सूरज चव्हाणचे ट्रेडिंग गाण्यावर रील पाहून युजर म्हणाला, “भाऊ, तू असे व्हिडीओ नको बनवत जाऊस…”

सूरजने हातात गुलाबाचं फूल घेऊन हा व्हिडीओ शूट केला आहे. ‘वाढदिवसाला नको प्रेझेंट मला’ या गाण्यावर सूरजने रील बनवलं आहे. काहींना त्याचं हे रील खूप आवडलंय, तर काहींनी त्याला चांगला विनोदी कंटेट बनवायला हवा अशा कमेंट्स केल्या आहेत.

सूरजच्या या व्हिडीओवर ‘भाऊ आता नाय ऐकत’, ‘भाऊ जोमात पोरी कोमात’, ‘सूरज भाऊ तू असे व्हिडीओ नको बनवत जाऊ, आता जरा चांगल्या डान्स स्टेप्स शिकून घे, आता आमच्या खूप अपेक्षा आहेत तुझ्याकडून, कॉमेडी कंटेंट देत जा, तुझ्या आवाजात खूप ताकद आहे’, ‘आता खरा हिरो दिसतोय सूरज चव्हाण’, ‘भाऊ लवकरच मंडपात,.. उभा राहतोय वाटतं’, अशा कमेंट्स नेटकऱ्यांनी केल्या आहेत.