Akurdi : रेल्वेच्या धडकेत तरुणाचा मृत्यू
शुक्रवारी सकाळी आकुर्डी रेल्वेस्थानकाजवळ लोणावळ्याच्या दिशेने जाणाऱ्या लोहमार्गावर तरुणाचा मृतदेह असल्याची माहिती चिंचवड लोहमार्ग पोलिसांना मिळाली. मृताजवळ कोणत्याही स्वरूपाची कागदपत्रे न आढळल्याने ओळख पटू शकली नाही. वय अंदाजे 28 वर्षे, उंची 5 फूट 3 इंच, केस काळे, बांधा मध्यम, दाडी बारीक वाढलेली असे वर्णन आहे. अंगात पांढऱ्या रंगाचा शर्ट आणि काळ्या रंगाची पॅन्ट परिधान केली होती. लोहमार्ग ओलांडत असताना अज्ञात रेल्वेने उडवल्याने त्याचा मृत्यू झाल्याची शक्यता पोलिसांनी व्यक्त केली आहे.