• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
19 Jun 2017

...महापौरांची मोटार बंद पडते तेव्हा!


एमपीसी न्यूज - पिंपरी-चिंचवड महापालिकेचे महापौर नितीन काळजे यांची सरकारी मोटार आज (सोमवारी) बंद पडली. त्यामुळे महापौर साहेब पालिकेत येऊ शकले नाहीत. तसेच अनेक वेळा सांगूनही मोटार व्यवस्थित दुरुस्त केली जात नसल्याबाबत महापौर काळजे यांनी नाराजी व्यक्त केली.

महापौर नितीन काळजे यांना सरकारी मोटार देण्यात आली आहे. सोमवारी दिघी येथील रामचंद्र गायकवाड महाविद्यालयाच्या वर्धापन दिनाच्या कार्यक्रमाला महापौर मोटार घेऊन गेले होते. कार्यक्रम संपून येत असताना रस्त्यामध्ये अचानक महापौरांची मोटार बंद पडली. आपल्या मोटारीची वारंवार दुरुस्ती करण्यात आली आहे. मोटार सारखीच नादुरुस्त होत आहे. याबाबत संबंधित विभागाला अनेकवेळा सांगूनही मोटार व्यवस्थित दुरुस्त केली जात नाही, अशीही खंत त्यांनी व्यक्त केली. 

मोटार बंद पडल्यामुळे आपल्याला पालिका कार्यालयात येता आले नाही. शहरातील अनेक नागरिक कामासाठी आपल्याकडे कार्यलयात आले होते. पंरतु, मोटार नादुरुस्त झाल्याने आपण कार्यालयात येऊ शकलो नसल्याचे, महापौर काळजे यांनी प्रसिद्धीस दिलेल्या पत्रकात म्हटले आहे.

दरम्यान, च-होली भागात उंच रस्ता असल्यामुळे पालिकेची मोटार रस्त्यांना लागत असल्याची, तक्रार महापौर काळजे यांनी यापूर्वी केली होती. त्यामुळे महापौरांना नवी मोटार हवी असल्याची, चर्चा पालिका वर्तुळात सुरू आहे.

Facebook Google Plus Twitter LinkedIn
Open Chat
1
Close chat
Hello! Thanks for visiting us. Please press Start button to chat with our support :)

Start