Bhosari : चिखली, मोशी, वडमुखवाडी, भोसरीत चित्ररथाद्वारे मतदान जनजागृती 

चित्ररथ व कलापथक यांच्याद्वारे मतदान जनजागृतीची विशेष मोहीम सुरु आहे. शिरूर लोकसभा मतदारसंघात 29 एप्रिल रोजी मतदान होणार आहे. या निवडणुकीत मतदानाचा टक्का वाढविण्यासाठी विविध स्तरावरून प्रयत्न केला जात आहे. विविध उपक्रम आणि कार्यक्रमांतून मतदारांना मतदान केंद्रावर आणण्याचा प्रयत्नही करण्यात येत आहे. यासाठी विशेष चित्ररथ आणि कलापथकाद्वारे मतदान जागृती केली जात आहे. याकरिता निवडणूक कक्षाद्वारे भोसरी,पिंपरी,चिंचवड या विधानसभा मतदारसंघासाठी तीन खास चित्ररथांची निर्मिती करण्यात आली आहे.

या माध्यमातून निश्चितपणे मतदानाचा टक्का वाढण्यास मदत होईल, असा विश्वास सहाय्यक निवडणूक निर्णय अधिकारी रेश्मा माळी यांनी व्यक्त केला.याप्रसंगी स्वीप कक्षाचे सहाय्यक अधिकारी प्रदीप शिंदे,अविनाश वाळुंज, बाळासाहेब जाधव,क्षितीज शिंदे, मनोज मराठे उपस्थित होते. जनसंपर्क विभागाचे मुख्य लिपिक भोसले यांनी संयोजन केले.