• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
19 Jun 2017

एमपीसी न्यूज - हडपसर परिसरातील वैदुवाडी येथे शनिवारी रात्री एका एचपी कंपनीच्या पेट्रोल पंपावर ठाणे पोलिसांच्या गुन्हे शाखेने छापा टाकला. यावेळी तेथील मशिनची तपासणी करण्यात आली असून एका मशिनमधील काही माहिती पोलिसांनी घेतल्याचे सुत्रांनी सांगितले. मात्र, हा पेट्रोल पंप सुरु असून, तो सील करण्यात आलेला नाही. याबाबत हडपसर पोलिसांना काही माहिती कळवण्यात आली नसल्याचे हडपसर पोलीस ठाण्यातील वरिष्ठ निरीक्षक विष्णू पवार यांनी सांगितले.

दरम्यान, काही दिवसांपूर्वी ठाणे पोलिसांच्या गुन्हे शाखेने मानपाडा येथील एका पेट्रोलपंप मशीनमध्ये छेडछाडकरुन लाखो नागरिकांची फसवणूक करणार्‍या टोळीचा पर्दाफाश केला. त्यानंतर राज्यासह देशभरात हे प्रकरण गाजले असून, राज्यातील अनेक शहरांमध्ये छापे सत्र सुरु केले आहे. याटोळीकडून पुणे, नाशिक तसेच औरंगाबाद यासह महत्वाच्या शहरामधील पेट्रोल पंप मशिमध्ये छेडछाड केल्याचे उघडकीस आले होते. त्यानंतर ठाणे पोलिसांच्या गुन्हे शाखेची पंधरा पथकांनी राज्यातील पेट्रोल पंपावर धाड सत्र सुरु केले होते.

19 Jun 2017

एमपीसी न्यूज - भरधाव कंटेनरने धडक दिल्यामुळे महामेट्रोच्या साईटवरील दोन कर्मचारी जखमी झाले. पुणे-मुंबई महामार्गावरील एक्सप्रेस लेनवर वल्ल्लभनगर येथे रविवारी पहाटे अडीचच्या सुमारास हा अपघात झाला.

विनायक देवेंद्र बडोदिया (२१, रा. पिंपरी) व नितीन धनंजय सुरवसे (रा. नेहरूनगर) हे दोघे या अपघातात जखमी झाले आहेत. कंटेनरचालक अंकुश शिवाजी म्हस्के याला पोलिसांनी चौकशीसाठी ताब्यात घेतले होते. परंतु, दोघा जखमींनी तक्रार द्यायची नसल्याचे सांगितल्यानंतर कंटेनरचालकाला सोडून देण्यात आले.

महामेट्रोच्या पिंपरी ते स्वारगेट या पहिल्या टप्प्याचे काम सुरू आहे. त्यासाठी पुणे-मुंबई महामार्गावरील एक्स्प्रेस लेनपैकी दोन्ही बाजूच्या एकेक लेन लोखंडी कठडे लावून वाहतुकीसाठी बंद करण्यात आल्या आहे. त्या ठिकाणी वाहतूक वळविण्यासाठी या दोन कर्मचाऱ्यांची नेमणूक करण्यात आली होती.

हा अपघात एवढा भयंकर होता की कंटेनरसह दोघेजण काही मीटरपर्यंत फरफटत गेले. अपघातानंतर या ठिकाणी लावण्यात आलेले डायव्हर्जनचे पत्रे, बॅरिकेड्स संपूर्ण रस्त्यात पसरले होते. नागरिकांच्या मदतीने पोलिसांनी ते बाजूला करून वाहतूक सुरळीत केली.

पहाटे अडीचच्या सुमारास पोलिसांच्या नियंत्रणकक्षाला अपघाताबाबत माहिती समजली. तोपर्यंत तेथे काही नागरिक गोळा झाले होते. निगडीकडून पुण्याच्या दिशेने जाणाऱ्या वाहनांचा वेग भरधाव असल्याने सुरुवातीला वाहनांना थांबविण्याचे काम पोलिसांना करावे लागले.

निगडीकडून येताना पिंपरी येथून ग्रेड सेपरेटरमधून पुढे आल्यानंतर नाशिक फाटापर्यंत कोणताही सिग्नल नसल्याने वाहनांचा वेग जास्त असतो. तर, नाशिकफाटा कडून पिंपरीकडे जाताना नाशिक फाटा येथे सिग्नल असल्याने वाहनांचा वेग हा तुलनेने कमी असतो.

पिंपरीकडून येताना वल्लभनगरपर्यंत आल्यावर केवळ ५० मीटर अलीकडे वाहनांना वळणाचा (एक लेन बंदचा) फलक दिसतो. त्यामुळे या ठिकाणी अपघाताचा धोका वाढला आहे. रात्रीच्या वेळेस वाहनांचा वेग जरा जास्तच असल्याने आणि दिवसा कोंडी होऊ नये, म्हणून महामेट्रोकडून दोन्ही लेनवर प्रत्येकी दोन-दोन सुरक्षारक्षकांची नियुक्ती करण्यात आली आहे.

मात्र, वाहनांचा वेग जास्त असल्याने याठिकाणी रविवारी अपघात झाला. येथील लोखंडी कठडे एका जखमीच्या अंगावर पडले होते. तो त्याखाली दबला गेला होता. जखमींपैकी एकाने त्याचा सहकारी कुठे आहे, याची विचारणा केल्यावर पोलीस आणि नागरिकांनी त्याचा लोखंडी कठड्यांखाली शोध घेऊन दोघांना महापालिकेच्या वायसीएम रुग्णालयामध्ये दाखल केले. दोघांवर उपचार करून दुसऱ्या दिवशी सोडण्यात आले.

अशा प्रकारचे अपघात टाळण्यासाठी महामेट्रोच्या अधिकाऱ्यांशी चर्चा करून आवश्यक ती उपाययोजना करण्यात येणार असल्याचे पिंपरी पोलिसांनी सांगितले.

19 Jun 2017

एमपीसी न्यूज- एमआयडीसी भोसरी येथील सुवर्ण फायब्रोटेक या फायबर कंपनीला पहाटे साडेतीनच्या अचानक आग लागली. ही आग विझवण्यासाठी अग्निशामक दलाच्या 12 गाड्या घटनास्थळी दाखल झाल्या होत्या.शर्थीच्या प्रयत्नानंतर तीन तासांनी ही आग आटोक्यात आली.

या आगीचे कारण अद्याप कळाले नसून कंपनीच्या इमारतीमधील पहिल्या मजल्यावरील पाठीमागच्या बाजूने आगीला सुरुवात झाली.या ठिकाणी काही केमिकल होते. त्या केमिकलने आग पकडल्यामुळे आग पसरली. या आगीत कोणतीही जीवित हानी झालेली नाही. मात्र संपूर्ण कंपनी यामध्ये जाळून खाक असून लाखों रुपयांचे नुकसान झाले आहे.


ही आग विझवण्यासाठी पिंपरी, राहटणी, एमआयडीसी भोसरी, प्राधिकरण, तळवडे,खडकी,पुणे तसेच टाटा मोटर्स या सर्व मिळून एकूण 12 गाड्या घटनास्थळी दाखल झाल्या होत्या. सध्या आग नियंत्रणात आली असून फक्त धूर येत आहे. फायबर असल्यामुळे आग पूर्णपणे विझवण्यास 2 तास लागतील त्यासाठी सध्या 2 गाड्या घटनास्थळी थांबल्या आहेत,अशी माहिती पिंपरी अग्निशामक दलाचे प्रमुख अधिकारी किरण गावडे यांनी एमपीसी न्यूजशी बोलताना दिली.

ag22

ag33

 

ag55

ag111

 

18 Jun 2017

एमपीसी न्यूज- चिखली येथे सोसायटीच्या मेंटेनन्ससाठी भरायच्या पैशाच्या वादातून चक्क वडिलांनीच मुलावर वार केले आहेत. ही घटना काल (शनिवारी) रात्री साडेआठच्या सुमारस घडली. निगडी पोलिसांनी आरोपीला अटक केले आहे.

विजय हनुमंतप्पा फलमारी (वय50 रा. न्यू कोहिनूर सोसायटी, चिखली), असे अटक केलेल्या आरोपीचे नाव आहे.

विजय यांनी घरगुती भांडणामध्ये मुलगा हरिष विजय फलमारी (वय 22) याच्यावर चाकूने वार केले. हरीश्वरवर सध्या पिंपरीतील वायसीएम रुग्णालयात उपचार चालू असून वडील विजय याला अटक करण्यात आली आहे.

निगडी पोलीस ठाण्यात गुन्हा दाखल केला असून पोलीस अधिक तपास करत आहेत.

18 Jun 2017


देहू गावातून तुकोबारायांच्या पालखी सोहळ्यात सुमारे 27 तोळे सोने चोरीला; आरोपी अटकेत

एमपीसी न्यूज - माऊली व तुकोबारायांच्या पालखीमध्ये तल्लीन होऊन नाचताय तर जरूर नाचा मात्र, यावेळी आपल्या जवळ असलेल्या मौल्यवान वस्तूंवर लक्ष असू द्या...कारण याच पालखी सोहळ्यात देहूगाव येथून सुमारे 27 तोळे सोन्यांचे दागिने चोरीला गेले आहेत.

अशोक अंबादास गायकवाड (वय 27, नावडी चौक, गांधीनगर, बीड) व संजय माने (वय 19 रा.पाईपलाईन रोड, अहमदनगर) या दोन आरोपींना देहूगाव पोलिसांनी अटक केले आहे.

पोलिसांनी दिलेल्या माहितीनुसार, तुकोबारायांची पालखी देहूगाव येथील अलगडशहा दर्गा येथे दर्शनासाठी थांबली असताना दुपारी साडेबारा ते सहा या कालावधीत वारक-यांचे 27 तोळे सोने चोरीला गेले आहे. यामध्ये सोनसाखळी, मंगळसूत्र, गंठण,डोरली, मिनीगंठन, असा एकूण 7 लाखांचा ऐवज चोरीला गेला आहे. या दोन्ही चोरांच्या संशयीत वागणुकीमुळे पोलिसांनी नागरिकांच्या मदतीने त्यांना पकडले.

दोन्ही चोरांकडून केवळ साडेतीन तोळ्याची एक सोनसाखळी जप्त करण्यात आली आहे. यावेळी वारक-यांनीही त्यांच्या जवळील मौल्यवान वस्तूंची काळजी घ्यावी तसेच कोणतीही संशयित वस्तू व व्यक्ती आढळताच पोलिसांशी संपर्क करावा, असे आवाहन करण्यात आले आहे.

18 Jun 2017

एमपीसी न्यूज -  दापोडी येथे दुपारी तीनच्या सुमारास बंद घराचे कुलुप उचकटून घरातील दागिने व रोख रक्कम, असा सुमारे दोन लाखांचा ऐवज चोरटयांनी लंपास केला आहे.

पोलिसांनी दिलेल्या माहितीनुसार, दापोडी येथील विनीयार्ड चर्च शेजारी गणेश हाऊसिंग सोसासयटीमध्ये राहणा-या अजय ओव्हाळ (वय 37) यांच्या घरी काल दुपारी 3 ते 6 या कालावधीत बंद घराचे कुलूप कशाच्या तरी सहाय्याने उचकटून घरातील कपाटातील रोख 50 हजार रुपये व दागिने असा 1 लाख 90 हजार रुपयांचा ऐवज चोरीला गेला आहे.

याप्रकरणी भोसरी पोलीस ठाण्यात चोरीचा गुन्हा दाखल केला असून भोसरी पोलीस अधिक तपास करत आहेत.

18 Jun 2017

एमपीसी न्यूज- चिंचवड रेल्वे स्थानकाजवळ पुण्याकडे जाणाऱ्या रेल्वे रुळावर एका अज्ञात इसमाचा रेल्वेच्या धडकेने मृत्यू झाला आहे. ही घटना आज सकाळी साडेसहा वाजता उघडकीस आली.

रेल्वे पोलिसांनी दिलेल्या माहितीनुसार, इसमाचे अंदाजे वय 45 आहे. धडकेमध्ये डोक्याचे दोन भाग झाल्याने त्याची ओळख पटू शकलेली नाही. या इसमाची उंची 5 फूट 3 इंच असून रंग गहू वर्ण आहे. डाव्या हाताच्या पोटरीवर बदाम व बदनामध्ये अंबिका नाव कोरले आहे.अंगावर आकाशी रंगाचा व पांढऱ्या रेघा असलेला हाफ शर्ट व राखाडी पॅन्ट घातलेली आहे.ही घटना रात्री उशिरा घडली असून भरधाव रेल्वेच्या धडकेत त्याचा मृत्यू झाल्याचा पोलिसांचा अंदाज आहे.

17 Jun 2017

एमपीसी न्यूज - जुन्या पुणे-मुंबई राष्ट्रीय महामार्गावर एलएनटीच्या कार्यालयाजवळ एका अज्ञात कारने स्पोर्टबाईकला मागून जोरात धडक दिल्याने झालेल्या भीषण अपघातात दोन जण गंभीर जखमी झाले आहेत. ही धडक इतकी जोरात होती की या धडकेत मोटारसायकल जवळपास 80 फूट लांब नजीकच्या रेल्वे ट्रॅकवर पडली होती. सुदैवाने या दरम्यान कोणतीही रेल्वेगाडी आली नव्हती. शनिवारी सकाळी अकरा वाजता हा अपघात झाला.

प्रवीण इंद्रमल सिंग (वय - 28), श्रीदेवी वाडकर (वय- 26, रा. कांजूर मार्ग, मुंबई), असे अपघातात गंभीर जखमी झालेल्यांची नावे आहे.

लोणावळा शहर पोलिसांनी दिलेल्या माहितीनुसार, प्रवीण व श्रीदेवी हे दोघे त्यांच्या केटीएम स्पोर्ट मोटर सायकलने (एमएच-03/ सीक्यू- 1341) मुंबईहून लोणावळ्याला येत होते. लोणावळा व खंडाळ्याच्या दरम्यान असलेल्या निरा टपरी समोर भरधाव वेगात ओव्हरटेक करणाऱ्या एका अज्ञात ऑडी कारने पुढे जात असलेल्या केटीएम स्पोर्ट मोटारसायकलला मागून जोरात धडक दिली. या भीषण धडकेत स्पोर्ट मोटारसायकल सुमारे 80 फुटांपेक्षा अधिक दूरवर फेकली जाऊन नजीकच असलेल्या रेल्वेट्रॅकवर जाऊन पडली.

या भीषण अपघातात प्रवीणचा एक पाय तुटून मार्गाजवळ पडला होता. तर श्रीदेवी मार्गावर जोरात आदळल्याने गंभीर जखमी झाले आहे. अपघातानंतर या दोघांना अनिमल अॅम्ब्युलन्सने उपचारासाठी लोणावळ्यातील एका खाजगी रुग्णालयात दाखल केले, तेथे प्राथमिक उपचार करून पुढील उपचाराकरिता त्यांना पुण्यातील एका खासगी रुग्णालयात दाखल केले असून, तेथे त्यांच्यावर अतिदक्षता विभागात उपचार सुरु आहे. या घटनेचा पुढील तपास लोणावळा शहर पोलीस करीत आहे.

17 Jun 2017

एमपीसी न्यूज - लोहगाव विमानतळावरून ओप्पो कपंनीचे मोबाईल चोरून ते अर्ध्या किमतीत विकण्याच्या तयारीत असणा-या दोघांना विमानतळ पोलीस स्टेशनमधील कर्मचा-यांनी अटक केली. ही कारवाई 15 जून रोजी करण्यात आली असून आरोपीकडून 1लाख 60 हजार किमतीचे 25 मोबाईल हस्तगत करण्यात आले आहे.

संदीप दामोदर काबदुळे (वय-21, रा.आदर्श इंदीरानगर, येरवडा, पुणे) आणि संकेत शिरीष पोळ (वय-24, रा.गणेशनगर, दापोडी, पुणे) अशी अटक करण्यात आलेल्या दोघांची नावे आहेत. या प्रकरणी विलास चंदन तिडके (रा. कलवड वस्ती, लोहगाव, पुणे) यांनी फिर्याद दिली होती.

या प्रकरणी अधिक माहिती अशी की, 30 एप्रिलच्या रात्री 10 वाजता ओप्पो कंपनीचे पार्सल दिल्ली येथून लोहगाव विमानतळ येथे आले होते. हे पार्सल अज्ञात चोरट्यांनी चोरून नेले होते. दरम्यान, तपास पथकाच्या पोलीस कर्मचा-यांना दोघे जण स्वस्तात मोबाईल फोनची विक्री करत असून ते श्रीकृष्ण चौकात येणार असल्याची माहिती मिळाली होती. त्यानुसार पोलिसांनी सापळा रचून वरील दोघा आरोपींना ताब्यात घेतले. त्यांच्या जवळील बॅगेचा तपासणी केली असता त्यामध्ये 25 ओप्पो कंपनीचे मोबाईल आढळले. दोघांनाही अटक करून न्यायालयात हजर केले असता त्यांना 19 जून पर्यंत पोलीस कोठडी सुनावली आहे.

17 Jun 2017

एमपीसी न्यूज - भंडारा डोंगरावर वारक-यांच्या टेम्पोला झालेल्या भीषण अपघातात 43 जण जखमी झाले आहेत. आज दुपारच्या सुमारास हा अपघात झाला. जखमी झालेले सर्व बीड जिल्ह्यातील आहे. ही घटना आज (17 जून) दुपारी सव्वादोनच्या सुमारास घडली.

काही वारकरी देहूतून भंडारा डोंगरावर विठ्ठल-रुख्माईच्या दर्शनासाठी टेम्पोने गेले होते. दर्शन झाल्यानंतर परतीच्या प्रवासात असताना हा अपघात झाला. डोंगराच्या पायथ्यापाशी येताच  टेम्पो चालकाचा ताबा सुटल्याने टेम्पो उलटला. यामध्ये 43 भाविक जखमी झाले. यामध्ये 23 महिला, 16 पुरुष व 4 मुले जखमी झाले आहेत. जखमींना रुग्णालयात दाखल केले असून त्यांच्यावर उपचार सुरू आहेत. घटनेची माहिती मिळताच तळेगाव एमआयडीसीचे पोलीस घटनास्थळी दाखल झाले आहेत.

17 Jun 2017

पिंपरी-चिंचवडची 'ती' फॉर्च्युनर कोणाची?

एमपीसी न्यूज - लिफ्ट दिलेल्या 34 वर्षीय महिलेवर फॉर्च्युनर मोटारीत दोघांनी बलात्कार केल्याची घटना उघडकीस आली आहे.उरुळी कांचन - जेजुरी मार्गावर शिंदवणे घाटामध्ये काल (शुक्रवारी) मध्यरात्रीच्या सुमारास हा प्रकार घडला.

या प्रकरणातील मोटार ही पिंपरी-चिंचवड परिसरातील एका प्रतिष्ठीत व्यक्तीची असल्याने शहरात तो चर्चेचा विषय झाला आहे. या प्रकरणी अद्यापि कोणालाही अटक करण्यात आलेली नाही.

पीडित महिला केडगाव परिसरात राहणारी असून ती देवदर्शनासाठी नारायणपूरला गेली होती. घरी येण्यासाठी रात्री उशीर झाल्याने पारगाव चौफुला येथे ती उभी होती. यावेळी फॉर्च्युनर मोटारीतून आलेल्या दोन तरुणांनी तिला लिफ्ट दिली व शिंदवणे घाटामध्ये नेवून बलात्कार केला व नंतर घाटामध्ये सोडून दिले.

पीडित महिलेने घाटातूनमधून चाललेल्या दोन दुचाकीस्वारांच्या  मदतीने फॉर्च्युनरचा नंबर मिळविला. तसेच लोणी काळभोर पोलिसांत तक्रार दाखल केली.

लोणी काळभोर पोलीस पुढील तपास करीत आहेत.

16 Jun 2017

एमपीसी न्यूज - मोशी येथील सस्ते नगर परिसरात सुरु असलेल्या हातभाट्ट्यांवर गुन्हे शाखेच्या सामाजिक सुरक्षा विभागाने गुरुवारी छापा टाक. 700 लिटर दारूसह इतर दारु बनविण्यासाठी लागणारे साहित्य असा जप्त आहे. याप्रकरणी सहा जणांना अटक करण्यात आली असून दोन महिलांना समज देऊन सोडण्यात आले आहे. तर दोघेजण फरार आहेत.

सोमनाथ आसरु शिंदे, किरण दशरथ ठाकूर, हरिश दशरथ ठाकूर, कोकीळा प्यारेलाल कंजारभाट, राजू राजाराम यादव, लालजी रामकुमार यादव अशी अटक करण्यात आलेल्यांची नावे आहेत. दोन महिलांना तपासकामी हजर राहण्याची समज देऊन सोडण्यात आले. तर यातील अर्जून लिंबा कंजारभाट व ऋषि मोहनलाल यादव हे दोघे फरार आहेत.

रमजान ईद व आषाढी एकादशीच्या पार्श्‍वभूमीवर अवैध दारू व्यवसायांवर कठोर कारवाई करण्याचे आदेश वरिष्ठांनी  सामाजिक सुरक्षा विभागाला दिले होते. बातमीदारामार्फत माहिती मिळाली की,मोशी येथील सस्ते नगर परिसरात नदी लगतच्या झाडीत अर्जून कंजारभाट व दया चौधरी हे दोघे स्वतंत्ररित्या दारुच्या हातभट्टी दारू काढण्याचे काम करत आहेत. त्यांच्या दोन हातभट्ट्या लागून आहेत. त्यानुसार छापा टाकला. त्यावेळी तेथे एखूण अठरा बॅरेल्स त्यातील दहा बॅऱेल्समध्ये दारू गाळण्यासाठी लागणारे सुमारे 1 लाख 15 हजार लिटर्सचे कच्चे रसायन द्रावण,35 लिटर क्षमतेच्या 20कॅन्समध्ये  सुमारे 700 लिटर दारू, 50 किलो तुरटी, 10 किलो नवसागर, प्रत्येकी 10 किलो वजनाच्या 100 गुळ ढेप, तीन मोठ्या आकाराच्या चालू हातभट्ट्या असा एक लाख 15 हजारांचा मुद्देमाल जप्त केला आहे. यातील अर्जून लिंबा कंजारभाट व लालजी राजकुमार यादव हे दोघे फरार आहेत. पोलिसांनी तेथील हस्तगत केलेला दारु बनविण्यासाठी लागणारा माल व व्यवस्था जेसीबी मशीनने तोडून जागीच मातीत मिसळून नष्ट केली आहे.

ही कारवाई गुन्हे शाखेचे पोलिस उपायुक्त पंकज डहाणे यांच्या मार्गदर्शनाखाली  सहायक निरीक्षक चंद्रकांत जाधव, सचिन शिंदे, महिला कर्मचारी गितांजली जाधव, तसेच एमआयडीसी पोलिस ठाणे पोलिस ठाण्याचे कर्मचारी यांच्या पथकाने केली.
16 Jun 2017


23 गुन्हे उघड; युनीट चारची कारवाई

एमपीसी न्यूज - पिंपरी येथील आण्णासाहेब मगर जलतरण तलावाच्या ठिकाणी गाडीच्या डिकीत ठेवलेले मोबाईल चोरणा-या पाच अल्पवयीन मुलांना ताब्यात घेण्यात आले होते. त्यांच्याकडून तीन लाख 92 हजार रुपयांचे 53 मोबाईल जप्त करण्यात आले. तर घऱफोडी करणा-या सराईत गुन्हेगाराकडून चार लाख 20 हजार रुपयांचे दागिने जप्त करण्यात आले. हि कारवाई क्राईम युनीट चारच्या पथकाने केली असून 23 गुन्हे उघड करण्यात पोलिसांना यश आले आहे.

पिंपरी येथील विठ्ठल नगर झोपड्पट्टीमधून 5 अल्पवयीन मुलांना गुन्हे शाखेच्या युनिट 4 च्या सहाय्यक पोलीस निरीक्षक नितीन भोयर यांनी ताब्यात घेतले. ताब्यात घेतलेल्या मुलांकडून वेगवेगळ्या कंपन्यांचे महागडे 53 मोबाईल असा एकूण 3 लाख 92 हजार रुपयांचा ऐवज जप्त केला. पिंपरी पोलीस ठाण्यातील 14 तर निगडी व एम. आय. डी. सी. पोलीस ठाण्यातील प्रत्येकी 1 असे एकूण 16 मोबाईल चोरीचे गुन्हे उघडकीस आले आहेत.

आण्णासाहेब मगर जलतरण तलाव येथे मागील पाच ते सहा महिन्यांपासून पोहण्यासाठी आलेल्या लोकांच्या गाडीच्या डिक्कीमधून मोबाईल चोरीला जाण्याचे प्रमाण वाढले होते. याबाबत गुन्हे शाखा युनिट 4 ने तलावाजवळ सलग सात ते आठ दिवस पळत ठेऊन ही कारवाई केली.

दुस-या कारवाईत जामिनावर बाहेर असलेल्या आरोपीला गुन्हे शाखा युनिट 4 च्या अधिका-यांनी ताब्यात घेतले असून ताब्यात घेतलेल्या आरोपीकडून 140 ग्रॅम वजनाचे तब्बल 4 लाख 20 हजार रुपयांचे सोन्याचे दागिने हस्तगत करण्यात आले आहेत. दीपक हनुमंत फुलमाळी (वय 32, रा. राजीव गांधी झोपडपट्टी गुरव पिंपळे) असे अटक करण्यात आलेल्या आरोपीचे नाव असून सांगवी पोलीस ठाण्यातील दिवसा घरफोडी चोरीचे 7 गुन्हे उघडकीस आले आहेत.

आरोपीला यापूर्वी 2011 मध्ये अटक करून त्याच्याकडून सुमारे 1 किलो सोन्याचे दागिने जप्त करण्यात आले होते. 4 वर्षे येरवडा कारागृहात ठेवण्यात आले. बाहेर आल्यानंतर आरोपी व्यसनाच्या आहारी गेला व अशा प्रकारच्या चो-या करू लागला असल्याचे तपासात निष्पन्न झाले आहे.

हि कारवाई गुन्हे शाखेचे अपर पोलीस आयुक्त प्रदीप देशपांडे, पोलीस उपायुक्त पंकज डहाणे, सहाय्यक पोलीस आयुक्त संजय निकम यांच्या मार्गदर्शनाखाली गुन्हे शाखा युनिट ४ चे पोलीस निरीक्षक राजेंद्र तोडकर, सहाय्य्क पोलीस निरीक्षक नितीन भोयर, सहाय्यक पोलीस निरीक्षक गणेश पाटील, पोलीस उप निरीक्षक विलास पलांडे, पोलीस कर्मचारी दिलीप लोखंडे, संजय गवारे, प्रमोद लांडे, राजेंद्र शेटे, धर्मराज आवटे, प्रवीण दळे, राजू मचे, सलीम शेख, जितेंद्र अभंगराव, हजरत पठाण, संतोष बर्गे, अमित गायकवाड, गणेश काळे, हेमंत खरात, अजय उतेकर, प्रमोद हिरळकर, स्वप्नील शिंदे, सुनील चौधरी, गोपाल ब्रह्भदे यांनी केली.

16 Jun 2017

एमपीसी न्यूज - पिंपरी-चिंचवड परिसरात घरफोड्या आणि चो-या करणा-या सहा सराईत गुन्हेगारांना पकडून चिंचवड पोलिसांनी बेड्या ठोकल्या. अटक करण्यात आलेल्या गुन्हेगारांकडून 3 मोटारसायकल, सोन्या-चांदीचे दागिने आणि रोख रक्कम, असा एकूण 3 लाख 9 हजार 100 रुपयांचा ऐवज जप्त करण्यात आला आहे.

कमलेश कसबे (वय 22, रा. भारतनगर पिंपरी), मतीन कुरेशी उर्फ ढापण्या (वय 22, रा. लिंक रोड चिंचवड), राजू निजाम शेख (वय 19, भाटनगर पिंपरी), राहुल सुरेश सपताळे (वय 21, साठेनगर भिगवण), अशा मतीन कुरेशी (वय 23, वाल्हेकरवाडी चिंचवड) आणि अक्षय राम पाचर्णे (वय 24, मिलिंदनगर पिंपरी), अशी अटक करण्यात आलेल्या गुन्हेगारांची नावे आहेत.

चिंचवड येथील तुपे चाळ येथून चौघे नंबर प्लेट नसलेली सीबीझेड गाडी ढकलत आणि स्पिरिट मोपेड गाडी चालवत चालले होते. गस्त घालणा-या पोलीस अधिका-यांना चारही इसम संशयास्पद वाटल्याने त्यांना चौकशीसाठी ताब्यात घेतले. पोलिसांनी विचारपूस केली असता चौकशीत कमलेश कसबे व मतीन कुरेशी हे सराईत गुन्हेगार असल्याचे आढळून आले. सखोल चौकशी केली असता त्यांनी मतीन कुरेशी हिच्या मदतीने नाव बदलून वाकड, पिंपरी-चिंचवड भागात घरफोड्या केल्याचे समजले.

अटक करण्यात आलेल्या गुन्हेगारांवर चिंचवड पोलीस ठाण्यात 2, वाकड 3, पिंपरी 1 व देहूरोड पोलीस ठाण्यात 1 असे एकूण सात गुन्हे दाखल झाले आहेत.

ही कारवाई अपर पोलीस आयुक्त पुणे उत्तर प्रादेशिक विभाग शशिकांत शिंदे, परिमंडळ ३ चे पोलीस उपायुक्त गणेश शिंदे, सहायक पोलीस आयुक्त राम मांडुरके, वरिष्ठ पोलीस निरीक्षक विठ्ठल कुबडे, पोलीस निरीक्षक (गुन्हे) विनायक साळुंखे यांच्या मार्गदर्शनाखाली सहाय्यक पोलीस निरीक्षक सतीश कांबळे, सहाय्यक पोलीस निरीक्षक रमेश पाटील, पोलीस नाईक लक्ष्मण डामसे, पोलीस नाईक स्वप्नील शेलार, पोलीस नाईक विनोद साळवे, पोलीस नाईक सुधाकर आवताडे, पोलीस शिपाई देवा राऊत, निवास विघाटे, विजय बोडके, दीपक मैराळ यांनी केली.

16 Jun 2017

एमपीसी न्यूज - पत्ते खेळताना झालेल्या किरकोळ वादातून हाणामारी झाल्याने डोक्यात मार लागल्याने एकाचा मृत्यू झाल्याची घटना उघडकीस आली. ही घटना गुरुवार (15 जून) रोजी रात्री साडेबारा वाजण्याच्या सुमारास कोंढवा बुद्रुक येथील हगवणेनगर परिसरात घडली.

मानतु लक्ष्मण जमादार (वय-27, रा, लक्ष्मीनगर गल्ली, कोंढवा बुद्रुक, पुणे) असे खून झालेल्या युवकाचे नाव आहे. या प्रकरणी रवींद्र ज्ञानेश्वर पाटील (वय-27, रा. लक्ष्मीनगर, कोंढवा, पुणे) याच्यावर गुन्हा दाखल करण्यात आला आहे. मयताचा भाऊ हनुमंत लक्ष्मण जमादार यांनी याप्रकरणी फिर्याद दिली असून कोंढवा पोलीस ठाण्यात गुन्हा दाखल करण्यात आला आहे.

16 Jun 2017

एमपीसी न्यूज - खोट्या गुन्ह्यात गोवण्याची धमकी देऊन फरासखाना पोलिस ठाण्यातील दोन पोलिस शिपायांनी औरंगाबादच्या एका व्यक्तीकडून 25 हजार  रुपये उकळल्याचा धक्कादायक प्रकार समोर आला आहे. या व्यक्तीने पुणे पोलिसांकडे ई मेलद्वारे तक्रार केल्यानंतर दोन्ही पोलिस कर्मचार्‍यांवर फरासखाना पोलिसात  गुन्हा दाखल करण्यात आला आहे. त्यामुळे मोठी खळबळ उडाली आहे. हा प्रकार 6 मे रोजी लक्ष्मी रोड वर रविवार पेठ चौकीसमोर  घडला.

गणेश मारुती सोनवणे व अनिल हनुमंत रासकर (पोलिस शइपाई फरासखाना पोलिस ठाणे) अशी गुन्हा दाखल करण्यात आलेल्यांची नावे आहेत. तर याप्रकरणी 39 वर्षीय व्यक्तीने ईमेलद्वारे फिर्याद दिली आहे.

पोलिसांनी दिलेल्या माहितीनुसार, फिर्यादी हे मुंबई येथे मंत्रालयात त्यांच्या कामानिमित्त गेले होते. त्यानंतर ते 6 मे रोजी कारने त्यांच्या मित्रासह पुण्यात आले होते. त्यांनी मित्राला पुण्यात सोडले आणि सदाशिव पेठ येथील एका लॉजवर जाण्यासाठी निघाले. त्यावेळी ते लक्ष्मी रस्त्याने रविवार पेठ चौकीसमोरील चौकात आले. त्यावेळी रस्त्यावर नाकाबंदी करण्यात आलेली होती.  पोलिस शिपाई सोनवणे व रासकर हे दोघे तेथे नेमणूकीस होते. त्यांनी रासकर यांची कार अडविली. त्यांना कारची तपासणी करण्यासाठी म्हणून थांबवून घेत त्यांच्या कारची चावी काढून घेतली. तसेच मोबाईल, लायसन्स हिसकावून घेतले. तुम्ही रेडलाईट एरिया मध्ये आल्यामुळे तुमच्यावर गुन्हा दाखल करावा लागेल अशी धमकी दिली.

त्यानंतर गुन्हा दाखल न करण्यासाठी 30 हजार रुपयांची मागणी केली. फिर्यादी त्यावेळी घाबरून गेले. भितीपोटी ते 25 हजार रुपये देण्यास तयार झाले. त्यावेळी दोघांनी त्यांच्याकडील एटीएमम कार्ड घेऊन त्यामधून रोख  दहा हजार व 15 हजार रुपये जबरदस्तीने काढून घेतले. पैसे मिळाल्यानंतर त्यांना त्यांचा मोबाईल, कारची चावी, लायसन्स परत दिले. त्यावेळी फिर्यादी हे पैसे देऊन तेथून निघून गेले. त्यांनी औरंगाबादला गेल्यानंतर याबाबत ईमेलद्वारे तक्रार केली. त्यानंतर पुणे पोलिसांनी त्याची दखल घेत फरासखाना पोलिसात कार्यरत पोलिस शिपाई  गणेश सोनवणे व अनिल रासकर यांच्याविरोधात गुन्हा दाखल केला आहे.
16 Jun 2017

एमपीसी न्यूज - संशयावरून ताब्यात घेतलेला इसम अट्टल दुचाकीचोर निघाला. त्याच्या ताब्यातून चोरीच्या पाच दुचाकी जप्त करण्यात आल्या. ही कारवाई आज (16 जून) फरासखाना पोलिसांनी केली. अक्षय किसनराव हगवणे (वय -23, रा. पिंपळे निलख,  पुणे), असे आरोपीचे नाव आहे.

याप्रकरणी अधिक माहिती अशी की, फरासखाना पोलीस स्टेशनच्या तपास पथकातील पोलीस अधिकारी व कर्मचारी यांनी बनावट क्रमांक असल्याच्या संशयावरून एका अॅक्टिवा मोपेड चालवणा-याला ताब्यात घेतले होते. त्याच्याकडे अधिक चौकशी केली असता वापरत असलेली दुचाकी आणि इतर चार अशा पाच दुचाक्या चोरल्याचे त्याने कबूल केले. फरासखाना आणि चतु:श्रृंगी पोलीस स्टेशनच्या हद्दीतून या गाड्या चोरल्याचे त्याने कबूल केले.

फरासखाना पोलीस अधिक तपास करीत आहे.

16 Jun 2017

एमपीसी न्यूज - वरवंड येथे पुतण्याने सख्ख्या चुलत्यावर कोयत्याने वार करून खून केल्याची धक्कादायक घटना समोर आली आहे. दौंड तालुक्यातील वरवंड येथील गोपीनाथ मंदिरासमोर सकाळी 8 च्या सुमारास ही घटना घडली आहे.

सदाशिव नामदेव दिवेकर (वय 50 रा वरवंड जनाई माळा) असे खून झालेल्या चुलत्याची नाव आहे. दत्तात्रय रामभाऊ दिवेकर (वय 23 रा वरवंड सातपुते मळा) असे आरोपी पुतण्याचे नाव आहे.

याबाबत यवत पोलीस ठाण्यामध्ये कलम 302 अंतर्गत गुन्हा दाखल करण्यात आला आहे.

Page 3 of 45
Open Chat
1
Close chat
Hello! Thanks for visiting us. Please press Start button to chat with our support :)

Start