Chinchwad News : पिंपरी-चिंचवड पोलिसांकडून 212 जणांवर कारवाई
एमपीसी न्यूज – प्रशासनाच्या आदेशाचे उल्लंघन केल्याप्रकरणी पिंपरी-चिंचवड पोलिसांनी शनिवारी (दि. 12) 212 जणांवर कारवाई केली आहे.
कोरोना साथीच्या पार्श्वभूमीवर लागू करण्यात आलेल्या संचारबंदी, जमावबंदीच्या आदेशाचे नागरिकांकडून अजूनही पालन केले जात नाही. कारवाईच्या आकडेवारीवरून हे स्पष्ट होत आहे.
कोरोनाची साथ सुरु होऊन आता सहा महिन्यांचा कालावधी उलटून गेला आहे. या काळात टाळेबंदी जाहीर करून ती शिथिल देखील करण्यात आली. मात्र, काही नागरिकांनी टाळेबंदी आणि कोरोनाला गांभीर्याने घेतले नाही.ही बाब कोरोनाची साथ पसरण्यासाठी पोषक ठरणारी आहे. त्यामुळे अशा नागरिकांवर पोलिसांकडून कारवाई करण्यात येत आहे.
मागील आठवड्यापासून पिंपरी चिंचवड शहरात कारवाईने जोर पकडला आहे. प्रशासनाने दिलेल्या सूचनांचे पालन करण्याचे आवाहन वारंवार करण्यात येत आहे. त्यातच आता सार्वजनिक ठिकाणी थुंकणे, मास्क न लावता घराबाहेर पडणे यावर देखील पोलिसांकडून कारवाई केली जात आहे.
शनिवारी केलेली कारवाई
