एमपीसी न्यूज -आजचे पंचांग आजचा दिवस – सोमवार. Today’s Horoscope 22 July 2024 आजचे राशीभविष्य
शुभाशुभ विचार- उत्तम दिवस.
आज विशेष- सामान्य दिवस.
राहू काळ – सकाळी 7.30 ते 9.00
दिशा शूल – पूर्वेस असेल.
आज नक्षत्र – श्रवण 22.21 पर्यंत नंतर धनिष्ठा.
चंद्र राशी – मकर.
—————————–
मेष- ( शुभ रंग- राखाडी)
कार्यक्षेत्रात वाढत्या स्पर्धेचा सामना करण्यासाठी तुम्ही सज्ज असाल. नोकरीत हाताखालच्या लोकांवर तुमचा वचक राहील. मित्र आज तुम्हाला चुकीचा मार्ग दाखवतील.
वृषभ (शुभ रंग- मोतिया)
नोकरदारांना वरिष्ठांची मर्जी सांभाळणे अवघड होईल. उद्योगधंद्याच्या दृष्टीने काहीसा प्रतिकूल दिवस असून अध्यात्मिक मार्गात असाल तर एखादी प्रचिती येईल.
मिथुन (शुभ रंग – डाळिंबी)
जास्त लाभाच्या आशेने कुठेही असुरक्षित गुंतवणूक करू नका. आज धाडसाची कामे टाळावीत. झटपट लाभाचा मोह तर नकोच विवाह विषयक बोलणे आज नको.
कर्क ( शुभ रंग- मरून)
व्यवसायात वाढत्या स्पर्धेला तोंड देण्यासाठी तयार राहावे लागेल. कार्यक्षेत्रात काही आव्हानात्मक प्रसंगांना तोंड द्यावे लागणार आहे. पत्नीचे सल्ले मात्र डावलू नका.
सिंह ( शुभ रंग- चंदेरी)
नोकरदारांसाठी अनुकूल दिवस. वरिष्ठ आज तुमच्या मागण्यांचा सहानुभूती पूर्वक विचार करतील. तुमची काही येणी असतील तर वसूल होण्याची शक्यता आहे.
कन्या (शुभ रंग- जांभळा)
तरुण वर्गाचा आज मौज मजा करण्याकडे कल असेल. स्वतःची हौस भागवण्यासाठी खर्च कराल. गृहिणी आज स्वतःसाठी वेळ काढतील. प्रकृती उत्तम साथ देईल.
तूळ (शुभ रंग- सोनेरी)
मुलांची अभ्यासात उत्तम प्रगती दिसून येईल. गृहिणींचे गृह उद्योग चांगले चालतील पण त्याना थोडा थकवा जाणवेल. नोकरदारांना ऑफिसला दांडी मारायचा मूड असेल.
वृश्चिक ( शुभ रंग- पांढरा)
साहित्यिक मंडळीकडून दर्जेदार लिखाण होईल. गायक कलाकार प्रसिद्धीच्या झोतात येतील. गृहिणी शेजार धर्म पाळतील. बेरोजगारांना नोकरीचे कॉल्स येतील.
धनु (शुभ रंग- भगवा)
आज कार्यक्षेत्रात तुम्ही प्रभावी नेतृत्व कराल. व्यवसायात आवक मनासारखी राहील. नोकरीच्या ठिकाणी एखादी वाढीव कामगिरी स्वीकारावी लागेल. यशदायी दिवस.
मकर (शुभ रंग- मोरपंखी)
आज कुठेही आपलीच मर्जी चालवायचा तुमचा प्रयत्न असेल. आपला मोठेपणा सांभाळण्यासाठी खर्च कराल. फारच सडेतोड बोलून कुणाच्या भावना आज दुखावू नका.
कुंभ ( शुभ रंग- स्ट्रॉबेरी)
विदेशाशी संबंधित असलेले व्यवसाय उत्तम चालतील. वायफळ खर्चाचे प्रमाण वाढेल. कार्यालयीन कामासाठी दुरचे प्रवास घडतील. प्रवासात आरोग्याची काळजी घ्यायला हवी.
मीन (शुभ रंग- राखाडी)
व्यावसायिक उलाढाल वाढेल. आप्तस्वकीय व जिवलग मित्र तुमच्या शब्दाला मान देतील. नवविवाहितांची स्वप्ने साकार होतील. दिवसाच्या उत्तरार्धात अपेक्षित लाभ होऊ शकतो.
शुभम भवतु
जयंत कुलकर्णी
ज्योतिष व वास्तुशास्त्र सल्लागार
9689165424
