Bhosari news: भोसरी येथे उद्या ‘प्राईड ऑफ पिंपरी-चिंचवड’ पुरस्कार वितरण सोहळा
एमपीसी न्यूज – कोरोना आणि लॉकडाउनच्या काळात सर्वसामान्य नागरिकांचे आरोग्य अन् सुरक्षिततेसाठी लढणाऱ्या पिंपरी-चिंचवडमधील प्रातिनिधिक स्वरुपात 25 कोरोना योद्धांचा गौरव केला जाणार आहे.
चिखली- मोशी- चऱ्होली हाउसिंग सोसायटी फेडरेशनच्या पुढाकाराने ‘अनसंग वॉरिअर्स, प्राईड ऑफ पिंपरी-चिंचवड’ या पुरस्कारांचे वितरण करण्यात येणार आहे.
भोसरी येथील कै. अंकुशराव लांडगे नाट्यगृहात उद्या (शनिवारी) सांयकाळी 5 वाजता हा सन्मान व पुरस्कार वितरण सोहळा होईल.
महापौर उषा ढोरे, महापालिका आयुक्त श्रावण हर्डीकर, पोलीस आयुक्त कृष्ण प्रकाश आदी मान्यवर उपस्थित राहणार आहेत, अशी माहिती फेडरेशनचे सचिव संजीवन सांगळे यांनी दिली.