AUS vs PAK Fans Make Fun Of Mohammad Rizwan As He Holds Pat Cummins’ Hand : ऑस्ट्रेलियाने पहिल्या वनडे सामन्यात पाकिस्तानचा दोन विकेट्सनी पराभव करत तीन सामन्यांच्या मालिकेत १-० अशी आघाडी घेतली आहे. दोन्ही संघांतील बहुप्रतिक्षित पहिला वनडे सामना मेलबर्न क्रिकेट ग्राउंडवर पार पडला. याआधी दोन्ही संघ २०२३ मध्ये भारतात झालेल्या वनडे विश्वचषकात आमनेसामने आले होते, ज्यामध्ये पॅट कमिन्सच्या नेतृत्त्वाखाली ऑस्ट्रेलियाने संघाने पाकिस्तानचा पराभव केला होता. मात्र, आता पाकिस्तान संघाचा कर्णधार बदलला आहे. सध्या पाकिस्तानची धुरा मोहम्मद रिझवान सांभाळत आहे. ज्याच्याबद्दल सोशल मीडियावर तुफान मीम्स व्हायरल होत आहेत.
बाबर आझमने अलीकडेच पदावरून पायउतार झाल्यानंतर आता पाकिस्तानची धुरा मोहम्मद रिझवान सांभाळत आहे, जो मर्यादित षटकांतील क्रिकेटमध्ये संघाचे नेतृत्व करत आहे. अतिशय लक्ष केंद्रित आणि दृढनिश्चयी कर्णधार असलेल्या रिझवानने ऑस्ट्रेलियाला मालिकेत पराभूत करण्याची स्वप्न उराशी बाळगले आहे. पाकिस्तान संघाने वकार युनूसच्या नेतृत्वाखाली २००२ मध्ये अखेरची मालिका जिंकली होती. तीन सामन्यांच्या वनडे मालिकेला सुरुवात होण्यापूर्वी पॅट कमिन्ससोबतच्या रिझवानच्या ताज्या फोटोशूटने ट्विटरवर चाहत्यांचे लक्ष वेधून घेतले आणि त्यांना वेड लावले.
या फोटोंमध्ये कमिन्स आणि रिझवान ट्रॉफीसोबत हसत आणि पोज देताना दिसत आहेत. या फोटोंमध्ये पाकिस्तानच्या कर्णधाराचा हात कमिन्सच्या हाताच्यावर दिसत होता, ज्याने चाहत्यांचे लक्ष वेधून घेतले. यानंतर चाहत्यांनी या फोटोवरुन नेहमीप्रमाणे मीम्स तयार करुन पाकिस्तानी कर्णधाराला ट्रोल करायला सुरुवात केली. ज्याचे फोटो आणि मीम्स सोशल मीडियावर तुफान व्हायरल होत आहेत.
स्रोत : लोकसत्ता
