‘Antim: The Final Truth Teaser : ‘मुळशी पॅटर्न’चा हिंदी रिमेक ‘अंतिम: द फाइनल ट्रुथ’चा दमदार टिझर प्रदर्शित
एमपीसी न्यूज – मराठीत धुमाकुळ घातलेला ‘मुळशी पॅटर्न’चा हिंदी रिमेक करणार असल्याचे सलमान खानने सांगितले होते. त्याच ‘मुळशी पॅटर्न’चा हिंदी रिमेक असलेल्या ‘अंतिम: द फाइनल ट्रुथ’च्या चित्रीकरणास सुरूवात झाली आहे. नुकताच या चित्रपटाचा दमदार टीझर प्रदर्शित झाला आहे.
सलमान खानची भूमिका असलेला ‘अंतिम: द फाइनल ट्रुथ’ या चित्रपटात अभिनेता आयुष शर्मा देखील महत्त्वाची भूमिका साकारणार आहे. या चित्रपटाचा टीझर सध्या सोशल मीडियावर व्हायरल झाला आहे.
Antim begins..#AntimFirstLook – https://t.co/4VWQwDpsmJ#AayushSharma @manjrekarmahesh @SKFilmsOfficial
— Salman Khan (@BeingSalmanKhan) December 21, 2020
टीझरची सुरुवात ही सलमान आणि आयुषच्या फायटींग सीनने होते. दरम्यान दोघेही शर्टलेस असल्याचे पाहायला मिळते. आयुषचा एक वेगळा लूक या चित्रपटात पाहायला मिळणार आहे.
‘अंतिम: द फाइनल ट्रुथ’ चित्रपटामध्ये सलमान खान पोलिस अधिकाऱ्याची भूमिका साकारणार आहे तर आयुष गँगस्टरची भूमिका साकारत आहे. हा चित्रपट २०२१मध्ये प्रदर्शित होणार असल्याचं सांगितले जात आहे.
