Chinchwad News: पिंपरी-चिंचवड पोलिसांकडून बुधवारी 156 जणांवर कारवाई
Chinchwad News: Pimpri-Chinchwad police on Wednesday took action against 156 people who violated lockdown rules
एमपीसी न्यूज – टाळेबंदीच्या आदेशाचे उल्लंघन केल्याप्रकरणी पिंपरी-चिंचवड पोलिसांनी बुधवारी (दि.19) 156 जणांवर कारवाई केली आहे. शहरात कोरोनाचा कहर वाढत आहे. त्यात टाळेबंदीच्या नियमांचे उल्लंघन करून नागरिक आपल्या आरोग्याची हेळसांड करीत असल्याचे चित्र आहे.
पिंपरी-चिंचवड शहरातील कोरोनामुळे मृत्यू झालेल्या संख्येत दिवसेंदिवस वाढ होत आहे. कोरोनामुळे तब्बल 41 जणांचा बुधवारी मृत्यू झाला आहे. मृत्यूच्या संख्येत वाढ होत असल्याने चिंता व्यक्त केली जात आहे.
शहराच्या विविध भागातील 853 आणि पालिका हद्दीबाहेरील 12 अशा 865 नवीन रुग्णांची भर पडली आहे. यामुळे शहरातील आजपर्यंतची रुग्णसंख्या 37 हजार 716 झाली आहे.
पिंपरी-चिंचवड शहरात कोरोनाच्या रुग्णांमध्ये दिवसेंदिवस मोठ्या प्रमाणात वाढ होत आहे. दररोज 800 ते 1000 रुग्णांची भर पडत आहे. यामुळे शहरवासियांमध्ये भीतीचे वातावरण पसरले आहे.
प्रशासनाकडून कोरोना विषाणूचा प्रादुर्भाव वाढू नये यासाठी टाळेबंदीची घोषणा करण्यात आली आहे. टाळेबंदीचे नियम नागरिकांनी पाळावे, असे आवाहन प्रशासनाकडून केले जात आहे. मात्र, काही नागरिक या नियमांना पायदळी तुडवत आहेत.
बुधवारी (दि.19) पिंपरी-चिंचवड पोलिसांनी भारतीय दंड विधान कलम 188 नुसार केलेली कारवाई पुढीलप्रमाणे –
एमआयडीसी भोसरी (15), भोसरी (14), पिंपरी (18), चिंचवड (15), निगडी (11), आळंदी (0), चाकण (0), दिघी (14), म्हाळुंगे चौकी (1), सांगवी (8), वाकड (6), हिंजवडी (24), देहूरोड (0), तळेगाव दाभाडे (8), तळेगाव एमआयडीसी (1), चिखली (16), रावेत चौकी (0), शिरगाव चौकी (5)