एमपीसी न्यूज – पिंपरी-चिंचवड शहरातील प्रस्तावित भारतीय संविधान भवन आता शहरवासीयांच्या दृष्टीक्षेपात आले असून, पुणे महानगर प्रदेश विकास प्राधिकरण (PMRDA) प्रशासनाने प्रस्तावित जागा पिंपरी-चिंचवड महानगरपालिका प्रशासनाच्या ताब्यात देण्याची प्रक्रिया(Pimpri-Chinchwad) पूर्ण केली आहे.
भाजपा आमदार महेश लांडगे यांच्या पुढाकाराने भारतीय राज्यघटना आणि जगभरातील लोकशाही देशांच्या राज्यघटनांचा अभ्यास करता यावा. तसेच, संविधानाबाबत जनजागृती व्हावी. या करिता भारतातील पहिले संविधान भवन उभारण्यात येत आहे.
राज्य सरकारच्या पावसाळी अधिवेशनाच्या निमित्ताने मुख्यमंत्री एकनाथ शिंदे यांची संविधान भवनाच्या उभारणीबाबत आमदार महेश लांडगे यांनी भेट घेतली होती. त्यावेळी प्रस्तावित संविधान भवन व विपश्यना केंद्र उभारण्यास ‘पीएमआरडीए’ सक्षम नसेल, तर सदर जागा पिंपरी-चिंचवड महानगरपालिका प्रशासनाकडे हस्तांतरीत करावी, अशी मागणी केली होती. यावर मुख्यमंत्र्यांनी संबंधित विभागाला कार्यवाहीचे आदेश(Pimpri-Chinchwad) दिले होते.
दरम्यान, महानगरपालिका प्रशासनाच्या माध्यमातून सल्लागार नियुक्तीसाठी जाहिरात प्रसिद्ध करण्यात आली. तसेच, पीएमआरडीएच्या हद्दीतील पेठ क्रमांक 11 मधील खुली जागा क्र. 2 क्षेत्र 25894.2 चौ. मी. हे संविधान भवन व विपश्यना केंद्र उभारणीसाठी पिंपरी-चिंचवड महानगरपालिकेस हस्तांतरीत करण्यात आले. त्याचा ताबा दि. 23 जुलै 2024 रोजी देण्यात आला. त्यामुळे संविधान भवन उभारणीच्या कामाला आता महानगरपालिकेच्या माध्यमातून गती देण्यात येणार आहे.
Bhosari : रोटरी क्लब ऑफ डायनॅमिक भोसरीच्या अध्यक्षपदी दिपक सोनवणे,सचिवपदी डॉ. संतोष मोरे
संविधान भवन उभारणीसाठी ‘पीएमआरडीए’कडून पेठ क्रमांक 11 मधील जागा महापालिका प्रशासनाकडे हस्तांतरीत करण्याची प्रक्रिया पूर्ण झाली. आता सल्लागार नियुक्तीसाठी प्रक्रिया पूर्ण केली जाईल. त्यानुतर प्रकल्प अहवाल तयार करण्यात येईल. त्यानंतर निविदा प्रक्रिया व प्रत्यक्ष कामाला सुरूवात होईल. भारतरत्न डॉ. बाबासाहेब आंबेडकर यांनी साकारलेली भारतीय राज्यघटना अर्थात संविधान यासह जगभरातील लोकशाही देशांच्या राज्यघटनांचा अभ्यास करण्यासाठी आणि भारतीय संविधानाचा प्रचार- प्रसार अन्‌ जागृती करण्यासाठी भारतातील पहिले संविधान भवन हे ज्ञानमंदिर पिंपरी-चिंचवडमध्ये साकारत आहे, ही निश्चित शहरवासीयांसाठी अभिमानाची बाब आहे असे भोसरीचे आमदार महेश लांडगे यांनी म्हटले आहे.
