Chinchwad Crime News : करारनाम्याचा भंग आणि चोरी प्रकरणी डॉक्टरवर गुन्हा

0

एमपीसी न्यूज – करारनाम्याचा भंग तसेच चोरी प्रकरणी एका डॉक्‍टर विरोधात गुन्हा दाखल करण्यात आला आहे. ही घटना चापेकर चौक, चिंचवड येथे 4 एप्रिल रोजी घडली. याबाबत एक महिन्यानंतर गुन्हा दाखल करण्यात आला आहे.

डॉ. सुशील रमाकांत कुलकर्णी (वय 49, रा. प्रेमलोक पार्क, चिंचवड) असे गुन्हा दाखल झालेल्या आरोपी डॉक्‍टरचे नाव आहे. डॉ. भालचंद्र शांताराम मोरे (वय 53, रा. इंद्रायणीनगर, भोसरी) यांनी सोमवारी (दि. 3) याबाबत चिंचवड पोलीस ठाण्यात फिर्याद दिली आहे.

_MPC_DIR_MPU_II

पोलिसांनी दिलेल्या माहितीनुसार, डॉ. सुशील कुलकर्णी याने मिळकतीच्या करारनाम्यानुसार ताबा मिळाला असतानाही करारनामा रद्द न करता फिर्यादी डॉ. मोरे यांच्या संमतीविना मिळकतीमध्ये प्रवेश केला.

तसेच फिर्यादी यांच्या ड्राव्हरमधील सात लाख रुपयांची रोख रक्‍कम आणि साडेतीन लाख रुपयांचे वैद्यकिय साहित्य, असा एकूण 10 लाख 50 हजारांचा ऐवज चोरून नेला असल्याचे फिर्यादीत म्हटले आहे.

चिंचवड पोलीस तपास करीत आहेत.

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

Leave a comment