• 01.jpg
  • 1250x200.jpg
  • MPC_news.JPG
  • PhotoGraphy-School-1.jpg
  • sujit.JPG
16 Jun 2017

इंदोरी येथील अंध विद्यार्थ्यांनी दहावीत मिळविले नेत्रदीपक यश


एमपीसी न्यूज - जिद्द आणि मेहनतीच्या जोरावर सर्व काही शक्य असते, याची प्रचिती मावळ तालुक्यातील इंदोरी मधील श्री साई फ्रेन्डस् सर्कल संचलित वगसम्राट कै. दादू इंदोरीकर इंद्रायणी अंध-अनाथ कल्याण केंद्रातील चार विद्यार्थ्यांनी मिळविलेल्या यशावरून दिसून येते. डोळस विद्यार्थ्यांनाही लाजवेल अशा पद्धतीचे यश दहावीच्या परीक्षेत मिळविले आहे. रोहित वाघमारे या विद्यार्थ्याने 81 टक्के, नरसिंग भोईनवाड याने 80 टक्के, योगेश तुपलोंढे याने 80 टक्के तर गणेश बजबळकर याने 79 टक्के, असे गुण मिळविले आहेत.

इंद्रायणी अंध-अनाथ केंद्रातील चार विद्यार्थी नूतन महाराष्ट्र विद्या प्रसारक मंडळ संचलित इंदोरी येथील प्रगती विद्या मंदिर या शाळेत शिकत होते. चांगले गुण मिळविण्याची जिद्द मनात ठेवून या चौघांनीही शाळेत आणि केंद्रात प्रारंभापासूनच अभ्यासात सातत्य ठेवले व घवघवीत यश संपादन केले. हे विद्यार्थी मूळचे लातूर, नाशिक व पुणे जिल्ह्यातील आहेत.

मुख्याध्यापक दशरथ ढमढेरे, पर्यवेक्षक बलभीम भालेराव, वर्गशिक्षक चंद्रकांत धनवे, सर्व विषय शिक्षक तसेच केंद्राचे व्यवस्थापक जयसिंग हिरे यांचे योग्य मार्गदर्शन लाभले, असे विद्यार्थी सांगतात.

संस्थेचे अध्यक्ष माजी आमदार कृष्णराव भेगडे, सचिव संतोष खांडगे, शालेय समितीचे अध्यक्ष दामोदर शिंदे, सुरेशभाई शहा, इंद्रायणी अंध-अनाथ केंद्राचे संस्थापक अध्यक्ष संजय चव्हाण, उपाध्यक्ष राजेंद्र मुनोत व पदाधिका-यांनी यशस्वी विद्यार्थ्यांचे अभिनंदन केले आहे.

Facebook Google Plus Twitter LinkedIn
Open Chat
1
Close chat
Hello! Thanks for visiting us. Please press Start button to chat with our support :)

Start