Pune : भारती विद्यापीठ अभियांत्रिकी महाविद्यालयात ‘इनोव्हेशन डे’ साजरा
एमपीसी न्यूज – ‘भारती अभिमत विद्यापीठ अभियांत्रिकी महाविद्यालय(पुणे) येथे ‘इनोव्हेशन डे’ साजरा करण्यात आला. प्राचार्य डॉ. आनंद भालेराव यांनी उद्घाटन केले. माजी राष्ट्रपती डॉ. एपीजे अब्दुल कलाम यांच्या जन्मदिनानिमित्त केंद्रीय मनुष्यबळ खात्याच्या पुढाकाराने ‘इनोव्हेशन डे’ साजरा केला जातो. हा कार्यक्रम १५ ऑक्टोबरला धनकवडी कॅम्पस येथे साजरा करण्यात आला.
यानिमित्त अभियांत्रिकी विद्यार्थ्यांची विज्ञान, तंत्रज्ञान विषयक नाविन्यपूर्ण संकल्पनांची ‘आयडिया कॉम्पेटीशन’ आयोजित करण्यात आली होती. ६०० विद्यार्थ्यांनी त्यात सहभाग घेतला. विज्ञान, तंत्रज्ञान विषयक नाविन्यपूर्ण संकल्पनांचे सादरीकरण त्यांनी केले. संयोजक डॉ. बिंदू गर्ग यांनी स्वागत केले.
उद्योग क्षेत्रातील मान्यवरांनी स्पर्धेतील संकल्पनांचे परीक्षण केले. यातील निवडक संकल्पनांचे प्रकल्प तयार केले जाणार आहेत, अशी माहिती यावेळी देण्यात आली.