Chakan Crime News : विना परवाना पिस्तूल व तीन जिवंत काडतूस जवळ बाळगल्याप्रकरणी दोघांना अटक
एमपीसी न्यूज – विना परवाना एक पिस्तूल व तीन जिवंत काडतूसे जवळ बाळगल्याप्रकरणी दोन जणांना अटक करण्यात आली आहे. सामाजिक सुरक्षा विभागाच्या वतीने बुधवारी (दि.23) रात्री दहाच्या सुमारास चाकण- शिक्रापूर रोडवर ही कारवाई करण्यात आली.
स्वप्निल संजय शिंदे (वय 29, रा. रासे, खेड) व गौरव मच्छिंद्र डोंगरे (वय 22, रा. चाकण), अशी अटक आरोपींची नावे आहेत.
पोलिसांनी दिलेल्या माहितीनुसार, अटक आरोपींनी एक पिस्तूल व तीन जिवंत काडतूसे विना परवाना जवळ बाळगली. याबाबत माहिती मिळताच सामाजिक सुरक्षा पथकाने छापा टाकून त्यांना अटक केली. त्यांच्याजवळून 82 हजार 500 रूपयांचा मुद्देमाल जप्त करण्यात आला आहे.
