• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
19 Jun 2017


भारती विद्यापीठ परिसरातील युवकाच्या हत्येचे गुढ उकलले

एमपीसी न्यूज - सच्चाई माता चढाच्या रस्त्यालगत असलेल्या काशी विश्‍वेश्‍वर मंदिरासमोरील जुन्या पाण्याच्या टाकीजवळ धारदार शस्रांनी वार करून करणार्‍या तरुणाला अटक करण्यात आली आहे. भारती विद्यापीठ पोलिसांनी तरुणाला अटक केली असून त्याने केवळ चापट मारल्याच्या कारणावरून हा खून केल्याचे समोर आले आहे.

दीपक अंकुश लोणके (वय 25, दत्तनगर पुणे ), असे अटक करण्यात आलेल्याचे नाव आहे. शानू छमन्ना खान (वय 32, संतोषनगर, कात्रज), असे मयताचे नाव आहे. तर त्याचा भाऊ शारिक छमन्न खान (वय 28) याने भारती विद्यापीठ पोलीस ठाण्यात फिर्याद दिली आहे. त्यानुसार अज्ञातांविरोधात भारती विद्यापीठ पोलिस ठाण्यात गुन्हा दाखल करण्यात आला होता.

भारती विद्यापीठ पोलीस ठाण्याच्या हद्दीतील सच्चाई माता मंदिराच्या चढावरील काशी विश्‍वेश्‍वर मंदिरासमोरील मोकळ्या जागेत असलेल्या जुन्या पाण्याच्या टाकीजवळ एका तरुणाचा मृतदेह शुक्रवारी सकाळी रक्ताच्या थारोळ्यात आढळून आला. पोलिसांनी तपास सुरू केला. त्यानंतर काहीही धागादोरा पोलिसांच्या हाती लागला नाही. मात्र, तो गुरुवारी दिवसभर दीपक लोणके याच्यासोबत होता, अशी माहिती मिळाली.

त्यानंतर पोलिसांनी त्याला ताब्यात घेतले आणि चौकशी केली. शानू खान व तो दारू पित असताना शानू याने दीपक लोणके याला दारुच्या नशेत शिवीगाळ करून चापट मारली होती. तो राग सहन न झाल्याने त्याने शानू खानला गुरुवारी दिवसभर सोबत घेऊन फिरला रात्री दारू पिण्यासाठी विश्‍वेश्‍वर मंदिरासमोर नेऊन त्याच्याजवळील धारदार चाकूने वार करत खून करून तेथून पसार झाला.

19 Jun 2017


एमपीसी न्यूज - पुण्यातील गुडलक चौकात संत ज्ञानेश्वर महाराज पालखी मार्गात बेकायदेशीर जमाव जमवून घोषणाबाजी केल्या प्रकरणी शिवप्रतिष्ठानचे संभाजी भिडे गुरुजी, संजय जठार, पराशर मोने, रावसाहेब देसाई यांच्यासह सुमारे एक हजार जणांवर डेक्कन पोलीस ठाण्यात गुन्हा दाखल करण्यात आला आहे.

काय आहे प्रकरण

माउलींची पालखी गुडलक चौकात आली असता संभाजी भिडे गुरुजींच्या शिवप्रतिष्ठान संघटनेच्या संबंधित वारकरी धारकरी नावाच्या गटातील लोक तलवारीसह पालखीत घुसले होते, पालखीत चालण्याच्या नावाखाली या लोकांनी घुसखोरी करत घोषणा बाजी केली. यामुळे वारकऱ्यांमध्ये प्रचंड असंतोष निर्माण झाला. हेच लोक गेल्या चार-पाच वर्षांपासून हा प्रकार करत असल्याची तक्रार याआधी ही करण्यात आली होती. मात्र, पोलीस प्रशासनाने कारवाई केली नव्हती. रविवारी रात्री ( दि.17) पुन्हा एकदा असाच प्रकार घडला. त्यामुळे वारकऱ्यांनी संबंधित लोकांवर कारवाईची मागणी करत माऊलींची पालखी जागेवरच थांबवून ठेवली होती. अखेर आज (दि. 19) संभाजी भिडे गुरुजी आणि त्यांच्याशी संबंधित एक हजार लोकांवर गुन्हा दाखल करण्यात आला आहे.

19 Jun 2017


एमपीसी न्यूज - कुदळवाडी येथे एका अज्ञात इसमाचा मृतदेह आढळला आहे. ही घटना आज (सोमवारी) उघडकीस आली.

याबाबत निगडीचे वरिष्ठ पोलीस निरीक्षक विजयकुमार पळसुले यांनी एमपीसी न्यूजला दिलेल्या माहितीनुसार, इसमाचे वय अंदाजे 50 वर्ष आहे. त्याच्या अंगावर शर्ट व हाफ पॅन्ट होती. त्याचा मृत्यू दोन दिवसापूर्वी झाल्याचा अंदाज आहे. मात्र, त्याच्या अंगावर कोणत्याच जखमा नाहीत. त्यामुळे मृत्यूचे कारण अद्याप कळाले नाही.

मृतदेह शवविच्छेदनासाठी पाठवला आहे. त्यानंतरच मृत्यूचे कारण कळेल. तसेच अद्याप इसमाची ओळख पटली नसून  तपास चालू आहे, असेही पळसूले यांनी सांगितले.

19 Jun 2017


एमपीसी न्यूज - पिंपरीतील विठ्ठलनगर येथील 45 वर्षीय मजुराचा इमारतीच्या पाचव्या मजल्यावरून पडून मृत्यू झाला आहे. ही घटना आज (सोमवारी) पाचच्या सुमारास घडली.

मल्लीक भीमराव आडागळे (वय 45 रा. विठ्ठलनगर झोनिपू प्रकल्प, पिंपरी) असे मयत मजुराचे नाव आहे.

पोलिसांनी दिलेल्या माहितीनुसार, मल्लीक हा दारुच्या नशेत होता. त्याच नशेत त्याने ही उडी घेतली असावी, असा अंदाज पोलिसांनी व्यक्त केला. जयश्री हनुमान सोसायटी येथे राहणा-या त्याच्या बहिणीच्या घरी तो आला होता. अद्याप त्याच्या मृत्यूचे कारण कळालेले नाही. मल्लीक याचा मृतदेह पिंपरीच्या वायसीएम रुग्णालयात शवविच्छेदनासाठी आणला असून पिंपरी पोलीस याबाबत अधिक तपास करत आहेत.

19 Jun 2017


एमपीसी न्यूज - ज्ञानेश्वर महाराजांची पालखी आळंदी रोड येथील मॅगेझीन चौकात आली असता येथून 7 जणांचे सुमारे साडे बावीस तोळे सोने चोरीला गेले. या प्रकरणी दिघी पोलिसांनी दोन महिलांना अटक केली आहे. ही घटना काल (रविवारी) सकाळी साडेनऊ वाजता घडली.

राधाबाई कांबळे (वय 45 रा. देगुलुकर, नांदेड), अनिता गायकवाड (वय 42 रा.सोलापूर), अशी अटक केलेल्या दोन संशयीत महिला आरोपींची नावे आहेत.

पोलिसांनी दिलेल्या माहितीनुसार, रविवारी (दि.18) ज्ञानेश्वर माऊलींची पालखी दिघीच्या मॅगेझीन चौकात आली असता सुमारे सात जणांच्या गळ्यातील दागिन्यावर चोरट्यांनी डल्ला मारला. यामध्ये 2 लाख 25 हजार किमतीचे साडेबावीस तोळ्याचे दागिने चोरीला गेले आहेत. यामध्ये पुरुषांच्या गळ्यातील साखळ्या, महिलांचे मंगळसूत्र, गंठण आदीचा समावेश आहे.  याप्रकरणी पोलिसांनी वरील दोन महिलांना संशयावरून ताब्यात घेतले आहे. त्यांना आज पोलिसांनी शिवाजीनगर सत्र न्यायालयात हजर केले असता न्यायालयाने शुक्रवारपर्यत (दि. 23) पोलीस कोठडी सुनावली आहे.

याप्रकरणी चोरीला गेलेले अद्याप कोणतेच सोने पोलिसांना मिळाले नसून दिघी पोलीस अधिक तपास करत आहेत. देहू येथेही चोरट्यांनी शनिवारी (दि.17)  संत तुकोबा रायांच्या पालखी सोहळ्यात दर्शनास आलेल्या भाविकांच्या 27 तोळे सोन्यावर डल्ला मारला होता. त्यामुळे नागरिकांनीही आपल्या मौल्यवान वस्तूंची काळजी घ्यावी व  दर्शनाला जाताना भरगोस दागिने घालू नयेत, असे आवाहनही पोलिसांनी केले आहे.

19 Jun 2017


एमपीसी न्यूज - दुचाकीवर मित्रालासोबत घेऊन जाणाऱ्या दुचाकी चालकाला चक्कर आल्याने दुचाकी रस्ता दुभाजकावरवर धडकली. यामध्ये गंभीर जखमी झाल्याने 26 वर्षीय युवकाचा मृत्यू झाला. ही घटना रविवारी (18 जून) दुपारी 3.00 वाजता हडपसर येथील लक्ष्मीबाई मगर शाळेसमोर घडली.

प्रतुल ओमप्रकाश गौतम (वय- 26, रा. आयरिश सोसायटी, मगरपट्टा सिटी, हडपसर, पुणे), असे मयत युवकाचे नाव आहे.

याप्रकरणी अधिक माहिती अशी की, प्रतुल हा मित्र नितीन थेरकर यास पाठीमागे बसवून भरधाव वेगाने दुचाकी चालवत होता. दरम्यान, अचानक चक्कर आल्याने तो रस्त्यामध्ये असलेल्या दुभाजकावर धडकला. यामध्ये गंभीर जखमी झालेल्या प्रतुलचा मृत्यू झाला.

19 Jun 2017

एमपीसी न्यूज - चिंचवड येथील पत्राशेड झोपडपट्टी येथील तरुणाने मैत्रीण बोलत नाही या कारणावरून ब्लेडने तिच्यावर वार केले आहेत. ही घटना काल (रविवारी) सायंकाळी सातच्या सुमारास घडली.

ओंकार ऊर्फ अवधुत अनील राऊत (वय 20 रा. पत्रा झोपडपट्टी, चिंचवड), असे आरोपीचे नाव असून त्याला चिंचवड पोलिसांनी ताब्यात घेतले आहे.

पोलिसांनी दिलेल्या माहितीनुसार, संबंधित तरुणी व ओंकार एकाच भागात राहत होते. त्या दोघांची मैत्री होती. मात्र, घरच्यांनी दोघांच्याही बोलण्यावर बंदी आणली. त्यामुळे मुलीने ओंकारशी बोलणे बंद केले. बोलणे बंद का केले या रागातून त्याने रविवारी सायांकाळी ती शौचास जात असताना तिच्या डाव्या हताच्या दंडावर, पोटरीवर आणि कंबरेच्या डाव्या बाजूवर  ब्लेडने वार केले. यातून मुलगी जखमी झाली.

तरुणाला चिंचवड पोलिसांनी ताब्यात घेतले असून चिंचवड पोलीस अधिक तपास करत आहेत.

19 Jun 2017

एमपीसी न्यूज - द्रुतगती मार्गावर मुंबईहून पुण्याकडे जाताना कारने ट्रकला मागून धडक दिल्याने अपघात झाला. कामशेत बोगद्यात हा अपघात आज सकाळी अकराच्या सुमारास घडला. यामध्ये कारमधील महिला आणि पुरुष किरकोळ जखमी झाले आहेत.


मिळालेल्या माहितीनुसार, मुंबईहून पुण्याकडे निघाली होती. त्यावेळी कामशेत बोगद्यात समोरुन जाणा-या ट्रकला कारची मागून जोरदार धडक बसली. यामध्ये कारमधील एक महिला आणि एक पुरुष जखमी झाले. दरम्यान घटनेची माहिती मिळताच महामार्ग पोलिसांनी घटनास्थळी धाव घेतली. मात्र, जखमी त्यापुर्वीच दवाखान्यात गेल्याने त्यांची नावे समजून शकली नाही, अशी माहिती कामशेत पोलिसांनी दिली. 

19 Jun 2017

एमपीसी न्यूज - वारेजे परिसरातील शिवाजीनगर ते गणपती माथा रस्त्यावर पार्क केलेल्या 40 ते 50 वाहनांची तोडफोड करण्यात आली आहे. ही घटना काल (रविवारी) रात्रीच्या सुमारास घडली. यानंतर परिसरात काही काळ तणावाचे वातावरण पसरले होते.


दरम्यान, तीन दिवसांपूर्वी एकाने कलम 337 नुसार दगड मारल्याप्रकरणी फिर्याद दिली होती. त्यानंतर यातील दोघांना पोलिसांनी अटक केली. या कारणावरुन अटक केलेल्यांच्या साथीदारांनी दहशत माजविण्याच्या उद्देशाने रस्त्यावर उभ्या असलेल्या गाड्यांची तोडफोड केली.

19 Jun 2017

एमपीसी न्यूज - नारायणगाव येथून देवदर्शन करुन घरी परतणा-या महिलेवर शिंदवणे घाटाट दोन दिवसांपूर्वी फॉर्चुनर गाडीतून आलेल्या दोघांनी सामुहिक बलात्कार केल्याचा प्रकार उघडकीस आला होता. मात्र, हा सगळा प्रकार वैयक्तित भांडणातून दोन तरुणांना केडगाव येथील महिलेच्या मदतीने तुरुंगात पाठविण्याचा असल्याचा समोर आला असून महिलेच्या मदतीने नारायणगव्हण येथील दोघांनी हा बनाव रचल्याचे समोर आले आहे. 

नारायणगव्हाण परिसरातील दादा गव्हाण व संदीप जगदाळे या गुडांनी पूर्ववैमनस्यातून आपल्याच गावातील प्रकाश चव्हाण व अजय नवले यांना तुरुंगात पाठविण्यासाठी केडगाव (ता. दौड) परिसरातील महिलेला हाताशी धरून बलात्काराचा कट रचल्याचे तपासात उघड झाले आहे. फॉर्च्युनर मोटारीतून आलेल्या दोघांनी महिलेवर बलात्कार केल्याची साक्ष देणारे दोन तरुणही गव्हाण व जगदाळे यांनी पैसे देऊन उभे केले असून संबंधित महिलेनेही गव्हाण व जगदाळे यांच्या सांगण्यावरून खोटी फिर्याद दिल्याची कबुली दिली आहे.

घटनेनंतर संबंधित महिलेने गाडीचा नंबर पाहिलेले दोन साक्षीदारही उभे केले होते. त्यानंतर तपासासाठी वेगवेगळी पथके रवाना करण्यात आली होती. दरम्यान, स्थानिक गुन्हे अन्वेषण शाखा व स्थानिक पोलिसांच्या तपासानंतर हा कट प्रकाश चव्हाण व अजय नवले यांना तुरुंगात पाठविण्यासाठी रचल्याचे निष्पन्न झाले आहे.

19 Jun 2017

एमपीसी न्यूज - हडपसर परिसरातील वैदुवाडी येथे शनिवारी रात्री एका एचपी कंपनीच्या पेट्रोल पंपावर ठाणे पोलिसांच्या गुन्हे शाखेने छापा टाकला. यावेळी तेथील मशिनची तपासणी करण्यात आली असून एका मशिनमधील काही माहिती पोलिसांनी घेतल्याचे सुत्रांनी सांगितले. मात्र, हा पेट्रोल पंप सुरु असून, तो सील करण्यात आलेला नाही. याबाबत हडपसर पोलिसांना काही माहिती कळवण्यात आली नसल्याचे हडपसर पोलीस ठाण्यातील वरिष्ठ निरीक्षक विष्णू पवार यांनी सांगितले.

दरम्यान, काही दिवसांपूर्वी ठाणे पोलिसांच्या गुन्हे शाखेने मानपाडा येथील एका पेट्रोलपंप मशीनमध्ये छेडछाडकरुन लाखो नागरिकांची फसवणूक करणार्‍या टोळीचा पर्दाफाश केला. त्यानंतर राज्यासह देशभरात हे प्रकरण गाजले असून, राज्यातील अनेक शहरांमध्ये छापे सत्र सुरु केले आहे. याटोळीकडून पुणे, नाशिक तसेच औरंगाबाद यासह महत्वाच्या शहरामधील पेट्रोल पंप मशिमध्ये छेडछाड केल्याचे उघडकीस आले होते. त्यानंतर ठाणे पोलिसांच्या गुन्हे शाखेची पंधरा पथकांनी राज्यातील पेट्रोल पंपावर धाड सत्र सुरु केले होते.

19 Jun 2017

एमपीसी न्यूज - भरधाव कंटेनरने धडक दिल्यामुळे महामेट्रोच्या साईटवरील दोन कर्मचारी जखमी झाले. पुणे-मुंबई महामार्गावरील एक्सप्रेस लेनवर वल्ल्लभनगर येथे रविवारी पहाटे अडीचच्या सुमारास हा अपघात झाला.

विनायक देवेंद्र बडोदिया (२१, रा. पिंपरी) व नितीन धनंजय सुरवसे (रा. नेहरूनगर) हे दोघे या अपघातात जखमी झाले आहेत. कंटेनरचालक अंकुश शिवाजी म्हस्के याला पोलिसांनी चौकशीसाठी ताब्यात घेतले होते. परंतु, दोघा जखमींनी तक्रार द्यायची नसल्याचे सांगितल्यानंतर कंटेनरचालकाला सोडून देण्यात आले.

महामेट्रोच्या पिंपरी ते स्वारगेट या पहिल्या टप्प्याचे काम सुरू आहे. त्यासाठी पुणे-मुंबई महामार्गावरील एक्स्प्रेस लेनपैकी दोन्ही बाजूच्या एकेक लेन लोखंडी कठडे लावून वाहतुकीसाठी बंद करण्यात आल्या आहे. त्या ठिकाणी वाहतूक वळविण्यासाठी या दोन कर्मचाऱ्यांची नेमणूक करण्यात आली होती.

हा अपघात एवढा भयंकर होता की कंटेनरसह दोघेजण काही मीटरपर्यंत फरफटत गेले. अपघातानंतर या ठिकाणी लावण्यात आलेले डायव्हर्जनचे पत्रे, बॅरिकेड्स संपूर्ण रस्त्यात पसरले होते. नागरिकांच्या मदतीने पोलिसांनी ते बाजूला करून वाहतूक सुरळीत केली.

पहाटे अडीचच्या सुमारास पोलिसांच्या नियंत्रणकक्षाला अपघाताबाबत माहिती समजली. तोपर्यंत तेथे काही नागरिक गोळा झाले होते. निगडीकडून पुण्याच्या दिशेने जाणाऱ्या वाहनांचा वेग भरधाव असल्याने सुरुवातीला वाहनांना थांबविण्याचे काम पोलिसांना करावे लागले.

निगडीकडून येताना पिंपरी येथून ग्रेड सेपरेटरमधून पुढे आल्यानंतर नाशिक फाटापर्यंत कोणताही सिग्नल नसल्याने वाहनांचा वेग जास्त असतो. तर, नाशिकफाटा कडून पिंपरीकडे जाताना नाशिक फाटा येथे सिग्नल असल्याने वाहनांचा वेग हा तुलनेने कमी असतो.

पिंपरीकडून येताना वल्लभनगरपर्यंत आल्यावर केवळ ५० मीटर अलीकडे वाहनांना वळणाचा (एक लेन बंदचा) फलक दिसतो. त्यामुळे या ठिकाणी अपघाताचा धोका वाढला आहे. रात्रीच्या वेळेस वाहनांचा वेग जरा जास्तच असल्याने आणि दिवसा कोंडी होऊ नये, म्हणून महामेट्रोकडून दोन्ही लेनवर प्रत्येकी दोन-दोन सुरक्षारक्षकांची नियुक्ती करण्यात आली आहे.

मात्र, वाहनांचा वेग जास्त असल्याने याठिकाणी रविवारी अपघात झाला. येथील लोखंडी कठडे एका जखमीच्या अंगावर पडले होते. तो त्याखाली दबला गेला होता. जखमींपैकी एकाने त्याचा सहकारी कुठे आहे, याची विचारणा केल्यावर पोलीस आणि नागरिकांनी त्याचा लोखंडी कठड्यांखाली शोध घेऊन दोघांना महापालिकेच्या वायसीएम रुग्णालयामध्ये दाखल केले. दोघांवर उपचार करून दुसऱ्या दिवशी सोडण्यात आले.

अशा प्रकारचे अपघात टाळण्यासाठी महामेट्रोच्या अधिकाऱ्यांशी चर्चा करून आवश्यक ती उपाययोजना करण्यात येणार असल्याचे पिंपरी पोलिसांनी सांगितले.

19 Jun 2017

एमपीसी न्यूज- एमआयडीसी भोसरी येथील सुवर्ण फायब्रोटेक या फायबर कंपनीला पहाटे साडेतीनच्या अचानक आग लागली. ही आग विझवण्यासाठी अग्निशामक दलाच्या 12 गाड्या घटनास्थळी दाखल झाल्या होत्या.शर्थीच्या प्रयत्नानंतर तीन तासांनी ही आग आटोक्यात आली.

या आगीचे कारण अद्याप कळाले नसून कंपनीच्या इमारतीमधील पहिल्या मजल्यावरील पाठीमागच्या बाजूने आगीला सुरुवात झाली.या ठिकाणी काही केमिकल होते. त्या केमिकलने आग पकडल्यामुळे आग पसरली. या आगीत कोणतीही जीवित हानी झालेली नाही. मात्र संपूर्ण कंपनी यामध्ये जाळून खाक असून लाखों रुपयांचे नुकसान झाले आहे.


ही आग विझवण्यासाठी पिंपरी, राहटणी, एमआयडीसी भोसरी, प्राधिकरण, तळवडे,खडकी,पुणे तसेच टाटा मोटर्स या सर्व मिळून एकूण 12 गाड्या घटनास्थळी दाखल झाल्या होत्या. सध्या आग नियंत्रणात आली असून फक्त धूर येत आहे. फायबर असल्यामुळे आग पूर्णपणे विझवण्यास 2 तास लागतील त्यासाठी सध्या 2 गाड्या घटनास्थळी थांबल्या आहेत,अशी माहिती पिंपरी अग्निशामक दलाचे प्रमुख अधिकारी किरण गावडे यांनी एमपीसी न्यूजशी बोलताना दिली.

ag22

ag33

 

ag55

ag111

 

18 Jun 2017

एमपीसी न्यूज- चिखली येथे सोसायटीच्या मेंटेनन्ससाठी भरायच्या पैशाच्या वादातून चक्क वडिलांनीच मुलावर वार केले आहेत. ही घटना काल (शनिवारी) रात्री साडेआठच्या सुमारस घडली. निगडी पोलिसांनी आरोपीला अटक केले आहे.

विजय हनुमंतप्पा फलमारी (वय50 रा. न्यू कोहिनूर सोसायटी, चिखली), असे अटक केलेल्या आरोपीचे नाव आहे.

विजय यांनी घरगुती भांडणामध्ये मुलगा हरिष विजय फलमारी (वय 22) याच्यावर चाकूने वार केले. हरीश्वरवर सध्या पिंपरीतील वायसीएम रुग्णालयात उपचार चालू असून वडील विजय याला अटक करण्यात आली आहे.

निगडी पोलीस ठाण्यात गुन्हा दाखल केला असून पोलीस अधिक तपास करत आहेत.

18 Jun 2017


देहू गावातून तुकोबारायांच्या पालखी सोहळ्यात सुमारे 27 तोळे सोने चोरीला; आरोपी अटकेत

एमपीसी न्यूज - माऊली व तुकोबारायांच्या पालखीमध्ये तल्लीन होऊन नाचताय तर जरूर नाचा मात्र, यावेळी आपल्या जवळ असलेल्या मौल्यवान वस्तूंवर लक्ष असू द्या...कारण याच पालखी सोहळ्यात देहूगाव येथून सुमारे 27 तोळे सोन्यांचे दागिने चोरीला गेले आहेत.

अशोक अंबादास गायकवाड (वय 27, नावडी चौक, गांधीनगर, बीड) व संजय माने (वय 19 रा.पाईपलाईन रोड, अहमदनगर) या दोन आरोपींना देहूगाव पोलिसांनी अटक केले आहे.

पोलिसांनी दिलेल्या माहितीनुसार, तुकोबारायांची पालखी देहूगाव येथील अलगडशहा दर्गा येथे दर्शनासाठी थांबली असताना दुपारी साडेबारा ते सहा या कालावधीत वारक-यांचे 27 तोळे सोने चोरीला गेले आहे. यामध्ये सोनसाखळी, मंगळसूत्र, गंठण,डोरली, मिनीगंठन, असा एकूण 7 लाखांचा ऐवज चोरीला गेला आहे. या दोन्ही चोरांच्या संशयीत वागणुकीमुळे पोलिसांनी नागरिकांच्या मदतीने त्यांना पकडले.

दोन्ही चोरांकडून केवळ साडेतीन तोळ्याची एक सोनसाखळी जप्त करण्यात आली आहे. यावेळी वारक-यांनीही त्यांच्या जवळील मौल्यवान वस्तूंची काळजी घ्यावी तसेच कोणतीही संशयित वस्तू व व्यक्ती आढळताच पोलिसांशी संपर्क करावा, असे आवाहन करण्यात आले आहे.

18 Jun 2017

एमपीसी न्यूज -  दापोडी येथे दुपारी तीनच्या सुमारास बंद घराचे कुलुप उचकटून घरातील दागिने व रोख रक्कम, असा सुमारे दोन लाखांचा ऐवज चोरटयांनी लंपास केला आहे.

पोलिसांनी दिलेल्या माहितीनुसार, दापोडी येथील विनीयार्ड चर्च शेजारी गणेश हाऊसिंग सोसासयटीमध्ये राहणा-या अजय ओव्हाळ (वय 37) यांच्या घरी काल दुपारी 3 ते 6 या कालावधीत बंद घराचे कुलूप कशाच्या तरी सहाय्याने उचकटून घरातील कपाटातील रोख 50 हजार रुपये व दागिने असा 1 लाख 90 हजार रुपयांचा ऐवज चोरीला गेला आहे.

याप्रकरणी भोसरी पोलीस ठाण्यात चोरीचा गुन्हा दाखल केला असून भोसरी पोलीस अधिक तपास करत आहेत.

18 Jun 2017

एमपीसी न्यूज- चिंचवड रेल्वे स्थानकाजवळ पुण्याकडे जाणाऱ्या रेल्वे रुळावर एका अज्ञात इसमाचा रेल्वेच्या धडकेने मृत्यू झाला आहे. ही घटना आज सकाळी साडेसहा वाजता उघडकीस आली.

रेल्वे पोलिसांनी दिलेल्या माहितीनुसार, इसमाचे अंदाजे वय 45 आहे. धडकेमध्ये डोक्याचे दोन भाग झाल्याने त्याची ओळख पटू शकलेली नाही. या इसमाची उंची 5 फूट 3 इंच असून रंग गहू वर्ण आहे. डाव्या हाताच्या पोटरीवर बदाम व बदनामध्ये अंबिका नाव कोरले आहे.अंगावर आकाशी रंगाचा व पांढऱ्या रेघा असलेला हाफ शर्ट व राखाडी पॅन्ट घातलेली आहे.ही घटना रात्री उशिरा घडली असून भरधाव रेल्वेच्या धडकेत त्याचा मृत्यू झाल्याचा पोलिसांचा अंदाज आहे.

17 Jun 2017

एमपीसी न्यूज - जुन्या पुणे-मुंबई राष्ट्रीय महामार्गावर एलएनटीच्या कार्यालयाजवळ एका अज्ञात कारने स्पोर्टबाईकला मागून जोरात धडक दिल्याने झालेल्या भीषण अपघातात दोन जण गंभीर जखमी झाले आहेत. ही धडक इतकी जोरात होती की या धडकेत मोटारसायकल जवळपास 80 फूट लांब नजीकच्या रेल्वे ट्रॅकवर पडली होती. सुदैवाने या दरम्यान कोणतीही रेल्वेगाडी आली नव्हती. शनिवारी सकाळी अकरा वाजता हा अपघात झाला.

प्रवीण इंद्रमल सिंग (वय - 28), श्रीदेवी वाडकर (वय- 26, रा. कांजूर मार्ग, मुंबई), असे अपघातात गंभीर जखमी झालेल्यांची नावे आहे.

लोणावळा शहर पोलिसांनी दिलेल्या माहितीनुसार, प्रवीण व श्रीदेवी हे दोघे त्यांच्या केटीएम स्पोर्ट मोटर सायकलने (एमएच-03/ सीक्यू- 1341) मुंबईहून लोणावळ्याला येत होते. लोणावळा व खंडाळ्याच्या दरम्यान असलेल्या निरा टपरी समोर भरधाव वेगात ओव्हरटेक करणाऱ्या एका अज्ञात ऑडी कारने पुढे जात असलेल्या केटीएम स्पोर्ट मोटारसायकलला मागून जोरात धडक दिली. या भीषण धडकेत स्पोर्ट मोटारसायकल सुमारे 80 फुटांपेक्षा अधिक दूरवर फेकली जाऊन नजीकच असलेल्या रेल्वेट्रॅकवर जाऊन पडली.

या भीषण अपघातात प्रवीणचा एक पाय तुटून मार्गाजवळ पडला होता. तर श्रीदेवी मार्गावर जोरात आदळल्याने गंभीर जखमी झाले आहे. अपघातानंतर या दोघांना अनिमल अॅम्ब्युलन्सने उपचारासाठी लोणावळ्यातील एका खाजगी रुग्णालयात दाखल केले, तेथे प्राथमिक उपचार करून पुढील उपचाराकरिता त्यांना पुण्यातील एका खासगी रुग्णालयात दाखल केले असून, तेथे त्यांच्यावर अतिदक्षता विभागात उपचार सुरु आहे. या घटनेचा पुढील तपास लोणावळा शहर पोलीस करीत आहे.

Page 2 of 45
Open Chat
1
Close chat
Hello! Thanks for visiting us. Please press Start button to chat with our support :)

Start