Pune News : एटीएममध्ये छेडछाड करून 96 हजार लंपास

फिर्यादी हे संबंधित बँकेत मॅनेजर आहेत. एटीएममध्ये भरलेली आणि काढलेली रक्कमेचा हिशोब ठेवण्याचे काम ते करतात. सिंहगड रस्त्यावरील एका एटीएमच्या रकमेच्या हिशोबात त्यांना तफावत आढळली. काही ग्राहकांच्या अकाउंट मधून पैसे काढले परंतु ते त्यांना मिळाले नसल्याचे समोर आले होते. त्यानंतर त्यांनी अधिक माहिती घेतली असता हा प्रकार उघडकीस आला आहे.

त्यानंतर फिर्यादीने सदर एटीएम मधील सीसीटीव्ही फुटेज तपासले असता संशयास्पद अवस्थेत एक व्यक्ती आढळला. कॅश डिस्पेंसर दाबून धरणे, बाहेर आलेले पैसे काढून घेणे यासारख्या हालचाली करताना तो सीसीटीव्ही कॅमेऱ्यात कैद झाला होता. त्यामुळे एटीएम मधून पैसे निघाल्याची नोंद होत नव्हती. अशाप्रकारे आरोपीने वेगवेगळ्या व्यक्तीच्या एटीएम कार्डचा वापर करून 96 हजार रुपये काढल्याचे निष्पन्न झाले. यासाठी त्याने आठ वेळा एटीएम मशीन सोबत छेडछाड केली.

सिंहगड रोड पोलीस स्टेशन मध्ये याप्रकरणी गुन्हा दाखल करण्यात आला असून अधिक तपास पोलीस करत आहेत.