Pune News : भटक्या कुत्र्याच्या हल्ल्यात 6 वर्षाचा चिमुरडा गंभीर जखमी

एमपीसी न्यूज : पुण्यातील उच्चभ्रू सोसायटी मधील एक घटना समोर आली आहे. सोसायटी बाहेरील अंगणात खेळत असलेल्या एका 6 वर्षीय चिमुकल्यावर भटक्या (Pune News) कुत्र्यांनी अचानक हल्ला चढवला. कुत्र्यांच्या कळपाने या चिमुकल्याला घेरलं आणि त्याचे अक्षरशः लचके तोडले. या घटनेत चिमुकला गंभीर जखमी झाला असून त्याच्यावर रुग्णालयात उपचार सुरू आहे.

अनिरुद्ध जोंधळे (वय 6 वर्ष) असं गंभीर जखमी झालेल्या चिमुकल्याचं नाव आहे. हा धक्कादायक प्रकार मंगळवारी रात्रीच्या सुमारास पुण्यातील वडगाव शेरी परिसरात घडला आहे. काळजाचा ठोका चुकवणारी ही घटना सोसायटीमध्ये बसवलेल्या सीसीटीव्ही कॅमेऱ्यात कैद झाली आहे.

पुणे फ्लॅश

भटक्या कुत्र्याच्या हल्ल्यात ६ वर्षाचा चिमुरडा गंभीर जखमी

पुण्यातील उच्चभ्रू सोसायटी मधील घटना#Pune #DogAttcks #Viral #Video #PuneNews pic.twitter.com/9mcsDDmMcC

— Satish Daud (@Satish_Daud) February 8, 2023

पुणे शहरामध्ये गेल्या काही दिवसांपासून मोकाट कुत्र्यांचा उच्चाद पाहायला मिळत आहे. पुणे महानगरपालिकेकडून मात्र या गोष्टीकडे दुर्लक्ष केले जात आहे. पुण्यातील वडगाव शेरी परिसरामध्ये असणाऱ्या सन सिटी मध्ये भटक्या कुत्र्यांचे कळप नागरिकांसाठी जीव घेणे ठरत आहेत. परिसरात मोठ्या प्रमाणात भटकी कुत्री असल्याने ते धावत्या गाडीच्या मागे पळतात.

यासह हीच कुत्री लहान मुलांवरती हल्ला करतात. दरम्यान, अनिरुद्धसोबत घडलेल्या या भयंकर घटनेमुळे सन सिटी सोसायटीमधील रहिवासी रस्त्यावरती उतरले होते.(Pune News) नागरिकांनी थेट येरवडा पोलिस ठाणे गाठत या बाबत कठोर कारवाई करण्यात यावी, अशी मागणी देखील केली. या घटनेमुळे परिसरात काही काळ तणावाचं वातावरण निर्माण झालं होतं. मात्र, पोलिसांनी दिलेल्या आश्वासनानंतर नागरिक माघारी फिरले.