवाई करण्याचे आदेश द्यावेत अशी मागणी संघटनेकडून करण्यात आली. यावेळी सदर मागण्याचा विचार करून पिंपरी-चिंचवड येथे पोलीस अधिकारी व उद्योजक यांची लवकरात लवकर बैठक घेण्याचे  पुणे पोलीस सहआयुक्त रवींद्र कदम  यांनी मान्य केले.

19 May 2017

एमपीसी न्यूज - रुपीनगर येथे 31 वर्षीय महिलेने  राहत्या घरात गळफास घेवून आत्महत्या केली आहे. ही घटना आज (शुक्रवारी) आज सकाळी  साडे दहा वाजता उघडकीस आली.

 

मिनाक्षी राजू जलनिला (वय.31 रा. इद्रांयणी हाऊसींग सोसायटी, रुपीनगर,तळवडे) या महिलेने  राहत्या घरात छाताच्या वास्याला ओढनीने गळफास घेवून आत्महत्या केली आहे. राजू व्यंकटेश जलनिला हे संबंधीत महिलेचे पती हे वेठबिगारी काम करत होते. ते घराबाहेर गेले असता हा प्रकार घडला. आत्महत्येचे कारण अद्याप कळू शकले नाही.

 

याबाबत निगडी पोलीस ठाण्यात गुन्हा दाखल झाला असून निगडी पोलीस तपास करत आहेत.

19 May 2017

एमपीसी न्यूज  - चिंचवड रेल्वे स्थानकाजवळ रेल्वे अपघातात मरण पावलेल्या एका अज्ञात इसमाचा मृतदेह आढळला आहे.  ही घटना काल रात्री दहाच्या सुमारास उघडकीस आली.

चिंचवड रल्वे पोलीसांनी दिलेल्या माहितीनुसार एका सह प्रवाश्याने याची माहिती पोलीसांना दिली. त्यानुसार पोलीसांनी मृतदेह ताब्यात घेतला आहे. मात्र या इसमाची अद्याप ओळख पटलेली नाही.

या इसमाचे वय साधारण 25 वर्ष, उंची 5 फूट 4 इंच, वर्ण गोरा, उभा चेहरा, नाक सरळ, गळ्यात ताईत, अंगावर राखाडी रंगाचा व त्यावर तपकीरी पट्टे असलेला शर्ट व आकाशी पँन्ट आहे.

हा दोन्ही रल्वे ट्रॅकच्या मध्ये पडला होता व त्याच्या डोक्याला जखम झाली आहे. त्यावरुन हा रल्वेतुन पडला असावा असा प्रथमिक अंदाज रल्वे पोलीसांचा आहे.

18 May 2017

एमपीसी न्यूज - पिंपरी गावात काल (दि.17) सकाळी साडेनऊच्या सुमारास घरात घुसून हल्ला करून सुमारे 3 लाख 40 हजाराचा  ऐवज पळवल्या प्रकरणाच्या तपासासाठी आज (गुरुवारी) पिंपरी गुन्हे शाखेची चार पथके कार्यरत करण्यात आली आहेत.


हरिश आडमल मंगवानी (वय 55, रा. धर्मा अपार्टमेंट, पिंपरीगाव) हे घरात एकटे असताना सकाळी साडेनऊच्या सुमारास चौघांनी घरात घुसून मंगवाणी यांना बांधले त्यांच्या तोंडाला पट्टी लावली व त्यांना घराच्या बाथरुममध्ये कोंडून ठेवले. यावेळी चोरट्यांनी मंगवानी यांना मारहाण केली व गळ्यावर वारही केले. तसेच त्यांनी घरातील सोने व रोख रक्कम असा एकूण 3 लाख 40 हजाराचा ऐवज लंपास केला.


या तपासात पोलिसांनी पाहणी केली असता मंगवानी राहत असलेल्या इमारतीच्या परिसरात सीसीटीव्ही नाही. त्यामुळे पोलिसांना चोरट्यांच्या शोध घेताना अडचण होत आहे. यासाठी पिंपरी गुन्हे शाखेची चार पथके कार्यरत झाली असून मंगवानी यांनी केलेले वर्णन व परिसरातील सीसीटीव्ही यांच्या अधारावर चोरट्यांचा शोध सुरू केला आहे.


पिंपरी-चिंचवड परिसरात घरफोडीचे प्रमाणे वाढले असून अगदी दिवसाही बिनधास्तपणे शहर परिसरात जबरी चो-या होत असल्याने नागरिकांमध्ये दहशतीचे वातावरण आहे.

18 May 2017

एमपीसी न्यूज - गेल्या तीन ते चार महिन्यात घरफोडीच्या विविध गुन्ह्यात तपास करत आरोपी अटक करणे किंवा मुद्देमाल जप्त करणे, अशी विशेष कामगिरी केल्याबद्दल आज (गुरुवारी) पुण्याच्या पोलीस आयुक्त रश्मी शुक्ला यांनी पोलीस अधिकारी व कर्मचा-यांचा सत्कार केला.

पुणे पोलीस आयुक्तालयात हा कार्यक्रम आज पार पडला. यामध्ये चोरीचे गुन्हे उघड करणे, त्यातील आरोपी व मुद्देमाल जप्त करणे अशा विविध गुन्ह्यात उल्लेखनीय कामगिरी केल्याबद्दल पिंपरीचे वरिष्ठ पोलीस निरीक्षक डॉ. विवेक मुगळीकर, पोलीस निरीक्षक गुन्हे मसाजी काळे, पोलीस उप निरीक्षक विठ्ठल बढे, पोलीस हवालदार राजेंद्र भोसले, नागनाथ लकडे, विवेक सपकाळे, पोलीस नाईक महादेव जावळे, लक्ष्मण आढारी, पोलीस शिपाई शैलेश मगर, उमेश वानखेडे अशा दहा जणांचा बक्षीस व प्रशस्तीपत्रक देऊन सत्कार करण्यात आला. 

शहरात होणा-या विविध घरफोडीच्या गुन्ह्याबाबात तपास करून सराईत गुन्हेगारास मुद्देमालासह पिंपरी पोलिसांनी अटक केले आहे.

Page 1 of 33
Open Chat
1
Close chat
Hello! Thanks for visiting us. Please press Start button to chat with our support :)

Start