Kasarwadi : भिंत कोसळून चार वर्षाच्या मुलाचा मृत्यू
एमपीसी न्यूज – कासारवाडी मधील जवळकर वस्तीतील यशवंत प्राईड वसाहतीमध्ये सीमा भिंत पडून एका चार वर्षाच्या मुलाचा मृत्यू झाला. ही घटना आज (शनिवारी) दुपारी चारच्या सुमारास घडली.
लोकेश ठाकूर (वय 4), असे या मृत्यूमुखी पडलेल्या मुलाचे नाव आहे. तर त्याची आई जखमी असून तिला रुग्णालयात दाखल करण्यात आले आहे.
मिळालेल्या प्राथमिक माहितीनुसार, जवळकर वस्तीमधील यशवंत प्राइड वसाहतीमध्ये ड्रेनेजचे काम सुरू होते. यासाठी महापालिकेकडून चर खोदण्यात आले होते. मात्र, काम सुरू असताना वसाहतीची सीमा भिंत ढासळली. यावेळी भिंतीच्या शेजारी लहान मुले खेळत होती. ही भिंत अचानक ढासळली. तिथून बाहेर जाण्यासाठी रस्ता नसल्याने लोकेशचा भिंती खाली येऊन दुर्दैवी मृत्यू झाला.