• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
14 Jun 2017

लोणावळ्याचा पर्यटन विकास आराखडा जागतिक दर्जाचा बनवा


पर्यटनमंत्री जयकुमार रावल यांचे अधिकाऱ्यांना निर्देश

एमपीसी न्यूज - लोणावळा हे जगप्रसिद्ध पर्यटनस्थळ आहे. येथील पर्यटन विकासाचा आराखडा तयार करताना तो देखील जागतिक दर्जाचा बनवा, अशा सूचना पर्यटनमंत्री जयकुमार रावल यांनी अधिकाऱ्यांना दिल्या. पावसाळ्यात लोणावळा येथे पर्यटकांना अधिकाधिक सुविधा उपलब्ध करून देण्यासंदर्भात चर्चा करण्यासाठी मंत्रालयीन दालनात रावल यांनी नगरपरिषदेचे पदाधिकारी व अधिकारी यांच्या समवेत बैठकीचे आयोजन करण्यात आले होते.

यावेळी बोलताना लोणावळा हे पर्यटन शहर म्हणून नावारुपाला आणण्याचा विश्वासही मंत्री रावल यांनी व्यक्त केला. यावेळी मावळचे आमदार बाळा भेगडे, नगराध्यक्षा सुरेखा जाधव, उपनगराध्यक्ष श्रीधर पुजारी, पर्यटन विभागाचे प्रधान सचिव नितीन गद्रे, उपसचिव दिनेश दळवी, पोलीस उपविभागीय अधिकारी मुजावर, मुख्याधिकारी सचिन पवार, नगरसेवक राजेश बच्चे, बिंद्रा गणात्रा, प्रांत अधिकारी सुभाष भागडे, पर्यटन विकास महामंडळाच्या सरव्यवस्थापक स्वाती काळे, भाजपचे शहराध्यक्ष बाबा शेट्टी, शिक्षण मंडळाचे माजी सभापती विनय विद्वांस, नवीन भुरट, आशिष बुटाला आदींसह अधिकारी व आर्किटेक उपस्थित होते.

लोणावळा शहरात पर्यटनाच्या दृष्टीने करावयाच्या विविध कामांसाठी आराखडा बनविण्यासाठी मार्गदर्शकाची नियुक्ती करून त्याद्वारे पर्यटकांना आकर्षित करण्यासह विविध सुविधा पुरविल्या जातील व यातून पर्यटनाला मोठी चालना मिळेल, अशी माहिती यावेळी अधिकाऱ्यांनी बैठकीत दिली. पर्यटनमंत्री रावल पुढे म्हणाले पर्यटकांची सुरक्षा हा पर्यटनस्थळी महत्त्वाचा मुद्दा असून त्या दृष्टीने पोलीस विभागाने सुरक्षा यंत्रणा पुरवावी, तसेच पालिकेतर्फे त्यांना 50 सहाय्यक पुरवावेत यासह भुशी धरणावर पालिकेतर्फे प्रशिक्षण देऊन लाईफगार्ड नियुक्त करावे, अशा सूचनाही त्यांनी नगरपरिषदेला दिल्या आहे.

Facebook Google Plus Twitter LinkedIn
Open Chat
1
Close chat
Hello! Thanks for visiting us. Please press Start button to chat with our support :)

Start