• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
17 Jun 2017

पिंपरी-चिंचवडची 'ती' फॉर्च्युनर कोणाची?

एमपीसी न्यूज - लिफ्ट दिलेल्या 34 वर्षीय महिलेवर फॉर्च्युनर मोटारीत दोघांनी बलात्कार केल्याची घटना उघडकीस आली आहे.उरुळी कांचन - जेजुरी मार्गावर शिंदवणे घाटामध्ये काल (शुक्रवारी) मध्यरात्रीच्या सुमारास हा प्रकार घडला.

या प्रकरणातील मोटार ही पिंपरी-चिंचवड परिसरातील एका प्रतिष्ठीत व्यक्तीची असल्याने शहरात तो चर्चेचा विषय झाला आहे. या प्रकरणी अद्यापि कोणालाही अटक करण्यात आलेली नाही.

पीडित महिला केडगाव परिसरात राहणारी असून ती देवदर्शनासाठी नारायणपूरला गेली होती. घरी येण्यासाठी रात्री उशीर झाल्याने पारगाव चौफुला येथे ती उभी होती. यावेळी फॉर्च्युनर मोटारीतून आलेल्या दोन तरुणांनी तिला लिफ्ट दिली व शिंदवणे घाटामध्ये नेवून बलात्कार केला व नंतर घाटामध्ये सोडून दिले.

पीडित महिलेने घाटातूनमधून चाललेल्या दोन दुचाकीस्वारांच्या  मदतीने फॉर्च्युनरचा नंबर मिळविला. तसेच लोणी काळभोर पोलिसांत तक्रार दाखल केली.

लोणी काळभोर पोलीस पुढील तपास करीत आहेत.

16 Jun 2017

एमपीसी न्यूज - मोशी येथील सस्ते नगर परिसरात सुरु असलेल्या हातभाट्ट्यांवर गुन्हे शाखेच्या सामाजिक सुरक्षा विभागाने गुरुवारी छापा टाक. 700 लिटर दारूसह इतर दारु बनविण्यासाठी लागणारे साहित्य असा जप्त आहे. याप्रकरणी सहा जणांना अटक करण्यात आली असून दोन महिलांना समज देऊन सोडण्यात आले आहे. तर दोघेजण फरार आहेत.

सोमनाथ आसरु शिंदे, किरण दशरथ ठाकूर, हरिश दशरथ ठाकूर, कोकीळा प्यारेलाल कंजारभाट, राजू राजाराम यादव, लालजी रामकुमार यादव अशी अटक करण्यात आलेल्यांची नावे आहेत. दोन महिलांना तपासकामी हजर राहण्याची समज देऊन सोडण्यात आले. तर यातील अर्जून लिंबा कंजारभाट व ऋषि मोहनलाल यादव हे दोघे फरार आहेत.

रमजान ईद व आषाढी एकादशीच्या पार्श्‍वभूमीवर अवैध दारू व्यवसायांवर कठोर कारवाई करण्याचे आदेश वरिष्ठांनी  सामाजिक सुरक्षा विभागाला दिले होते. बातमीदारामार्फत माहिती मिळाली की,मोशी येथील सस्ते नगर परिसरात नदी लगतच्या झाडीत अर्जून कंजारभाट व दया चौधरी हे दोघे स्वतंत्ररित्या दारुच्या हातभट्टी दारू काढण्याचे काम करत आहेत. त्यांच्या दोन हातभट्ट्या लागून आहेत. त्यानुसार छापा टाकला. त्यावेळी तेथे एखूण अठरा बॅरेल्स त्यातील दहा बॅऱेल्समध्ये दारू गाळण्यासाठी लागणारे सुमारे 1 लाख 15 हजार लिटर्सचे कच्चे रसायन द्रावण,35 लिटर क्षमतेच्या 20कॅन्समध्ये  सुमारे 700 लिटर दारू, 50 किलो तुरटी, 10 किलो नवसागर, प्रत्येकी 10 किलो वजनाच्या 100 गुळ ढेप, तीन मोठ्या आकाराच्या चालू हातभट्ट्या असा एक लाख 15 हजारांचा मुद्देमाल जप्त केला आहे. यातील अर्जून लिंबा कंजारभाट व लालजी राजकुमार यादव हे दोघे फरार आहेत. पोलिसांनी तेथील हस्तगत केलेला दारु बनविण्यासाठी लागणारा माल व व्यवस्था जेसीबी मशीनने तोडून जागीच मातीत मिसळून नष्ट केली आहे.

ही कारवाई गुन्हे शाखेचे पोलिस उपायुक्त पंकज डहाणे यांच्या मार्गदर्शनाखाली  सहायक निरीक्षक चंद्रकांत जाधव, सचिन शिंदे, महिला कर्मचारी गितांजली जाधव, तसेच एमआयडीसी पोलिस ठाणे पोलिस ठाण्याचे कर्मचारी यांच्या पथकाने केली.
16 Jun 2017


23 गुन्हे उघड; युनीट चारची कारवाई

एमपीसी न्यूज - पिंपरी येथील आण्णासाहेब मगर जलतरण तलावाच्या ठिकाणी गाडीच्या डिकीत ठेवलेले मोबाईल चोरणा-या पाच अल्पवयीन मुलांना ताब्यात घेण्यात आले होते. त्यांच्याकडून तीन लाख 92 हजार रुपयांचे 53 मोबाईल जप्त करण्यात आले. तर घऱफोडी करणा-या सराईत गुन्हेगाराकडून चार लाख 20 हजार रुपयांचे दागिने जप्त करण्यात आले. हि कारवाई क्राईम युनीट चारच्या पथकाने केली असून 23 गुन्हे उघड करण्यात पोलिसांना यश आले आहे.

पिंपरी येथील विठ्ठल नगर झोपड्पट्टीमधून 5 अल्पवयीन मुलांना गुन्हे शाखेच्या युनिट 4 च्या सहाय्यक पोलीस निरीक्षक नितीन भोयर यांनी ताब्यात घेतले. ताब्यात घेतलेल्या मुलांकडून वेगवेगळ्या कंपन्यांचे महागडे 53 मोबाईल असा एकूण 3 लाख 92 हजार रुपयांचा ऐवज जप्त केला. पिंपरी पोलीस ठाण्यातील 14 तर निगडी व एम. आय. डी. सी. पोलीस ठाण्यातील प्रत्येकी 1 असे एकूण 16 मोबाईल चोरीचे गुन्हे उघडकीस आले आहेत.

आण्णासाहेब मगर जलतरण तलाव येथे मागील पाच ते सहा महिन्यांपासून पोहण्यासाठी आलेल्या लोकांच्या गाडीच्या डिक्कीमधून मोबाईल चोरीला जाण्याचे प्रमाण वाढले होते. याबाबत गुन्हे शाखा युनिट 4 ने तलावाजवळ सलग सात ते आठ दिवस पळत ठेऊन ही कारवाई केली.

दुस-या कारवाईत जामिनावर बाहेर असलेल्या आरोपीला गुन्हे शाखा युनिट 4 च्या अधिका-यांनी ताब्यात घेतले असून ताब्यात घेतलेल्या आरोपीकडून 140 ग्रॅम वजनाचे तब्बल 4 लाख 20 हजार रुपयांचे सोन्याचे दागिने हस्तगत करण्यात आले आहेत. दीपक हनुमंत फुलमाळी (वय 32, रा. राजीव गांधी झोपडपट्टी गुरव पिंपळे) असे अटक करण्यात आलेल्या आरोपीचे नाव असून सांगवी पोलीस ठाण्यातील दिवसा घरफोडी चोरीचे 7 गुन्हे उघडकीस आले आहेत.

आरोपीला यापूर्वी 2011 मध्ये अटक करून त्याच्याकडून सुमारे 1 किलो सोन्याचे दागिने जप्त करण्यात आले होते. 4 वर्षे येरवडा कारागृहात ठेवण्यात आले. बाहेर आल्यानंतर आरोपी व्यसनाच्या आहारी गेला व अशा प्रकारच्या चो-या करू लागला असल्याचे तपासात निष्पन्न झाले आहे.

हि कारवाई गुन्हे शाखेचे अपर पोलीस आयुक्त प्रदीप देशपांडे, पोलीस उपायुक्त पंकज डहाणे, सहाय्यक पोलीस आयुक्त संजय निकम यांच्या मार्गदर्शनाखाली गुन्हे शाखा युनिट ४ चे पोलीस निरीक्षक राजेंद्र तोडकर, सहाय्य्क पोलीस निरीक्षक नितीन भोयर, सहाय्यक पोलीस निरीक्षक गणेश पाटील, पोलीस उप निरीक्षक विलास पलांडे, पोलीस कर्मचारी दिलीप लोखंडे, संजय गवारे, प्रमोद लांडे, राजेंद्र शेटे, धर्मराज आवटे, प्रवीण दळे, राजू मचे, सलीम शेख, जितेंद्र अभंगराव, हजरत पठाण, संतोष बर्गे, अमित गायकवाड, गणेश काळे, हेमंत खरात, अजय उतेकर, प्रमोद हिरळकर, स्वप्नील शिंदे, सुनील चौधरी, गोपाल ब्रह्भदे यांनी केली.

16 Jun 2017

एमपीसी न्यूज - पिंपरी-चिंचवड परिसरात घरफोड्या आणि चो-या करणा-या सहा सराईत गुन्हेगारांना पकडून चिंचवड पोलिसांनी बेड्या ठोकल्या. अटक करण्यात आलेल्या गुन्हेगारांकडून 3 मोटारसायकल, सोन्या-चांदीचे दागिने आणि रोख रक्कम, असा एकूण 3 लाख 9 हजार 100 रुपयांचा ऐवज जप्त करण्यात आला आहे.

कमलेश कसबे (वय 22, रा. भारतनगर पिंपरी), मतीन कुरेशी उर्फ ढापण्या (वय 22, रा. लिंक रोड चिंचवड), राजू निजाम शेख (वय 19, भाटनगर पिंपरी), राहुल सुरेश सपताळे (वय 21, साठेनगर भिगवण), अशा मतीन कुरेशी (वय 23, वाल्हेकरवाडी चिंचवड) आणि अक्षय राम पाचर्णे (वय 24, मिलिंदनगर पिंपरी), अशी अटक करण्यात आलेल्या गुन्हेगारांची नावे आहेत.

चिंचवड येथील तुपे चाळ येथून चौघे नंबर प्लेट नसलेली सीबीझेड गाडी ढकलत आणि स्पिरिट मोपेड गाडी चालवत चालले होते. गस्त घालणा-या पोलीस अधिका-यांना चारही इसम संशयास्पद वाटल्याने त्यांना चौकशीसाठी ताब्यात घेतले. पोलिसांनी विचारपूस केली असता चौकशीत कमलेश कसबे व मतीन कुरेशी हे सराईत गुन्हेगार असल्याचे आढळून आले. सखोल चौकशी केली असता त्यांनी मतीन कुरेशी हिच्या मदतीने नाव बदलून वाकड, पिंपरी-चिंचवड भागात घरफोड्या केल्याचे समजले.

अटक करण्यात आलेल्या गुन्हेगारांवर चिंचवड पोलीस ठाण्यात 2, वाकड 3, पिंपरी 1 व देहूरोड पोलीस ठाण्यात 1 असे एकूण सात गुन्हे दाखल झाले आहेत.

ही कारवाई अपर पोलीस आयुक्त पुणे उत्तर प्रादेशिक विभाग शशिकांत शिंदे, परिमंडळ ३ चे पोलीस उपायुक्त गणेश शिंदे, सहायक पोलीस आयुक्त राम मांडुरके, वरिष्ठ पोलीस निरीक्षक विठ्ठल कुबडे, पोलीस निरीक्षक (गुन्हे) विनायक साळुंखे यांच्या मार्गदर्शनाखाली सहाय्यक पोलीस निरीक्षक सतीश कांबळे, सहाय्यक पोलीस निरीक्षक रमेश पाटील, पोलीस नाईक लक्ष्मण डामसे, पोलीस नाईक स्वप्नील शेलार, पोलीस नाईक विनोद साळवे, पोलीस नाईक सुधाकर आवताडे, पोलीस शिपाई देवा राऊत, निवास विघाटे, विजय बोडके, दीपक मैराळ यांनी केली.

16 Jun 2017

एमपीसी न्यूज - पत्ते खेळताना झालेल्या किरकोळ वादातून हाणामारी झाल्याने डोक्यात मार लागल्याने एकाचा मृत्यू झाल्याची घटना उघडकीस आली. ही घटना गुरुवार (15 जून) रोजी रात्री साडेबारा वाजण्याच्या सुमारास कोंढवा बुद्रुक येथील हगवणेनगर परिसरात घडली.

मानतु लक्ष्मण जमादार (वय-27, रा, लक्ष्मीनगर गल्ली, कोंढवा बुद्रुक, पुणे) असे खून झालेल्या युवकाचे नाव आहे. या प्रकरणी रवींद्र ज्ञानेश्वर पाटील (वय-27, रा. लक्ष्मीनगर, कोंढवा, पुणे) याच्यावर गुन्हा दाखल करण्यात आला आहे. मयताचा भाऊ हनुमंत लक्ष्मण जमादार यांनी याप्रकरणी फिर्याद दिली असून कोंढवा पोलीस ठाण्यात गुन्हा दाखल करण्यात आला आहे.

16 Jun 2017

एमपीसी न्यूज - खोट्या गुन्ह्यात गोवण्याची धमकी देऊन फरासखाना पोलिस ठाण्यातील दोन पोलिस शिपायांनी औरंगाबादच्या एका व्यक्तीकडून 25 हजार  रुपये उकळल्याचा धक्कादायक प्रकार समोर आला आहे. या व्यक्तीने पुणे पोलिसांकडे ई मेलद्वारे तक्रार केल्यानंतर दोन्ही पोलिस कर्मचार्‍यांवर फरासखाना पोलिसात  गुन्हा दाखल करण्यात आला आहे. त्यामुळे मोठी खळबळ उडाली आहे. हा प्रकार 6 मे रोजी लक्ष्मी रोड वर रविवार पेठ चौकीसमोर  घडला.

गणेश मारुती सोनवणे व अनिल हनुमंत रासकर (पोलिस शइपाई फरासखाना पोलिस ठाणे) अशी गुन्हा दाखल करण्यात आलेल्यांची नावे आहेत. तर याप्रकरणी 39 वर्षीय व्यक्तीने ईमेलद्वारे फिर्याद दिली आहे.

पोलिसांनी दिलेल्या माहितीनुसार, फिर्यादी हे मुंबई येथे मंत्रालयात त्यांच्या कामानिमित्त गेले होते. त्यानंतर ते 6 मे रोजी कारने त्यांच्या मित्रासह पुण्यात आले होते. त्यांनी मित्राला पुण्यात सोडले आणि सदाशिव पेठ येथील एका लॉजवर जाण्यासाठी निघाले. त्यावेळी ते लक्ष्मी रस्त्याने रविवार पेठ चौकीसमोरील चौकात आले. त्यावेळी रस्त्यावर नाकाबंदी करण्यात आलेली होती.  पोलिस शिपाई सोनवणे व रासकर हे दोघे तेथे नेमणूकीस होते. त्यांनी रासकर यांची कार अडविली. त्यांना कारची तपासणी करण्यासाठी म्हणून थांबवून घेत त्यांच्या कारची चावी काढून घेतली. तसेच मोबाईल, लायसन्स हिसकावून घेतले. तुम्ही रेडलाईट एरिया मध्ये आल्यामुळे तुमच्यावर गुन्हा दाखल करावा लागेल अशी धमकी दिली.

त्यानंतर गुन्हा दाखल न करण्यासाठी 30 हजार रुपयांची मागणी केली. फिर्यादी त्यावेळी घाबरून गेले. भितीपोटी ते 25 हजार रुपये देण्यास तयार झाले. त्यावेळी दोघांनी त्यांच्याकडील एटीएमम कार्ड घेऊन त्यामधून रोख  दहा हजार व 15 हजार रुपये जबरदस्तीने काढून घेतले. पैसे मिळाल्यानंतर त्यांना त्यांचा मोबाईल, कारची चावी, लायसन्स परत दिले. त्यावेळी फिर्यादी हे पैसे देऊन तेथून निघून गेले. त्यांनी औरंगाबादला गेल्यानंतर याबाबत ईमेलद्वारे तक्रार केली. त्यानंतर पुणे पोलिसांनी त्याची दखल घेत फरासखाना पोलिसात कार्यरत पोलिस शिपाई  गणेश सोनवणे व अनिल रासकर यांच्याविरोधात गुन्हा दाखल केला आहे.
16 Jun 2017

एमपीसी न्यूज - संशयावरून ताब्यात घेतलेला इसम अट्टल दुचाकीचोर निघाला. त्याच्या ताब्यातून चोरीच्या पाच दुचाकी जप्त करण्यात आल्या. ही कारवाई आज (16 जून) फरासखाना पोलिसांनी केली. अक्षय किसनराव हगवणे (वय -23, रा. पिंपळे निलख,  पुणे), असे आरोपीचे नाव आहे.

याप्रकरणी अधिक माहिती अशी की, फरासखाना पोलीस स्टेशनच्या तपास पथकातील पोलीस अधिकारी व कर्मचारी यांनी बनावट क्रमांक असल्याच्या संशयावरून एका अॅक्टिवा मोपेड चालवणा-याला ताब्यात घेतले होते. त्याच्याकडे अधिक चौकशी केली असता वापरत असलेली दुचाकी आणि इतर चार अशा पाच दुचाक्या चोरल्याचे त्याने कबूल केले. फरासखाना आणि चतु:श्रृंगी पोलीस स्टेशनच्या हद्दीतून या गाड्या चोरल्याचे त्याने कबूल केले.

फरासखाना पोलीस अधिक तपास करीत आहे.

16 Jun 2017

एमपीसी न्यूज - वरवंड येथे पुतण्याने सख्ख्या चुलत्यावर कोयत्याने वार करून खून केल्याची धक्कादायक घटना समोर आली आहे. दौंड तालुक्यातील वरवंड येथील गोपीनाथ मंदिरासमोर सकाळी 8 च्या सुमारास ही घटना घडली आहे.

सदाशिव नामदेव दिवेकर (वय 50 रा वरवंड जनाई माळा) असे खून झालेल्या चुलत्याची नाव आहे. दत्तात्रय रामभाऊ दिवेकर (वय 23 रा वरवंड सातपुते मळा) असे आरोपी पुतण्याचे नाव आहे.

याबाबत यवत पोलीस ठाण्यामध्ये कलम 302 अंतर्गत गुन्हा दाखल करण्यात आला आहे.

16 Jun 2017
 
एमपीसी न्यूज -भारती विद्यापीठ पोलिस ठाण्याच्या हद्दीतील   सच्चाईमाता चढाच्या रस्त्यालगत असलेल्या काशी विश्‍वेश्‍वर मंदिरासमोरील गोलटेकडीजवळ जुन्या पाण्याच्या टाकीजवळ मोकळ्या जागेत एकाचा धारदार शस्रांनी वार करून खून केल्याची घटना समोर आली आहे. शुक्रवारी सकाळच्या सुमारास रक्ताच्या थारोळ्यात पडलेला मृतदेह स्थानिकांना दिसून आल्यावर ही घटना उघडकिस आली आहे. याप्रकरणी अज्ञातांविरोदात भारती विद्यापीठ पोलिस ठाण्यात गुन्हा दाखल करण्यात आला आहे.

शानू छमन्ना खान (32, संतोषनगर कात्रज) असे मयताचे नाव आहे. तर त्याचा भाऊ शारिक छमन्न खान (28) याने भारती विद्यापीठ पोलिस ठाण्यात  फिर्याद दिली आहे. त्यानुसार अज्ञातांविरोधात गुन्हा दाखल करण्यात आला आहे. 

पोलिसांनी दिलेल्या माहितीनुसार,भारती विद्यापीठ पोलिस ठाण्याच्या हद्दीतील सच्चाईमाता मंदिराच्या चढावरील काशी विश्‍वेश्‍वर मंदिरासमोरील मोकळ्या जागेत असलेल्या जुन्या पाण्याच्या टाकीजवळ एका तरुणाचा मृतदेह शुक्रवारी सकाळी आढळून आला. स्थानिक नागरिकांनी याबाबत भारती विद्यापीठ पोलिसांना माहिती दिल्यानंतर पोलिसांनी घटनास्थळी धाव घेऊन त्याचा मृतदेह ताब्यात घेऊन शवविच्छेदनासाठी तो ससून रुग्णालयात पाठविण्यात आला आहे. दरम्यान शानू खान याला दारूचे व्यसन होते.तसेच तो काही कामधंदा करत नव्हता. असे त्याच्या भावाने दिलेल्या फिर्यादीत म्हटले आहे. भारती विद्यापीठ पोलिस पुढील तपास करत आहेत.
15 Jun 2017

 

एमपीसी न्यूज - प्रेयसीच्या त्रासामुळे गळफास घेऊन तरुणाने आत्महत्या केल्याचा धक्कादायक प्रकार उघडकीस आला आहे. मयत तरुण हा कोथरुड परिसरातील नामांकित महाविद्यालयात शिक्षण घेत होता. तरुणीमुळे आत्महत्या करत असून तिच्या मित्राने ठार मारण्याची धमकी दिली, असे तरुणाने सुसाईड नोटमध्ये लिहिले आहे. हा प्रकार 27 एप्रिलला घडला असून तरुणीसह तिच्या मित्रावर गुन्हा दाखल केला आहे. मात्र, तरुणाने सुसाईड नोट लिहिली असतानाही पोलिसांकडून गुन्हा दाखल करण्याबाबत उशीर का झाला हे समजू शकले नाही.

प्रतिक मुरलीधर कचरे (वय 22, रा. गुजरात कॉलनी, कोथरुड), असे आत्महत्या केलेल्या तरुणाचे नाव आहे. या प्रकरणी 22 वर्षीय तरुणीवर व मित्र मनिष बाबा धुमाळ याच्यावर गुन्हा दाखल करण्यात आला आहे.

पोलिसांनी दिलेल्या माहितीनुसार, प्रतिक व तरुणी कोथरूड परिसरातील एका नामांकित महाविद्यालयात शिक्षण घेत आहेत. प्रतिकचे मुलीसोबत प्रेमसंबंध होते. तिने लग्न करण्याचे आश्वासनही दिले होते. मात्र, त्यानंतर ती लग्नाला नकार देत होती. तरीही तरुण तिच्यावर प्रेम करत होता. मात्र, तरुणीने त्याला पोलिसांकडे जाऊन तक्रार देईल, अशी धमकी देण्यास सुरुवात केली. तर, मयत प्रतिककडून तरुणीने तीन हजार रुपयेही घेतले. मात्र, ते परत केले नसल्याचे तक्रारीत म्हटले आहे.

हा प्रकार 27 एप्रिल रोजी घडला आहे. पोलिसांकडून प्रथम आकस्मित मृत्यूची नोंद करण्यात आली. त्यानंतर कागदपत्रांच्या चौकशीवरून गुन्हा दाखल करण्यात आल्याचे सांगण्यात आले आहे. मात्र, तरुणाने सुसाईड नोटमध्ये तरुणीमुळेच आत्महत्या करत असल्याचे लिहिले असताना पोलिसांनी गुन्हा का दाखल केला नाही, हे मात्र कळू शकले नाही.

15 Jun 2017


एमपीसी न्यूज - आषाढी वारीला उद्यापासून सुरुवात होणार असून संत श्रेष्ठ तुकोबारायांची पालखी शनिवारी (दि.17) उद्योगनगरीत दाखल होणार आहे. या पालखी सोहळ्यातील सुरक्षिततेसाठी निगडी ते दापोडी या भागात तब्बल 500 पोलीसांचा कडेकोट बंदोबस्त ठेवण्यात येणार आहे, अशी माहिती पोलीस उपायुक्त गणेश शिंदे यांनी दिली.

तुकोबारायाच्या पालखीचा शनिवारी होणारा आगमन सोहळा, तसेच आकुर्डी येथील विठ्ठलमंदिरातील मुक्काम व रविवारी (दि.18) पालखीचे पुण्याकडे होणारे प्रस्थान या एक दिवसाच्या पालखी सोहळ्यासाठी पिंपरी-चिंचवड येथे सुमारे 500 पोलिसांचा फौजफाटा तैनात करण्यात येणार आहे.

यासाठी 1 पोलीस उपायुक्त, 2 सहाय्यक पोलीस आयुक्त, 22 पोलीस निरीक्षक, 56 सहाय्यक पोलीस निरीक्षक, 300 पुरूष तर 90 महिला पोलीस, असे एकूण 500 कर्मचारी असणार आहेत. यामधील बाहेरून मागवलेल्या फौजफाट्यात 11 पोलीस निरीक्षक, 17 पोलीस उपनिरीक्षक, 165 पुरुष तर 60 महिला पोलीस कर्मचारी असणार आहेत.

त्यामुळे उद्योगनगरीत तुकोबांच्या पालखी सोहळ्यासाठी पोलीस यंत्रणा पूर्णपणे सज्ज असून या बरोबरच दंगल काबू नियंत्रक पथक व बॉम्ब शोधक पथकही तैनात केले जाणार आहे. तसेच  वाहतूक व्यवस्थाही पालखी मार्गानुसार बदलण्यात येणार आहे, असेही शिंदे यांनी सांगितले.

15 Jun 2017

एमपीसी न्यूज - भोसरी येथील 30 वर्षीय युवकाने नोकरी-कामधंदा नसल्याच्या नैराश्यातून राहत्या घरात गळफास घेऊन आत्महत्या केली आहे. ही घटना आज (गुरुवारी) पहाटेच्या सुमारास घडली.

विशाल सिताराम गायकवाड (वय 30 रा. गुळवेवस्ती, भोसरी) याने पहाटेच्या सुमारास राहत्या घरात गळफास घेऊन आत्महत्या केली. सकाळी तो उशिरापर्यंत उठला नाही म्हणून खोलीचा दरवाजा उघडला असता हा प्रकार उघडकीस आला.

भोसरी पोलिसांनी दिलेल्या माहितीनुसार, विशाल याला नोकरी किंवा कोणताच कामधंदा मिळत नव्हता. त्यामुळे त्याने नैराश्यातून आत्महत्या केल्याचे प्राथमिक तपासात समोर आले आहे. याबाबत अधिक तपास भोसरी पोलीस करत आहेत.

15 Jun 2017

एमपीसी न्यूज - उप विभागीय कार्यालय मावळ मुळशी उप विभाग पुणे कार्यालयातील वरिष्ठ क्लर्कला 50 हजाराची लाच स्वीकारताना लाचलुचपत प्रतिबंधक विभागाच्या कर्मचा-यांनी पकडले. ही कारवाई आज (15 जून) दुपारी 2.45 वाजता करण्यात आली.

प्रवीण किसन ढमाले (वय-40, रा.सी /405, रविकरण हाइट, रामकृष्ण मंगल कार्यालयामागे, पिंपळे गुरव, पुणे.) आणि  संदीप जयसिंग घाडगे (वय 28 ) या दोघांना ताब्यात घेतले आहे.

याप्रकरणी एका व्यक्तीने दिलेल्या तक्रारीवरून ही कारवाई करण्यात आली. तक्रारदार व त्याच्या मामाच्या एमआयडीसीने संपादित केलेल्या जमिनीची मोबदला तक्रारदाराला मिळाला होता. हे  काम करून दिल्याचा मोबदला म्हणून आरोपीने 50 हजाराची लाच मागितली होती. ती स्वीकारताना त्याला रंगेहात पकडण्यात आले होते.

15 Jun 2017


एमपीसी न्यूज - हिंजवडी फेज 3 येथील टीसीएस कंपनीच्या कंपाउंड जवळ दुचाकीची पाहणी करत असताना दोन सराईत चोरांना हिंजवडी पोलिसांनी अटक केली आहे. अटक करण्यात आलेल्या दोघांकडून 10 लाख रुपयांची 33 चोरीची दुचाकी वाहने जप्त करण्यात आली आहेत.

चंद्रकांत राजेंद्र गायकवाड (वय 29, रा. उस्तुरी, उस्मानाबाद) आणि विठ्ठल अशोक उंबरे (वय 32, रा. उस्मानाबाद), अशी अटक करण्यात आलेल्या आरोपींची नावे आहेत.

हिंजवडी पोलीस ठाण्याच्या तपास पथकातील पोलीस कॉन्स्टेबल ज्ञानेश्वर मुळे यांनी ही कामगिरी केली आहे. मुळे यांना त्यांच्या सूत्रांकडून टीसीएस कंपनीच्या कंपाउंडजवळ अज्ञात तरुण गाड्यांची पाहणी करत आहे, अशी माहिती मिळाली. मुळे यांनी तात्काळ जाऊन दोघांना ताब्यात घेतले. मागील काही दिवसांपासून परिसरात दुचाकी चोरीला जाण्याचे प्रमाण वाढले होते. त्यामुळे त्यांच्याकडे चौकशी केली असता दोघांकडून तब्बल 33 दुचाकी वाहने जप्त करण्यात आली आहेत. जप्त करण्यात आलेल्या वाहनांमध्ये 27 स्प्लेंडर, 1 पल्सर, 1 ग्लॅमर हिरो होंडा, 1 यामाहा आर वन, 1 अॅक्टिवा आणि इतर 2 या वाहनांचा समावेश आहे. ही सर्व वाहने त्यांनी मौजमजेसाठी चोरली असल्याचे पोलिसांच्या तपासात समोर आले आहे.

याविषयी पत्रकारांशी बोलताना पोलीस उपायुक्त गणेश शिंदे म्हणाले की, दोघेही चोर हे अगदी 5 वी व 7 वी शिकलेले आहेत. त्यामुळे ते मजुरीसाठी शहरात आले होते. मात्र, त्यांनी गाड्या चोरण्यास व त्या ग्रामीण भागात नेऊन विकण्यास सुरुवात केली. यामध्ये आयटी कंपनीच्या बाहेर लावलेल्या रस्त्यावरील गाड्या लक्ष करण्यात आल्या होत्या. यामध्ये कंपनीमध्ये हेल्मेट सक्ती असते त्या शिवाय गाडी आत घेत नाहीत. त्यामुळे कंपनीत काम करणारे हेल्मेट नसले की गाडी बाहेर लावत त्यातूनच या गाड्या चोरी होत गेल्या.

हे दोघेही चोरी केलेल्या दुचाकी ग्रामीण भागात नेऊन विकत. यावेळी ते ग्राहकास मला पैशाची खूप गरज आहे, असे सांगून  गाडी देऊन असतील तेवढे रुपये ग्राहकाकाडून घेत. यावेळी ग्राहकाला कागदपत्र नंतर देतो, असे सांगितले जाई. त्यामुळे  या व्यवहारात विश्वासहर्ता कोठेच त्यांनी ठेवली नव्हती. त्यामुळे नागरिकांनीही गाड्या खरेदी करताना सर्व गोष्टींची खात्री करूनच खरेदी करावी, असे आवाहनही शिंदे यांनी केले.

या वाहनांबाबत दोन्ही आरोपींवर चाकण पोलीस स्टेशनमध्ये 7, हिंजवडी पोलीस स्टेशन 6, भोसरी व एमआयडीसी पोलीस स्टेशन प्रत्येकी 4, पिंपरी पोलीस स्टेशन 2, कोंढवा, खडक, देहूरोड व राजगुरूनगर पोलीस स्टेशनमध्ये प्रत्येकी 1 गुन्हे उघडकीस आले आहेत. इतर सहा दुचाकींबाबत पोलिसांचा शोध सुरू आहे.

15 Jun 2017


एमपीसी न्यूज - आषाढी वारीनिमित्त संत ज्ञानेश्वर महाराज पालखी सोहळ्यास शनिवार (दि. 17) पासून सुरुवात होत आहे. पालखीची सुरुवात अलंकापुरी आळंदीतून होत असल्याने वैष्णवांच्या व मंदिराच्या सुरक्षेची जबाबदारी अत्यंत महत्वाची आहे. गर्दीच्या ठिकाणी अतिरेकी कारवाया होऊ नये यासाठी श्वान राधा व बॉम्ब शोधक नाशक हे पाच जणांचे पथक तैनात झाले आहे.


आषाढी वारीनिमित्त आळंदी येथील संत ज्ञानेश्वर मंदिर परिसरात पोलीस बंदोबस्त चोख ठेवण्यात आला आहे. अलंकापुरीत हौशे, नवसे, गवसे असे सर्व प्रकारचे भक्त जमणार आहेत. समाजकंटक व घातपाती वृत्तीच्या लोकांकडून काही अनुचित प्रकार घडू नये यासाठी पुणे घातपात विरोधी पथकाचे बॉम्ब शोधक व नाशक पथक तैनात करण्यात आले आहे.

पथकात पुणे ग्रामीण पोलीस अधीक्षक सुवेझ हक, अतिरिक्त पोलीस अधीक्षक स्वाती सातपुते यांच्या मार्गदर्शनाखाली ए. एस. आय. पी. जी. साईल, पो. ना. आर. एल. बनसोडे, पोलीस हवालदार ए. के. भोसले, पो. ना. एम. आर. बनसोडे, पोलीस कॉन्स्टेबल एस. एल. मुळे व श्वान राधा हे पथक मुख्य माउली मंदिर आणि इंद्रायणी घाटावर सज्ज आहे. पथकाने संपूर्ण मंदिर परिसर, इंद्रायणी घाट, पार्किंग, पान-फुलांची दुकाने पिंजून काढण्याचे काम सुरू आहे. रविवार (दि. 18) पर्यंत ही मोहीम सुरू ठेवण्यात येणार असल्याचे पी. जी. साईल यांनी सांगितले.

15 Jun 2017

एमपीसी न्यूज - बँकेत भरणा करण्यासाठी दिलेली 34 लाख रोख रक्कम बँकेत न भरता चोरून फरार झालेल्या अट्टल चोरट्याला दत्तवाडी पोलिसांनी सापळा रचून काल (बुधवारी) रात्री साडेआठ वाजता अटक केली. घटनेनंतर पोलिसांनी 36 तासांच्या आत चोरट्याच्या मुसक्या आवळण्यात यश आले आहे. 

दिनेश सोपान काळे (रा. कात्रज-कोंढवा रोड, पुणे, मूळ ता. करमाळा जि. सोलापूर), असे अटक करण्यात आलेल्या आरोपीचे नाव आहे.

दिनेश हा चेकमेट्स कंपनीत एक महिन्यापासून कामाला होता. ही कंपनी पुण्यातील मॉल्स, टाटा मोटर्स, एल.आय.सी., पिटर इंग्लंड ब्रॅण्डचे शॉप्स, तसेच विविध दुकाने यांच्याकडून कॅश गोळा करून तिचा बँकेत भरणा करण्याचे काम करते. कंपनीने 12 जूनला दिनेशकडे सिंहगड रोड येथील अॅक्सिस बँकेत भरण्यासाठी 34 लाख 101 रुपये दिले होते. मात्र, बँकेत भरणा न करता रक्कम घेऊन दिनेश फरार झाला होता. या प्रकरणी दत्तवाडी पोलीस ठाण्यात गुन्हा दाखल करण्यात आला होता. तसेच अन्य एका गुन्ह्यात दिनेशचा गुन्हे शाखा युनिट दोनच्या पोलिसांकडूनही शोध सुरू होता.

दाखल गुन्ह्याचा तपास करताना पोलिसांनी कात्रज-कोंढवा परिसरात ठिकठिकाणी सापळे लावले होते. काल दुपारी चारच्या सुमारास दिनेश हा काळ्या रंगाच्या बॅगसह कोंढवा येथील हॉटेलजवळ उभा असल्याचे समजताच पोलिसांनी त्याला सापळा लावून ताब्यात घेतले. त्याची झडती घेतली असता त्याच्या जवळील काळ्या बॅगेत 34 लाखांची रोख रक्कम सापडली. यानंतर रात्री साडेआठ वाजता पोलिसांनी त्याला अटक केली.

15 Jun 2017

एमपीसी न्यूज - खडकी येथील दारुगोळा कारखान्यात स्फोट होऊन झालेल्या अपघातात दोन कामगारांचा रुग्णालयात उपचार सुरू असताना मृत्यू झाला आहे. ही घटना आज (गुरुवारी) सकाळी नऊ वाजून 20 मिनिटांनी घडली.

अशोक काशिनाथ डुबल (वय 48) व मारिया रॉक (वय 50, दोघे रा. खडकी) अशी या दुर्घटनेत मृत्युमुखी पडलेल्या कामगारांची नावे आहे. या दुर्घटनेत अन्य दोन कामगार जखमी झाले असून त्यांच्यावर रुग्णालयात उपचार सुरू आहेत. मयत डुबल याच्या मागे आई, पत्नी, दोन मुले व एक मुलगी, असा परिवार आहे. तर मारिया हे तामिळनाडूचे असून त्यांच्या मागे पत्नी एक मुलगा व एक मुलगी आहे. 

खडकी येथे संरक्षण खात्याचा दारुगोळा कारखाना आहे. या कारखान्यात कामगार नेहमीप्रमाणे स्फोटके दुसरीकडे  नेण्याचेे काम करत होते. अचानक सव्वानऊच्या सुमारास स्फोट झाला. या स्फोटात दोन कामगारांचा मृत्यू झाला, अशी प्राथमिक माहिती मिळत आहे.  खडकी पोलीस घटनास्थळी दाखल झाले आहेत. 

कारखान्यात स्फोटके दुसरीकडे नेण्याचे दररोज करण्यात येणारे काम करण्यात येत होते. त्यावेळी स्फोटके एका ठिकाणाहून दुस-या ठिकाणी नेत असताना ही घटना घडली. यामध्ये दोघांचा भाजल्याने मृत्यू झाला. इमारतीला कोणताही धोका पोहोचलेला नाही. दरम्यान, घटनेनंतर संरक्षण दलाचे स्फोटक तज्ज्ञ घटनास्थळी दाखल झाले असून पुढील तपास करण्यात येत आहे, असे विश्वसनीय सूत्रांकडून सांगण्यात आले आहे. 

14 Jun 2017


एमपीसी न्यूज - ब्राऊन शुगर, गांजा आणि चरस सारख्या अमली पदार्थांची नशा करणार्‍यांची संख्या वाढलेली असताना शहरात ऑईल बाँडचीही नशा केली जात असल्याचा धक्कादायक प्रकार समोर आला आहे. दरम्यान, ऑईल बाँडची नशा करणार्‍या तरुणाला हटकल्याच्या कारणावरून एकावर चाकूने गळ्यावर व पोटावर वार केल्याची घटना कोंढव्यात घडली आहे. यामध्ये तरुण गंभीर जखमी झाला असून, त्याच्यावर खासगी रुग्णालयात उपचार सुरू आहेत. या प्रकरणी कोंढवा पोलिसांनी अटक केली आहे.


मोनूकुमार उर्फ मोनू रामविनोद सिंह (वय 20, रा. काकडे वस्ती, कोंढवा), असे अटक करण्यात आलेल्याचे नाव आहे. याप्रकरणी शाहरुख शेख (वय 23, रा. कोंढवा) यांनी फिर्याद दिली आहे.

पोलिसांनी दिलेल्या माहितीनुसार, मोनूकुमार कोंढव्यात सुरक्षारक्षक म्हणून नोकरी करतो. तर, फिर्यादी शेख याचे दुचाकी व चार चाकीचे गॅरेज आहे. आठ दिवसांपूर्वी शेख हे चारचाकी कार घेऊन अशोका म्यूज सोसायटीजवळ आले होते. त्यावेळी  मोनूकुमार तेथे नशा करत होता. शेख याने येथे येऊन नशा करू नको, असे सांगितले होते. त्यावेळी त्यांच्यात वाद झाला होता. त्यानंतर शेख याने मोनूकुमार याला मारहाण केली. त्यानंतर हा वाद मिटला होता.

मंगळवारी शेख सोसायटीजवळील ओढ्यालगत कार उभीकरून कामानिमित्त बाहेर गेले. त्यावेळी परत मोनूकुमार तेथे आला. तो ऑईल बाँडची नशा करत बसला. तितक्यात शेख हे तेथे आले. त्यांनी पुन्हा मोनूकुमारला येथे येऊन नशा करत असल्याबाबत हटकले. त्यावेळी चिडलेल्या मोनूकुमारने जवळील चाकूने शेख याच्या हातावर वार केले. घाबरून शेख तेथून पळत जवळच्या हॉटेलात जाऊन बसला. मात्र, मोनूकुमारने हॉटेलात जाऊन शेख याच्या गळ्यावर, पोटात आणि हातावर चाकूने वार केले. त्यानंतर तो तेथून पसार झाला. शेख हे रक्ताच्या थारोळ्यात पडले. नागरिकांनी पोलिसांना घटनेची माहिती दिली. यामध्ये शेख हा या हल्यात गंभीर जखमी झाला असून, त्याच्यावर खासगी रुग्णालयात उपचार सुरू आहेत. मोनूकुमार हा तेथे ऑईल बाँडची नशा करत असल्याचे पोलिसांना सांगितले आहे.

Page 3 of 45
Open Chat
1
Close chat
Hello! Thanks for visiting us. Please press Start button to chat with our support :)

Start