• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
12 Jun 2017

कासरासाई परिसरातील 15 दिवसातील दूसरी घटना

 

एमपीसी न्यूज - मित्रांबरोबर पोहण्यासाठी गेलल्या दहावीतील विद्यार्थ्याचा कासारसाई धरणात बूडून मृत्यू झाला. ही घटना काल (रविवारी) सायंकाळी घडली. दहावीचा निकाल अगदी काही दिवसांवर आला असताना ही घटना घडल्याने परिसरात हळहळ व्यक्त केली जात आहे. तर दुसरीकडे कासरासाई धरणात बुडून मृत्यू झालेली ही 15 दिवसातील दूसरी घटना आहे. त्यामुळे धरण परिसरातील सुरक्षेवरही प्रश्न चिन्ह उभा रहिला आहे.

 

शामानंद इंद्रजीत भोसले (वय 16, रा. कोयना हौऊसिंग सोसायटी, रुपीनगर निगडी) असे धरणात बुडून मुत्युमुखी पडलेल्या मुलाचे नाव आहे.

 

शामानंद त्याच्या मित्रांसोबत कासारसाई धरणात पोहयाला गेला होता. यावेळी पोहत असताना दम लागल्याने तो पाण्यात बुडाला. शामानंद भोसले याला पोहता येत होते. मात्र पाण्याच्या खोलीचा अंदाज न आल्याने तो बुडाला. त्याच्या मित्रांनी आरडाओरडा केली असता स्थानिक नागरिकांनी त्याला पाण्यातून बाहेर काढले. मात्र, वैद्यकीय उपचारापूर्वीच त्याचा मृत्यू झाला.

 

पोलीस हवालदार सुरेश गोरडे यांनी दिलेल्या माहितीनुसार शामानंद भोसले हा त्यांच्या इस्कॉन मंदिर निगडीच्या परिसरातील त्याच्या मित्रांसमवेत खासगी चारचाकी वाहनातून आढले बुद्रुक (ता. मावळ) येथील गोशाळा प्रकल्प पाहण्यासाठी रविवारी सकाळी आले होते. गोशाळेचा प्रकल्प पाहून दुपारी पुसाणे हद्दीतील कासारसाई धरणात पोहण्यासाठी गेले असता हा प्रकार घडला.

 

दहावी बोर्डाचा निकाल अगदी काही दिवसावर आला असताना दहावीच्याच विद्यार्थ्याचा असा दुर्दैवी मृत्यू झाल्याने परिसरात हळहळ व्यक्त केली जात आहे. तर दुसचा बाजूला याच धरणात सेल्फी काढत असताना शुभांगी पाटील या तरुणीचा 31 मे रोजी बुडून मृत्यू झाला होता. गेल्या 15 दिवसात घडलेल्या या घटनांमुळे कासारसाई परिसरातील सुरक्षितते बाबत प्रश्न चिन्ह उपस्थित होत आहे. पावासाळ्यात तर पर्यटकांचे या परिसरातील प्रमाणही वाढेल त्यामुळे प्रशासनाने वेळीच सुरक्षिततेकडे लक्ष देणे गरजेचे आहे.

 

बुधवार (दि.३१) मे रोजी शुभांगी राम पाटील हिचा सेल्फी काढताना तोल जावून धरणात पडून बुडून मृत्यू झाल्याची घटना ताजी असताना रविवारी ही घटना घडली. या घटनेने कासारसाई धरणाची सुरक्षा रामभरोसे झाली असून धरण परिसराच्या हद्दीत पाण्यात बुडून मृत्यूंच्या घटनात वाढ होत असल्याचे आधोरेखित झाले आहे. पुढील तपास पोलीस नाईक अतिश जाधव करीत आहे.

12 Jun 2017

एमपीसी न्यूज - चपाती बनविण्यासाठी पीठ घेतल्याच्या कारणावरून दोघात झालेल्या हाणामारीत एका कामगाराने दुसऱ्याचा धारदार सुऱ्याने भोकसून खून केल्याचा धक्कादायक प्रकार काल (रविवारी) रात्री नऊच्या सुमारास आळंदीजवळ मरकळ (ता.खेड) येथे घडला.

अक्षयकुमार सुंदर रॉय (वय 50, सध्या रा. मरकळ, ता. खेड, मूळ रा. ओडिशा), असे खून झालेल्या कामगाराचे नाव आहे. या प्रकरणी हरेंद्रसिंग जगबहादूर सिंग (सध्या रा. मरकळ, मूळ रा. ठणकराहा, बिहार) याच्यावर आळंदी पोलिसांनी खुनाचा गुन्हा दाखल केला आहे. रॉय व सिंग हे दोघे एका भाड्याच्या खोलीत राहत होते. काल रात्री रॉय याने याने बनविलेले जेवण खाल्ले व पुन्हा चपातीचे पीठ मागितले. या किरकोळ कारणावरून दोघांमध्ये जोरदार भांडण सुरू झाले. यामध्ये आरोपीने चिडून जाऊन अक्षय कुमारच्या डाव्या बरगडीत चाकू खुपसून त्यास जागीच ठार केले.

अक्षयकुमार याचा मृतदेह आज सकाळी चाकण ग्रामीण रुग्णालयात शवविच्छेदन व उत्तरीय तपासणी साठी पाठवला आहे. आरोवर खुनाचा गुन्हा दाखल करून अटक केली. आरोपीस खेड न्यायालयात हजर केले. पुढील तपास आळंदी पोलीस ठाण्याचे सहाय्यक पोलीस निरीक्षक नंदकुमार गायकवाड करीत आहेत.

12 Jun 2017

एमपीसी न्यूज - चिंचवड येथील विजयनगर झोपडपट्टी येथील लग्न मंडपाच्या समानाला काल (रविवारी) रात्री साडे अकराच्या सुमारास आग लागली. ही आग विझवण्यासाठी 7 तास लागले. दरम्यान ही आग नेमकी कशामुळे लागली याचे कारण अद्याप समजू शकलेले नाही. मात्र, शॉर्ट सर्किटमुळे ही आग लागली असवी असा प्राथमिक अंदाज व्यक्त करण्यात येत आहे.

 

याबाबत अधिक माहिती अशी की, सुरेश रमणलाल चोरडिया यांचे चिंचवड येथील विजयनगर येथे लग्न मंडापाच्या सामानाचे गोडावून आहे. रविवारी रात्री साडे अकराच्या सुमारास या सामानाला अचनक आग लागली. यामध्ये गोडावून मधील सामान जळून खाक झाले. दरम्यान, आगीची माहिती मिळताच घटनास्थळी अग्निशामक दलाच्या  एकूण 6 गाड्या तर बजाज ची 1 तसेच टाटा मोटर्स ची 1 आशा एकूण 8 गाड्यांनी आग धाव घेते आगीवर नियंत्रण मिळविले. सध्या घटनास्थळी आग धुमसत असल्याने एक अग्निशामक दलाची गाडी असल्याचेही अग्निशामक दलाच्या कर्मचाऱ्यांनी सांगितले.

11 Jun 2017

एमपीसी न्यूज - पुणे विमानतळावरून एका संशयिताच्या बॅगेतून 13 लाखांचे सोन्याचे दागिने जप्त करण्यात आले आहे. आज दुपारी पावणेतीनच्या सुमारास ही कस्टम अधिका-यांकडून ही कारवाई करण्यात आली.

मोहम्मद अफौक, असे प्रवाशाचे नाव आहे.

मिळालेल्या माहितीनुसार, पुणे आंतरराष्ट्रीय विमानतळावर मोहम्मद अफौक हा प्रवासी दुबईहून एअर इंडिया फ्लाईट IX212 ने दुपारी 2.40 वाजता पोहोचला. यावेळी कस्टम अधिका-यांना संशय येऊन त्यांनी त्याच्या सामानाची तपासणी केली. यावेळी त्याच्याजवळील 444 ग्रॅम सोन्याचे 13.17 लाख किमतीचे आढळून आलेले दागिने जप्त करण्यात आले. यामध्ये 19 सोन्याच्या चैन, 28 कानातले रिंग आणि 14 पेंडंटचा समावेश होता. हे दागिने ट्रॉलीमधील बॅगेत जिन्सच्या पॅकेटमध्ये लपवलेल्या होत्या.

11 Jun 2017

एमपीसी न्यूज - एखाद्या चित्रपटाला शोभावा असा सीन दिघीच्या बांधकाम व्यावसायिक उमेश वाळके यांच्यासोबत घडला आहे. जमीन विकसित करण्यासाठी संबंधित जमीन दाखवण्याच्या बहाण्याने कारमध्ये घेऊन जाऊन चक्क डोक्याला पिस्तूल लावून दिघी येथील बांधकाम व्यासायिकास सुमारे दीड लाखाला लुटले. तर 5 कोटींची खंडणीही मागितली. शेवटी चालत्या गाडीतून उडी मारून बांधकाम व्यावसायिकाने स्वतःची सुटका करून घेतली.

याप्रकरणी पोलिसांनी दोन आरोपींना अटक केली असून त्यांना सात दिवसांची पोलीस कस्टडी सुनावण्यात आली आहे. महेंद्र शांताराम बोडके (वय 28 रा.सह्याद्रीनगर, धनकवडी) व कार्तिक सुभाष काणेरे (वय 28 रा. साईनगर, कात्रज) हे दोघे अटक असून मनिषा कुंभार (रा. दिघी) व अक्षय शेटे (रा. आंबेगाव बुद्रुक) हे फरार आहेत. अटक आरोपींना न्यायालयाने आजपासून सात दिवसाची पोलीस कोठडी शिवाजीनगर न्यायालयाने सुनावली आहे.

पोलिसांनी दिलेल्या माहितीनुसार, उमेश वाळके (वय. 42 रा. दिघी) यांना आरोपींनी फोन करून आमची प्रॉपर्टी विकसित करायची आहे. ती दाखवण्यासाठी म्हणून कारमधून वाळके व त्यांचा एक कामगार यांना अज्ञात स्थळी घेऊन गेले. तिथे त्यांनी कामगाराला गुंगीचे औषध दिले तर वाळके यांच्या डोक्याला पिस्तूल लावून त्यांच्याकडून सोन्याची साखळी, मोबाईल असा 1 लाख 35 हजारांचा ऐवज जबरदस्ती काढून घेतला व त्यांच्याकडे खंडणी म्हणून 5 कोटींची मागणी केली. यावेळी वाळके यांनी चालत्या कारमधून उडी मारून स्वतःची सुटका करून घेतली.

या प्रकरणी डेक्कन पोलीस ठाण्यात आरोपींविरुद्ध अपहरण, चोरी व खंडणीचा गुन्हा दाखल करण्यात आला असून पोलीस अधिक तपास करत आहेत.

11 Jun 2017

एमपीसी न्यूज -  पुणे-मुंबई द्रुतगती मार्गावर कामशेत पोलीस चौकीजवळ मारुती सुझूकी वीडीआई कारवरील ताबा सुटून कार रस्त्याच्या कडेला असणाऱ्या लोखंडी कठड्याला धडकून भीषण अपघात झाला. घटनेत कार चालक गंभीर जखमी झाला आहे. आज (रविवार) सायंकाळी पाच वाजता हा अपघात झाला. कारचालकाचे नाव अद्याप समजले नाही. 

 

मुंबईवरून पुण्याला येताना झालेल्या या भीषण अपघातात कठड्याचा पत्रा गाडीच्या आरपार घुसला. सुदैवाने गाडीमध्ये फक्त चालक होता. त्यामुळे मोठी दुर्घटना टळली. दरम्यान, घटनस्थळी महामार्ग पोलीस सहाय्यक फौजदार रमेश पोटे आणि पथकाने धाव घेतली आहे.  गंभीर जखमी झालेल्या कार चालकाला एका खाजगी रुग्णालयात दाखल केले आहे.

11 Jun 2017

एमपीसी न्यूज - मित्रांसह विहिरीत पोहण्यासाठी म्हणून गेलेल्या 12 वर्षांच्या मुलाचा पाण्यात बुडून मृत्यू झाला. ही घटना हडपसर येथील मंहमदवाडी आज (रविवारी) सकाळी घडली. मृत्युमुखी पडलेल्या मुलाची अद्यापपर्यंत ओळख पटलेली नाही.

 

सकाळी महंमदवाडी येथील गणेशनगर येवन पार्क परिसरात हा मुलाग त्याच्या दोन मित्रासंह पोहण्यासाठी गेला होता. दरम्यान, घटनेनंतर अग्निशामकदल घटनास्थळी पोहचले व त्यांनी मृतदेह बाहेर काढला.

11 Jun 2017

एमपीसी न्यूज - वाकड येथील एकाची बँकेतून बोलतोय तुम्ही केवायसीचा फॉर्म भरला नसल्यामुळे एटीएम कार्ड ब्लॉक होईल असे सांगून एटीएम कार्डचा पिन घेवून सुमारे 89 हजार रुपये बँक खात्यातून काढून घेतल्याचा प्रकार घडला आहे.

 

नानुराम सायनी (रा. झारखंड) या मोबाईल धारकाविरुद्ध वाकड पोलीस ठाण्यात गुन्हा दाखल करण्यात आला आहे. या प्रकरणी नाना सोनवणे (वय 34 रा. सुदर्शन कॉलनी, वाकड) यांनी वाकड पोलीस ठाण्यात फिर्याद दिली आहे.

 

सोनवणे यांना बँक ऑफ बडोदाच्या हेड ऑफिसमधून बोलतोय असे सांगून तुम्ही केवायसीचा अर्ज भरला नाही. त्यामळे तुमचे एटीएम कार्ड ब्लॉक होऊ शकते. त्यामुळे बँक तुम्हाला नवीन एटीएम कार्ड देणार आहे. सोनवणे यांच्या चालू एटीएम कार्डचा पिन जाणून घेवून त्यांच्या बँकेतून 8 जून रोजी सायनी याने 49 हजार 821 रुपये, तर 9 जून ला 40 हजार रुपये असे 89 हजार 821 रुपये काढून घेतले. वाकड पोलीस अधिक तपास करत असून, नागरिकांनी अशा फसव्या फोन कॉल ला व एसएमएसला बळी पडू नये असे आवाहन केले आहे.

11 Jun 2017

एमपीसी न्यूज - मुलगी झाली म्हणून माहेरुन जमीन खरेदीसाठी 2 लाख रुपये घेवून ये यासाठी पती व सासरच्या मंडळीच्या जाचाला कंटाळून 28 वर्षीय विवाहितेने राहत्या घरी गळफास घेवून आत्महत्या केली आहे. ही घटना पिंपळे सैदागर येथे 2 जून रोजी घडली.

 

सुभेंदू मनमोहन कार (वय 30 रा. भरत लक्ष्मण काटे यांची बिल्डींग, पिंपळे सौदागर, मुळ कटक राज्य, ओडीसा) व त्याच्या घरातील इतर पाच जणांवर मुलीच्या वडिलांनी मुलीला आत्महत्येस प्रवृत्त केल्याचा गुन्हा सांगवी पोलीस ठाण्यात दाखल केला आहे.

 

सुभेंदू व मयत महिला रोजालीन सुभेंदू कार (वय 28) या दोघांचा विवाह 6 जुलै 2014 साली झाला होता. मात्र मुलगी झाली या कारणावरुन रोजालीन हिला मानसिक व शारिरीक छळ करण्यास सासरच्यांनी सुरुवात केली. त्यानंतर घरच्यांकडून जमीन खरेदीसाठी 2 लाख रुपये घेवून ये असे सांगत तिला मारहाण केली. याच त्रासाला कंटाळून रोजालीनने राहत्या घरातच गळफास घेवून आत्महत्या केली. याप्रकरणी सांगवी पोलीस तपास करत आहेत.

10 Jun 2017

एमपीसी न्यूज - आळंदी वडगाव रस्त्यावरील दुचाकी आणि डंपर यांच्यात चऱ्होली खुर्द  हद्दीत झालेल्या अपघातात नुकतेच लग्न झालेल्या आळंदीतील नवविवाहित तरुणाचा दुर्दैवी मृत्यू झाल्याची घटना घडली. ही घटना ज्ञानसागर मंगल कार्यालयाजवळ शनिवारी (दि.10) घडली. यामुळे आळंदीत हळहळ व्यक्त करण्यात आली. चावडी चौक परिसरातील व्यापारी आस्थापना दुकाने या दुर्दैवी घटनेमुळे बंद ठेण्यात आली होती.

प्रकाश कुंडलीक कु-हाडे (वय 28, रा. आळंदी चावडी चौक, ता.खेड, जि.पुणे) हा अपघातात जबर जखमी झाल्याने उपचारादरम्यान त्यास मृत घोषित करण्यात आले.

पोलिसांनी दिलेल्या माहितीनुसार, अपघात आळंदी-वडगाव रस्त्यावरील चऱ्होली खुर्द (ता.खेड) चे हद्दीत ज्ञानसागर मंगल कार्यालयाजवळ दुपारी बाराचे सुमारास अपघात झाला. दुचाकी स्वार सी.बी.झेड (क्रमांक एम.एच.14,सी.व्हि. 7256)मोटारसायकलवरून जात असताना डंपरने (क्रमांक एम.एच.12, सी.टी.8625) ठोकरल्याने अपघात होऊन मागील टायर खाली गेल्याने जबर जखमी झाला. जखमी दुचाकीस्वारास प्रथम आळंदीतील के.के. हॉस्पिटलमध्ये व नंतर संत ज्ञानेश्वर हॉस्पिटल भोसरी येथे उपचारास नेले असता उपचारादरम्यान त्यास मृत घोषित करण्यात आले. डंपरने दुचाकीस्वारास ठोकरल्याने धडक होऊन दुर्दैवी घटना घडली. या घटनेनंतर डंपर चालक फरार झाला.

दरम्यान, मृत तरुणावर आळंदी येथील स्मशानभूमीत शोकाकुल वातावरणात अंत्यसंस्कार करण्यात आले. या प्रसंगी समाजातील विविध क्षेत्रातील शोकाकुल समाज बांधव उपस्थित होते. या दुर्दैवी घटनेने आळंदीवर शोककळा पसरली होती. याबाबत आळंदी पोलीस ठाण्याचे प्रभारी नंदकुमार गायकवाड यांच्या मार्गदर्शनाखाली पुढील तपास पोलीस हवालदार सुनील बाबर करीत आहे.

10 Jun 2017

एमपीसी न्यूज - निवृत्त सैनिकाच्या घरातून त्याची रायफल पळवून नेल्याचा प्रकार आज (शनिवारी) सकाळी विमानतळ परिसरातून उघडकीस आला आहे.  याप्रकरणी एकावर गुन्हा दाखल करण्यात आला आहे.

बलदेव सिंह मैकू लाल (वय 59, रा. पठारे वस्ती, सैनिक कॉलनी, लोहगाव) यांनी फिर्याद दिली आहे. याप्रकरणी संशयित विरेंद्र इंद्रपाल मौर्या (वय 25, रा. लोहगाव) याच्यावर गुन्हा दाखल करण्यात आला आहे.

पोलिसांनी दिलेल्या माहितीनुसार, बलदेव लाल हे लष्करातून सुभेदार या पदावरून निवृत्त झाले आहेत. सध्या ते लष्करातील अंतर्गत कॉन्ट्रॅक्टरची कामे करतात. त्यांच्याकडे परवाना असलेली एक 315 बोर एसबीबीएल रायफल आहे. दरम्यान, संशयित विरेंद्र मौर्या हा प्लबिंगची कामे करतो. बलदेव लाल यांच्या घरी गेल्या पाच महिन्यांपासून घरातील प्लबिंगचे काम सुरू आहे. हे काम विरेंद्र मौर्या करत होता. शनिवारी सकाळी बलदेव लाल यांनी त्यांची रायफल पाहिली. त्यावेळी त्यांना ती नसल्याचे आढळून आले. त्यावेळी त्यांना रायफल चोरीला गेल्याचे समजले. त्यानंतर त्यांनी याप्रकरणी विमानतळ पोलिसांकडे धाव घेतली. मौर्या त्यांच्याघरी काम करत होता. सध्या तो नाही. त्यामुळे त्यानेच ही रायफल चोरली असावी, असा संशय त्यांनी व्यक्त केला आहे. त्यांच्या संशयावरून मौर्या याच्यावर गुन्हा दाखल करण्यात आला असून, अधिक तपास सहाय्यक निरीक्षक तोगरवाड हे करत आहेत.

10 Jun 2017

एमपीसी न्यूज  - इलेक्ट्रॉनिक साहित्य ठेवलेल्या गोडाऊनचा कुलूप-कोयंडा उचकटून चोरट्यांनी 18 लाख 47 हजार 700 रुपयांचा ऐवज लंपास केला. ही घटना बुधवारी (दि.7) मध्यरात्री ताथवडे येथे घडली.

याप्रकरणी सरफराज शेख (वय 40, रा. काळेवाडी फाटा, वाकड) यांनी वाकड पोलीस ठाण्यात फिर्याद दिली आहे.

शेख यांच्या मालकाचे काळेवाडी फाटा येथे इलेक्ट्रॉ़निकचे दुकान आहे. ताथवडे सर्व्हे क्रमांक 77/2 येथे गोडावून आहे. बुधवारी रात्री नेहमीप्रमाणे गोडाऊन बंद केले होते. मध्यरात्री चोरट्यांनी गोडाऊनचा कुलूप-कोयंडा उचकटून आतमध्ये प्रवेश केला. गोडाऊनमधील विविध कंपन्यांचे एसी, फ्रीज, मायक्रोओव्हन असा 18 लाख 47 हजार 700 रुपयांचा ऐवज चोरून नेला. गुरुवारी सकाळी शेख हे गोडाऊनमध्ये गेले असता चोरी झाल्याचा प्रकार उघडकीस आला. त्यानंतर त्यांनी पोलीस ठाण्यात फिर्याद दिली. वाकड ठाण्याचे सहाय्यक पोलीस निरीक्षक एस.एस.घोळवे तपास करत आहेत.

10 Jun 2017

एमपीसी न्यूज - दारूसाठी पैसे न दिल्याच्या कारणावरून शिवीगाळ करून दारुड्या पतीने चाकूने केलेल्या हल्ल्यात एक महिला गंभीर जखमी झाली आहे. हा प्रकार सिंहगड रोड येथील तुकाईनगर येथे घडली. या प्रकरणी पतीला अटक करण्यात आली आहे. जखमी पत्नीवर रुग्णालयात उपचार सुरू आहेत. 

अनिल तुकाराम आडे (25, तुकाईनगर वडगाव बु.), असे अटक करण्यात आलेल्याचे नाव आहे. तर याबाबत पूजा आडे (22, तुकाईनगर वडगाव बु.) या महिलेने तक्रार दिली आहे.

पोलिसांनी दिलेल्या माहितीनुसार, फिर्यादी महिला ही वडगाव परिसरात घरकामे करते. तर तिचा पती गवंडीकाम करतो. दोघांना एक मुलगाही आहे. अनिल आडेला दारूचे व्यसन आहे. तो वारंवार दारू पिऊन पत्नीशी वाद घालायचा. शुक्रवारी दुपारी आरोपीने दारूसाठी पत्नीकडे पैसे मागितले. दारूसाठी पैसे न दिल्याने आरोपीने शिवीगाळ करीत पत्नीच्या चेह-यावर, गळ्यावर आणि हातावर चाकूने वार केले. डोळ्याजवळ, गालावर, गळ्याजवळ चाकूने वार करून तिला जिवे मारण्याचा प्रयत्न केला. त्यानंतर तो दरवाज्याला बाहेरून कडी लावून पळून गेला. तिने आरडाओरडा केल्यानंतर तिच्या घरमालक महिलेने व शेजारच्या महिलेने दार उघडले. त्यानंतर ती जखमी अवस्थेत शेजारी राहणार्‍या तिच्या बहिणीने तिला रुग्णालयात दाखल केले.

10 Jun 2017

एमपीसी न्यूज - बोपखेलमध्ये एका १६ वर्षीय मुलाने गळफास घेऊन आत्महत्या केल्याचा धक्कादायक प्रकार समोर आला आहे. ही घटना शुक्रवारी (दि. 9) संध्याकाळी पाचच्या सुमारास घडली. आत्महत्येमागचे कारण अद्याप अस्पष्ट आहे.

महेश नागेंद्र शेट्टी (वय 16 रा. बाराते वस्ती, पंचशील नगर, बोपखेल) असे आत्महत्या केलेल्याचे नाव आहे.

भोसरी पोलीस ठाण्याचे वरिष्ठ पोलीस निरीक्षक दिलीप कुलकर्णी यांनी याबाबत माहिती दिली. महेश खडकी येथील एस.ई.ई या शाळेत नववीच्या वर्गात शिकत होता. महेश शुक्रवारी संध्याकाळी त्याच्या आजी सोबत घराच्या वरच्या खोलीत झोपला होता. दरम्यान, आजी काही कामानिमित्त खाली आली असता महेशने साडीच्या सहायाने गळफास घेऊन आत्महत्या केली. घटना घडली त्यावेळी घरात महेशचे आई-वडील देखील होते. महेशच्या वडिलांचा भाजी विक्रीचा व्यवसाय आहे. पोलीस पुढील तपास करीत आहेत.

09 Jun 2017

एमपीसी न्यूज - घरगुती गॅसची वाहतूक करणा-या टँकरमधून गॅस चोरणा-या परप्रांतीय टोळीला तळेगाव एमआयडीसी पोलिसांनी अटक केली. या कारवाईत दोन हजार किलो वजनाच्या सुमारे  एक लाख रुपये किमतीचा घरगुती वापराचा गॅस  व 80 सिलेंडर टाक्या जप्त करण्यात आल्या आहेत. ही कारवाई मंगळवारी (दि.6) पहाटे अडीचच्या सुमारास सुदुंबरे (ता.मावळ) हद्दीत करण्यात आली. अटक करण्यात आलेल्या आरोपींना बुधवार (14जून) पर्यंत पोलीस कोठडीत ठेवण्याचे आदेश वडगाव मावळ न्यायालयाने आज (शुक्रवार) दिले आहेत.

टँकर चालक लक्ष्मण गुजर त्याचे साथीदार महिपाल बिष्णोई, महेंद्र बिष्णोई, विजय बिष्णोई, गोपाळ बिष्णोई, बाळू रोटे, प्रदीप सिंग, राकेश जाजू अशी अटक करण्यात आलेल्या आरोपींची नावे आहेत.

पोलीस उपनिरीक्षक विक्रम पासलकर यांनी दिलेल्या माहितीनुसार, (एम एच 04 डी एस 9555) क्रमांकाचा गॅस टँकर चालक लक्ष्मण गुजर (रा. मध्यप्रदेश) हा तळोजा (एमआयडीसी नवी मुंबई) येथून घरगुती वापराचा गॅस भरून अहमदनगर येथे निघाला होता. त्याचा गॅस टँकर पहाटे अडीचच्या सुमारास सुदुंबरे (ता.मावळ) हद्दीत आला असता, आरोपी चालक लक्ष्मण गुजर, महिपाल बिष्णोई, महेंद्र बिष्णोई, विजय बिष्णोई, गोपाळ बिष्णोई, बाळू रोटे, प्रदीप सिंग, राकेश जाजू आदींनी 80 गॅस सिलेंडर टाक्यांमध्ये, दोन मालवाहू वाहनांच्या सहाय्याने गॅस चोरी करत असल्याची माहिती विश्वासू सूत्रांनी तळेगाव एमआयडीसी पोलिसांना दिली.

घटनास्थळी पोलीस निरीक्षक रामदास इंगवले, उपनिरीक्षक विक्रम पासलकर, पोलीस कर्मचारी नंदकुमार चव्हाण, अनिल भोसले, प्रशांत भोसले, प्रशांत सोरटे, महेश गायकवाड, प्रेम कुंभार यांच्या पथकाने छापा टाकला. चालक व आरोपी संगनमताने मोकळ्या रानात गॅस टँकरमधून गॅस काढून हॉटेलच्या वापराच्या 80 गॅस सिलेंडर टाक्या भरत असताना पोलिसांनी ही कारवाई केली. दोन हजार किलो वजनाचा घरगुती गॅस किमंत 96 हजार 140 रुपये, दोन मालवाहू वाहने व गॅस टँकरमधून गॅस सिलेंडर टाकीत भरण्याचे साहित्य पोलिसांनी जप्त केली आहेत. मावळ तालुक्यातून जुन्या मुंबई-पुणे महामार्गावरून मोठ्या प्रमाणात घरगुती वापराच्या गॅस टँकरची वाहतूक होते. गॅस चोरीच्या प्रकाराने तालुका पोखरला गेल्याच्या पार्श्वभूमीवर ही महत्वाची कारवाई मानली जाते.

या गुन्ह्याचा तपास पोलीस उपनिरीक्षक विक्रम पासलकर करत आहे.

09 Jun 2017


एमपीसी न्यूज - बनावट ईन्स्टाग्राम अकाऊंट तसेच विविध सोशल नेटवर्किंग साईट्सचा वापर करत अश्लील संदेश पाठवून बदनामी केल्या प्रकरणी 12 जूनपर्यंत पोलीस कोठडीत ठेवण्याचे आदेश न्यायाधीश ए.एस. मुजुमदार यांनी दिले आहेत.

मरवेन जॉन पुनोली (रा. गोखलेनगर, मूळगाव पुनोली हाऊस, एरनाकुलम, केरळ), असे कोठडी सुनावलेल्याचे नाव आहे. याप्रकरणी हैद्राबादच्या तरुणीने हिंजवडी पोलीस ठाण्यात फिर्याद दाखल केली आहे. ही घटना 15 एप्रिल ते 8 जून दरम्यान ईन्स्टाग्राम व ई-मेल याद्वारे घडली. याप्रकरणी वीस हजाराचा मोबाईल जप्त करण्यात आला आहे.

आरोपीने ईन्स्टाग्रामवर बनावट नावाने अकाऊंट तयार करून त्यावर फिर्यादीचा फोटोचा वापर केला. त्याद्वारे फिर्यादीच्या बहीण व मित्रांना फोलो केले. त्याच्याकडे फोटोच्या बदल्यात पैशाची मागणी केली. त्यानंतर त्यावरून तसेच ई-मेल वरून अश्लील संदेश पाठवून बदनामी केली. यामध्ये आरोपीने गुन्हा कबूल केला आहे. त्याने अजून कोणत्या सोशल साईट्सवर बनावट अकाऊंट बनविले आहेत का, फिर्यादीला फॉलो केल्याचा पुढील तपास करणे, तसेच त्याचे अजून काही साथीदार आहेत का याबाबत तपास करण्यासाठी आरोपीच्या पोलीस कोठडीची मागणी सरकारी वकील डी.एल. मोरे यांनी न्यायालयाकडे केली. ती ग्राह्य धरत पोलीस कोठडी सुनावली आहे.

09 Jun 2017


एमपीसी न्यूज - स्वारगेट बस स्थानकात बसची वाट पहात असलेल्या नागरिकांना बनावट तिकीट विक्री करून फसवणूक केल्याचा प्रकार उघडकीस आला. याप्रकरणी स्वारगेट पोलीस ठाण्यात अज्ञाताविरोधात गुन्हा दाखल करण्यात आला.

याप्रकरणी अधिक माहिती अशी की, गुरूवार (8 जून) रोजी स्वारगेट आगारातील सोलापूर कंट्रोल पॉईंटवर दुपारी चार वाजण्याच्या सुमारास काही प्रवाशांची बसची वाट पाहात थांबले होते. यावेळी वाहकाच्या वेशात आलेल्या एका इसमाने त्यांना बसची तिकीटे असल्याचे सांगत 930 रुपयांची तिकीट विक्री केली. याप्रकरणी आगारातील अधिकारी सुनील भोकरे यांनी तक्रार दिली असून अज्ञाताविरोधात गुन्हा दाखल करण्यात आला.

पोलीस उप निरीक्षक वाघमारे अधिक तपास करीत आहेत.

09 Jun 2017


एमपीसी न्यूज - आळंदी येथील वडगाव घेनंद येथे महावितरण कंपनीच्या विद्युत सहाय्यक पदावर कार्यरत महिला कर्मचारी वीजबिले वाटप करण्यासाठी गेल्या असता त्यांना एकाने दमदाटी केली. त्याविरुद्ध आळंदी पोलीस ठाण्यात गुन्हा दाखल करण्यात आला आहे.

या प्रकरणी डी.एस.बवले (रा. वडगाव घेनंद, ता.खेड) यांच्यावर आळंदी पोलिसांनी गुन्हा दाखल केला आहे. फिर्यादी भाग्यश्री भगवान कांबळे (रा. शेलगाव, ता.खेड) यांनी आळंदी पोलीस ठाण्यात दिली आहे. कांबळे या मंगळवारी (दि.6) दुपारी साडेबाराच्या सुमारास वडगाव घेनंद येथील एका हॉटेलमध्ये वीजबिले वाटप करीत होत्या. त्यावेळी बवले तेथे आले व म्हणाले, माझे बिल जास्त का आले? या कारणावरून शिवीगाळ, दमदाटी केली. त्यानुसार प्रशासकीय कामात कर्मचा-याला अडथळा अणल्याचा गुन्हा दाखल करण्यात आला आहे.

आळंदी पोलीस ठाण्याचे सहाय्यक पोलीस निरीक्षक नंदकुमार गायकवाड यांच्या मार्गदर्शनाखाली पुढील तपास आळंदी पोलीस करीत आहेत.

Page 5 of 45
Open Chat
1
Close chat
Hello! Thanks for visiting us. Please press Start button to chat with our support :)

Start