Mountaineering Club : पिंपरी चिंचवड माउंटेनिअरिंग क्लबच्या 22 सदस्यांनी 5364 मीटर उंचीचा एव्हरेस्ट बेस कॅम्प केला सर!

ही मोहिम (Mountaineering Club) माऊंट एलब्रूस, माऊंट मेरा या मोहिमेत सहभागी असलेले सतिश बुर्डे यांच्या नेतृत्वाखाली करण्यात आली होती. बाकी सदस्य हरिदास जोगदंड (वय 73 वर्षे), भगवान खेडकर (वय 73 वर्ष), राजेंद्र क्षीरसागर, अभय जोगदंड, अरुण बोरकर, शंकर राणे, गणेश म्हेत्रे, निखिल भांगरे, विपुला नाडकर्णी, आशुतोष गोळविलकर, सुयोग खोचरे, सुभाष नावंदे, संस्कृती शिंदे (वय 19 वर्षे) तसेच या मोहिमेत 4 जणांनी जोडीने म्हणजे आपल्या जीवनसाथी बरोबर हा ट्रेक पूर्ण केला यात नेताजी भंडारे आणि माधुरी भंडारे, प्रशांत विनोदे आणि सिमा विनोदे, प्रमोद कोबन आणि दिपीका कोबन, अजय शिंदे आणि डॉ.रश्मी शिंदे हे सहभागी झाले होते. या सर्व गिर्यारोहकांना क्लबचे सचिव एव्हरेस्टवीर कृष्णा ढोकले यांचे मार्गदर्शन लाभले होते.

तसेच 7 सदस्यांनी माऊंट कालापत्थर उंची 5644 मीटर हे खडतर शिखर पण सर केले. यात राजेंद्र क्षिरसागर, गणेश म्हेत्रे, सुयोग खोचर, आशुतोष गुळवेलकर, नेताजी भंडारे, माधुरी भंडारे आणि ज्येष्ठ सदस्य भगवान खेडकर (वय 73 वर्षे) यांनी ही मोहीम यशस्वीरीत्या पूर्ण केली. त्या बद्दल क्लबच्या वतीने क्लबचे अध्यक्ष डॉ.मिलिंद खाडीलकर यांनी टीम लीडर सतिश बुर्डे यांना फोन करून सर्वांचे अभिनंदन केले. अशी माहिती क्लबचे खजिनदार अविनाश पिंगळे यांनी दिली आहे.