Pune : कागदपत्रांचा गैरवापर करून बॅंकेतून परस्पर कर्ज काढून तरुणाची 9 लाखांची फसवणूक
एमपीसी न्यूज -कागदपत्रांचा गैरवापर करून बॅंकेतून परस्पर कर्ज काढून 9 लाखांची फसवणूक केल्याची घटना एका तरुणासोबत घडली.
याप्रकरणी सचिन शिंदे (वय 26, रा. गोरेगाव, मुंबई) यांनी फिर्याद दिली आहे.
पोलिसांनी दिलेल्या माहितीनुसार, फिर्यादी सचिन याला पैशांची गरज असल्याने त्यांनी त्याबद्दल काही इसमांना सांगितले असता त्या इसमांनी बॅंकेतील मॅनेजरशी सचिनची ओळख करून दिली. त्यानंतर सचिनकडून त्या इसमांनी कागदपत्रे घेऊन त्याच्या नावाचे पुण्यातील बॅंक ऑफ महाराष्ट्रात बचत खाते उघडून सचिनच्या परवानगीशिवाय कागदपत्रांचा गैरवापर करून सचिनच्या नावावर 9 लाखांचे कर्ज काढले व कर्जाची रक्कम त्या इसमांनी त्यांच्या खात्यावर सचिनच्या परवानगीशिवाय जमा करून घेतली व सचिनची 9 लाखांची फसवणूक केली.
याप्रकरणी त्या चौघांवर गुन्हा दाखल करण्यात आला असून पुढील तपास कोंढवा पोलीस करत आहेत.
