एमपीसी न्यूज – Today’s Horoscope 22 August 2024 – जाणून घ्या आजचे राशिभविष्य
आजचे पंचांग
आजचा दिवस – गुरुवार.
तारीख – 22.08.2024.
शुभाशुभ विचार- 14 नंतर चांगला दिवस.
आज विशेष- संकष्ट चतुर्थी. ( चंद्रोदय 20.58)
राहू काळ – दुपारी 01.30 ते 03.00
दिशा शूल – दक्षिणेस असेल.
आज नक्षत्र- उत्तरा भाद्रपदा 22.06 पर्यंत नंतर रेवती.
चंद्र राशी- मीन.
मेष ( शुभ रंग- राखाडी)
आज मित्रांनी केलेल्या खोट्या स्तुतीनेही तुम्ही भारावून जाल. प्रवास कार्य साधक होतील. आज कंजूषणा न करता काही अत्यावश्यक खर्च करावेच लागणार आहेत.
वृषभ (शुभ रंग- मरून)
नोकरीच्या ठिकाणी तुमचे महत्त्व वाढेल. पूर्वीचे कष्ट कारणी लागतील. प्रगतीच्या मार्गातील अडथळे दूर होतील. प्रयत्नांना आज नशिबाची साथ नक्की मिळेल.
मिथुन (शुभ रंग – स्ट्रॉबेरी)
आपले कर्तव्य सोडल्यास इतर गोष्टी आज तुमच्यासाठी कमी महत्त्वाच्या असतील. नोकरदारांना प्रमोशनची चाहूल लागेल. आज व्यक्तिमत्व विकासावर भर द्याल.
कर्क ( शुभ रंग-पांढरा)
आज तुमच्या प्रयत्नांना दैवाची साथ 100% राहील. नोकरीत असाल तर साहेबांची कृपादृष्टी राहील. नास्तिक मंडळी ही आज गरजेपुरती श्रद्धाळू होणार आहेत.
सिंह ( शुभ रंग- पिस्ता)
जे चाललंय ते बरच चाललय म्हणा. कमी श्रमात जास्त लाभाचा मोह नको. धाडसाची कामे आज टाळली तर बरी. आज सासुरवाडी कडून एखादा लाभ होऊ शकतो.
कन्या (शुभ रंग- हिरवा)
वैवाहिक जीवनात सुसंवाद असेल. जोडीदाराला दिलेले शब्द पाळाल. व्यवसायात भागीदारांशी एकमत राहील. आज तुम्ही एखादा विवाह जुळविण्यात मध्यस्थी कराल.
तूळ (शुभ रंग- जांभळा)
तुमच्या सामाजिक प्रतिष्ठित वाढ होईल. आज घरात सज्जनांची उठबस राहील. गृहिणी स्वतःचे छंद जपतील. जमाखर्चाचा तराजू समतोल राहील. आज गृह सौख्याचा दिवस.
वृश्चिक ( शुभ रंग- गुलाबी)
आज तुम्ही काहीसे लहरीपणाने वागाल. हातचे सोडून पळत्या मागे धावावेसे वाटेल. तरुणांना आज प्रलोभाने आकर्षित करतील. आज थोडा संयम बाळगण्याची गरज आहे.
धनु (शुभ रंग- केशरी)
आपल्या कुटुंबीयांना अभिमानास्पद वाटेल अशी कामगिरी कराल. आज तुम्ही मुलांचे वाढते हट्ट हौसेने पुरवाल. आज मुलांच्या शिस्तीकडे ही लक्ष द्यावे लागेल.
मकर (शुभ रंग- आकाशी)
एखाद्या महत्त्वाच्या कामासाठी आज वणवण भटकावे लागण्याची शक्यता आहे. गृहिणी शेजार धर्म पाळतील. जवळपास च्या प्रवासात काही फायदेशीर ओळखी होतील.
कुंभ ( शुभ रंग- मोरपिशी)
तुमची आर्थिक बाजू आज भक्कम असल्याने सर्व कामे सुरळीत पार पडतील. सभा संमेलनात तुमच्या वक्तृत्वाचा प्रभाव पडेल. गृहिणी जीवनावश्यक वस्तूंची खरेदी करतील.
मीन (शुभ रंग- लाल)
आज खिशात पैसा खेळता असल्याने तुमची मनस्थिती उत्तम असेल. तुमच्यातील सकारात्मकता इतरांना प्रभावित करेल. इतरांना दिलेले शब्द तुम्ही आवर्जून पाळाल.
