एमपीसी न्यूज -लोकसभा निवडणूक होऊन जवळपास दीड महिन्यांचा कालावधी उलटून गेला. त्यानंतर प्रत्येक पक्षाने आगामी विधानसभा निवडणुकीच्या दृष्टीने बैठका आणि दौरे सुरू केल्या आहेत. तर विद्यमान आणि इच्छुक नेते मंडळी देखील आपापल्या विधानसभा मतदारसंघात कार्यक्रम घेण्यास सुरुवात केली आहे.या सर्व घडामोडी दरम्यान पुणे शहरातील कोथरूड विधानसभा मतदारसंघाकडे सर्वांचे लक्ष लागून (Pune) आहे.
या मतदारसंघाचे भाजपचे नेते विद्यमान आमदार आणि मंत्री चंद्रकांत पाटील हे आहेत.तर याच मतदारसंघातील माजी महापौर मुरलीधर मोहोळ खासदार म्हणून निवडून आले आणि केंद्रात मंत्री देखील झाले. त्याच मतदारसंघातील मेधा कुलकर्णी यांची राज्यसभा खासदार पदावर निवड करण्यात आली. या एकाच मतदारसंघात भाजपचे तीनही नेते मोठ्या पदावर आहे.त्यामुळे आगामी विधानसभा निवडणूक भाजपला सोपी मानली जात असताना या मतदार संघाचे ठाकरे गटाचे जेष्ठ नेते माजी मंत्री शशिकांत सुतार यांचे चिरंजीव पुणे महापालिकेतील माजी गटनेते पृथ्वीराज सुतार (Pruthviraj Sutar) यांनी ठाकरे गटाचे प्रमुख उद्धव ठाकरे आणि राष्ट्रवादी काँग्रेस पक्ष शरदचंद्र पवार गटाचे नेते शरद पवार या दोन्ही नेत्यांची भेट घेतली.या भेटीचे फोटो सोशल मीडियावर व्हायरल झाले आहे.या दोन्ही नेत्यांची भेटी घेतल्याने शहराच्या राजकारणात एकच चर्चा सुरू झाली(Pune) आहे.
Pimpri-Chinchwad : संततधार पडणाऱ्या पावसामुळे नदीकाठच्या नागरिकांनी सतर्क रहावे; महापालिकेचे आवाहन
