Visapur Fort : विसापूर किल्ला परिसरात फिरायला आलेला एक पर्यटक जखमी 

यश मेहता असे या पर्यटकाचे नाव आहे व तो शेजारील रायगड जिल्ह्यातील माणगाव तालुक्याचा  रहिवासी आहे.

विसापूर किल्ला परिसरात एक युवा पर्यटक पडला असल्याची माहिती लोणावळा येथील शिवदुर्ग रेस्कु संस्थेला मिळाली. त्यांच्या संस्थेचे सदस्य व स्थानिक ग्रामस्थ किल्ल्याकडे गेले. त्यांनी जखमी यशला जंगलातून बाहेर आणले व त्याच्यावर प्रथमोपचार केले.

गेला एक आठवडा लोणावळा व आसपासच्या परिसरात मुसळधार (Visapur Fort) पाऊस पडत आहे. त्यामुळे नदी, नाले, ओढे तुडुंब भरून वाहत आहेत.  अनेक धबधबे पण वाहू लागले आहेत.

या नयनरम्य निसर्गाचा आनंद घेण्यासाठी पुणे ज़िल्हातीलच नव्हे तर राज्याच्या विविध भागातून पर्यटक या परिसरात वर्षाविहारासाठी येता आहेत. पाऊलवाटा, रस्ते निसरडे झाले आहेत. त्यामुळे पर्यटकांनी चालताना काळजी घ्यावी, असे आवाहन शिवदुर्ग रेस्कु टीमने केले आहे.