Chinchwad: पिंपरी-चिंचवडमध्ये बुधवारी 162 जणांवर कारवाई
Action taken against 162 people who breached rule of lockdown in Pimpri-Chinchwad on Wednesday पोलीस आणि प्रशासनाकडून नागरिकांना नियमांची अंमलबजावणी करण्यासाठी वारंवार आवाहन केले जात आहे. मात्र, याकडे नागरिक सर्रास दुर्लक्ष करीत आहेत.
एमपीसी न्यूज – अनलॉक तीनमध्ये काही प्रमाणात शिथिलता दिल्यानंतर नागरिक आता घराबाहेर पडत आहेत. अनेक दिवसांनी घराबाहेर पडल्याने नागरिकांकडून वाहतुकीचे आणि अन्य टाळेबंदीचे नियम मोडले जात आहेत. पोलीस आणि प्रशासनाकडून नागरिकांना नियमांची अंमलबजावणी करण्यासाठी वारंवार आवाहन केले जात आहे. मात्र, याकडे नागरिक सर्रास दुर्लक्ष करीत आहेत. अशा नागरिकांवर पोलिसांकडून कारवाई केली जात आहे. पिंपरी-चिंचवड शहरात बुधवारी (दि.5) 162 जणांवर कारवाई करण्यात आली आहे.
राज्य सरकारने वाहनांमध्ये जाणा-या लोकांच्या संख्येत वाढ केली आहे. कारमधून चालक आणि दोन प्रवाशांना आतापर्यंत परवानगी होती. मात्र त्यात बदल करत आता चालक आणि तीन जणांना कारमधून जाण्यास तसेच दुचाकीवर दोघांना जाण्यास परवानगी देण्यात आली आहे. तसेच एका जिल्ह्यातून दुस-या जिल्ह्यात प्रवास करायचा असेल तर पोलिसांकडून ई पास घेणे बंधनकारक आहे.
बुधवारी पिंपरी-चिंचवड पोलिसांनी भारतीय दंड विधान कलम 188 नुसार केलेली कारवाई पुढीलप्रमाणे –
एमआयडीसी भोसरी (48), भोसरी (9), पिंपरी (15), चिंचवड (5), निगडी (0), आळंदी (0), चाकण (6), दिघी (15), म्हाळुंगे चौकी (0), सांगवी (2), वाकड (22), हिंजवडी (20), देहूरोड (10), तळेगाव दाभाडे (5), तळेगाव एमआयडीसी (1), चिखली (0), रावेत चौकी (0), शिरगाव चौकी (4).
