Pimpri : राष्ट्रहितापेक्षा कोणताही पक्ष अथवा व्यक्ती श्रेष्ठ नाही – डॉ. प्रशांत पगारे

एमपीसी न्यूज – एखादी व्यक्ती जन्मभर जरी तुमच्यासाठी लढली तरी आपले स्वातंत्र्य त्याच्या चरणी अर्पण करु नये. राष्ट्रहित आणि लोकशाही हेच सर्वश्रेष्ठ आहे. कोणताही पक्ष, पक्ष व्यवस्था किंवा व्यक्ती राष्ट्रहितापेक्षा मोठी असू शकत नाही. जगातील सर्वात मोठ्या लोकशाही राष्ट्रासाठी घटना लिहीताना घटना समितीने तीचे संविधान कोणत्याही व्यक्तीला, देवाला, धर्माला अर्पण केले नाही तर मानवतेला अर्पण केले. घटनाकार भारतरत्न डॉ. बाबासाहेब आंबेडकरांना कोणतीही व्यक्तीपुजा मान्य नव्हती, असे मत डॉ. प्रशांत पगारे यांनी व्यक्त केले .

पिंपरी चिंचवड शहर (जिल्हा) राष्ट्रवादी कॉंग्रेस पार्टीच्या वतीने मंगळवारी (दि. 11) संविधान सन्मान सोहळा व संविधान प्रबोधन मेळावा पार पडला. यावेळी स्वागताध्यक्ष व राष्ट्रवादीचे शहराध्यक्ष संजोग वाघेरे पाटील यांच्या हस्ते भगवान वैराट यांना ‘झोपडपट्टी रत्न’ पुरस्कार देऊन सन्मान करण्यात आला. यावेळी मनपा विरोधी पक्षनेते दत्ता साने, माजी आमदार ॲड. जयदेव गायकवाड, राष्ट्रवादीचे माजी शहराध्यक्ष वसंत लोंढे, राष्ट्रवादी महिला शहराध्यक्षा वैशाली काळभोर, राष्ट्रवादी युवक शहराध्यक्ष विशाल वाकडकर, माजी नगरसेवक ॲड. गोरक्ष लोखंडे, ज्येष्ठ पत्रकार संजय आवटे, युवा नेते नगरसेवक विठ्ठल उर्फ नाना काटे, माजी महापौर योगेश बहल, डॉ. वैशाली घोडेकर, माजी उपमहापौर महंमद पानसरे, जगन्नाथ साबळे, विश्रांती पाडाळे, नगरसेविका गीता मंचरकर, शाम लांडे, माजी नगरसेविका शमीम पठाण, उत्तम हिरवे, गंगा धेंडे, विनोद कांबळे, अरुण बो-हाडे, फझल शेख, वर्षा जगताप, सुनिल गव्हाणे, आनंदा यादव, पुष्पा शेळके, सविता खराडे, डॉ. अशोक शिलवंत, ज्ञानेश्वर कांबळे, रामदास मोरे आदी उपस्थित होते.

कार्यक्रमात यशदाचे संशोधन अधिकारी डॉ. बबन जोगदंड यांच्या मातोश्री गिरजाबाई पंडीतराव जोगदंड, डॉ. अशोक शिलवंत यांच्या मातोश्री कमल तुळशीराम शिलवंत, पोलीस उपनिरीक्षक सिता वामन वाघमारे, काशीबाई दत्तात्रय गायकवाड आणि माजी समाज कल्याण आयुक्त आर. के. गायकवाड यांचाही सन्मान करण्यात आला.

प्रास्ताविक संजोग वाघेरे पाटील, सुत्रसंचालन शुभांगी शिंदे आणि आभार विनोद कांबळे यांनी मानले. या कार्यक्रमाच्या आयोजनात माजी नगरसेवक ॲड. गोरक्ष लोखंडे, राष्ट्रवादी सामाजिक न्याय विभाग शहराध्यक्ष विनोद कांबळे, राष्ट्रवादी सामाजिक न्याय विभाग महिला शहराध्यक्षा गंगाताई धेंडे, माजी नगरसेवक आणि झोपडपट्टी सेल शहराध्यक्ष उत्तम हिरवे आदींनी परिश्रम घेतले.