Chikhali News: लैंगिक अत्याचारामुळे अल्पवयीन मुलगी गर्भवती, दोन वर्षांनी गुन्हा दाखल

एमपीसी न्यूज – लैंगिक अत्याचार केल्याने अल्पवयीन मुलगी दोन महिन्यांची गर्भवती राहिली आहे. समाज मंदीरात भेटण्यासाठी बोलवून मुलीवर जबरदस्तीने लैंगिक आत्याचार केला. चिखली येथील घरकुल परिसरात फेब्रुवारी 2020 मध्ये ही घटना घडली. या प्रकरणी दोन वर्षांनंतर फिर्याद नोंदविण्यात आली आहे.

अल्पवयीन पीडित मुलीने चिखली पोलीस ठाण्यात दिलेल्या फिर्यादीवरून साहिल निसर्गंध (रा. चिखली) याच्या विरोधात गुन्हा दाखल केला आहे.

पोलिसांनी दिलेल्या माहितीनुसार, आरोपीने फिर्यादी अल्पवयीन मुलीला समाज मंदीरात भेटण्यासाठी बोलवले. तिथे बांधकाम साईटवर जबरदस्तीने तिच्यावर लैंगिक आत्याचार केला. घरी सांगितल्यास तुला बघुन घेतो अशी धमकी दिली. पीडित मुलगी दोन महिन्यांची गर्भवती राहिली. चिखली पोलीस अधिक तपास करीत आहेत.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.