एमपीसी न्यूज- रोटरी क्लब ऑफ तळेगाव दाभाडे सिटीच्या वतीने स्माईल व्यसनमुक्ती (Talegaon Dabhade)केंद्रात आगळावेगळा असा रक्षाबंधनाचा उत्सव साजरा करण्यात आला. नशेच्या आहारी गेलेले अनेक रुग्ण या व्यसनमुक्ती केंद्रामध्ये उपचार घेत आहेत. रोटरी सिटीच्या महिला सदस्यांनी व्यसनमुक्ती केंद्रातील रुग्णांना राखी बांधून त्यांच्याकडून व्यसनमुक्तीचे वचन घेतले.
शिरगाव पोलीस स्टेशनच्या पोलीस निरीक्षक तेजस्विनी कदम यांनी रुग्णांना मार्गदर्शन करताना ‘लवकरात लवकर आपण बरे व्हा. नशा मुक्त व्हा. आपापल्या घरी जाऊन नवीन आयुष्याची सुरुवात करा’ असे आवाहन केले. याप्रसंगी सहायक पोलीस निरीक्षक श्रीमती परदेशी उपस्थित होत्या.
Maval :आठ दिवसांच्या विश्रांतीनंतर पुन्हा पाऊस सुरू
क्लबचे अध्यक्ष किरण ओसवाल यांनी या रक्षाबंधनाला तुम्ही तुमच्या घरच्यांबरोबर नाही आहात. परंतु लवकरात लवकर या ठिकाणी उपचार घेऊन नशेतून मुक्त होऊन भाऊबीज तुम्ही तुमच्या घरी बहिणी सोबत मोठ्या थाटामाटात साजरी करावी. भाऊबीज ही तुझ्याबरोबर नशेतून मुक्त होऊन मोठ्या थाटामाटात साजरी करेल असे असे वचन आजच्या दिवशी बहिणीला द्यावे असे आवाहन अध्यक्ष किरण ओसवाल यांनी केले.
स्माईल व्यसनमुक्ती केंद्राच्या वतीने अध्यक्ष हर्षल पंडित यांनी सर्वांचे स्वागत केले व व्यसनमुक्ती केंद्राची माहिती दिली. रुग्णांच्या घरून आलेले भेटकार्ड व त्यामध्ये बहिण भावाचे असलेले फोटो पाहून रुग्णांची मने हेलावून गेली. रोटरी सिटीच्या फर्स्ट लेडी अनिता ओसवाल, प्रकल्प प्रमुख सुनंदा वाघमारे, शरयू देवळे, डॉ. धनश्री काळे, सौ पंडित, सौ कदम, असिस्टंट गव्हर्नर दीपक फल्ले, संतोष परदेशी, राकेश ओसवाल, विश्वास कदम आदी यावेळी उपस्थित होते. उपाध्यक्ष भगवान शिंदे यांनी आभार मानले.
