Cinema Halls Open : सिनेमागृहे पूर्ण क्षमतेने सुरू करण्यास परवानगी
एमपीसी न्यूज – देशात कोरोनाचा प्रादुर्भाव कमी होत असताना देशातील कोरोनाच्या पार्श्वभूमीवर लागू नियमावलीत आणखी शिथिलता दिली जात आहे. याचाच एक भाग म्हणून एक फेब्रुवारी पासून देशातील सिनेमागृहे पूर्ण क्षमतेने सुरू करण्यास परवानगी देण्यात आली आहे.
केंद्रीय माहिती व प्रसारण मंत्री प्रकाश जावडेकर यांनी याबाबत माहिती दिली आहे. जावडेकर म्हणाले, एक फेब्रुवारी पासून देशातील सिनेमागृहे पूर्ण क्षमतेने सुरू करता येतील. यापूर्वी क्षमतेच्या पन्नास टक्के प्रेक्षकांना परवानगी देण्यात आली होती.
Starting Feb 1, full occupancy will be allowed in cinema halls while following all COVID-related protocols. Online booking of tickets will be encouraged. Detailed guidelines have been released today: Union Minister of Information and Broadcasting, Prakash Javadekar pic.twitter.com/qQO8jU91E6
— ANI (@ANI) January 31, 2021
तरीही कोरोनाच्या पार्श्वभूमीवर सर्व नियमावली पाळणे आवश्यक असणार आहे. तसेच, ऑनलाईन पध्दतीने टिकिट विक्रीसाठी प्रोत्साहन दिले जाणार असल्याचे जावडेकर म्हणाले.