विद्यमान पंतप्रधान ऋषी सुनक यांच्या हुजूर पक्षाचा दारुण पराभव
एमपीसी न्यूज : ब्रिटनमध्ये लेबर पार्टीने 14 वर्षांनंतर सत्तांतर (UK Election Result) घडवून आणले आहे. किएर स्टार्मर (Keir Starmer) यांच्या नेतृत्त्वातील लेबर पार्टीने 412 जागा जिंकत निर्विवाद बहुमत मिळवले आहे. त्यामुळे किएर स्टार्मर हे ब्रिटनचे नवे पंतप्रधान होणार आहेत. विद्यमान पंतप्रधान ऋषी सुनक यांच्या हुजूर पक्षाचा दारुण पराभव झाला. त्यांना केवळ 122 जागांवर समाधान मानावे लागले.
ब्रिटनच्या संसदेत 650 सदस्य आहेत. त्यामुळे बहुमतासाठी 326 जागांची आवश्यकता असते. लेबर पार्टी आघाडीवर असल्याचे स्पष्ट झाल्यानंतर ऋषी सुनक यांनी राजीनामा दिला.
किएर स्टार्मर यांच्यावर जगभरातील विविध राष्ट्रप्रमुखांकडून या विजयाबद्दल अभिनंदनाचा वर्षाव केला आहे. लेबर पार्टीने (UK Election Result) 1997 नंतर पुन्हा एकदा चारशे जागांचा टप्पा पार केला आहे. लेबर पार्टीला 1997 मध्ये सर्वाधिक जागा मिळाल्या होत्या. त्यावेळी पक्षाचे नेते टोनी ब्लेअर होते. पक्षानं त्यावेळी 419 जागा मिळवल्या होत्या. तर हुजूर पक्षाला 165 जागा मिळाल्या होत्या.
PCMC : आयुक्त शेखर सिंह यांच्या दालनाबाहेरील नामफलकात आईच्या नावाचा समावेश
