• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
12 Apr 2017

एमपीसी न्यूज - पत्नीची गळा आवळून हत्या केल्यानंतर दुस-या मजल्यावरून पडल्याने मृत्यू झाल्याचा बनाव करणा-या पतीला मुंढवा पोलिसांनी अटक केली. ही घटना मंगळवारी (दि. 11) सायंकाळी सात वाजता घोरपडीत घडली.

 

मनिषा तातोबा गरजादे (वय-30, रा.बी.टी.कवडे रोड, घोरपडी ), असे मयत महिलेचे नाव आहे. याप्रकरणी मयत महिलेचा पती तातोबा गरजादे (वय 35, रा. घोरपडी) याला मुंढवा पोलिसांनी अटक केली.

 

अधिक माहिती अशी की, मनिषा गरजादे या दुस-या मजल्यावरून खाली पडल्याने त्यांना बेशुद्ध अवस्थेत नोबेल हॉस्पिटलमध्ये दाखल करण्यात आले होते. परंतू हॉस्पिटलने त्यांना मयत घोषित केले. त्यानंतर शवविच्छेदनासाठी ससून रुग्णालयात नेले असता महिलेचा मृत्यू गळा आवळल्याने झाल्याचे निष्पन्न झाले होते. त्यानुसार पोलिसांनी मयत महिलेच्या पतीकडे चौकशी केली असता त्याने किरकोळ कारणावरून वाद झाल्याने हत्या केल्याचे चौकशीत उघड झाले. त्यानुसार पोलिसांनी त्याच्याविरोधात हत्येचा गुन्हा दाखल करत अटक केली.

 

मुंढवा पोलीस अधिक तपास करीत आहेत.

12 Apr 2017
एमपीसी न्यूज - खडकी पोलीस ठाण्यातून गज वाकवून पळून गेलेल्या दोघा आरोपीपैकी एकाला पकडण्यात युनिट एकच्या अधिका-यांना यश आले आहे. सन्नी विजय ऑनडी (वय 25) असे जेरबंद केलेल्या आरोपीचे नाव आहे. तर यातील मुख्य आरोपी सिराज हा अद्यापपयर्यंत फरार असून पोलीस त्याचा शोध घेत आहेत. 
 
युनिट एकचे पोलीस हवालदार रिझवान जेनेडी यांना मिळालेल्या माहितीवरुन सन्नी याला पठारे वस्ती, लोणी काळभोर येथून जेरबंद करण्यात आले. दरम्यान, यातील मुख्य आरोपी सिऱाज हा फरार असून पोलीस त्याचा शोध घेत आहेत. हे दोघेही आरोपी खडकी पोलीस ठाण्याच्या लॉकअपमधून गज वाकवून शनिवारी (दि.9) रोजी फरार झाले होते.
12 Apr 2017
एमपीसी न्यूज - वाढदिवसाला मुले जमा करता या करणाचा जाब विचारत एकाचा दगडाने मारहाण करण्याचा प्रकार समोर आला आहे. ही घटना मंगळवारी (दि.11) रोजी रात्री 12 च्या सुमारास चिंचवड येथील आनंदनगर झोपडपट्टी रस्त्यावर घडली. 
 
आशिष भारत पारडे (वय 25 रा. आनंदनगर झोप़पट्टी, चिंचवड ) आणि अजय खंडू गायकवाड असे मारहाण झालेल्या व्यक्तींची नावे आहे. तर अजय अनिल लव्हे (रा. आनंदनगर झोपडप्पटी) व त्याच्या तीन साथिदारांवर गुन्हा दाखल करण्यात आला आहे) या प्रकरणी आशिष पारडे याने चिंचवड पोलीस ठाण्याच फिर्याद दिली आहे. 
 
मिळालेल्या माहितीनुसार, पारडे आणि गायकवाड हे दोघे रात्रीच्यावेळी त्यांच्या दुचाकीवरुन घरी निघाले होते. त्यावेळी पारडे याच्या ओळखीच्या अजय अनिल लव्हे व त्याच्या तीन साथिदारांनी आडवत तुम्ही राहता त्या ठिकाणी कोण वाढदिवस साजरा करतो. तिथे मोरे वस्ती येथील बरीच मुले आली आहेत, तुम्ही भाई बनण्याच्या प्रयत्न करता का असे विचारात मारहाण करण्यास सुरुवात केली. यानंतर गायकवाड हा भांडण सोडविण्यासाठी आला असता लव्हे याने सिमेंटच्या गट्टू त्याच्या कपाळावर मारला. यामध्ये तो गंभीर जखमी झाला. पुढील तपास चिंचवड पोलीस करीत आहेत.
12 Apr 2017

एमपीसी न्यूज - पतीचे विवाहबाह्य संबंध असल्याच्या संशयावरून पत्नीने स्वत:ला पेटवून घेऊन आत्महत्या केल्याची घटना पिंपरी-चिंचवडमधील चिखली येथे मंगळवारी घडली. या प्रकरण पतीला अटक करण्यात आली आहे.

 

उर्मिला इंदर कांबळे (वय 20, रा. राजमल्हार हौसिंग सोसायटी जाधव चाळ, मोरेवस्ती, चिखली) असे आत्महत्या केलेल्या महिलेचे नाव असून ती दोन महिन्यांची गरोदर होती, असेही समजते.

 

पोलिसांनी दिलेल्या माहितीनुसार उर्मिला आणि इंदर भरत कांबळे (वय 24) यांचे काही वर्षांपूर्वी लग्न झाले होते, मात्र गेल्या काही दिवसांपासून इंदरचे दुसऱ्या स्त्रीशी अनैतिक संबंध असल्याच्या उर्मिलाला संशय होता. यावरून दोघांमध्ये अनेकदा वाद होत होते. इंदरने उर्मिलाला अनेकदा शिवीगाळ आणि मारहाणही केली होती. याच नैराशातून उर्मिलाने मंगळवारी राहत्या घरी अंगावर रॉकेल ओतून पेटवून घेतले.

 

उर्मिलाच्या वडिलांनी या प्रकरणी निगडी पोलिसांकडे फिर्याद दिली आहे. त्यानुसार पती इंदरवर गुन्हा दाखल करण्यात आला असून त्याला निगडी पोलिसांनी अटक केली आहे.

11 Apr 2017

एमपीसी न्यूज - दापोडी येथील जागेत सातबारा उता-यावर वारस नोंद करण्यासाठी तलाठी यांनी चार हजारांची मागणी केली होती. ही लाच घेताना लाचलुपत विभागच्या पथकाने तलाठ्याला रंगेहाथ पकडले. ही कारवाई आज (दि. 11) दुपारी सव्वातीनच्या सुमारास केली.

 

वैशाली अशोक कोळेकर (वय 30, रा. खडक पुणे), असे अटक केलेल्या तलाठ्याचे नाव आहे.

 

एसीबीने दिलेल्या माहितीनुसार, तक्रारदार यांनी दापोडीतील जागेच्या सातबारा उताऱ्यावर वारस नाव नोंदणीसाठी बोपोडी तलाठी कार्यालयाकडे अर्ज केला होता. तक्रारदार यांना नाव नोंदणी करून देण्यासाठी कोळेकर यांनी पाच हजार रुपयांची लाच मागितली होती. याबाबत त्यांनी लाचलुचपत प्रतिबंधक विभागाकडे तक्रार केली. या तक्रारीची पडताळणी केली असता लाच मागितल्याचे निष्पन्न झाले. तडजोडीमध्ये चार हजार रुपये लाच देण्याचे ठरले. त्यानुसार मंगळवारी खडक येथील तलाठी कार्यालयात चार हजारांची लाच घेताना कोळेकर हिला पकडण्यात आले. याप्रकरणी खडक पोलीस ठाण्यात लाच लुचपत प्रतिबंधक कायद्यानुसार गुन्हा दाखल करण्यात आला आहे.

11 Apr 2017

एमपीसी न्यूज - भंगार समजून बॉम्ब सदृश्य वस्तू घरात आणून फोडताना झालेल्या स्फोटात एकाच कुटूंबातील एका तरुणीसह तिघे गंभीर जखमी झाले आहेत. ही घटना देहूरोड येथील झेंडेमळा नायडूनगर येथे आज (मंगळवारी) दुपारी साडेतीनच्या सुमारास घडली. जखमींवर पुण्यातील ससून रुग्णालयात उपचार सुरू आहेत. याप्रकरणी देहूरोड पोलीस ठाण्यात कोणतीच माहिती मिळू शकली नाही.

 

बाला महेंद्र बिडलान ( वय 40), राजकुमार महेंद्र बिडलान (वय 25)  आणि पूजा महेंद्र बिडलान (वय 20), असे गंभीर जखमी झालेल्यांची नावे आहेत.


मिळालेल्या माहीतीनुसार देहूरोडमधील झेंडेमळा येथील नायडूनगर येथे राहणारे बडलानी कुटुंब भंगार वेचण्याचे काम करतात. भंगार वेचताना त्यांना एक वस्तू सापली. दुपारी साडे तीनच्या सुमारास भंगार फोडताना बॉम्ब सदृश गोळा फोडताना स्फोट झाला. स्फोटात घरातील तिघे गंभीर जखमी झाले असून जखमीवर पिंपरी येथील वायसीएम रुग्णालयात प्रथमीक उपचार करून पुण्यातील ससून रुग्णालयात हलवण्यात आले आहे. जखमींपैकी एकाची प्रकृती चिंताजनक असल्याचे वायसीएम पोलिसांनी सांगितले. याप्रकरणी देहूरोड पोलीस ठाण्यात कोणतीच माहिती मिळू शकली नाही.

11 Apr 2017

एमपीसी न्यूज - मॅक्स लाईफ इन्शुरन्समधून बोलत असल्याचे सांगून मोशी येथील एका महिलेची पावणे दोन लाखांची फसवणूक केल्याचे नुकतेच उघडकीस आले आहे. हा प्रकार 10 मार्च ते 16 मार्च दरम्यान मोशी प्राधीकरण येथील महिलेच्या राहत्या घरी घडला.


सविता चांदगुडे (वय-38, रा. मोशी, प्राधिकरण) यांनी एमआयडीसी पोलीस ठाण्यात फिर्याद दिली आहे. पोलिसांनी अनोळखी महिले विरुद्ध गुन्हा दाखल केला आहे.


पोलिसांनी दिलेल्या माहितीनुसार, सविता चांदगुडे यांना एका महिलेने फोन करून आपण मॅक्स लाईफ इन्शुरन्समधून बोलत असल्याचे सांगितले. या महिलेने विमा पॉलिसीची रक्कमेची मागणी केली. चांगुडे यांनी या महिलेने सांगितल्याप्रमाणे आरटीजीएसद्वारे एक लाख 82 हजार 700 रुपये पैसे भरले. परंतु फोन करणा-या महिलेने पैसे त्यांच्या विमा खात्यात न भरता त्यांची आर्थिक फसवणूक केली.


सहायक पोलीस निरीक्षक अनुराधा धुमाळ तपास करीत आहेत.

11 Apr 2017

एमपीसी न्यूज - भरधाव वेगात जाणा-या कारची धडक एका तरुणाच्या दुचाकीला बसली. यामध्ये गंभीर जखमी झाल्याने त्याचा उपचारापूर्वीच मृत्यू झाला. हा अपघात शनिवारी (दि.8) वडमुखवाडी च-होली येथे झाला. याप्रकरणी कारच चालका विरुद्ध दिघी पोलीस ठाण्यात गुन्हा दाखल करण्यात आला आहे.


सोमेश्वर बाबुराव गडदे (वय-25, रा. साई मंदीर, वडमुखवाडी, च-होली) असे मृत्यू झालेल्या तरुणाचे नाव आहे. तर विकास त्र्यंबक माने (वय-23, रा. च-होली) या कार चालका विरुद्घ गुन्हा दाखल करण्यात आला आहे. याप्रकरणी दिघी पोलीस ठाण्याचे पोलीस हवालदार दिनकर गावडे यांनी फिर्याद दिली आहे.


पोलिसांनी दिलेल्या माहितीनुसार, सोमेश्वर हा त्याच्या दुचाकीवरुन जात होता. त्यावेळी भरधाव वेगात जाण-या विकासच्या गाडीची धडक दुचाकीला बसली. यामध्ये सोमेश्वर गंभीर जखमी झाला. त्याला उपचारासाठी रुग्णालयात दाखल करण्यात आले परंतु उपचारापूर्वीच त्याचा मृत्यू झाला.
पुढील तपास दिघी पोलीस करीत आहेत.

11 Apr 2017

एमपीसी न्यूज - पुण्याच्या लष्करी वैद्यकीय महाविद्यालयाच्या परिसरात (AFMC) प्रयोगशाळा सहाय्यकाचा मृतदेह आज (दि. 11) मध्यरात्रीनंतर आढळला आहे. त्याचा मृतदेह शवविच्छेदनासाठी पाठविण्यात आला आहे.

 

नाईक, ओव्हल मिरांडा ( वय 28, मूळ राहता तिरुअनंतपूरम केरळ), असे मयत प्रयोगशाळा सहाय्यकाचे नाव आहे.

 

महाविद्यालयाचे डायरेक्टर अॅण्ड कमांडंट एअर मार्शल सी.के. रांजण यांनी नाईक ओ. मिरांडा यांच्या मृत्यूबाबत दुःख व्यक्त केले आहे. त्यांचा मृतदेह त्यांचे कुटुंबीय केरळला घेऊन जाणार आहे.  

11 Apr 2017

एमपीसी न्यूज - खराळवाडी खून प्रकरणातील बाराव्या फरार आरोपी गणेश जाधव यालाही पोलिसांनी जाधववाडी चिखली येथून अटक केली आहे. राजकीय वैमनस्यातून 12 जणांच्या टोळक्याने डोक्यात सिमेंट ब्लॉक मारून सामाजिक कार्यकर्ते सुहास बाबूराव हळदणकर (वय 35,दत्तकृपा हाऊसिंग सोसायटी, स्पाईन रो़ड, चिखली) यांचा रविवारी खराळवाडी येथे निर्घृण खून केला होता. याप्रकरणातील 11 आरोपींना यापूर्वीच पोलिसांनी अटक केली असून न्यायालयाने त्यांना आठ दिवसांची पोलीस कोठडी सुनावली आहे.

 

याप्रकरणी काळ्या उर्फ संदीप कलापुरे (वय 30), प्रतुल घाडगे (36) , अभिजित कलापुरे (28) , सदगुरू कदम (45), दत्ता उर्फ फेटया कलापुरे (25), प्रवीण कदम उर्फ झिंगऱ्या (28), खंड्या उर्फ प्रवीण सावंत (26), गणेश जाधव (25), छोट्या पठाण (28), संतोष उर्फ बाब्या कदम (28), संतोष उर्फ मुंड्या आरबेकर (40), सतीश कदम (31, सर्व रा. खराळवाडी, पिंपरी) यांना यापूर्वीच अटक केली आहे. तर गणेश जाधव हा फरार होता. त्याला आज अटक करण्यात आली आहे.

 

हळदणकर हे उर्दू शाळेजवळ दुर्गामाता मंदिरासमोर मित्रांसमवेत गप्पा मारत उभे होते. त्यावेळी 12 जणांचे टोळके त्या ठिकाणी आले. त्यांनी जवळच सुरू असलेल्या बांधकामाच्या ठिकाणी असलेले सिमेंट ब्लॉक डोक्यात घालून हळदणकर यांचा खून केला.

 

हळदणकर यांना तातडीने रुग्णालयात हलविण्यात आले, मात्र उपचारापूर्वीच त्यांचा मृत्यू झाल्याचे डॉक्टरांनी जाहीर केले. या प्रकारानंतर संतप्त जमावाने किरकोळ दगडफेकही केली, मात्र पोलिसांनी सौम्य लाठीमार करत जमावाला पांगवले, असे प्रत्यक्षदर्शींनी सांगितले, मात्र पोलिसांनी दगडफेक व लाठीमार झाल्याचा इन्कार केला आहे.  

 

पोलिसांनी या प्रकरणी माजी नगरसेवक सद्गुरू कदम याच्यासह संदीप कलापुरे, खंडू सावंत, अभी कलापुरे, प्रवीण कदम या संशयितांना चौकशीसाठी ताब्यात घेतले आहे. ताब्यात घेण्यात आलेले सर्वजण सद्गुरू कदम याचे कार्यकर्ते आहेत. सुहास देखील याच नगरसेवकाचे कार्यकर्ते होते, मात्र काही दिवसांपूर्वी त्यांनी त्यांंची साथ सोडली होती. त्यानंतर बालभवन येथे असणारे सुरक्षा रक्षक हटविण्यात यावे अशी मागणी हळदणकर यांनी केली होती. हे सुरक्षा रक्षक त्या नगरसेवकाचे कार्यकर्ते होते. याच रागातून सुहास यांचा खून झाल्याचे ताब्यात घेण्यात आलेल्या आरोपींनी पोलिसांना सांगितले.

 

खराळवाडी येथील सुहास बाबूराव हळदणकर या खून प्रकरणात पोलिसांनी सीसीटीव्ही फुटेज जप्त केले आहे. या फुटेजमध्ये चारजण सुहासला मारत असल्याचे दिसत आहे. परंतु राजयकीय पूर्ववैमन्यस्यातून इतरांची नावे गोवण्यात आली आहे. फिर्यादींनी त्यांची नावे घेतली असल्यामुळे त्यांना अटक करण्यात आली असल्याचे पोलीस अधिका-यांनी सांगितले.

11 Apr 2017

एमपीसी न्यूज - वाहतुकीचे नियम तोडल्याबद्दल वाहतूक पोलिसांनी अमोल बालवडकर यांच्या गाडीवर जॅमर लावून कारवाई केली. आपल्या गाडीवर कारवाई केल्याचा राग नगरसेवकांना आल्याने त्यांनी वाहतूक पोलिसांना दमदाटी करून ते करत असलेल्या सरकारी कामात अडथळा आणला. याप्रकरणी शिवाजीनगर पोलीस ठाण्यात गुन्हा दाखल करण्यात आला आहे आहे. हा प्रकार जगंली महाराज मंदिरासमोर काल (सोमवार) सायंकाळी साडेचार ते नऊच्या दरम्यान घडला. घटनेनंतर नगरेसवक अमोल बालवडकर फरार झाले असून पोलीस त्यांचा शोध घेत आहेत.

 

अमोल रतन बालवडकर (रा. बालेवाडी) आणि त्यांचा चालक गणेश वसंत चौधरी या दोघांवर गुन्हा दाखल करण्यात आला आहे. याप्रकरणी वाहतूक शाखेचे पोलीस निरीक्षक शंकर डामसे यांनी शिवाजीनगर पोलीस ठाण्यात फिर्याद दिली आहे.

 

नगरसेवक बालवडकर यांनी त्यांची कार जंलगी महाराज रोडवर नो-पार्किंगमध्ये लावली होती. या ठिकाणी डामसे हे नो-व्हॉल्टींग बाबत विशेष कारवाई करत होते. डामसे यांनी चालक गणेश चौधरी याला नो-पार्किंगमधून गाडी काढण्यास सांगितले. त्यावेळी त्याने पोलिसांसोबत हुज्जत घालण्यास सुरुवात केली. डामसे यांनी गाडीला जॅमर लावून पुढील चौकात कारवाईसाठी गेले. त्यावेळी अमोल बालवडकर यांनी आपल्या नगरसेवक पदाचा गैरवापर करून डामसे यांना फोन करून गाडीवर कारवाई करण्यास मनाई केली. परंतु वाहतुकीचा नियम तोडल्यामुळे कारवाई केल्याने डामसे यांनी त्यास नकार दिला. चिडलेल्या नगरसवेकांनी तुम्हाला पाहून घेतो, असे म्हणून डामसे यांना दमदाटी केली. तसेच चालक गणेश चौधरीला त्याचे नाव विचारले असता त्याने प्रशांत शंकर मोटे असे खोटे नाव पोलिसांना सांगितले. डामसे यांनी दिलेल्या तक्रारीवरून पोलिसांनी नगरसेवक आणि त्याच्या चालकावर गुन्हा दाखल केला आहे.


पुढील तपास शिवाजीनगर पोलीस करीत आहेत.

11 Apr 2017
एमपीसी न्यूज  -घरात कोणी नसताना चार वर्षांच्या मुलीवर बलात्कार केल्याप्रकरणी चिवळ्या ऊर्फ राम मधुकर करे (वय 27, रा. निराधारनगर, पिंपरी) याला पिंपरी पोलिसांनी अटक करुन आरोप पत्र न्यायालयात दाखल केले होते. या खटल्याची सुनावणी सेशन कोर्टात झाली. कोर्टाने  साक्षीपुरावे पाहून करे याला दहा वर्षांची सक्त मजुरी आणि 25 हजार रुपयांचा दंडाची शिक्षा सुनावली.
 
 
चिवळ्या उर्फ राम करे याने नोव्हेंबर 2014 मध्ये चार वर्षांच्या मुलीवर बलात्कार केला होता. घटनेच्या दिवशी पीडीत मुलीची आई भाजी आणण्यासाठी बाजारात गेली  होती. त्या वेळी घरी कोणी नसल्याचा गैरफायदा आरोपीने घेतला. फिर्यादी घरी आल्यानंतर घाबरलेल्या त्यांच्या मुलीने घडलेला प्रकार त्यांना सांगितला. पोलिसांनी करे याच्यावर गुन्हा दाखल करुन अटक केली होती. या गुन्ह्याचा तपास सहायक पोलीस निरीक्षक संतोष पाटील यांनी केला. याप्रकरणी पीडित मुलीच्या आईने पिंपरी पोलीस ठाण्यात फिर्याद दिली होती.

 
11 Apr 2017
एमपीसी न्यूज -  खंडाळा कोर्टातून येरवडा कारागृहाकडे पोलिसांसह निघालेल्या तीन आरोपींनी कात्रज घाटातातून पळ काढला. लघुशंकेच्या निमित्ताने उतरलेल्या आरोपींनी सोबत असलेल्या पोलिसांना धक्का देत पळ काढला. याप्रकरणी भारती विद्यापीठ पोलीस ठाण्यात गुन्हा दाखल करण्यात आला.
 
राजू महादेव पाथारे (वय-25 रा, विद्यानगर, चिंचवड, संतोष मचिंद्र जगताप (वय-30, रा, मोरवाडी, पिंपरी) आणि लोंढ्या उर्फ संतोष चिंतामण चांदीलकर (वय-25, कवळे ता. मुळशी) अशी आरोपींची नावे आहेत. आरोपींवर खंडाळा पोलीस ठाण्यात  गु र न 14/13 भा द वि कलम 392,34 आर्म अॅक्ट कलम 3-25 व फौ.ख.107/2015 अंतर्गत गुन्हे दाखल आहेत. याप्रकरणी पोलीस हवालदार संजय काशिनाथ चंदनशिवे यांनी फिर्याद दिली आहे.
 
याप्रकरणी अधिक माहिती अशी की,  सोमवार (10 एप्रिल) रोजी आरोपींना खंडाळा पारगाव कोर्टात सादर केले होते. कोर्टाने त्यांना परत 21 एप्रिलची तारीख दिल्याने ते परत येरवडा कारागृहाकडे येत होते. दरम्यान, रात्री साडेसात वाजण्याच्या सुमारास कात्रज घाट उतरत असताना आरोपींनी लघुशंकेसाठी जायचे असल्याने एका वळनावर गाडी थांबविली आणि आरोपी खाली उतरले. लघुशंका करत असताना पाठीमागे थांबलेल्या पोलिसांना धक्का देत आरोपींनी अंधारात जंगलाच्या दिशेने पळ काढला. पोलिसही त्यांच्या मागे पळाले परंतु अंधाराचा फायदा घेत आरोपी पसार झाले.
11 Apr 2017

एमपीसी न्यूज - खडकी कारागृहातून गज वाकवून खूनातील आरोपींच्या पलायनप्रकरणी खडकी पोलीस ठाण्याचे वरीष्ठ पोलीस निरीक्षक सुहास भोसले यांना निलंबित करण्यात आले आहे.

 

सिराज अमिर कुरेशी (वय-40, रा. सुरती मोहल्ला, खडकी) आणि सनी विजय अॅण्डी (वय-25, रा. आनंद पार्क, धानोरी रोड, विश्रांतवाडी) असे पलायन केलेल्या कैद्यांची नाव आहे. याप्रकरणी खडकी पोलीस ठाण्याचे सहायक पोलीस फौजदार बाजीराव चिमन ठोंबऱे (वय-57) यांनी फिर्याद दिली आहे.

 

खडकी येथील खंडाळे हत्याकांडातील शिराज अल्लाउद्दीन अमिर कुरेशी हा सराईत आरोपी असून त्याला 1 एप्रिल रोजी अटक करण्यात आली होती. कुरेशी आणि सनी खडकी पोलीस ठाण्यातील एकाच जेलमध्ये ठेवण्यात आले होते. जेलच्या शौचालया शेजारी असलेल्या पॅसेजच्या लोखंडी ग्रिलचा गज कापुन, तारेची जाळी उचकटून हे दोघे पळून गेले.

 

कुरेशीसह अरिफ घोडेस्वार, योगेश उर्फ बालम पिल्ले, सनी तायडे, डम्पी उर्फ रॉंकी मोती यांना पोलिस कोठडी मिळाली होती. त्यांना न्यायालयाने 10 एप्रिलपर्यंत पोलीस कोठडीत ठेवण्याचे आदेश दिले होते. योगिराज शिवराज खंडाळे या तरुणाचा 31 मार्चला पूर्ववैमनस्यातून बारा साथीदारांनी धारदार शस्त्राने वार करुन खून केला होता. बाराजणांमध्ये कुरेशी हा एक होता.

11 Apr 2017
एमपीसी न्यूज -  येरवडा परिसरातील लक्ष्मीनगर झोपडपट्टीमध्ये घरांना आग लागली. घटनेची माहिती मिळताच अग्निशमन दलाच्या सहा गाड्या घटनास्थळी दाखल झाल्या असून आगीवर नियंत्रण मिळवण्यात आले आहे.
 
दरम्यान, गॅस गळतीमुळे ही आग लागली होती अशी प्राथमिक माहिती असून वेळीच लोकांच्या लक्षात आल्याने त्यांनी मोकळ्या मैदानात धाव घेतली. त्यामुळे मोठी दुर्घटना टळली. सध्या आगीवर नियंत्रण मिळविण्याचे काम युद्ध पातळीवर सुरू असून यामध्ये कोणीही जखमी नसल्याची माहिती आहे. 
10 Apr 2017

एमपीसी न्यूज - संत तुकारामनगरमध्ये एका हॉटेल व्यावसायिकाने राहत्या घरी गळफास घेऊन आत्महत्या केली. ही घटना आज दुपारी तीनच्या सुमारास घडली.

 

विनायक माने, असे आत्महत्या केलेल्या व्यावसायिकाचे नाव आहे.

 

पोलिसांनी दिलेल्या माहितीनुसार, रेणुका हॉटलचे मालक विनायक माने यांनी त्यांच्या राहत्या घराच्या दुस-या मजल्यावरील खोलीत गळफास घेतला. माने यांनी छताच्या पंख्याला वायरच्या सहाय्याने गळफास घेतला. त्यांच्या आत्महत्येचे कारण अद्याप समजू शकले नाही.


पिंपरी पोलीस तपास करीत आहेत.

10 Apr 2017

एमपीसी न्यूज - भोसरीतील औद्योगिक क्षेत्रातील संपादित केलेला कोट्यवधी रुपयांचा भूखंड कमी किमतीत मिळवण्यासाठी पदाचा गैरवापर केल्याप्रकरणी मंत्रिपद गमवावे लागलेल्या एकनाथ खडसे यांच्या अडचणी आणखी वाढल्या आहेत. उच्च न्यायालयाच्या आदेशानुसार लाचलुचपत प्रतिबंधक विभागाने (एसीबीने) आज (सोमवारी) बंडगार्डन पोलीस ठाण्यात भ्रष्टाचार प्रतिबंधक कायदा कलम 13 (1) ड, (2), 15 आणि भादंवि 109 प्रमाणे एकनाथ खडसे, त्यांच्या पत्नी मंदाकिनी, जावई गिरीश चौधरी, व त्यांना जमीन विकणारा उकाणी आणि इतर अज्ञातांविरूध्द गुन्हा दाखल करण्यात आला आहे.

 

या प्रकरणाची चौकशी अप्पर पोलीस महासंचालकाच्या देखरेखीखाली करा, असे आदेश  8 मार्चला  लाच लुचपत प्रतिबंधक विभागाला दिले होते. त्यानुसार ही कारवाई करण्यात येत आहे. या प्रकरणातील तक्रारदार हेमंत गावंडे यांनी 30 मे 2016 रोजी बंडगार्डन पोलीस ठाण्यात दिलेल्या तक्रार अर्जालाच फिर्याद समजावी आणि प्रकरणाचा तपास करावा, असा आदेश आहे. त्याप्रमाणे गुन्हा दाखल करण्यात आला आहे.  

 
                   
सुमारे तीन एकराचा कोट्यावधीचा भूखंड खडसे यांनी पदाचा दुरुपयोग करत फक्त 3 कोटी 75 लाख रुपयांमध्ये पत्नी व जावयाच्या नावावर खरेदी केल्याने त्यांच्या विरोधात कायदेशीर तक्रार दाखल करण्यात आली होती. खडसे यांनी खरेदी केलेली जागा औद्योगिक क्षेत्राची असल्यामुळे त्याची खरेदी कशी काय झाली, असा प्रश्न उपस्थित झाला होता. याप्रकरणी पुण्यातले बांधकाम व्यावसायिक हेमंत गावंडे यांनी तक्रार दिली आहे.

10 Apr 2017
एमपीसी न्यूज - भरधाव वेगातील दुचाकीवरील नियंत्रण सुटून दुचाकी घसरल्याने झालेल्या अपघातात एका तेवीस वर्षीय युवकाचा मृत्यू झाला. हा अपघात रविवारी (9 एप्रिल) रात्री पावणेबारा वाजता एनआयबीएम रस्त्याकडून कडनगर चौकाकडे जाणा-या रस्त्यावर घडला.
 
अमर राजू नायर (वय-23, रा.सी/704 नाईन हिल्स, एनआयबीएम रोड, कोंढवा, पुणे), असे अपघातात मृत्यू पावलेल्या युवकाचे नाव आहे. दुचाकी घसरल्याने 10 ते 15 फुटापर्यंत घसरत गेल्याने गंभीर जखमी झाल्याने त्याचा मृत्यू झाला.
 
अधिक तपास पोलीस उपनिरीक्षक जवंजाळ करीत आहेत.
Open Chat
1
Close chat
Hello! Thanks for visiting us. Please press Start button to chat with our support :)

Start