Bhosari : आदर्श आचारसंहितेचा भंग केल्याप्रकरणी दोन रिक्षाचालकावर गुन्हा दाखल

एमपीसी न्यूज – राष्ट्रवादीचा झेंडा आणि बॅनर लावून प्रचार करण्यात आला. पक्षाचा प्रचार असला तरी आदर्श आचारसंहितेचा भंग केल्याप्रकरणी दोन रिक्षाचालकावर गुन्हा दाखल करण्यात आला आहे. ही घटना रविवारी (दि. 13) भोसरी येथे घडली.

_MPC_DIR_MPU_II

उपनिरीक्षक संदीप ओहोळ (वय 33) यांनी भोसरी पोलीस ठाण्यात फिर्याद दिली आहे. त्यानुसार एमएच-14-एचएम-3261 आणि एमएच-14-जीसी-2069 या दोन रिक्षाचालकांच्या विरोधात गुन्हा दाखल करण्यात आला आहे.

याबाबत वरिष्ठ निरीक्षक शंकर अवताडे यांनी दिलेल्या माहितीनुसार, भोसरी पोलिसांनी दिलेल्या माहितीनुसार, पिंपरी विधानसभा क्षेत्राच्या हद्दीत दोन रिक्षाचालकांनी आपल्या रिक्षावर बॅनर आणि राष्ट्रवादी पक्षाचा झेंडा लावून आदर्श आचारसंहितेचा भंग करत प्रचार करत असल्याचे फोटो प्राप्त झाले. त्या फोटोंमध्ये रिक्षाचा क्रमांक दिसत असल्याने त्यानुसार आचारसंहिता भंगाचा गुन्हा दाखल करण्यात आला आहे. पुढील तपास भोसरी पोलीस करत आहेत.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.