Chikhali : रा.स्व.संघातर्फे चिखली मध्ये भव्य स्वदेशी खेळ महाकुंभ

एमपीसी न्यूज – डॉ.बाबासाहेब आंबेडकर यांच्या जयंतीनिमित्त राष्ट्रीय स्वयंसेवक संघ चिखली नगरातर्फे भव्य स्वदेशी खेळ महाकुंभाचे आयोजन 14 एप्रिल रोजी सकाळी 8 ते रात्री 8 पर्यंत चिखली भागातील म्हेत्रे उद्यानात करण्यात आले होते.

या कार्यक्रमाच्या सुरुवातीला भारतरत्न डॉ.बाबासाहेब आंबेडकर यांच्या प्रतिमेचे पूजन करून अभिवादन करण्यात आले. यावेळी राष्ट्रीय स्वयंसेवक संघाचे पश्चिम महाराष्ट्र प्रांत शारीरिक शिक्षण प्रमुख निलेश भंडारी, जिल्हा सहकार्यवाह जयंत जाधव यांच्यासह अनेक मान्यवर प्रामुख्याने उपस्थित होते.

Pimpri : रा. स्व. संघातर्फे भारतरत्न डॉ. बाबासाहेब आंबेडकरांना अभिवादन

या खेळ महाकुंभात लहान मुलांपासून ते जेष्ठ नागरिक अशा सर्वांनी लगोरी,लंगडी,विटीदांडू,काची गोट्या,चकारी,रस्सीखेच,अंधारी कोशिंबीर,,मामाच पत्र, गजगे,चिंचुके,भवरा,कांदा फोडी,कोया,साखळीकागदाचा चेंडू,कागदाचे विमान उडवाउडवी, काचकवड्या,संगीत खुर्ची,नौका युद्ध,लड्डू फोड, चिरघोडा,कुलूप किल्ली,सापाची झोप,गाव गुंड, तीन पाय शर्यत,वारे भोंदू,चीपरी – टिपऱ्या,मर्दानी खेळ, कब्बडी,कराटे आदी 32  प्रकारच्या पारंपरिक पद्धतीच्या खेळांचा उस्फुर्तपणे आनंद घेतला.

आजच्या धावत्या युगात मुलांची जीवनशैली, सोशल मीडियाचा अतिवापर, मैदानांची उपलब्धता हे सर्व आव्हाने समोर असताना मुलांना स्वदेशी खेळ खेळण्यासाठी प्रोत्साहनपर खेळाचे प्रात्यक्षिके तसेच पिण्याचे पाणी, फळे, प्रथमोपचार अशा सर्व सोईसोबतच मोठ्या आखीव मैदानात स्वदेशी खेळाचे सर्व साहित्य उपलब्ध करून आयोजकांनी उत्तम नियोजन करून मुलांना स्वदेशी खेळ जाणून घेऊन खेळण्याची / शिकण्याची संधी उपलब्ध करून दिल्याबद्दल पालक व उपस्थित नागरिक (Chikhali) समाधान व्यक्त करीत होते. हे खेळ बघण्यासाठी व खेळण्यासाठी जवळजवळ एक हजारहून अधिक (Chikhali) नागरिकांनी या खेळ महाकुंभाला भेट दिल्याचे आयोजकांनी सांगितले.