एमपीसी न्यूज – आजचे पंचांग. आजचा दिवस – शनिवार. तारीख – 06 जुलै 2024 (Today’s Horoscope 6 July 2024)
शुभाशुभ विचार- चांगला दिवस.
आज विशेष- साधारण दिवस.
राहू काळ – सकाळी 9.00 ते 10.30.
दिशा शूल – पूर्वेला असेल.
आज नक्षत्र – पुनर्वसु
चंद्र राशी – मिथुन 22.35 पर्यंत नंतर कर्क.
—————————–
मेष- ( शुभ रंग- निळा) (Today’s Horoscope 6 July 2024)
आज मीपणा प्रगतीच्या आड येऊ शकतो. मृदू वाणीने बरीच अवघड कामे सोपी होऊ शकतील. एखाद्या महत्त्वाच्या कामासाठी तातडीचा प्रवास घडण्याची शक्यता आहे.
वृषभ (शुभ रंग- स्ट्रॉबेरी)
तुमची मिळकत उत्तम असेल. गृहिणींना अचानक येणाऱ्या पाहुण्यांची उठबस करावी लागेल. आज प्रवास त्रासदायक होऊ शकतात. फार अर्जंट नसतील तर टाळावेत.
मिथुन (शुभ रंग – भगवा)
घरात वडीलधाऱ्या मंडळींशी काही वैचारिक मतभेद होऊ शकतात, परंतु त्यांच्या शब्दाचा मान राखावा. आज काही खोटी आश्वासने देणारे मित्र भेटतील दुरूनच राम राम करा.
कर्क ( शुभ रंग- जांभळा)
आजचा दिवस धावपळीचा आहे. ऑफिस कामासाठी प्रवास घडण्याची शक्यता आहे. उच्च अधिकारी असाल तर सह्या करण्यापूर्वी मजकूर नीट वाचून घेणे गरजेचे.
सिंह ( शुभ रंग- चंदेरी)
आज केलेल्या कोणत्याही वाटाघाटी सकारात्मकतेने पार पडतील. वास्तू वाहन खरेदीसाठी कर्ज मंजुरी होऊ शकते, जिवलग मित्राकडून आज अपेक्षित सहकार्य मिळेल.
कन्या (शुभ रंग- डाळिंबी)
कार्यक्षेत्रात तुमचे महत्त्व वाढेल. नोकरीच्या ठिकाणी वाढीव जबाबदाऱ्या स्वीकाराल व त्या पूर्णही कराल. व्यापाऱ्यांची आवक मुबलक राहील. आज तुम्हाला थोडी अहंकाराची बाधा होऊ शकते.
MLA Sunil Shelke : मुख्यमंत्री माझी लाडकी बहीण योजनेचा सुटसुटीत ‘मावळ पॅटर्न’
तूळ (शुभ रंग- चंदेरी) (Today’s Horoscope 6 July 2024)
नोकरी धंद्यात काही मनाविरुद्ध घटना घडल्याने नैराश्य येईल. विरोधक तुमच्या चुका शोधण्याचा प्रयत्न करतील. अधिकारांचा वापर जपून करायला हवा. उपासनेत मात्र खंड नको.
वृश्चिक ( शुभ रंग- सोनेरी)
नवीन व्यवसायात आपली कुवत ओळखूनच आर्थिक उलाढाली केलेल्या बऱ्या. संध्याकाळी वाहन चालवताना वेगावर नियंत्रण ठेवावे. वैवाहिक जीवनात सुसंवाद असावा.
धनु (शुभ रंग- राखाडी)
आज आनंदी व उत्साही असा दिवस असून एखाद्या भागीदारीच्या व्यवसायाची सुरुवात करण्यासाठी आजचा दिवस उत्तम आहे. आज तुम्ही काही योग्य निर्णय घेऊ शकाल.
मकर (शुभ रंग- मोरपंखी)
आज जे कराल ते तब्येतीला जपून करा. खाणे पिणे नियंत्रणात असू द्या. आज विश्रांतीही गरजेचे आहे मामा मावशी कडून काही महत्त्वाचे समाचार येतील.
कुंभ ( शुभ रंग- मरून)
आज तुम्हाला प्रकृती उत्तम साथ देईल. काही अनपेक्षित लाभ होतील. चैनी व विलासि वृत्ती बाळावेल. यशस्वी व्यक्तींच्या सहवासात तुमच्या महत्त्वकांक्षा वाढतील.
मीन (शुभ रंग- गुलाबी)
आज कौटुंबिक स्तरावर काही मनाजोगत्या घटना तुमचा कार्य उत्साह वाढवतील. मुले आज्ञेत असतील. खर्च कितीही वाढला तरी पैशाची कमतरता भासणार नाही.
शुभम भवतु!
