India Corona Update : 24 तासांत 1.79 लाख नवे कोरोना रुग्ण, 410 ओमायक्रॉन बाधित
एमपीसी न्यूज – भारतात कोरोना संसर्गाने पुन्हा वेग घेतला आहे. गेल्या 24 तासांत देशभरात 1 लाख 79 हजार 723 नव्या कोरोना रुग्णांची नोंद झाली असून, दैनंदिन पॉझिटिव्हीटी रेट 13.29 टक्क्यांवर पोहोचला आहे. चोवीस तासांत 410 ओमायक्रॉन बाधित रुग्ण आढळले असून, एकूण ओमायक्रॉन बाधितांची संख्या 4 हजार 033 एवढी झाली आहे.
आरोग्य मंत्रालयाच्या हवाल्याने ‘एएनआय’ने प्रसिद्ध केलेल्या आकडेवारीनुसार, देशातील एकूण कोरोना बाधित रुग्णांची संख्या 3 कोटी 57 लाख 07 हजार 727 एवढी झाली आहे. त्यापैकी 3 कोटी 45 लाख 172 रुग्ण कोरोनामुक्त झाले आहेत. गेल्या 24 तासांत 46 हजार 569 बरे झालेल्यांना डिस्चार्ज देण्यात आला आहे. देशाचा रिकव्हरी रेट 96.27 टक्के एवढा झाला आहे.
COVID19 | India reports 1,79,723 fresh cases & 146 deaths in the last 24 hours
Active case tally reaches 7,23,619. Daily Positivity rate at 13.29%
Omicron case tally at 4,033 pic.twitter.com/bOTWBFwuxN
— ANI (@ANI) January 10, 2022
सध्या देशात 7 लाख 23 हजार 619 ॲक्टिव्ह रुग्णांवर उपचार सुरू आहेत. गेल्या 24 तासांत देशभरात 146 रुग्णांचा मृत्यू झाला असून, आजवर 4 लाख 83 हजार 936 कोरोना रुग्ण दगावले आहेत. देशाचा कोरोना मृत्यूदर 1.36 टक्के एवढा झाला आहे. ‘आयसीएमआर’च्या आकडेवारीनुसार देशात आजवर 69.15 कोटी प्रयोगशाळा नमुने तपासण्यात आले आहेत. कोरोना प्रतिबंधात्मक लसीकरण मोहिम अंतर्गत आजवर 151.96 कोटी नागरिकांचे लसीकरण झाले आहे.
ओमायक्रॉन अपडेट
देशातील एकूण ओमायक्रॉन बाधित रुग्णांची संख्या 4 हजार 033 एवढी झाली आहे. त्यापैकी 1,552 रुग्ण ओमायक्रॉनमुक्त झाले आहेत. सध्या 2,481 ॲक्टिव्ह ओमायक्रॉन बाधित रुग्णांवर उपचार सुरू आहेत.