Chinchwad Crime News : नियमांचे उल्लंघन सुरूच ! मास्क न वापरल्या प्रकरणी 298 जणांवर कारवाई
एमपीसी न्यूज – करोनाच्या पार्श्वभूमीवर मास्क न लावता नियमांचे उल्लंघन केल्या प्रकरणी पोलिसांकडून कारवाई सुरु आहे. बुधवारी (दि. 28) पिंपरी-चिंचवड पोलीस आयुक्तालयांतर्गत विनामास्कच्या आदेशाचा भंग करणाऱ्या 298 जणांवर पोलिसांनी कारवाई केली.
शहरातील करोना बाधितांची संख्या आणि मृत्यूमुखी पडणाऱ्यांची संख्या दिवसेंदिवस वाढत चालली आहे. यामुळे नागरिकांनी मास्क वापरावा, असे आवाहन महापालिका आणि पोलीस प्रशासनाकडून केले जात आहे. आदेशांचे भंग करुन मास्क न वापरणाऱ्यावर कारवाई करण्यात येत आहे.
बुधवारी पोलिसांनी केलेली कारवाई
एमआयडीसी भोसरी (17), भोसरी (08), पिंपरी (35), चिंचवड (30), निगडी (28), आळंदी (20), चाकण (14), दिघी (12), सांगवी (20), वाकड (04), हिंजवडी (28), देहूरोड (05), तळेगाव दाभाडे (11), तळेगाव एमआयडीसी (03) चिखली (19), रावेत चौकी (14), शिरगाव चौकी (30), म्हाळुंगे चौकी (00)
