Chinchwad : सरकारी आदेशाचे उल्लंघन करून विनाकारण घराबाहेर याल तर आरोपी व्हाल : पोलिसांचा इशारा
एमपीसी न्यूज – सरकारी आदेशाचे उल्लंघन करून जीवनावश्यक वस्तू आणि सेवा यांच्या व्यतिरिक्त इतर दुकाने उघडी ठेवल्यास पोलिसांकडून त्यांच्यावर कारवाई करण्यात येत आहे. याचबरोबर विनाकारण घराबाहेर फिरणाऱ्या नागरिकांवर देखील पोलिसांकडून कारवाई करण्यात येत आहे. त्यामुळे विनाकारण घराबाहेर याल तर आरोपी व्हाल, असा इशारा पोलिसांकडून देण्यात येत आहे. दरम्यान, सरकारी आदेशाला केराची टोपली दाखवत दुकाने सुरू ठेवणाऱ्या, तसेच विनाकारण घराबाहेर येणार्‍या एकूण 73 जणांवर बुधवारी (दि. 25) कारवाई करण्यात आली आहे.
गर्दी टाळण्यासाठी सर्व शॉपिंग मॉल, दुकाने, आस्थापना पुढील आदेशापर्यंत बंद राहतील. अत्यावश्यक किराणा सामान, दूध, भाजीपाला, औषधे आणि अन्य जीवनावश्यक वस्तूंची दुकाने वगळण्यात आली आहेत. मात्र, जिलाधिका-यांच्या आदेशाकडे कानाडोळा करून काही दुकानदार दुकाने सुरूच ठेवत आहेत. त्या दुकानदारांना समजावण्यासाठी पोलीस रस्त्यावर उतरले आहेत. समज देऊनही दुकाने सुरु ठेवल्यास पोलिसांकडून संबंधित दुकानदारांवर भारतीय दंड विधान कलम 188 प्रमाणे गुन्हा दाखल करण्यात येत आहेत.
गुरुवारी (दि. 19) 129, शुक्रवारी (दि. 20) 80, शनिवारी (दि. 21) 29, रविवारी (दि. 22) 6, सोमवारी (दि. 23) 15, मंगळवारी (दि. 24) 86, बुधवारी (दि. 25) 73 दुकांदार आणि नागरिकांवर कारवाई करण्यात आली आहे.
बुधवारी करण्यात आलेली कारवाई
भोसरी – 04
पिंपरी – 04
चिंचवड – 07
निगडी – 08
देहूरोड – 07
आळंदी – 04
चाकण – 03
दिघी – 02
सांगवी – 04
वाकड – 06
हिंजवडी – 12
तळेगाव दाभाडे – 00
तळेगाव एमआयडीसी – 00
चिखली – 03
शिरगाव चौकी – 00
रावेत चौकी – 00
म्हाळुंगे चौकी – 00
एकूण – 73
