एमपीसी न्यूज – Today’s Horoscope 23 August 2024 – जाणून घ्या आजचे राशिभविष्य
आजचे पंचांग
आजचा दिवस – शुक्रवार.
तारीख – 23.08.2024.
शुभाशुभ विचार- उत्तम दिवस.
आज विशेष- सामान्य दिवस.
राहू काळ – सकाळी 10.30 ते 12.00.
दिशा शूल – पश्चिमेस असेल.
आज नक्षत्र- रेवती 19.54 पर्यंत नंतर अश्विनी.
चंद्र राशी- मीन 19.54 पर्यंत नंतर मेष.
मेष ( शुभ रंग-स्ट्रॉबेरी )
नवीन व्यवसायात मोठे आर्थिक व्यवहार सावधपणे करायला हवेत. ज्येष्ठ मंडळींनी खाण्यापिण्याची पथ्ये पाळायला हवीत. आज सत्संगातून मनःशांती लाभेल.
वृषभ (शुभ रंग- पांढरा)
कार्यक्षेत्रात तुमच्या नेतृत्वाचा प्रभाव राहील. इतरांना न झोपणाऱ्या जबाबदाऱ्या आत्मविश्वासाने पूर्ण कराल. व्यापाऱ्यांची आवक मुबलक राहील. आनंदी दिवस.
मिथुन (शुभ रंग – राखाडी)
नोकरीच्या ठिकाणी काही मनाजोगत्या घटना घडतील. अधिकारांचा गैरवापर मात्र टाळा. कायद्यात राहाल तरच फायद्यात राहाल. वडीलधाऱ्यांची मते विचारात घ्या.
कर्क ( शुभ रंग-मरून)
नोकरी धंद्यात काही मनाविरुद्ध घटना घडल्याने नैराश्य येईल. नोकरीच्या ठिकाणी बिनचूक कामास प्राधान्य द्यायला हवे. ज्येष्ठांनी प्रवासात आरोग्यास जपावे.
सिंह ( शुभ रंग- जांभळा)
आजचा दिवस उद्योग व्यवसायाच्या दृष्टीने तितकासा अनुकूल नाही आज तब्येत थोडी नरमच राहील. जोडीदार जे म्हणेल त्यास होच म्हणणे हिताचे राहील.
कन्या (शुभ रंग- गुलाबी)
नोकरीच्या ठिकाणी प्रमोशनच्या मार्गातील अडथळे दूर होतील. अधिकार योग चालून येतील. सकारात्मक दृष्टिकोन बाळगा. पत्नीच आज तुम्हाला योग्य सल्ले देईल.
तूळ (शुभ रंग- पिस्ता)
आनंदी व उत्साही दिवस असून सगळी कामे सुरळीत पार पडतील. गृहिणी आज महागड्या वस्तूंची खरेदी करतील. कला क्रीडा क्षेत्रातील मंडळींना प्रयत्नांती परमेश्वर.
वृश्चिक ( शुभ रंग- हिरवा)
नोकरदार वरिष्ठांच्या मागे पुढे करतील. कलाकारांच्या प्रयत्नांना यश येऊन त्यांना उत्तम संधी चालून येतील. रुग्णांच्या प्रकृतीत चांगली सुधारणा दिसून येईल.
धनु (शुभ रंग- आकाशी)
घर सजावटीसाठी काही पैसा खर्च कराल. सर्व कामे विना व्यत्यय पार पडतील. आनंदी व उत्साही दिवस. कला क्रीडा क्षेत्रातील मंडळींना प्रयत्न वाढवावे लागतील.
मकर (शुभ रंग- केशरी)
बऱ्याच दिवसापासून रखडलेल्या घरगुती कामात आज लक्ष घालावे लागेल. संध्याकाळी आर्थिक व्यवहार जपून करा. विद्यार्थ्यांना आज अभ्यास कंटाळवाणा वाटेल.
कुंभ ( शुभ रंग- लाल)
आज तुमचा आत्मविश्वास दांडगा असेल. कार्यक्षेत्रात नवीन आव्हाने आत्मविश्वासाने स्वीकाराल. वाणीत मृदुता ठेवून अनेक किचकट प्रश्न मार्गी लावाल.
मीन (शुभ रंग- मोरपंखी)
महत्त्वाच्या चर्चेत आपल्याच मताचा आग्रह धाराल. अति आत्मविश्वास आज नुकसानाला कारणीभूत ठरू शकेल. इतरांचेही ऐकून घेण्याची तयारी ठेवा सुसंवाद गरजेचा आहे.
