• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
21 Jun 2017

एमपीसी न्यूज - नवी सांगवी येथील गणेश नगर परिसरातील श्रीकल्प बिल्डिंगच्या पार्किंग मधील 4 दुचाकी माथेफिरुने जाळल्या आहेत. ही घटना बुधवारी (दि. 21जून) पहाटे 3 वाजता घडली. 

ओंकार जालिंदर आधाटे (वय. 23 रा. प्रियदर्शनीनगर,नवी सांगवी) असे आरोपीचे नाव असून सांगवी पोलिसांनी त्याला आज सकाळी अटक केली आहे. 

आरोपी व फिर्यादी प्रवीण मधुकर रणवरे (वय 27, रा.श्रीकल्प बिल्डिंग,गणेशनगर, नवी सांगवी) यांच्यात दोन दिवसांपूर्वी भांडण झाले होते. या भांडणाचा राग मनात धरुन आरोपीने फिर्यादीची दुचाकी जाळली. मात्र या गाडी शोजारील गाड्यांनीही पेट घेतल्याने या घटनेत 4 गाड्या जळून खाक झाल्या. यावेळी दुचाकीच्या टँकचा स्फोट झाल्यामुळे रहिवाशी जागे झाले व घटना उघडकीस आली. या घटनेचे कारण अद्याप समजले नसून पोलिसांनी बिल्डिंगच्या सीसीटीव्ही फुटेज वरून आरोपी ला पकडले आहे. याप्रकरणी सांगवी पोलास ठाण्यात गुन्हा दाखल केला असून पोलीस अधिक तपास करत आहेत.

21 Jun 2017


एमपीसी न्यूज - खेड तालुक्यातील मरकळ येथील त्रिवेणी आश्रमातून एका अल्पवयीन मुलाला कोणीतरी अज्ञात इसमाने पळवून नेले आहे, याप्रकरणी संजीव मोहन रावते (वय 45 वर्ष, रा.त्रिवेणी आश्रम, मरकळ) यांनी आळंदी पोलीस ठाण्यात फिर्याद दिली आहे. तर लोणावळ्यातून आळंदी येथे लग्नास आलेली 47 वर्षीय व्यक्ती मंगल कार्यालयातून बेपत्ता आहे. या प्रकरणी प्रकाश माणिक हजारे (वय 40 वर्ष, रा. लोणावळा) यांनी आळंदी पोलीस ठाण्यात फिर्याद दिली आहे.

सुमनचंद डोंगल गुपू (वय 17 वर्ष, रा. त्रिवेणी आश्रम, मरकळ, ता.खेड, मुळगाव पंतनगर, घाटकोपर, मुंबई 75), असे पळवून नेलेल्या मुलाचे नाव आहे. त्याचे वर्णन रंग गोरा, उंची 160 सेमी, हातात प्लास्टिकचे घड्याळ, अंगात निळ्या रंगाचा टी शर्ट व निळ्या रंगाची जीन्स पॅन्ट परिधान केली आहे.

या वर्णनाचा मुलगा कोणास आढळल्यास दूरध्वनी क्रमांक 02135 - 232214 येथे संपर्क साधण्याचे आवाहन आळंदी पोलीस ठाण्याच्या वतीने करण्यात आले आहे. पुढील तपास पोलीस उपनिरीक्षक आर. एस. पाटील करीत आहेत.

व्यंकटेश केरबा हजारे (वय 48 वर्ष, रा. लोणावळा, ता.मावळ, जिल्हा पुणे), असे मंगल कार्यालयातून बेपत्ता झालेल्या व्यक्तीचे नाव आहे.

या गृहस्थांचा रंग गोरा, अंगाने सडपातळ, कपाळ सपाट, केस लहान, उंची पाच फूट आठ इंच, अंगावर लाल रंगाचा चॉकलेटी शर्ट, काळ्या रंगाची जीन्स पॅन्ट परिधान केलेली आहे. या वर्णनाची व्यक्ती कोणास आढळल्यास दूरध्वनी क्रमांक 02135 - 232214 येथे संपर्क साधण्याचे आवाहन आळंदी पोलीस ठाण्याच्या वतीने करण्यात आले आहे.

पुढील तपास पोलीस नाईक एस.जी.सोनवणे करीत आहेत.

21 Jun 2017


एमपीसी न्यूज - लग्न करण्याचे आणि परदेशात नोकरी देण्याच्या आमिषाने एका महिलेची 7 लाख रुपयांनी फसवणूक केल्याचा प्रकार उघडकीस आला आहे. या प्रकरणी एका 29 वर्षीय महिलेने चतु:श्रृंगी पोलीस ठाण्यात तक्रार दिली असून एका विरोधात गुन्हा दाखल करण्यात आला आहे. ही घटना 2013 ते जून 2017 या कालावधीत घडली.

गुलजार अवतारसिंग विरदी (रा. सुप्रिम पाम सोसायटी, बाणेर), असे आरोपीचे नाव आहे.

या प्रकरणी अधिक माहिती अशी की, आरोपी विरदी याने संबंधित महिलेला लग्नाचे आमिष दाखवले आणि तिच्याकडून सात लाख रुपयाची रक्कम उकळली.  नतंर त्याने तिला नोकरीही लावली नाही आणि लग्नही केले नाही. फिर्यादी महिलेने त्याला लग्नासंबंधी विचारले असता तिला शिवीगाळ करत मारहाण केली.

पोलीस निरीक्षक खोदडे अधिक तपास करीत आहेत.

21 Jun 2017


एमपीसी न्यूज - पुणे शहरातील महिलांना फेसबूक, व्हॉट्सअप सारख्या सोशल मीडियावर त्यांची मैत्रीण असल्याचे भासवून त्यांच्या अकाऊंटचा व्हेरिफिकेशन कोड मिळवून त्याआधारे बनावट नावाने महिलांना अश्लिल चॅटींग करण्यास भाग पाडत असे. जर महिलांनी नकार दिला तर त्यांचे मॉर्फ केलेले फोटो आणि अश्लिल मेसेज पोस्ट करत असे. हा प्रकार लक्षात आल्यानंतर सायबर क्राईम सेलने या प्रकाराचा छडा लावून आरोपीला अटक केली.


संदीप हरीबा घोलपे (रा. कारेवाडी, येरोले, उद्गीर, जि. लातूर), असे अटक केलेल्या आरोपीचे नाव आहे.

या प्रकरणी पुणे शहरातील पाच महिलांनी सायबर क्राईमकडे तक्रार दिली होती. आरोपीचा पुणे शहरातील सहा गुन्ह्यातील सहभाग निष्पन्न झाला आहे. पुणे शहरातील अलंकार पोलीस स्टेशन, सिंहगड रोड, चतु:श्रृंगी, मुंढवा आणि हडपसर या पोलीस ठाण्यात गुन्हे दाखल आहेत.

21 Jun 2017


अटक आरोपींकडून 8 तोळे सोने जप्त; 6 गुन्हे उघडकीस

एमपीसी न्यूज - संत ज्ञानेश्र्वर महाराज पालखी दर्शन घेत असताना गर्दीचा फायदा घेऊन सोनसाखळी चोरी करणा-या एका महिलेसह दोन चोरांना पोलीस मित्राने पकडून पोलिसांच्या ताब्यात दिले. आरोपींकडून आठ तोळे सोने जप्त केले आहे. पालखी सोहळ्यात चार ठिकाणी मंगळसूत्र चोरीच्या घटना घडल्या आहेत.

दुर्गा प्रमोद विटेकर (वय 22, रा. देगलूर, नांदेड जिल्हा), विनोद बाळासाहेब भिसे (वय 26) व राजेंद्र रामू माने (वय 27 दोघेही रा. पाथर्डी जि. अहमदगर) यांचा समावेश आहे. सोनसाखळी चोरी झाल्याबद्दल दिनेश महादेव पाटील (वय 24, रा. भेकराईनगर, ता. हवेली, जि. पुणे) यांनी फिर्याद दिली आहे.

हडपसर पोलीस ठाण्याचे वरिष्ठ पोलीस निरीक्षक विष्णू पवार यांनी दिलेल्या माहितीनुसार, संत ज्ञानेश्र्वर महाराजांच्या पालखीचे दर्शन घेत असताना हडपसर ते मंतरवाडी या दरम्यान भेकराईनगर बस थांबा, भारत साडी सेंटर, मंतरवाडी फाटा, पवनी स्वीटस, भेकराईनगर या चार ठिकाणी मंगळसूत्र चोरीच्या घटना घडल्या.

दरम्यान, पोलीस मित्र उबेद असल्म शेख (वय 26, रा. हडपसर) या पोलिस मित्राने भाविक पालखीचे दर्शन घेत असताना महिलांच्या गळ्यातील मंगळसूत्र चोरी करणा-या तिघांचा पाठलाग करून पकडले. त्यांच्याकडून आठ तोळे मुद्देमाल जप्त केला आहे. वानवडी विभागाचे सहाय्यक आयुक्त समीर शेख यांच्या हस्ते सत्कार करण्यात आला.   
                    

एकूण 8 गुन्हे दाखल आहेत. त्यातील 6 गुन्हे उघड झाले.

21 Jun 2017

एमपीसी न्यूज - भोसरी इंद्रायणीनगर येथे एका महिलेने तिच्या चार वर्षांच्या मुलीची हत्या करुन त्यानंतर स्वतः गळफास घेतल्याचा धक्कादायक प्रकार समोर आला आहे. दरम्यान, आत्महत्या करण्यामागचे कारण अद्याप समजू शकलेले नाही. ही घटना आज सकाळी नऊच्या सुमारास उघडकीस आली.

देवश्री इसप्पन (वय 4 ) कौमदी इस्सपन (वय 25 रा. प्रियदर्शनी शाळेसमोर, निर्वाण इमारत, इंद्रायणीनगर, भोसरी ) असे मयत माय-लेकींची नावे आहेत.

पोलिसांनी दिलेल्या माहितीनुसार, इस्सपन कुटुंबीय मुळचे तमिळनाडूचे आहेत. कैमुदी यांचे पती शंकर यांचा चाकण एमआयडीसी येथे उद्योग आहे. पती शंकर हे कामाला गेल्यानंतर कौमुदी यांनी मुलीची गळफास देऊन हत्या केली व त्यानंतर स्वतः गळफास घेतला. त्यांच्या सोबत कौमुदी यांचा मावस भाऊही राहता होता. तर शेजारी त्यांचे इतर नातेवाईकही राहत होते. शेजा-यांनी संशय आल्यानंतर घरी पाहणी केली असता हा प्रकार उघडकीस आला.

पति पत्नीच्या भांडणात चिमुरडीचा बळी 

सकाळी पती कामावर निघून गेल्यानंतर साडे आठ वाजता मुलीला शाळेत सोडायला कौमुदी जाणार होत्या. मात्र नऊ वाजत आले तरी त्या मुलीला सोडायला गेल्या नाहीत. त्यावेळी शेजारच्या नातेवाईकांनी घरी जाऊन पाहिले असता हा प्रकार उघडकीस आला.

कौमदी व त्यांचे पती शंकर यांच्यात कौटुंबिक वाद होते. त्यामुळे कौमुदी या माहेरी निघून गेल्या होत्या. काही दिवसांपुर्वीच त्या पतिच्या घरी आल्या होत्या. त्यामुळे कौमुदी यांनी आत्महत्या केल्याचा अंदाज पोलिसांनी वर्तवला आहे. त्यामुळे पतीपत्नीच्या वादामध्ये बिचा-या चारवर्षाच्या चिमुर्डीला मात्र आपले प्राण गमावावे लागले.

20 Jun 2017


एमपीसी न्यूज - येरवड्यातील पंडीत जवाहरलाल नेहरु उद्योग केंद्रातून शुक्रवारी (16 जून) रात्री अंधाराचा फायदा घेत आठ मुलांनी पळ काढल्याचा प्रकार उघडकीस आला आहे. लाईट गेल्यानंतर लोखंडी दरावाजा तोडून ह मुले पसार झाली आहेत. दरम्यान या घटनेने खळबळ उडाली असून, बालसुधार केंद्रातून सतत मुले पळून जाण्याच्या घटनांमुळे येथील सुरक्षेवर प्रश्न चिन्ह निर्माण झाले  आहेत.

नेहरु उद्योग केंद्रातील काळजी वाहक सचिन शिंदे यांनी पोलिसांकडे मिसींग दाखल केली आहे. त्यानुसार, येरवडा पोलीस ठाण्यात मिसींग दाखल करण्यात आली आहे.

पोलिसांनी दिलेल्या माहितीनुसार, वेगवेगळ्या गुन्ह्यात ताब्यात घेतलेल्या मुलांना बाल न्यायालयाकडे हजर केले जाते. त्यानंतर त्यांना सुधारगृहात पाठवण्यात येते. अशा मुलांना येरवडा परिसरात असणार्‍या पंडीत जवाहरलाल नेहरु उद्योग केंद्रात ठेवले जाते. याठिकाणी पुण्यासह राज्यातील इतर ठिकाणची मुलेही असतात. दरम्यान शहरात शुक्रवारी रात्री मोठा पाऊस आला होता. त्यावेळी येरवडा परिसरातील तसेच केंद्रातील लाईट गेली होती. त्याचाच फायदा घेऊन आठही मुले केंद्रातील लोखंडी तसेच लाकडी दरावाजा तोडून तसेच येथील कर्मचार्‍यांची नजर चुकवून पसार झाली. काळजी वाहक व इतरांनी या मुलांचा शोध घेण्यात आला. मात्र, ते मिळून आले नाही. त्यानंतर त्यांनी पोलिसांकडे या मुलांची मिसींग दाखल केली आहे

20 Jun 2017


एमपीसी न्यूज - गुंतवणूकदारांना कोट्यावधीचा गंडा घातल्याप्रकरणी फडणीस इन्फ्रास्ट्रॅक्‍चरचा संस्थापक आणि मुख्य संचालक विनय फडणीस याच्या पोलीस कोठडीत 22 जूनपर्यंत वाढ करण्याचा आदेश विशेष न्यायाधीश एम.डब्ल्यू.चांदवानी यांनी दिला आहे. फडणीस इन्फ्रास्ट्रॅक्‍चर आणि 19 कंपन्यामध्ये गुंतवणूक केल्यास आकर्षक परतावा देण्याचे अमिषाने 800 ते 900 गुंतवणूकदारांची कोट्यावधीनी फसवणूक केली होती. 2011 ते 22 एप्रिल 2017 या कालावधीत कर्वेनगर भागात ही घटना घडली होती.

या प्रकरणात विनय याची पत्नी अनुराधा (वय 50), बहिण शरयू विनायक ठकार (वय 50, रा. कसबा पेठ), भाग्यश्री सचिन गुरव (वय 50, रा. शिवाजीनगर), एजंट उदय अच्चुत पाटणकर (वय 56, रा. पौड रस्ता) आणि मुलगी सायली फडणीस-गडकरी (वय 27, रा. कर्वेनगर) या पाच जणांवर गुन्हा दाखल करण्यात आला आहे. पोलीस त्यांचा शोध घेत आहेत. गुन्हे शाखेच्या आर्थिक विभागाचे पोलीस निरीक्षक एम.एस.कुंभार या प्रकरणाचा तपास करत आहेत.

आरोपीने 133 गुंतवणूकदारांची 8 कोटी 22 लाख 11 हजार 221 रुपयांची फसवणूक केली असल्याचे पोलीस तपासात निष्पन्न झाले आहे. या प्रकरणात पोलीस कोठडीची मुदत संपल्याने पोलिसांनी फडणीस याला न्यायालयात हजर केले. त्यावेळी गुन्ह्यातील रक्कमेचे काय केले याचा तपास करण्यासाठी आणि फरार आरोपींना अटक करण्यासाठी त्याच्या पोलीस कोठडीत वाढ करण्याची मागणी अतिरिक्त जिल्हा सरकारी वकील सुनील हांडे यांनी केली. ही मागणी ग्राह्य धरत न्यायालयाने फडणीस याच्या पोलीस कोठडीत वाढ केली.

20 Jun 2017


एमपीसी न्यूज-  चिंचवड येथे दुचाकी घसरुन झालेल्या अपघातात 17 वर्षीय मुलाचा गंभीर जखमी होऊन मृत्यू झाला. ही घटना आज (मंगळवारी) सायंकाळा सहाच्या सुमारास घडली.

आयुष पुरणवाल अग्रवाल (वय.17 रा. एमआयडीसी ऑफीस समोर, चिंचवड) असे मयत मुलाचे नाव आहे.

आयुष त्याची दुचाकी घेवून जात असताना चिंचवड येथी डिमार्ट समोरील बीआरटीएस रस्त्यावर त्याची दुचाकी घसरली. यावेळी त्याच्या डोक्याला जबर मार लागला व त्याचा जागीच मृत्यू झाला. शवविच्छेदनासाठी त्याचा मृतदेह पिंपरीच्या वायसीएम रुग्णालयात आणण्यात आला आहे.

अल्पवयातच मुलांना गाडी देऊ नका असे वाहतूक पोलिसांकडून वारंवार बजावूनही मुलांना पालक बेदरकारपणे गाडी देतात. मुले स्टंटच्या नावाखाली गाडी भऱधाव वेगाने पळवतात व यातच त्यांचा असा अपघात होतो. त्यामुळे अशा अपघातास जेवढी मुले जबाबदार आहेत. तेवढेच पालक सुद्धा जबाबदार आहेत. त्यामुळे आपल्या मुलाला कमी वयात गाडी चालवण्यासाठी देऊ नका.

20 Jun 2017


एमपीसी न्यूज -  पिंपळे गुरव येथे अभियांत्रीकीच्या विद्यार्थ्यांची राहत्या घरी गळफास घेवून आत्महत्या केली आहे. ही घटना काल (सोमवारी) रात्री दहाच्या सुमारास घडली.

अक्षय अंबादास निकम (वय. 21, रा. 60 फीट रोड, पिंपळे गुरव) असे मयत विद्यार्थ्याचे नाव आहे.

अक्षय याने रात्री दहाच्या सुमारास घरातील पंख्याला नायलॉनच्या दोरीने गळफास घेवून आत्महत्या केली. हा प्रकार घऱच्यांच्या लक्षात येताच त्यांनी त्याला तातडीने दावाखान्यात उपचारासाठी नेले. मात्र त्याचा उपचारा दरम्यान रात्री 11वाजून 50 मिनीटांनी मृत्यू झाला. अक्षयच्या  आत्महत्येचे अद्याप कारण कळू शकलेले नाही.

याप्रकरणीपुढील तपास सांगवी पोलीस करत आहेत.

20 Jun 2017


एमपीसी न्यूज - लष्करामध्ये कार्यरत असलेल्या जवानाच्या पत्नीने सांगवी येथे राहत्या घरी गळफास घेवून आत्महत्या केली आहे. ही घटना आज (मंगळवारी) दुपारी दोनच्या सुमारास घडली.

ज्योती प्रकाश माहागावकर (वय.22 रा, सांगवी) असे मयत तरुणीचे नाव असून तिने आज दुपारी गळफास घेवून आत्महत्या केली आहे. त्यांचे पती प्रकाश महागावकर लष्करात असून  ते  औंध हेडक्वार्टर येथे  कॉन्स्टेबल म्हणून कार्यरत आहेत. हे दाम्पत्य मुळचे कोल्हापुरचे असून ते सांगवी येथे भाड्याच्या घरात रहात होते.

प्रकाश महागावकर हे आज सकाळी कामावर गेले होते दुपारी दोन अडीचच्या सुमारास घरी आले असता घाचा दरवाजा वाजवून ही उघडला जात नाही हे पहाता त्यांना संश्य आला. त्यानंतर त्यांनी दरवाजा तोडला असता घरात त्यांच्या पत्नीने पंख्याला साडीच्या सहाय्याने गळफास घेवून आत्महत्या केल्याचे उघड झाले.

घटनास्थळी सांगवी पोलीस दाखल झाले असून अधिकतपास सांगवी पोलीस करत आहेत.

20 Jun 2017


एमपीसी न्यूज - पिंपळे सौदागर येथील जगताप डेअरी चौकात एका अज्ञात भऱधाव वेगाने येणा-या वहानाने पादच्या-याला धडक दिली. यामध्ये पादचारी जखमी झाला असून त्याला स्थानिक नागरिकांनी तातडीने रुग्णालयात हलवले.

रस्ता ओलांडणा-या पादचा-याला आज (मंगळावारी) सकाळी साडे सहाच्या सुमारास  अज्ञात वाहनाने  धडक  दिली. यावेळी वाहनचालकाने गाडी न थांबवता तो पसार झाला. जखमी व्यक्तीला नागरिकांनीच खासगी रुग्णालयात नेले.

यावेळी विषेष बाब अशी होती की ही गाडी बीआरटीएस मार्गावरुन आली जिथे बीआरटीएस बस व्यतीरीक्त अन्य कोणत्याही वाहनास पवानगी नाही. त्यात अपघातावेळी तेथे एकही बीआरटीएस वॉर्डन नव्हता. एक वॉर्डन उशीराने घटनास्थळी आला. त्यामुळे नागरिकांनी यावेळी बीआरटीएस प्रशासनाबाबत नाराजी व्यक्त केली. बीआरटीएस मार्गावर होणा-या अशा अपघातांना जबाबदार कोण असाही सवाल नागरिकांनी उपस्थित केला आहे.

बीआरटीएस मार्गावर अपुरे सुरक्षारक्षक असल्याची तक्रार वाहतुक पोलीसांनीही केली आहे. त्यामुळे बीआरटीएस प्रशासन या प्रश्नाकडे गांभीर्याने कधी बघणार असा सवाल यातून उपस्थित होत आहे.

20 Jun 2017


एमपीसी न्यूज -  कर्ज देण्याच्या बहाण्याने फोनवरुन भोसरीतील एका इसमास 76 हजार रुपयांचा गंडा घालण्यात आला आहे. याबाबत भोसरी पोलीस ठाण्यात आज (मंगळवारी) फसवणुकीचा गुनहा दाखल करण्यात आला आहे.

प्रकाश पांचाळ (वय.32 रा.भोसरी) यांनी भोसरी पोलीस ठाण्यात याबाबत फिर्याद दिली आहे. त्यांनी दिलेल्या फिर्यादीनुसार एका अज्ञात मोबाईल धारकाने फोनकरुन तुम्हाला कर्ज उपलब्ध करुन देतो असे सांगितले. कर्ज मिळवण्यासाठी त्या व्यक्तीने प्रकाश यांच्याकडून वेगवेगळ्या कारणासाठी 76 हजार 500 रुपये ऑनलाईनपद्धतीने घेतले. ही फसवणुक दि. 9 फेब्रुवारी  ते 9 मार्च 2017 या  एक महिन्याच्या कालावधीत झाली.

याबाबत भोसरी पोलीस ठाण्यात फसवणुकीचा गुन्हा दाखल करण्यात आला असून भोसरी पोलीस अधिक तपास करत आहेत.

20 Jun 2017


एमपीसी न्यूज -  मावळात इंदोरी येथील कुंडमळा येथे अरुंद पुलावरुन जात असताना एक ट्रॅक्टर नदीत कोसळला. यामध्ये कोणतीच जीवीतहानी झालेली नसून ट्रॅक्टर पाण्याबाहेर काढण्यात आला आहे. ही घटना आज सकाळी साडे नऊच्या सुमारास घडली.

कुंडमळा येथील इंद्रायणी नदी बंधा-यावरुन ट्रॅक्टर नेत असताना हा अपघात झाला. यामध्ये चालक सुखरुप असून क्रेनच्या सहायाने ट्रॅक्टर बाहेर काढण्यात आला आहे. यावेळी स्थानिक नागरिकांना बंधारा अरुंद असून त्यावरुन गाडी ट्रक्टर जाणार नाही असे बजावुनही चालकाने  ट्रॅक्टर बंधा-यावरुन नेला. त्यामुळे  हा अपघात झाला.

ट्रॅक्टर पाण्यात पडताच  चालक पोहत बाहेर आला. तर क्रेनने ट्रॅक्टर बाहेर काढण्यात आला. ट्रॅक्टर रिकामाच असल्याने यात फासरे नुकसान झालेले नाही.

20 Jun 2017

एमपीसी न्यूज -  डेक्कन येथील ज्ञानेश्वर पादुका चौकात संत ज्ञानेश्वर महाराजांच्या पालखीचे दर्शन घेत असताना अज्ञात चोरट्याने एका इसमाच्या एक लाख 40 हजार किमतीची गळ्यातील सोन्याची चैन लांबवली. ही घटना रविवार (18 जून) सायंकाळी साडेसहा वाजण्याच्या सुमारास घडली.

याप्रकरणी प्रशांत शिरसठ यांनी डेक्कन पोलीस ठाण्यात फिर्याद दिली असून अज्ञात आरोपीविरोधात गुन्हा दाखल करण्यात आला आहे. सहायक पोलीस निरीक्षक ए.एम.देवकर अधिक तपास करीत आहेत. 
20 Jun 2017


एमपीसी न्यूज - दिघी येथील दत्तगड डोंगरावर आर्मी फायर रेंजमध्ये एका अज्ञात इसमाचा मृतदेह अढळला आहे. ही घटना आज (मंगळवारी) सकाळी उघडकीस आली.

पोलीसांनी दिलेल्या माहितीनुसार, आज सकाळी काही मुले या परिसरात फिरायला गेले असता त्यांना हा मृतदेह अढळला. या इसमाचे अंदाजे वय 40 वर्ष असून, उंची 5 फुट 5 इंच आहे. अंगावर निळसर रंगाचा शर्ट व राखाडी पॅन्ट आहे. हा मृतदेह कुजला असून मृत्यू 4 ते 5 दिवसापुर्वी झाला असावा असा पोलीसांचा अंदाज आहे. त्यामुळे त्याची ओळख पटलेली नाही.

मात्र हा खून आहे की आत्महत्या हे अद्याप कळू शकलेले नाही. याप्रकरणी अधिक तपास  दिघी पोलीस करत आहेत. असाच मृतदेह काल निगडी हद्द्दीतील कुदळवाडी येथे आढळला होता. मात्र त्याही मृत इसमाची ओळख अद्याप पटलेली नाही.

20 Jun 2017

एमपीसी न्यूज - काळभोरनगर येथील वकिलाच्या बंद घराचे कुलुप तोडून 2 लाख 15 हजार रुपयांचा ऐवज चोरट्यांनी लंपास केला. अक्षय प्रफुल्लचंद्र आपटे (वय.53 रा. मोरया सुर्योदय कॉम्प्लेक्स ,काळभोरनगर, चिंचवड) हे वकील असून त्यांच्या घरी ही घरफोडी झाली. याप्रकरणी त्यांनी पिंपरी पोलीस ठाण्यात तक्रार दिली आहे.

फिर्यादी यांचे घऱ 16 ते 18 जून या कालावधीत बंध होते. याच दरम्यान चोरट्यांनी घराचे लोखंडी कुलुप तोडून सोन्याचे व चांदीचे असे 2 लाख 15 हजार 65 रुपयांचे दागिने घेऊन पोबारा केला. 

दरम्यान पोलिसांनी नागरिकांना बाहेरगावी जाताताना घरातील दागिने रोख रक्कम बँकेच्या लॉकरमध्ये, नातेवाईक किंवा शेजा-यांकडे ठेवण्याचे तसेच सोसायटीमध्ये सीसीटीव्ही बसवण्याचे आवाहन केले आहे.

20 Jun 2017


एमपीसी न्यूज - कोंढवा परिसरातील वेताळ चौकामध्ये रिक्षा भिंतीवर आदळून झालेल्या अपघातात एका 12 वर्षाच्या मुलीचा जागिच दुर्दैवी मृत्यू झाला. यामध्ये सात जन जखमी झाले आहेत. त्यातील तिघांची प्रकृति चिंताजनक असून, त्यांच्यावर ससून रुग्णालयात उपचार सुरु आहेत. मंगळवारी दुपारी साडे बारा वाजता ही घटना घडली.

सानिया तौफिक आत्तार (वय 12) असे याघटनेत मृत्यू झालेल्या मुलीचे नाव आहे. यामध्ये शेरखान पठाण (वय 45), तरन्नु शेरखान पठाण (वय 34), अल्फिया पठाण (वय 14), स्वालिया पठाण (वय 13), तौफिक पठाण (वय 10, सर्व रा. कोंढवा खुर्द), तौसिम अत्तार (वय 40), शोयब अत्तार (वय 5, दोघेही रा. इचलकरंजी) अशी जखमी झालेल्यांची नावे आहेत.

रिक्षा चालक शेरखान पठाण व त्याचे कुटूंबिय त्यांचा मेव्हणा तौफिक अत्तार यांच्या मुलीचा शाळेत प्रवेश घेण्यासाठी रिक्षाने कॅम्प परिसरात गेले होते. त्यानंतर ते घरी आले. दुपारी साडेबारा वाजता परत बाहेर निघाले होते. रिक्षामध्ये एकूण आठजन होते. त्यामध्ये पाच लहान मुले होती. रिक्षा शेरखान हे चालवत होते. शिवनेरीनगरमधून कोंढव्यातील मेन रोडवर जाताना वेताळ चौकात उत्तार आहे. या उत्तारावर रिक्षा आल्यानंतर अचानक रिक्षाने वेग घेतला आणि रिक्षा भिंतीवर जाऊन आदळली. 

रिक्षामध्ये बसलेली सानिया अत्तार हिच्या डोक्याला गंभीर मार लागल्याने तिचा जागिच मृत्यू झाला. दरम्यान अपघाताची माहिती मिळताच कोंढवा पोलीस ठाण्याचे वरिष्ठ निरीक्षक सतिश गोवेकर, उपनिरीक्षक कुलाल व कर्मचार्‍यांनी तात्काळ घटनास्थळी धाव घेतली. तसेच, जखमींना रुग्णालयात दाखल करण्यात आले. अपघातानंतर बघ्यांची मोठी गर्दी याठिकाणी झाली होती. रिक्षा चालक शेरखान पठाण, तौसिम अत्तार व दहा वर्षीय तैफिक यांना गंभीर मार लागला असून, त्यांची प्रकृति चिंताजनक आहे. याप्रकरणी अधिक तपास कोंढवा पोलीस करत आहेत. .

Page 1 of 45
Open Chat
1
Close chat
Hello! Thanks for visiting us. Please press Start button to chat with our support :)

Start