Bhosari : पेट्रोलपंपावर 18 लाख रुपयांची अफरातफर करणाऱ्या व्यवस्थापकावर गुन्हा
एमपीसी न्यूज – पेट्रोलपंपावर 18 लाख रुपयांची (Bhosari ) अफरातफर केल्या प्रकरणी पेट्रोल पंपाच्या व्यवस्थापकावर गुन्हा दाखल करण्यात आला आहे. ही अफरातफर 24 सप्टेंबर रोजी दुपारी 3 ते रात्री 11 या दहा तासाच्या कालावधीत एमआयडीसी भोसरी येथील गावडे पेट्रोलपंपावर घडला आहे.
याप्रकरणी राम सदाशिव गावडे (वय 49, रा.आळंदी) यांनी एमआयडीसी भोसरी पोलीस ठाण्यात बुधवारी फिर्याद दिली आहे. यावरून रचितकुमार राकेश पांडे (वय 27, रा.उत्तरप्रदेश) याच्यावर गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी यांच्या पेट्रोलपंपावर आरोपी हा व्यवस्थापक म्हणून काम करत होता. त्याने त्याच्या अधिकाराचा गैरवापर करत 24 सप्टेंबर रोजी केवळ दहा तासाच 18 लाख 30 हजार 490 रुपयांची अफरातफर केली.
अपहार झाल्याचे लक्षात येताच फिर्यादी (Bhosari ) यांनी पोलिसांकडे धाव घेतली. एमआयीडीसी भोसरी पोलीस याचा पुढील तपास करत आहेत.
