Chinchwad : पिंपरी-चिंचवड पोलिसांकडून 129 जणांवर खटले
एमपीसी न्यूज – प्रशासनाच्या आदेशाचे उल्लंघन केल्याप्रकरणी पिंपरी-चिंचवड पोलिसांनी 129 जणांवर भारतीय दंड संहिता कलम 188 नुसार खटले दाखल केले आहेत. सोमवारी पिंपरी-चिंचवड शहरात एकाही व्यक्तीवर कारवाई करण्यात आली नव्हती. त्यानंतर दुस-या दिवशी (मंगळवारी, दि. 15) एकदम 129 जणांवर कारवाई करत खटले दाखल करण्यात आले.
कोरोनाच्या पार्श्वभूमीवर शहरात संचारबंदी आणि जमावबंदीचे आदेश देण्यात आले आहेत. त्याची अंमलबजावणी पोलिसांकडून केली जात आहे. याव्यतिरिक्त प्रशासनाने वेळोवेळी दिलेल्या आदेशांची देखील पोलिसांकडून अंमलबजावणी केली जात आहे. मास्क न वापरणा-या तसेच सार्वजनिक ठिकाणी थुंकणा-या लोकांवर महापालिकेकडून दंडात्मक कारवाई केली जात आहे. या कारवाईसाठी देखील पोलीस सहकार्य करीत आहेत.
पिंपरी-चिंचवड शहरात कोरोनाचा प्रादुर्भाव वाढत आहे. कोरोनाची साथ नियंत्रणात आणण्यासाठी विविध स्तरावर प्रयत्न केले जात आहेत.
मंगळवारी (दि. 15) केलेली कारवाई –
एमआयडीसी भोसरी (0), भोसरी (1), पिंपरी (41), चिंचवड (5), निगडी (12), आळंदी (0), चाकण (1), दिघी (6), म्हाळुंगे चौकी (0), सांगवी (15), वाकड (0), हिंजवडी (15), देहूरोड (9), तळेगाव दाभाडे (5), तळेगाव एमआयडीसी (0), चिखली (15), रावेत चौकी (4), शिरगाव चौकी (0)
